الحليب والزنجبيل والعقم

[ماي الورد]

صباح الخير

اخواتي كلنا في هالقسم ننتظر رحمة رب العالمين علينا ان يمن علينا بالحمل السليم المعافى

زوجي قبل حوالي شهر اخذ كورس حجامة عند البناي لان زوجي يعاني من انعدام الحيوانات المنوية المهم عطانا خلطات العسل والجنسنغ واستمر عليه وامس راح يحلل وطلعت النتيجة نفس الشي صفرر ( اللهم لا اعتراض على حكمك ) جربنا كل الخلطات وكل الاعشاب بدون فائدة
امس وحدة قالت لي ليش ما تجربون الحليب مع الزنجبيل تراه وايد مفيد وكثير ناس استفادوا منه بعدين الحليب شي طبيعي والزنجبيل فوائدة لا تعد ولا تحصى لكني انا تعبت واعصابي ما مو قادرة اتحملها

بناااات كل وحدة قاعد زوجها يستخدم خلطات حق انعدام الحيوانات المنوية تكتب تجربتها اهني خلونا نشووف تجارب كل وحدة فينا وكيف تحس السائل المنوي فية تغيير او لا قبل تحليل زوجها ؟؟؟

اعذروني على خربطة كلامي

 

[((الماسه))]

الله يكون بعونج حبيبتي انا بعد ودي اعرف خلطات والله مساكين الرياييل ملو من الخلطات الله يشفيهم ويشفي كل عقيم يارب

 

[الزيزفونه]

حبيبتي ماي الورد لاتيئسين من رحمت ربي اعرف وحده زوجها سوا تحليل اول ما تزوجت كان صفر وبعدين خذا عسل المرشد تقريبا شهرين وزاد 300 الف وبعدها شرب حلبه زاد 100 الف انصح بالحلبه من السعوديه حلبت القصيم وايد زينه

 

[ماي الورد]

مشكورة حبيبتي لكن زوجي امس صرح قال لي انسي شي اسمه خلطات وراج عملية بشهر سبعة حق الحقن المجهري وتفرغي حق هالموضوع

 

[bint_looda]

يمدحون العسل ماجربتوه ؟ ربي يشفيه ويرزقكم الذريه الصالحه يارب العالمين

 

[نيبال الايمان]

ضى الايمان


يا عمرى عسى الله ييسرها لكم ويفرجها عليكم من اوسع ابوابه اللهم امين يارب 000 ياعمرى ذكريه ماخاب من ترجى الله وانه لا يياس من رحمة ربه 000

والله ما حبيت امر من دون ما ادعى لكم ولى ولكل محروم منهم

اللهم يا واحد يا احد يافرد يا صمد يا من بيده ملكوت كل شى وهو على كل شى قدير اللهم انى اسالك باسمك العظيم رب العرش العظيم الواحد الاحد الفرد الصمد الذى لم يلد ولم يولد ان تهب لنا من لدنك ذرية طيبة انك سميع الدعاء وان لا تذرنا فردا وانت خير الوارثين اللهم امين يارب اللهم امين يا ارحم الراحمين اللهم امين يا من اذا اراد شيئا ان يقول له كن فيكون

 

[ماي الورد]

اشكر مروركم جميعا وعسى الله هالدعوات الحلوة تفرج همي وهمك قووولوا امين

 

[زوجة حبيبي]

حبيبتي الله يعينج وما الومج على هالخربطة والله حاسه فيج انا قبلج حتى من سوريا والاردن علاج شرينا والله كريم عسى الله يفرجها علينا

زوجي قبل شرا عسل من واحد والله حلل وطلع معاه مني بس لا يذكر نسبه حيييييييييييل قليله المهم قلت له بشرى خير كمل الاخ قال مالي خلق بعدين اشتري وتخيلي بعدين هذا متى صار بعد سنه لا حول ولا قوة الا بالله

المهم راح بعد ما حنيت عليه وللاسف ما لقى الشخص اللي يبيع ما ادري وين راح مت من الحرة وما في عسل ما شراه زوجي ولكن لا جدوى

