الكويت تبكي الما و حزنا على هجر ابنائها لها و تركها للمصير المجهول .. :(

[*مارلين_مونرو*]

السلام عليكم و رحمة الله و بركاته ..






انا لاحظت ظاهرة بدت تنتشر في الديرة بعد حل مجلس الامة ..

ظاهرة (( ماراح اصوت في الانتخابات )) ..

لان النواب ما يستاهلون .. لان النواب يشتغلون لمصالحهم الخاصه .. لان النواب مايوصلون صوت المواطن الكويتي ..
لان النواب همهم التفرقة والفتنة في الديرة .. و و و و ..


اول شي :
بس ابي اذكركم ان كل هالنواب اللي مستائين منهم و من تصرفاتهم وصلوا لهذا المنصب من تصويتكم لهم واختياركم انتوا لهم .. ماوصلوا مني و الطريج .. (( الشعب اللي وصل هالنوع من النواب ))

ثاني شي :
مثل ما وصلتوا هالنواب لمناصبهم تقدرون تطيحونهم .. تقدرون توصلون النائب النظيف النائب الشاب النائب المثقف الواعي المتعلم صاحب الشهادات و الخبرات العالية ..

تقدرون تختارون دماء جديده تعمل لصالح الكويت ..

لاتقولون محد يحب الكويت وماكو احد يحب الكويت .....

بالعكس كل كويتي يحب الكويت يموت عليها و على ترابها ويضحي بنفسه عشانها .. يت الحين على صوت !!

لكن للاسف النواب الموجودين كسبوا جماهيرية كبيره عند الشعب عشان جذي تمادوا على الشعب و على الحكومة وعلى رموز البلد ..

تقدرون انتوا يا شعب الكويت تدمرونهم مثل ما دمروا ديرتكم وفرقوا بين اهل الديرة..

تركوا عنكم الكلام الفاضي و الماخوذ خيره .. ماراح نصوت ..

إلا بنصوووت كلنا حبا للكويت وتغيرا للأفضل ..

لان اذا ما صوتنا راح نعطي فرصه كبيرة نفس النواب انهم يرجعون وبتطلع لنا اسامي و اشكال و ارناق عجيبه غريبه بالمجلس لا يفهمون بالعقل ولا بالمنطق ولا في اسلوب .. يفهمون بالصراخ و السب و تقليل شأن الغير ..
و هذا راح ياثر على مجلس الامة و على الحكومة و ممكن توصل الامور الى تنقيح الدستور الامر اللي راح يهدد الحرية و الديمقراطيه في الكويت ..

انتوا تبون حالنا يصير جذي !!
تبونا نفقد الديمقراطيه و الحرية اللي ربنا منعمهم علينا و حاسدينا الدول عليها كاافي ان المواطن يشارك في العملية السياسية في الدولة ترى هذا بحد ذاته فخر لكل كويتي !!

شفيكم يا بناااات !! اصحواااااا !! الكويت امكم الي ربتكم امكم اللي علمتكم ووكلتكم و شربتكم و غرقتم بخيرها ..

محتاجه منكم توقفون معاها بمحنتها ! ترى والله الكويت تستاهل نوصل افضل النواب ..

وياكثر الشباب الطموحين والواعيين اللي رشحوا نفسهم بالانتخابات اللي فاتت وماكان لهم نصيب بالمجلس ..

لكن بجهودكم و تصويتكم في حب الكويت ان شاء الله هذوله الشباب يوصلوون للمجلس و يغيروون و يطوروون الكويت للاحسن و للافضل ..

واذا مستهينين في الشباب .. القوا نظرة بسيطه على المشاريع اللي يسوونها الشباب !! اللي الواحد يقول والله هذا العشم فيكم و برافوا عليكم يا شباب الكويت قدها و قدود ..

لاتنسون المرأة !! ترى المرأة الكويتيه شخصيتها قوويه و اهي اللي مسيطره على بيتها و عيالها و تقدر تسيطر عالعالم لانها ذكيه و وااااعيه وفاااهمه الدنيا ..

لا تحطون ببالكم عيب نصوت حق مره ولا المره مالها صوت بالمجلس بالعكس يمكن المره تقدر تسوي اللي عجزوا الرياييل انهم يسوونه !! وكاهم ماشاء الله عليهم في كل مكان و بكل ميدان تلقون المرأه متفوقه على الرجل ..







