== هل ستشاركين في الانتخابات القادمة ؟ أم لا ؟ و لماذا ؟ ==

[غروري ضروري]

انا بصوت ...

بس لازم أفكر عدل منو بختار عشان لايتكرر اللي صااار ...

الصوت امانه ولازم اصوت ...​

معاااااااااج قلبا وقاااااااالبا_03BA:
نفس اللي بقوله:tomato2:

 

[عاشقة وطنها]

بصووت وصلووا إستخاره قبل الاختيار نصيحـه

 

[(كويتيه عسل)]

تم التصويت ماراح اشارك موكفووو

الانتخابات راح تكون في شهر 5 يعني في عزززز الحر

اروح بهالزحمه واوقف بهالحر وانطر طوابير

علشان ناس موكفو ولايستاهلون يستغلون احتياجاتنا

علشان يثيرون وطنيتنا ونصوتهم

واهما يبون يدخلون المجلس علشان مصالحهم الشخصيه

موعلشان سواد عيون الكويت

في يوم الانتخابات اذا عقبها عطله بسافر واستانس

 

[هجير الريح]

ماراح اصوت لان همهم مصالحهم الشخصيه والكويت والناس اللى رشحوهم اخر همهم ليش اساعدهم بصوتى واوصلهم المجلس ومشكوره حبوبه على مجهودج

 

[لحظة لقاء]

ماراح اصوت وياريت مافي مجلس امه

 

[ღ كحلاء العين ღ]

السلام عليكم و رحمة الله و بركاته

اممممممممم ...........

أنـــــــا ضد عدم التصويت ............
لأن الصوت أمانـــــة ولازم نختار الي كفو و يخاف ربه و يا ليت محد يختار شخص علشان " قبيلته " .........

و لا " رفيجه " و لا " مصلحة " لأن احنا الي ضيعنا نفسنا ..............

و ياليت يكون في مرة بــــس وحدة سنعة و زينة وفاهمـــــة وتكون مستورة و تخاف ربها .......

و يا ليت الحريم المنتخبات يتحدون مع بعض و يصيرون للكويت ........

بـــــــس خوفي يوم يوصلون للمجلس يقلبون علينا و يخونونا ........... ( ترى يصير )

و أنا ضد عدم التصويت .........

صوتوا لكن صوتوا بأمانة ............و الي راح لا يرد ...........

و أنــــــا باقيلي تقريباً 7 سنوات على ما أقدر أصوت <<< جاهل وتتفلسف


و مــــــــــــــع السلامـــــــة .......... ​

 

[Confused Girl]

انا انشالله راح أصوت لأول مره ..

وراح اصوت حق الشخص اللي فعلا يمثلنا ويبي مصلحة الكويت وشعبها فوق كل شي ..

تعبنا من الناس الجاهله اللي ما تهمهم الكووووووووويت !!

اذا كلنا قلنا ما نبي نصوت ( لأن الاعضاء نفسهم ماراح يتغيرون .. فعلا هذا اللي راح يصير .. ) !!

بس اذا انا صوت حق الشخص اللي يستاهل ..

وانتي صوتي وانتي صوتي

وانتي

وانتي ..

تتوقعون ماراح يتغير شي ؟!

أكيد راح يتغير

هذي الكــويـــت .. نبيها ترد مثل ما كانت وأحسن .. حرام اللي قاعد يسووونه فيها والله حراااااااااااام :eh_s(14):

 

[أم شواقه]

ماراااح اصوت ،،،،وكلامي نفس كلااام البنااااات

صااار مجلس يهااال للصراخ والاستجوابااات

 

[أمواج البحر]

اذا شفت شخص كفؤ و يستاهل

اكيد بصوت ... وترى يا بنات بايدكم تختارون الشخص المناسب

وان شاء الله اللي يمثلنا يكونون من خيرة الشعب

 

[محامية كويتية]

إن شاء الله راح أصوت
لأن هذي نعمة عندنا واحنا لازم نحمد ربنا عليها
الكويت دولة ديموقراطية والحين احنا النساء خذينا حقوقنا الانتخابية
فمو معقول عقب كل هالانتظار ما نصوت
أنا رايي إن احنا لازم نمارس بالعملية الانتخابية عشان نوصل اللي يستحق يمثلنا
لأن لو أنا ما صوت وانتي ما صوتي وغيرج ما صوت معناها الأقلية الفاسدة هم اللي راح يوصلون
فلازم احنا نراعي ضميرنا وربنا ونصوت حق اللي يستحق ونبذل اللي علينا والباجي على الله
وإن شاء الله نكون اخترنا الشخص الكفئ

 

[*مارلين_مونرو*]

اي نعم راح اصووت و هذا شرف لي اني اشارك في العملية السياسية ..

