أفكــــــــــــار لــــــخــبرة الــــــــــــــــــــــــــــــــــــــــبر ؟؟؟

[*أبلة*]

تقدرين تييبين قطن مدور وتحطين وراه مغناطيس مع 4 عوادة بابركيو وهم وراها مغناطيس وتطلبين من الاطفال يحاولون يسوون منها شي
الى ان تصلين الى شكل الخروف .
او قصي ورق اربيض على شكل غيوم " طبعا تقصين أمام الاطفال .. تالي تحطينه على اللوحه المغناطيسية وتزيدين عليه برسم الارجل والعيون والفم الى ان يتكون شكل الخروف
وتقدرين تسوينه باستخدام البور بوينت​

 

[*أبلة*]

هذا مشروع فني كانت حاطته عهود الحب في موضوع المشرايع الفنية
ينفع منبه لو وفرتي المواد الاولية وسويتي المشورع جدام الاطفال
طبق كرتون ابيض .. طبق كرتون اسود او بني " واذا ما توفر اللون .. لوني الطبق او لزقي عليه كريشه بنية او سودة"
قطن مدور .. قلم اسود
عمل بسيط وممتع وهادف
يعطيج العافية عهود
انا حبيت بعد اذنج احطه هني علشان يستفيدون منه البنات كمنبه لكلمة خروف او حيوانات البر النافعه .
​

 

[الدلال]

ماتتقصروون والله

منبهات حلووه

يعطيكم الف عاافيه

 

[عهود الحب]

يابعد عمري ابلة
حلالج المشاريع كلها
انا كنت بحطه للبنت
بس استحيت
قلت خاف يفهموني غلط اني اسوي دعاية لمواضيعي هههههههههههههه

 

[*أبلة*]

افا عليج عهود
تستاهلين اللي يسوي لج دعاية
بنات هني تلقون مشاريع فنية وايد .. " الموضوع حق عهود الحب"

http://www.q8yat.net/showthread.php?t=339369

وادعو حق عهود .. وحقي بعد :friends:​

 

[الزين 83]

بنات ابي منبه لحيوانات البر الضارة اتكلم عن شنو بالضبط

 

[MaMa & P!nK]

حيوانات البر النافعه؟؟؟

السلام بنات

شلونكم؟؟؟


باجر عندي درس يتعرف على حيوانات البر النافعه


عن جم حيوان اتكلم؟؟

شنو اهمه الحيوانات؟؟

وعن شنو اتكلم بالضبط؟؟

عفيه بنات ردو الحين ضروري عشان اذا محتاجه شي اروح المكتبه الحين

 

[عهود الحب]

رد: حيوانات البر النافعه؟؟؟

تكلمي عن حيوان او اثنين فقط
الخروف و الجمل اكثر اثنين مفيدين
اشتري للخبرة كلها مرة واحدة واخلصي شحقه مكتبة كل يوم :/
تكلمي عن فوايدهم
اللحم الصوف طعامهم اما الجمل فيغطيه الوبر مو الصوف

عندج الماعز بعد


وممكن تتكلمين بشكل عام ترى يعني عن اغلبية الحيوانات بالبر

 

[عهود الحب]

الضارة هي الحية و العقرب والسحالي
تكلمي عنهم انه الاقتراب منهم خطر
وبلشي درسج بعمل شكل حية او عقرب من الصلصال او من القص واللزق
واذا تعرفين للكمبيوتر سويه بالبوربوينت

في بالبرمجيات فيلم عن حيوانات البر اعرضيه لهم

حطي مشروع بالصف عن البر وحطي فيه مصورات حيوانات مفيدة وضارة
وخل يستخرجون لج الضارة منهم

ورددوا النشيدة وسووا مسابقة جماعية
وبعدها تغذية راجعة وسلامتج

 

[عهود الحب]

تسلمين ابلة بعد عمري انتي

 

[> شمس^^الكويت<]