تكفووون يا بناااااات تركوا عنكم التشاؤم والسلبية و فكروا بتعقل وبوعي واختاروا دماااء جديده حبا للكويت ولمصلحة شعبها ..​

 

[بيسان الكويت]

كلامج عدل
يزاج الله خير
الله يحفظ ديرتنا

 

[شمع تحترق]

يزاج الله خير يا الغاليه

 

[Betty]

تسلمين على الموضوع الروعه مارلين طلعتي اللي بقلبي و الله
عسى الله يكثر من امثالج يارب عن جد اتمنى يكون في وعي شوي التغييير الحين بايدنا
الكويت ما زالت جميلة تفائلوا

 

[*مارلين_مونرو*]

كلامج عدل
يزاج الله خير
الله يحفظ ديرتنا

حياج الله حبيبتي و مشكوره عالمرور و المشاركه ..

والله يحفظج ان شاء الله​

 

[*مارلين_مونرو*]

يزاج الله خير يا الغاليه

حياج الله حبيبتي نوورتي .. ​

 

[*مارلين_مونرو*]

تسلمين على الموضوع الروعه مارلين طلعتي اللي بقلبي و الله
عسى الله يكثر من امثالج يارب عن جد اتمنى يكون في وعي شوي التغييير الحين بايدنا
الكويت ما زالت جميلة تفائلوا

بعد عمري والله .. والله يكثر من امثالج انتي بعد حبيبتي .. مشكووره على مرورج و على كلامج الحلو ..:ggdw:​

 

[*مارلين_مونرو*]

ويييييييينكم بنااااااااااات !!

مو عاااجبكم كلامي ..

والله الكويت محتااااجتكم ..

 

[jasmine_flower]

انا متفقه معاج بكل كلمه قلتيها بس الى ما يبون يشاركون فى الانتخابات او الى بيقطون ورقه بيضا فى الانتخابات لهم وجهه نظرهم وفيها نوع من الصحه وراح انقل موضوع من مدون سياسى راح ايقط الورقه بيضاء وانه الورقه البيضاء السبيل للتغير وراح ايقولج الاسباب واراء شباب سياسين ثانيين تابعى



الورقة البيضاء...لمن يمتلك فعلا شجاعة ...التغيير

يا أخى لا إتصير سلبى...شارك بالإنتخابات....صوّت...صوّت و لا تتردد

المقاطعة يعنى سلبية...و هذى مرفوضة


على الأقل صوّت ...للمرشح الأقل سوءا


شفيك صاير سلبى؟؟؟

غمض عيونك...سد إذنك...عض لسانك...و صوّت مثل كل مرة

شارك...و ناقش المرشحين...عطهم نصايح...و الله هم خوش ناس...يسمعون الكلام و ما يهمهم شى بهالدنيا غير رضاء الله

ما يخالف قاصين علينا عشرين سنة..و بايقين ...و لاعبين بالدستور لعب...هم يبقون خوش ناس...صوّت يا بهيم..صوّت

صوت بس...و إنت ما عليك...كل مشاكلنا راح تنحل...مرشحينا فيهم الخير...هالمرة راح يصيرون رياييل...عطهم فرصة يا أخى...

والله يكسرون الخاطر...شوف الوطنية و النظافة...إتنقط من حلوجهم...سعابيل..سعابيل
مرة ثانية و بإختصار..

تبون إتردون إتهرولون بنفس العجلة...عجلة الفأر المريض...بنفس القفص الخايس

معلش...سووا إللى تبونه..عندكم عقول و عندكم فهامية وإتعرفون مصلحتكم و مصلحة الديرة...صوتوا لنفس مرشحينكم...عليكم بالعافية

مبروكين عليكم...إن شاء الله

كلهم راح يفوزون إن شاء الله

بس ما أبى أسمع أحد يتحلطم بعدين و يقول....شفيه هذا قلب علينا عقب ما فاز....هد التجمع و ربعه و إنظم لأصحاب المصالح التجارية