والحمدالله على كل حال واسال الله الكريم الرحيم ان يرحمنا برحمته ويفرجها علينا ويرزقنا من حيث نحتسب ومن حيث لا نحتسب ويرزقنا بالذريه الصالحة عاجلا غير اجلا يا رب العالمين اللهم اميييين

 

[اختكم بالله]

وحده كنت اعالج عندها وقالت لي اخوها فيه نقص او انعدام في الحيوانات المنويه
المهم عطته خلطه والله ارزقه سبحان الله

المهم انا كتبت وصفتها وحطيتها بهالقسم قبل كم شهر

وارد اكتبها وان شاء الله يارب اذا مانفعت ماتضر لانها كلها طبيعيه


بسم الله ابدأ

عسل طبيعي تحطين فيه ملعقتين حبه سوده ( حبة البركه ) و4 ملاعق حلبه نجديه سعوديه من العطار

وتعطينه قفشه على الريق وبالليل وان شاءالله الله يكتب له الشفاء

ومابي منكم الا الدعاء

 

[زوجة حبيبي]

سؤال الحلبه والحبه السودا احطهم بالعسل او كل ما بغى ياكل يخلطهم ممكن التفصيل

 

[كويتيه مذهله 87]

الله يشاافي زووج يااارب

جربوا العسل

 

[@@@ام حمووودي@@@]

يااااااااااااااااااااارب يرزق الجميع ولا يحرمنااااااااااااااااا

 

[Swan]

الله يرزقكم بالذرية الصالحه ولا يحرمكم من هالنعمه

شوفي هذي الاحاديث وتمعني فيها...
في الصحيحين عن أبن عباس ( قال: قال رسول الله صلى الله عليه وسلم:
( الشفاء في ثلاثة: في شرطة محجم أو شربة عسل أو كية بنار وأنهى أمتي عن الكي)

وعند الحاكم وابن ماجة عن أبن مسعود قال: قال رسول الله صلى الله عليه وسلم:
(عليكم بالشفاء ين العسل والقرآن)


روى البخاري ومسلم في صحيحهما عن أبي سعيد الخدري ( قال: جاء رجلٌ إلى النبي صلى الله عليه وسلم فقال: إن أخي هذا استطلق بطنه، فقال رسول الله ( (اسقه عسلاً) فسقاه ثم جاءه فقال: إنني سقيته فلم يزده إلا استطلاقاً. فقال له ثلاث مرات ثم جاء الرابعة فقال: اسقه عسلاً فقال: لقد سقيته عسلاً فلم يزده إلا استطلاقاً، فقال رسول الله صلى الله عليه وسلم:
(صدق الله وكذب بطن أخيك، اسقه عسلاً) فسقاه فبرئ .


هذي العلاجات اللي انذكرت بالاحاديث تشفي من كل الامراض بإذن الله
لأنها ما حددت شنو نوع المرض ..

وبعدين العلاج ترى يحتاج لصبر لأن كل مرض يختلف عن الثاني
في ناس بسرعه تتشافى مع العسل وفي ناس لأ ياخذون وقت بحسب حالتهم ونوع مرضهم
وانتي ريلج عسى الله يرزقه ما عنده حيوانات منوية
فلازم ياخذ العسل مده طويلة حتى يلاقي النتيجه المطلوبة
مو ياخذه شهر واثنين ويوقفه لأنه ما شاف نتيجه

فنصيحتي لج انه يستمر على العسل الطبيعي مع طلع النخل وغذاء الملكات كل يوم قفشه بالصبح والليل
وان شاء الله ربي يرزقكم بالذرية الصالحه بالقريب العاجل

 

[كلي طيبه]

أختي العزيزه انا زوجي نفس حالت زوجج
ماخلينا خلطه والا وجربها ولا في فايده
رحنا الاردن مستشفى فرح وسوى تحاليل ونفس الشي صفر
وقال له د/ زيد حالتك لأزم عملية التفتيش عن حيوانات منويه بالمكرسكوب
والله اني انهرت وقعدت ابجي لأن العمليه مافي الا بالأردن واعتقد لسعوديه بعدكلمنا مستشفى ذريه عشان نسأل عن العمليه تركنا ارقامنا عشان الدكتور يشرح لنا اذا نفس الجهاز المكرسكوب ولا احد رد علينا
وفي اردني قال لنا أحسن شي خلطات عسل وغذاء الملكات والعسل لازم طبيعي ولا تحطون معاه اي شي غير غذاء الملكات
يقول ناس وايد جربوه وصارت عندهم نسبه الحين زوجي استخدمه بس للحين ماحلل خايف ينصدم
وقاله بعد كثر من النمكسرات خصوصا اللوز اللي بقشر خفيف اللي بسرعه يتقشر
وزيت زيتون طبيعي ياكله بس مع خبزترى طعهمه حلو والله يشفي ازواجنا ولا يأس مع الحياة مادام الأنسان متوكل على ربه
ربي لا تذرني فردا وانت خير الوارثين