بنات ابي افكار لدرس المهن المرتبطه بالبر وابي لدرس يقارن بين الزواحف والحيوانات الاخرى


ابي افكار لتقديم الدرس المنبه مو مشكله عندي منبهات وااايد في بالي بليز بنات ساعدوني


وابي لخبرة البر شنو ممكن اقدم حركيه وياليت تردون علي باسرع وقت

 

[fankuosha]

بنات ديرو بالكم المشروع الفني مال الخروف تنقد عليه الموجهه (( تقولج الخروف مايغطيه قطن تعلمين الاطفال معلومه خاطئة )) حطي عليه صوف يتنا وانقدت وحده من المدرسات كانت حاطته بركن الفنية
على كل شي يدققون الله يعينا

 

[fankuosha]

بنات عفية شسويتوا على هدف يتعرف على نباتات البر محتاره شنو اسوي منبه؟؟

 

[*أبلة*]

بنات ديرو بالكم المشروع الفني مال الخروف تنقد عليه الموجهه (( تقولج الخروف مايغطيه قطن تعلمين الاطفال معلومه خاطئة )) حطي عليه صوف يتنا وانقدت وحده من المدرسات كانت حاطته بركن الفنية
على كل شي يدققون الله يعينا

مو مشكلة حطي بدال القطن صوف​

 

[*أبلة*]

بنات عفية شسويتوا على هدف يتعرف على نباتات البر محتاره شنو اسوي منبه؟؟

انا مره سويت منبه كالتالي
يبت بيتين واحد جدامه حديقه والثاني مافي جدامه حديقة
وسالت الاطفال اي البيتين تفضلون اكثر؟
طبيعي راح يختارون البيت اللي جدامه حديقه حلوة وورود جميلة . اسالهم شنو نسميها ؟ راح يقولون نبات او نباتات ( طبعا اهم يعرفون هالمسمى من قبل من الخبرات اللي فاتت )
بعدين اسالهم منو اللي حط الورود والزرع هذا هني ؟ راح يقولون المزارع ( أو الأب ) يعني الانسان اهو اللي زرع هذا النبات .
بعدين اسالهم : هل هناك اماكن ثانيه فيها زرع وبناتات ؟ راح يذكرون لج كذا مكان الى ان يجاوبونج في البر .
واذا ما جاوبوا .. قربي لهم الاجابه مثلا سئليهم احنا الايام اللي طافت وفي هالجو الحلو وين كنا نروح مع اهلنا ؟
بما ان احنا في خبرة البر وكلمة بر تتكرر كل يوم .. علشان جذي راح يجاوبونج على طول
بعدين يا طويلة العمر تعرضين لهم منظر البر والنباتات الموجوده فيه .. وتسئلينهم .. انتوا يا اطفال قلتولي ان النباتات اللي جدام البيت زرعها المزارع اللي اهو ( الانسان ) هني بالبر منو اللي زرع هذي النباتات كلها ؟!!؟
وبعدين عرضي لهم بالبوربوينت اللي انا حاطته من قبل تلقينه في هالموضوع .. تحت عنوان نباتات البر
واي شي ثاني انا بالخدمة عزيزتي ​

 

[fankuosha]

مشكوره (( أبله)) يعطييج لعاافية على الرد السريع

 

[مزيونة الهيلا]

السلام ,,,,,,,,,,,,,,, ابي طرقة تعزيز عدد لدرس الحيوانات الضارة لاهنتوا

 

[*أبلة*]

مشكوره (( أبله)) يعطييج لعاافية على الرد السريع

الله يعافيج حبيبتي
أي خدمة ​

 

[كويتيه بنت عز]

اشلونكم بنات

قواكم الله

من عندها منبه لفوائد حيوانات البر

 

[عهود الحب]

عندي صور لرعيان غنم

ينفعكم لدرس المهن المرتبطة بالبر
او لدرس حياة البادية


والله مادري بس ينفعكم :/