رجاءا لا يبطل أحد منكم حلجه و يتعجب....إذا الأخ طلع كلكجى و يبيع زحير و خنزير...أوووخ شلون جذيه؟؟ و الله ما إتوقعت كلششششش
و بليز لا أحد يجيب طارى هذا حدسى و يمشى وراء مصالح حزبه....و هذا شيعى ما يشوف أبعد من سور حسينيته...و لا شفيهم طبطبائى و هايف صايرين مطاوعة ....وااى توو متش
و إللى يتجرأ و يقول هذا إللى صوّت له طلع بو كرش منتفخ.... مو هامه غير لهف المشاريع و تنفيع عائلته...و رب الكعبة أنزل على راسه بكوع (هلك هوجن) بايام عزه

هذا هو الهراء إللى عايشين فيه...تعودنا على الديموقراطية الخرقاء...نتفاخر بتكرار أخطائنا القاتلة...و بعناد و بتكبر ندافع و بضراوة عن من يقتلنا بكل لحظة و يوم

إلى متى؟

إسأل نفسك..و سئلى نفسج

إلى متى هذا الإدمان الغبى؟

متى تنزل علينا شوية شجاعة...و إنشوف واقعنا المزرى إللى ساهمنا فى الوصول إليه

تفوقنا على كل شعوب العالم....بسلبيتنا

سلبية لحد الجنون

أنت سلبى و تريد القضاء على بلدك إذا هرولت لصندوق الإقتراع و صوت (كالعادة) لنفس المرشحين...لنفس الأسماء..لنفس الوجوه...لنفس الأجندات...لنفس المصالح التجارية...لنفس الطائفية...لنفس العنصرية...لنفس الفساد...لنفس التأزيم...لنفس النار التى ستحرق الدستور
السلبية ..كل السلبية..أن تتمسك بعقلية القطيع و تقلد غيرك الأغلبية...و تشارك بالجريمة عن طريق وضع ثقتك بشخص ...سيساهم فى القضاء على ما تبقى من بلدك
الإيجابية ...كل الإيجابية...أن ترفض و بشكل قاطع هذا الهراء....تتمسك بكل ما تبقى بنفسك من أمل...و تضع مصلحة وطنك و أولادك فوق كل شى ....و تقول لا...لن أشارك بالجريمة

ما راح أعطى صوتى لنفس الشخص التعيس...

ما راح أخسّر صوتى على شخص...يتذاكى على...يخدعنى....ياخذ صوتى بعدين ينقلب لمصاص بيزات...و أداة تنفذ أجندة حزبه

أقط ورقة التصويت...بيضه...بيضاء نظيفة...خالية من الإختيارات المدمرة...أريح ضميرى...وأعطى فرصة للتغيير

الورقة البيضاء ...رسالتى الصارخة...كمواطن و كمواطنة..برفض كل الجرائم التى ترتكب بحق ديرتى و شعبى..بإسم الديموقراطية

الورقة البيضاء النظيفة...أعبر فيها عن رأيى و بوضوح ...بأننى أتطلع و أطمح للأفضل...لن أرضى (بالموجودين)...و أقول (لأ) لمن إنتهت صلاحيته...و كافى يا بوكرش منتفخ...و إبتعد يا طائفى و يا متعصب...

ورقتى البيضاء...ستبث الأمل بنفوس من فقدوه...ستشجع من هم يتحسرون على حال بلدهم و لكنهم مترددين على نزول الإنتخابات....ورقتى البيضاء ستحجم و تقلل من أصوات النواب الفاسدين....ورقتى البيضاء ستفتح الباب على مصراعيه لدخول العنصر الوطنى و النظيف...بعد أن يتأكد بأن الشعب يطمع بالتغيير و لن يتنازل عنه

الورقة البيضاء هى الفعل الإيجابى الوحيد ....فى حال تكرار نفس المرشحين..و عودة الفاسدين و المخادعين و أصحاب المصالح التجارية و الحزبية

إجلس مع نفسك و فكر

حاولى إسترجاع أحداث المسلسل الكئيب إللى عشناه بالسنوات الأخيرة

تساءل ليش ما عندنا أحد نظيف ينزل بالإنتخابات؟

ليش إحنه ملزومين و مغصوبين على نفس الأشكال و الأسماء؟

ليش إنلف و إندور ..و نرجع للتأزيم بكل مرة؟

تأكد و تأكدى بأنكم ستصلون لنفس النتيجة....المرشحين إللى يستحقون أصواتنا...ما شفناهم إلى الآن