الكويت تستاهل اللي يعزها و يحبها واللي يرفع من قدرها .. لكن راح اصوت للوجوه الجديده لاصحاب الشهادات العليا وللمرأة ..

 

[بيسان الكويت]

تم التصويت
شكراً توفا

 

[**توفا**]

حبايبي كلكم ياكويتيات ..
شكرا للتصويت ..

 

[**توفا**]

توفا اسمحيلي ترا انتي قاعدة تحرضين البنات على السلبية والجهل وايصال ناس ماتستاهل فلوسمحتي لاتعمين وجه نظرج الي مافيها ولا شي من صالح هالديرة بجد مستائة من طرحج حيل قليل من الوعي في اهمية هالمجلس والدستور عشان تعرفون صالحكم

أختي الغالية دارين ....
أعتقد بل و أكاد أجزم بأن تقدم الكويت و تطورها يعتمد بعد الله -تعالى- على شيئين لا ثالث لهما :
** أولا : يكفي بلادي فخرا أن من يحكمها هم آل الصباح الكرام ، يكفينا فخرا أننا ننعم بحكام لا مثيل لهم في كل بقاع الدنيا ، و لا نظير لعطائهم و تواضعهم و إخلاصهم لنا و لوطننا الغالي ، يكفينا فخرا أن (( صباح الأحمد )) أميرنا ، و أن (( نواف الأحمد )) ولي عهدنا ، بعد كل هذا العز!!!قولي لي من مثلنا ؟؟؟!!!
** ثانيا : يكفي بلادي فخرا شعبها الأبي الجبار ، يكفيها أنني ابنتها ، و أنك ابنتها ، و أننا جميعا شبابها المخلص ، الذي يأبى هوانها و لا يرضى إلا بعزتها ، فمن مثلنا ؟؟ من مثل الكويتيين ؟؟؟؟
أختي الغالية .. الكويــــــــت بحد ذاتها مجلس أمة كبيــــر ، من شرقها إلى غربها ، من شمالها إلى جنوبها ، ديوانياتنا مجلس أمة ، منازلنا مجلس أمة ، صحافتنا مجلس أمة ، مدارسنا مجلس أمة ، وزاراتنا مجلس أمة ، كل ما نريده نحصل عليه .. و كل ما نريده نقوله بلا خوف .. لأننا ببساطة تحت حكم آل الصباح حفظهم الله .. و لأننا ببساطة في الكويت .. فالكويت مجلس أمة ، و مجلس شعب ، و مجلس شورى .. فهل يوجد في كل دول العالم من هو مثلنا ؟؟؟؟؟
أختي الغالية ... بلادنا ستتطور .. ستتقدم .. ستصل إلى مكانها الطبيعي تحت الشمس بجهودنا ، بعطائنا ، بشيوخنا ، بوزرائنا ، و حكومتنا ، فوطن يحكمه (( صباح الأحمد )) لابد له من القمة و الرفعة و العزة و النصر .....
أختي الغالية ..... كل حرف من حروفي ينبض بحب بلادي ، و لا يحمل في طياته جهلا و سلبية ، و نحن جميعا لدينا الإدراك و الوعي لنختار ما هو في صالحنا ، هدفنا الأول و الأخيرهو مصلحة كويتنا الحبيبة ..
لك كل تقديري .... أختك : توفا ..

