استفسار و مساعده .. ماعليكم أمر بنات التربيه الأساسيه ..~

[~..MiMiNi..~]

السلام يا بنوتات ..

عندي استفسار ومساعده في آن واحد

شوفوا الله يسلمكم .. انا مخطوبه و أدرس بمصر سنه أولى اعلام ..

أبي أحول الكويت " تربيه اساسيه " .. ابي رياض اطفال بس قالولي انه متسكر فاشلون متى راح يبطل ؟؟

و أبي اعرف شنو أكو تخصصات غير عن رياض الأطفال ؟؟ لأنه طفارتي التدريس بس شسوي بتزوج وماقدر اكمل بره قلبي يعورني

يعني لمحه بسيطه عن الخصصات .. و التربيه الأساسيه نفس مستوى الجامعه بالضبط ؟؟ و اذا تخرجت منها أقدر اشتغل بمكان ثاني غير التربيه ؟؟

تكفون اللي بترد خل تجاوب على كل اسإلتي ..

و هالسؤال ضروري بعد .. صج تخصص الموسيقى لازم نشتري أدوات ؟؟ يعني اورق وكمان وهالسوالف ؟؟

و تخصص تربيه فنيه اشلونه ؟؟

شنو تنصحوني فيه كدراسه وسهالات ومجاله حلو ؟؟

تكفوووووووووووون ردوا على كل الأسئله ..

 

[لؤلؤة الكويتْ]

ان شاءالله بنات التربيه يفيدووونج ..

 

[~..MiMiNi..~]

مشكوره لولوه ع المرور ..

اشدعوه بنات

شنو محد يدرس بالتربيه الأساسيه ؟؟

الله يسامحكم :"( اهيء اهيء

 

[Miss samora]

هلا ميميني
مبروووووووك مقدما ع الزواج و ربي يوفقج و يسعدج

اي مسكر لان فل و اغلب البنات فيه فصار في اكتفاء
اما الموسيقى صح لازم تشترين عود او كمان ....
والفنية نفس الشي تشترين كل اغراض شغلج
و يكدشون شغل يعني تاخذين قشج البيت و تكملينه عرفتي
يعني هم لوووووووووويه

عندج تكنلوجيا التعليم مكتبات و بدنيه بس يبيله واسطه قويه
او اي تخصص ثاني بعد ما تتخرجين تقدرين تتوظفين وين ما تبيــــــــــــــن
يعني مو شرط مدرسه

اي استفسار ثاني ؟!!
موفقــــــــــــــــــه

 

[~..MiMiNi..~]

الله يبارك فيج ياقلبي ..

لا مو حلو المكتبات

و بدنيه هم مو شي :/

ماكو بدائل ثانيه ؟؟ تصميم .. ديكور بس مو ابلة ديكور و شغل بالخشب لاء يعني الديكور المنزلي جذي

و متى بيبطلون رياض أطفال ؟؟

و الانجلش اشلونه ؟؟ شنو دراسته قواعد والا اكو ترانزليشن ؟

سوري تعبتج ;*

 

[om-HaSsoOon]

هاااااااااااااااي

اول شي الله يوفقج حبيبتي

رياض الاطفال مايندره لي متى مسكر ، الفنيه حلو بس شغله وايد مثل ماقالت سموره الحلوه ، والموسيقى صج تشترين ادوات بس تخصص نادر يعني في مكافئه شي جذي ، و تكنولوجيا التعليم يعني مثل ابله التقنيات وسائل وتشغلين البروجكتر والداتاشو وهالسوالف يعني هذا اللي اعرفه ، الانجليزي حلو بس لازم تكونين شاطره شاطره لانهم دقيقين ما يقبلون اي احد بسرعه ، والبدنيه يسوون لج اختبار بالاول سباحه وجم شغله يالله يقبلونج ، المكتبات دكاترتهم الله يزيدهم لوول وكله حفظ بحفظ مواده دسمه ، عندج العلوم والرياضيات بس طبعا يبيلهم مخ شوي ، و العربي والاسلاميه كله حفظ بحفظ ودكاتره العربي لا تعليق ، وطبعا بالاخير مو لازم تشتغلين مدرسه كيفج اللي يريحج

 

[مطيريه ماركه]

مبروك الزوآج ، شوفي لو بتدخلين الأسآسية مآيعآدلون لج ولآ مآدة

تبين غير ريآض الأطفآل لأنه مصكر عندج فنية وتكنلوجيآ تعليم ومكتبآت

شهآدتج بكآلريوس

 

[أنـوآر الـكويـت]

الله يبارك فيج ياقلبي ..

لا مو حلو المكتبات

و بدنيه هم مو شي :/

ماكو بدائل ثانيه ؟؟ تصميم .. ديكور بس مو ابلة ديكور و شغل بالخشب لاء يعني الديكور المنزلي جذي

و متى بيبطلون رياض أطفال ؟؟

و الانجلش اشلونه ؟؟ شنو دراسته قواعد والا اكو ترانزليشن ؟

سوري تعبتج ;*

اممممـ من كلاامج حسيتج تبين تخصص علوم أسرة ومستهلك (( اللي هو قبل اقتصاد منزلي ))

هو مو تخصصي بس تخصص رفيجتي وتمدحة حيل

وترا لما تتخرجين تعرفين بالموديلات والملابس تقدرين تسوين لج مشغل

وحتى ببيتج واثاثج راح يكون عندج ذوووق بالالوان والخاماات

اما غيرة مثل ماقالو لج حفظ وتصيرين ابلة وانتي ماتبين هالشيء او كراف مثل الفنية والموسيقى

وصلي استخاارة وربج كريم

 

[~..MiMiNi..~]

امبيه حدي تحبطت :/

مشكورين بنات ويعطيكم 1000 عافيه .. جان زين يرضى ع الموسيقى حدي حابته ..

 

[~..MiMiNi..~]

بنات تخصص الموسيقى عقبها شنو اقدر اتوظف ؟؟ بس ابله ؟؟ والا عادي بوزارات ؟؟

 

[ابله شوشو]

انا مدرسة موسيقى و تخصصنا حده يونس الصراحه و احسن دكاتره بالكليه دكاترة الموسيقى و الكل يشهد على جذي و الاجهزه اذا ماتقدرين تشترين تستعيرين من عندهم و ينزلج مكافاة تخصص نادر بالكورس 250 دينار كل نهاية كورس و الصراحه انصحج بالتخصص اذا انتي تحبين الموسيقى و البيانو بالذات و تقدرين تتوظفين بروضه بعد ماتخلصين .. و تقدرين بعدها تتوظفين بأي مكان بس يروح عليج الكادر .. شلج بعوار القلب خليج مدرسا صج تعب شوي بس تعطلين مع اعيالج بالمستقبل

 

[~..MiMiNi..~]

^^^^

أمبيييييييه حدج حدج شوقتيني لوول

انا اعرف اعزف بيانو كنت ادرس ابيت لوذان .. وناسه والله فديتج ماتقصرين .. خلاص شكلي نويت موسيقى .. و خطيبي اقتنع ..

بس صج ما يعادلولي شي لا بغيت احول من جامعة خاصه بمصر ؟؟

 

[ابله شوشو]

و الله ماعندي خبرا عن المعادله للمواد .. و بالتوفيق يارب

 

[~..MiMiNi..~]

تسلمين ياقلبي ما تقصرين ;*

 

[مطيريه ماركه]

شتبين فالموسيقى يكفي أن الموسيقى حرآآآآآآآآآآآآآآآم