و بورقتنا البيضاء...إن شاء الله سنسحبهم من وراء الكواليس...و إنحثهم على تمثيلنا بمجلس الأمة و نعطيهم ثقتنا إللى لم يتبقى منها شى...بعد أن قتلها المرشحون الحاليينلنتوكل على الله....و ننقذ البلد بورقتنا البيضاء

من مدمونه بو جيج

رسومات الرسام mad m 2000

[/URL][/IMG]​

 

[*مارلين_مونرو*]

انا متفقه معاج بكل كلمه قلتيها بس الى ما يبون يشاركون فى الانتخابات او الى بيقطون ورقه بيضا فى الانتخابات لهم وجهه نظرهم وفيها نوع من الصحه وراح انقل موضوع من مدون سياسى راح ايقط الورقه بيضاء وانه الورقه البيضاء السبيل للتغير وراح ايقولج الاسباب واراء شباب سياسين ثانيين تابعى

حياج الله حبيبتي ..

وهم انا متفقة مع اللي تقولينه ان الورقة البيضا سبيل للتغيير .. لكن هذا في حالة اذا اتفق الشعب كله انهم راح يمتنعون عن التصويت..
ولو تلاحظين باقي الدوائر اللي تكثر فيها الطائفيه و القبيلة مصررين على التصويت وعلى تصويتهم لمرشحينهم وبعدم تصويتنا احنا لممثلينا في المجلس راح يسبب مشكلة كبيره في المجلس ...
بهالحالة راح تصير انقسامات داخل المجلس توصل للشعب و هذا اللي احنا ماانبيه ..يعني الملس راح يكون اما اغلبية قبلية او طائفية في المجلس و هذا اللي مااااانبيه ...
نبي مجلس امة ((كويتي)) لا قبلي و لا طائفي ..​

 

[عسولة الكويت]

انا راح اصوت بس لوجيه جديده وناس فاهمه وواعيه راح اخذ فره عالندوات واقرر

 

[*مارلين_مونرو*]

انا راح اصوت بس لوجيه جديده وناس فاهمه وواعيه راح اخذ فره عالندوات واقرر

حياااج الله حبيبتي و هذا العشم ببنات الكويت .. مشكووووره​

 

[ii DareeN ii]

للاسف الشديد الجهل بالامور اهو الي يدعو البعض لهدعوة انا احس بستياء كبير من هالدعوات الجاهله لتاريخ لكويت السياسي الجاهل للفرق الي نعيش فيه في لكويت وتميزنا عن اقرانا بالدول المجاوزرة

بدل ماتدعون لمقاطعة الانتخابات كان ودي التوجيه لختيار ناس جيدة

في دولة من دول الجوار قاطعو الانتخابات فئة من الشعب وعقب ماتغير حال الدولة صارو يندبون حظهم لانهم طلعو من الحسبة انه الجهل لا اكثر ولا اقل والغباء السياسي

 

[jasmine_flower]

دارين والله افتخر انى بديرتى ديمقراطيه ما اتحلم فيها اى دوله عربيه طبعا انه مع الدستور ومع الديمقراطيه 100% والبلد من غير ديمقراطيه ماراح تمشى لكن للاسف للاسف للاسف اسئنا استغلال الديمقراطيه اسوء استغلال و الناس ماعندها وعى بالديمقراطيه بدليل مخرجات المجلس الناس ماتبى التغيير اتحلطم على المجلس وماتبى التغييير اندور بحلقه مفرغه على قوله الكاتب نرجع حق نفس عجله الفار بالقفص الخايس الورقه البيضا شى مؤقت لمن اشوف احد يستاهل بدائرتى اقدر اصوتله اصوت حق منو بالضبط حق نفس الويوه ؟؟ ! من القائمه الى انزلت الترشيح بالدوائر ال 5 نفس نفس نفس الويوه السواد الاعظم واداء نواب مجلسنا ماراح يتيغير ولأنه صوتى امانه ما اقدر اعطيه حق نفس الشخوص حتى اليدد الى نالين ما اشوف لهم نشاط سياسى واضح

انا ماراح اصوت افضل الاسوء انا راح اصوت النائب الاكثر كفائه الشريف الى قلبه على ديرته المثقف سياسيا الى انتمائه لوطنه بغض النظر عن طائفته او عائلته و قبيلته او تجارته حتى