 

[ماي الورد]

حبايبي الضعف غير الانعدام الضعف يتعالج يقولون لج علاجه ان طالت مده علاجه توصل لي ست شهور اما الانعدام توصل الى سنين علاجها بالاعشاب

بالنسبة للعسل الطبيعي مو مشكله عندي دائما القى الطبيعي والاصلي لكن ما ادري ايش اسوي فيه الحين قررت اسوي لزوجي وحقي انا وياه حليب ومعلقة عسل ومعلقة حلبه ومعلقة زنجبيل قبل النوم ويشربه والله كريم

بنات انا سمعت ان الي تعالج تاخر الحمل ما تاكل حلبه لان الحلبه تخفف الظهر وتنزل افرزات وايده ما ادري عن هالمعلومة بس هي مفيدة اكثر لرجال

 

[اختكم بالله]

اللي تسأل عن الخلطه

تخلطين المقادير مع بعض لين تمتزج بالعسل وكل يوم قفشه الصبح والليل وبس

 

[حبيبة زوجها2009]

انا زوجي فيه ضعف في العدد والحركة بس الحمدلله استخدمت له حبوب وتحسن عليهم وحملت طبيعي وعقب ماولدت رجع وضعف والحين شريتهم له مرة ثانية عشان ابي احمل بس والله يابنات جربو حبوب زين الاتات ترى كله طبيعي وانا سامعه عنه ومجرب من ازواج كانت الحيوانات المنوية صفر عندهم

 

[زوجة حبيبي]

خالي عنده ضعف وراح حق عطار بالمباركيه اضن انه هندي عطاه علاج وقال له بعد فتره حلل بس والله ما ادري جم الفتره . المهم اخذ خالي العلاج وبعد فترة حلل والحمدلله ارتفعت عنده النسبه "" وانا اخذت من عنده علاج وحملت بنفس الشهر لكن ربي ما كتب وسقطت ""

الله يجزاااج خير حبيبتي على ذكر التجربه

بس اسالج بالله هل كانت نسبته بالتحليل صفر لان انا زوجي بالتحليل صفر وبعد عمليه التفتيش ضعيفه لكن الله كريم

بس بسال هل ينفع ووممكن سؤال بجم ومن وين ومتى تبين ؟

 

[زوجة حبيبي]

اللي تسأل عن الخلطه

تخلطين المقادير مع بعض لين تمتزج بالعسل وكل يوم قفشه الصبح والليل وبس

جزاج الله خير على الرد

 

[زوجة حبيبي]

حبايبي الضعف غير الانعدام الضعف يتعالج يقولون لج علاجه ان طالت مده علاجه توصل لي ست شهور اما الانعدام توصل الى سنين علاجها بالاعشاب

بالنسبة للعسل الطبيعي مو مشكله عندي دائما القى الطبيعي والاصلي لكن ما ادري ايش اسوي فيه الحين قررت اسوي لزوجي وحقي انا وياه حليب ومعلقة عسل ومعلقة حلبه ومعلقة زنجبيل قبل النوم ويشربه والله كريم

بنات انا سمعت ان الي تعالج تاخر الحمل ما تاكل حلبه لان الحلبه تخفف الظهر وتنزل افرزات وايده ما ادري عن هالمعلومة بس هي مفيدة اكثر لرجال

حبيبتي ماي الورد الحلبه كثرتها مو زينه للحريم لانها تخليج حيييييييييييل رطبه

حتى النفاس ما تشربها اكثر من 10 ايام لانها مو زينه وهذا تجربه من خواتي وخالاتي