مطعم نودلز فاكتوري في الافنيوز منو يروحله؟

[[المهندسة]]

شلووووووونكم بنات

عندي سؤال عن مطعم نودلز فاكتوري في الافنيوز منو يروح المطعم وابي اعرف شنو الاكلات الحلوة اللي تاكلونها؟

مع ذكر اسم الاكله ؟؟

ومشكووورين

 

[أم حسون]

والله انا رحت مره وطلبنا انا ويلي نوعين شوربه ماذكر شنو بس اتوقع دياي مع ذره ماكانت ذاك الزود
وانا طلبت نودلز خضار وريلي نودلز ربيان هم ماكان حلو
طلبنا بروكلي مع مشروم وصويا صوص كان لذيذ

 

[om 3bdullah]

انا ماعرف اسم الاكله بس هي شوربه فيها وانتون ربيان ونودلز بصراحه لذيذه وبروحها تشيع

ونطلب مثل عجينه فيها سمج تلاقين هالاكله بالمنيو صورتها وحتى الشوربه

مشكلتي ماحفظت اسامي الاكلات عندهم

 

[بيسان الكويت]

هلا والله
رحتله مرة وحده وطلبنا رز مع خضار ودياي مقطع
وشوربه وطلبنا نودلز
بس الصراحة ما عجبني الأكل كلش
ما أنصحج تروحيله

 

[chocolate cake]

انا اذكر اول ما فتح رحتله

امبي استغفر الله ما عجبني كللللللش

ما اذكر شنو طلبنا بس ماكان حلو

مادري اذا الحين تغير او لأ

بس صج صج كل ما امر يما و اشوووف في اوادم اقول شلون قاعدين ياكلون منه ؟؟

يمكن احنا ما عرفنا نطلب او صج الاكل مو ذاك الزووود مادري الصراحه

 

[شمع تحترق]

انا شفت المنيو ما عجبني جان اطلع

 

[جرجيره]

يهبل المطعم اطلبي المقبلات جوانح الدجاج و كالاماري و رافيولي بالسمك
الاطباق الرئيسيه عيش بالخضار و ربيان بالفلفل موجوده صورتة بالمنيو مو طبيعي و نودلز بالحم و اختي مره طلبت شوربة بعد حلوه وربيان حامض حلو .
يالأخير انصحج بالمطعم اكله حلو.

 

[أمانيQ8]

رحت له ماياز لي كللللش

 

[eng.q8]

مارحتله

 

[koosa]

انا رحتله يمكن 4 مرات والله حلو انا يعجبني اكله

والوجبة اللي اطلبها ما اعرف اسمها بس اهي عيش مع دياي و بالرسمة يحطون فوقه بيض

لذيييذ

 

[ام ابوها]

واللة مارحتلة ولامرة مااحب اجرب شي جديد

 

[زهرااا]

والله جذابين
المطعم اينن
اكله حلوو وااايد

 

[Ummhsn]

حبيبتي والله الناس اذواق..

انا عن نفسي ما عجبني ولا سمعت احت يمدحه..

كل اللي اعرفهم راحو له ذموه..

عشان جذي ما رحت..

بس السالفه سالفه اذواق.. يمكن يعجبج اكلهم..

روحي جربيه وقولي لنا اشلون صاير اكلهم..

انا يمكن اجربه بيوم من الايام.. وان ما عجبني ما اروح له مره ثانيه..

وانتي وحظج..

موفقه حبيبتي..

 

[supermarket]

ماجربته

 

[[المهندسة]]

انا اذكر اول ما فتح رحتله

امبي استغفر الله ما عجبني كللللللش

ما اذكر شنو طلبنا بس ماكان حلو

مادري اذا الحين تغير او لأ

بس صج صج كل ما امر يما و اشوووف في اوادم اقول شلون قاعدين ياكلون منه ؟؟

يمكن احنا ما عرفنا نطلب او صج الاكل مو ذاك الزووود مادري الصراحه

لووووووووووووووووووووووووول ضحكتيني

اي اهي المشكله ماتعرفين شنو تطلبين

 

[[المهندسة]]

انا شفت المنيو ما عجبني جان اطلع

لووووووووووووووووووووول

جان جربتي مرات الشوفه ماتشجع بس لم تذوقين حلو بس مو كل مرات تضبط لول

 

[[المهندسة]]

يهبل المطعم اطلبي المقبلات جوانح الدجاج و كالاماري و رافيولي بالسمك
الاطباق الرئيسيه عيش بالخضار و ربيان بالفلفل موجوده صورتة بالمنيو مو طبيعي و نودلز بالحم و اختي مره طلبت شوربة بعد حلوه وربيان حامض حلو .
يالأخير انصحج بالمطعم اكله حلو.

مممممممم انا ذقت الجوانح ماعجبني طعمه والسمج مادري صعبه لول

ربيان حلو احبه بس مشكلت الطبق هذا حار وماحب شي فلفل

انا تدرين شنو اطلب اكله وحده ماغيرها ولم اغيرها مايعجبني بس اشوف الناس تطلب اشياء حلوه مادري شساميها بالمنيو عشان جذي قلت اسالكم شتاكلون

 

[[المهندسة]]

انا رحتله يمكن 4 مرات والله حلو انا يعجبني اكله

والوجبة اللي اطلبها ما اعرف اسمها بس اهي عيش مع دياي و بالرسمة يحطون فوقه بيض

لذيييذ

مممممممممم ذقتها هذي بس ماعجبني الصوص اللي يحطونه فوق الدياي لونها بني جذي

والدياي حسيته كله دهن بس عيشه حلوو مره طلبت الطلب بروحه بس العيش

بس تصدقين اشوف الناس تطلب اكلات مو موجوده بصور المنيو

مره شفت وحده طالبه نودلز بس شكله حلو موموجود بالرسمه جان اقوم اذوق كل اللي مكتوبين بالمنيو صوب قائمة النودلز ولا واحد طلع اهو

 

[[المهندسة]]

والله جذابين
المطعم اينن
اكله حلوو وااايد

لوووول الناس اذواق

اللي يحب هنوعيه من الاكلات راح يحبه :>

 

[[المهندسة]]

حبيبتي والله الناس اذواق..

انا عن نفسي ما عجبني ولا سمعت احت يمدحه..

كل اللي اعرفهم راحو له ذموه..

عشان جذي ما رحت..

بس السالفه سالفه اذواق.. يمكن يعجبج اكلهم..

روحي جربيه وقولي لنا اشلون صاير اكلهم..

انا يمكن اجربه بيوم من الايام.. وان ما عجبني ما اروح له مره ثانيه..

وانتي وحظج..

موفقه حبيبتي..

انا مجربته واايد بس ماغير وايد اكلي واشوف الناس تطلب اشياء حلوة مو موجوده بصور المنيو فقلت أسأل اشوف اختياراتكم اكثر الطلبات على شنو عشان اجربها