شوفو الى نازلين بالدواائر ال5 وراح اتعرفون ادء مجلس الامه هالسنه لهذه اللحظه مازلت مصره على الورقه البيضه

المرشحين بالدائرة الأولى

د.يوسف الزلزلة، عبدالواحد العوضي، صالح عاشور، مخلد العازمي، حسين الحريتي، احمد الشحومي، محمد الكندري، مبارك الحريص، احمد لاري، عدنان عبدالصمد، محمد الحفيني، جاسم الكندري، سمير الناصر، وسمي الوسمي، فيصل الدويسان، موسى درويش، جليل الطباخ، حسين جمال، عبدالمجيد البناي ، عبد الله النيباري ، عبد الله الطريقي ، يوسف الصويلح ،باقر دشتي ، عبد الله الكندري، د.محمد طالب الكندري ، خالد العميرة .


المرشحين بالدائرة الثانية

مرزوق الغانم، د.جمعان الحربش، محمد العبدالجادر، خلف دميثير، خالد السلطان، عبداللطيف العميري، نافع الحصبان، هيثم الشايع، عبدالرحمن العنجري، حمد المطر، محمد المطير، انور بوخمسين، نواف ابو شيبة، عبد الله العرادة، عدنان المطوع، انور علي النقي، خالد المضاحكة، عبيد الشمري، عبد الواحد الخلفان ، أسامة حسن ، دعيج الشمري ، عبد اللطيف العميري ، د.سلوى الجسار ، محمد عاشور ، مرزوق البنيان .



المرشحين بالدائرة الثالثة

احمد السعدون، عادل الصرعاوي، احمد المليفي، د. فيصل المسلم، د.نامي النامي، عبدالله المعيوف، د.وليد الطبطبائي، م. عبدالعزيز الشايجي، محمد الدلال، صالح الملا، د. علي العمير، نوال المقيحيط، شيخة الغانم، صالح التنيب، رياض الصانع، ناجي العبدالهادي، روضان الروضان ، صالح البديوي ، تهاني كرم، ماضي الخميس ، يوسف النهام ، أسيل العوضي ، رولا دشتي .


المرشحين بالدائرة الرابعة

مسلم البراك، علي الدقباسي، محمد الخليفة، طرقي سعود، فالح الدويش، ماجد موسى، سعد الخنفور، د.محمد الهطلاني، د.حسين قويعان، خضير العنزي، عسكر العنزي، د.ضيف الله بورمية، حسين مزيد، عيد شمان، عبداللطيف المناور، د. براك النون، مبارك الخرينج ، علي دخيل العنزي، يوسف اللبيدان، نواف ساري، د.الحميدي قناص، د.نايف الخثبة، ناجي بن كتيب، فواز السمار، ثامر السويط، بدر الشمري، علية العنزي، بدر الربدي، محمد الفجي، محمد هايف، مبارك الوعلان، فيصل الطويح، د.حسين جليعب، د.فهد سماوي، د.منصور العليان، د.عواد الظفيري، خالد الشليمي، فايز الجمهور، مفرح المطيري، حمد خالد المطيري، سيف ابو العدل، خالد العارضي، هلال صاهود العنزي، مفوز فواز، عباس مراد، جمال النصافي ، عبيد العنزي ، احمد الشريعان ، فواز المطرقة ، نايف عبدالعزيز العنزي ، سالم مبارك الشمري ، د. فلاح بن غيام ، محمد مسيلم ، مفرج نهار ، صالح حويلان ، فواز العدواني


المرشحين بالدائرة الخامسة

فهيد اللميع، مرزوق الحبيني، غانم الميع، عبدالله راعي الفحماء، خالد العدوة، عبدالله مهدي العجمي، محمد العبيد، عبدالله البرغش، د.محمد الحويلة، حسين براك الدوسري، عبدالله البحيري، فهيد بن صقر، عبدالله الجري، عبيد فرهود، صالح نغيمش، عايض ابو خوصة، صيفي الصيفي، محمد طامي، مذكر بن ثويران، بدر ماجد، منصور سماح المطيري، فهد عياد، نواف جهز، فيصل الكندري، سعدون حماد العتيبي، فلاح فهد الهاجري، دليهي سعد الهاجري، عايد العازمي، بدر الداهوم، عبدالله مجرن، خالد حيدر الهزاع، خليل الشمري، عبدالعزيز العنزي، حمد الحسن، مهدي العجمي ، سعد الشريع ، سالم شبيب العجمي ، هملان عبد الله الهملان ، خالد شخير المطيري ، سعد مفرح الزمانان ، غانم صالح المطير ، ماضي محمد الهاجري ، حماد الدوثري ، حمود الحمدان ،د. هيا المطيري، فهد العتيبي ، تركي الحميدي العتيبي ،مناور زياب العازمي .