 

[شـبـيـه الـريـح]

آنا اذا فكـــــرت أصوت راح يكـــون صوتي لولد عمي لأنه الوحــيـــد اللي يستاهـــل فديـــتـه

 

[Fantazya]

لانهم لوعو جبودنا

 

[sss119]

أنا راح أشارك وراح أصوت للأفضل لان بالعكس اذا ماشاركنا راح نعطي مجال للأعضاء السيئيين يستمرون بالمجلس

 

[ii DareeN ii]

أختي الغالية دارين ....
أعتقد بل و أكاد أجزم بأن تقدم الكويت و تطورها يعتمد بعد الله -تعالى- على شيئين لا ثالث لهما :
** أولا : يكفي بلادي فخرا أن من يحكمها هم آل الصباح الكرام ، يكفينا فخرا أننا ننعم بحكام لا مثيل لهم في كل بقاع الدنيا ، و لا نظير لعطائهم و تواضعهم و إخلاصهم لنا و لوطننا الغالي ، يكفينا فخرا أن (( صباح الأحمد )) أميرنا ، و أن (( نواف الأحمد )) ولي عهدنا ، بعد كل هذا العز!!!قولي لي من مثلنا ؟؟؟!!!
** ثانيا : يكفي بلادي فخرا شعبها الأبي الجبار ، يكفيها أنني ابنتها ، و أنك ابنتها ، و أننا جميعا شبابها المخلص ، الذي يأبى هوانها و لا يرضى إلا بعزتها ، فمن مثلنا ؟؟ من مثل الكويتيين ؟؟؟؟
أختي الغالية .. الكويــــــــت بحد ذاتها مجلس أمة كبيــــر ، من شرقها إلى غربها ، من شمالها إلى جنوبها ، ديوانياتنا مجلس أمة ، منازلنا مجلس أمة ، صحافتنا مجلس أمة ، مدارسنا مجلس أمة ، وزاراتنا مجلس أمة ، كل ما نريده نحصل عليه .. و كل ما نريده نقوله بلا خوف .. لأننا ببساطة تحت حكم آل الصباح حفظهم الله .. و لأننا ببساطة في الكويت .. فالكويت مجلس أمة ، و مجلس شعب ، و مجلس شورى .. فهل يوجد في كل دول العالم من هو مثلنا ؟؟؟؟؟
أختي الغالية ... بلادنا ستتطور .. ستتقدم .. ستصل إلى مكانها الطبيعي تحت الشمس بجهودنا ، بعطائنا ، بشيوخنا ، بوزرائنا ، و حكومتنا ، فوطن يحكمه (( صباح الأحمد )) لابد له من القمة و الرفعة و العزة و النصر .....
أختي الغالية ..... كل حرف من حروفي ينبض بحب بلادي ، و لا يحمل في طياته جهلا و سلبية ، و نحن جميعا لدينا الإدراك و الوعي لنختار ما هو في صالحنا ، هدفنا الأول و الأخيرهو مصلحة كويتنا الحبيبة ..
لك كل تقديري .... أختك : توفا ..

حب الكويت مايخليج تحرضين الناس بكل جهل على مقاطعة العملية السياسية لو انج قارية تاريخ لكويت قبل المجلس جان عرفتي يعني شنو مجلس وشنو حرية وشنو ديموقراطية لكن للاسف ماضنج قريتي الكلام الانشائي مايوكل عيش ولا عمر بلد الناس تحسدنا على ديموقراطيتنا وعلى المجلس وعلى الحريات وحضرتج ياية بكل بساطة قاطعوها اي حب اي نبض الي يخليج تدعين هالدعوة الحب يعني ان الواحد يفهم شيقول ويعرف شيقول ويعرف بالامور ويعرف تاريخ دولتة وشنو المشاكل والازمات الي مرت فيها


عبدالله السالم اعز لكويتين بهالمجلس وهالدستور ويايين ناس بكل جهل يحاولون ينهونة عقب راح يبجون دم عليه لي فقدوه

 

[طير الحب]

ماراح اشارك

 

[۩ غيـر عنهم ۩]

انا بصوت ...

بس لازم أفكر عدل منو بختار عشان لايتكرر اللي صااار ...

الصوت امانه ولازم اصوت ...​

راح اصوت للمره الثالثه
هذا واجبي اتجاه الكويت نصوت للافضل وعن قناعه
مو لما نروح الانتخابات نجذب مثل المغناطيس لفلان وعلان عشان معرف ولا مصالح

الكويت امانه