 

[*مارلين_مونرو*]

للاسف الشديد الجهل بالامور اهو الي يدعو البعض لهدعوة انا احس بستياء كبير من هالدعوات الجاهله لتاريخ لكويت السياسي الجاهل للفرق الي نعيش فيه في لكويت وتميزنا عن اقرانا بالدول المجاوزرة

بدل ماتدعون لمقاطعة الانتخابات كان ودي التوجيه لختيار ناس جيدة

في دولة من دول الجوار قاطعو الانتخابات فئة من الشعب وعقب ماتغير حال الدولة صارو يندبون حظهم لانهم طلعو من الحسبة انه الجهل لا اكثر ولا اقل والغباء السياسي

**_اي والله صدقتي بكل كلمة قلتيها .. حياااج الله و نورتي الموضوووع .._** :sfg:​

 

[*مارلين_مونرو*]

دارين والله افتخر انى بديرتى ديمقراطيه ما اتحلم فيها اى دوله عربيه طبعا انه مع الدستور ومع الديمقراطيه 100% والبلد من غير ديمقراطيه ماراح تمشى لكن للاسف للاسف للاسف اسئنا استغلال الديمقراطيه اسوء استغلال و الناس ماعندها وعى بالديمقراطيه بدليل مخرجات المجلس الناس ماتبى التغيير اتحلطم على المجلس وماتبى التغييير اندور بحلقه مفرغه على قوله الكاتب نرجع حق نفس عجله الفار بالقفص الخايس الورقه البيضا شى مؤقت لمن اشوف احد يستاهل بدائرتى اقدر اصوتله اصوت حق منو بالضبط حق نفس الويوه ؟؟ ! من القائمه الى انزلت الترشيح بالدوائر ال 5 نفس نفس نفس الويوه السواد الاعظم واداء نواب مجلسنا ماراح يتيغير ولأنه صوتى امانه ما اقدر اعطيه حق نفس الشخوص حتى اليدد الى نالين ما اشوف لهم نشاط سياسى واضح

انا ماراح اصوت افضل الاسوء انا راح اصوت النائب الاكثر كفائه الشريف الى قلبه على ديرته المثقف سياسيا الى انتمائه لوطنه بغض النظر عن طائفته او عائلته و قبيلته او تجارته حتى

شوفو الى نازلين بالدواائر ال5 وراح اتعرفون ادء مجلس الامه هالسنه لهذه اللحظه مازلت مصره على الورقه البيضه

المرشحين بالدائرة الأولى

د.يوسف الزلزلة، عبدالواحد العوضي، صالح عاشور، مخلد العازمي، حسين الحريتي، احمد الشحومي، محمد الكندري، مبارك الحريص، احمد لاري، عدنان عبدالصمد، محمد الحفيني، جاسم الكندري، سمير الناصر، وسمي الوسمي، فيصل الدويسان، موسى درويش، جليل الطباخ، حسين جمال، عبدالمجيد البناي ، عبد الله النيباري ، عبد الله الطريقي ، يوسف الصويلح ،باقر دشتي ، عبد الله الكندري، د.محمد طالب الكندري ، خالد العميرة .


المرشحين بالدائرة الثانية

مرزوق الغانم، د.جمعان الحربش، محمد العبدالجادر، خلف دميثير، خالد السلطان، عبداللطيف العميري، نافع الحصبان، هيثم الشايع، عبدالرحمن العنجري، حمد المطر، محمد المطير، انور بوخمسين، نواف ابو شيبة، عبد الله العرادة، عدنان المطوع، انور علي النقي، خالد المضاحكة، عبيد الشمري، عبد الواحد الخلفان ، أسامة حسن ، دعيج الشمري ، عبد اللطيف العميري ، د.سلوى الجسار ، محمد عاشور ، مرزوق البنيان .



المرشحين بالدائرة الثالثة

احمد السعدون، عادل الصرعاوي، احمد المليفي، د. فيصل المسلم، د.نامي النامي، عبدالله المعيوف، د.وليد الطبطبائي، م. عبدالعزيز الشايجي، محمد الدلال، صالح الملا، د. علي العمير، نوال المقيحيط، شيخة الغانم، صالح التنيب، رياض الصانع، ناجي العبدالهادي، روضان الروضان ، صالح البديوي ، تهاني كرم، ماضي الخميس ، يوسف النهام ، أسيل العوضي ، رولا دشتي .


المرشحين بالدائرة الرابعة

مسلم البراك، علي الدقباسي، محمد الخليفة، طرقي سعود، فالح الدويش، ماجد موسى، سعد الخنفور، د.محمد الهطلاني، د.حسين قويعان، خضير العنزي، عسكر العنزي، د.ضيف الله بورمية، حسين مزيد، عيد شمان، عبداللطيف المناور، د. براك النون، مبارك الخرينج ، علي دخيل العنزي، يوسف اللبيدان، نواف ساري، د.الحميدي قناص، د.نايف الخثبة، ناجي بن كتيب، فواز السمار، ثامر السويط، بدر الشمري، علية العنزي، بدر الربدي، محمد الفجي، محمد هايف، مبارك الوعلان، فيصل الطويح، د.حسين جليعب، د.فهد سماوي، د.منصور العليان، د.عواد الظفيري، خالد الشليمي، فايز الجمهور، مفرح المطيري، حمد خالد المطيري، سيف ابو العدل، خالد العارضي، هلال صاهود العنزي، مفوز فواز، عباس مراد، جمال النصافي ، عبيد العنزي ، احمد الشريعان ، فواز المطرقة ، نايف عبدالعزيز العنزي ، سالم مبارك الشمري ، د. فلاح بن غيام ، محمد مسيلم ، مفرج نهار ، صالح حويلان ، فواز العدواني


المرشحين بالدائرة الخامسة

فهيد اللميع، مرزوق الحبيني، غانم الميع، عبدالله راعي الفحماء، خالد العدوة، عبدالله مهدي العجمي، محمد العبيد، عبدالله البرغش، د.محمد الحويلة، حسين براك الدوسري، عبدالله البحيري، فهيد بن صقر، عبدالله الجري، عبيد فرهود، صالح نغيمش، عايض ابو خوصة، صيفي الصيفي، محمد طامي، مذكر بن ثويران، بدر ماجد، منصور سماح المطيري، فهد عياد، نواف جهز، فيصل الكندري، سعدون حماد العتيبي، فلاح فهد الهاجري، دليهي سعد الهاجري، عايد العازمي، بدر الداهوم، عبدالله مجرن، خالد حيدر الهزاع، خليل الشمري، عبدالعزيز العنزي، حمد الحسن، مهدي العجمي ، سعد الشريع ، سالم شبيب العجمي ، هملان عبد الله الهملان ، خالد شخير المطيري ، سعد مفرح الزمانان ، غانم صالح المطير ، ماضي محمد الهاجري ، حماد الدوثري ، حمود الحمدان ،د. هيا المطيري، فهد العتيبي ، تركي الحميدي العتيبي ،مناور زياب العازمي .

**_حياااج الله يااقلبي .. و مشكوره على اثرائج للموضوع بوجهة نظر يديده ..

وانا اشوف ان في ناس يدد طالعين لكن الاعلام مو معطيهم حقهم في الظهور .. لان الرووس الكبيرة اهي اللي مسيطرة على وسائل الاعلام بشكل اكبر .. عشان جذي تواجدهم بسيط بالنسبة للباقي ..

وفي منهم واايد ناااس يستاهلون وان شاء الله هالمرة نختار صــــح .._**:sfg:​

 

[*مارلين_مونرو*]

اب



اب




اب




اب

 

[وردة^الكويت]

أنا عن نفسي بصوت للإسلاميين أو الوجووه الجديدة

 

[غيدآء]

الله يعينا على الاختيار السليم

مشكورهـ

 

[leopard5kw]

كلامج كله عدل اختي مرلين_مونرو.....صج احزني هذا التوجه