اسعارالولاده بالمستشفيات الخاصة(تم تجميع المواضيع المتشابهه)

[أم حمني]

قوة كروشات الله يسهل عليكم وعلي انشاءالله
حبايبي بغيت اسألكم عن مستشفى دار لشفا أو رويال حياة عندهم خصم حق الدفاع
ومستشفى رويال حياة االولادة عندهم بغرفة ليلي بجم؟؟ وهل اسعارهم مع الدكتور والا لأ؟؟ ومنو احسن دكتورة ولاده عندهم؟؟
يعطيكم العافية

 

[نوره في وسط صوره]

حبيبتي ام حمني
اسعار الولاده بغرفه الليلي برويال حياة
الطبيعيه ب 350
متعسره 425
قيصريه 700
ورسو الغرفه عن كل يوم اظافي هو 100 دينار
طبعا هالاسعار من 1- 28 فبراير مري عاد غيرو الاسعار ولا لأ
والسعر لايشمل اتعاب الطبيب فيما يخص الولاده
وانا سمعت ان الدكتوره تاخذ 250 على الطبيعي و450 على القيصريه عاد انتي احسبي

 

[عشماويه]

السلام عليكم
حبيبتي الشفط اهو شفط البيبي لان احيانا الرحم يكون مفتوح وكل شي تمام بس يشفطون البيبي علشان يطلع بسهوله هالسالفه سووها بمرت اخوي لزق في بطنها والماي خلص حزت الولاده وشفطوه وطلعلنا بالسلامه

أها يعني مو يكون مطلوب بحالات خاصه...


مشكوره حبيبتي على الرد السريع ما ننحرمش


والحمدلله على سلامة مرت أخوج

 

[نوره في وسط صوره]

ولكم عشماويه حياج الله ياقمر
والله انا حماتي ولدت بالعرف بصراحه يهبل ودي اولد فيه خاصة انه اسعاره جدا رخيصه بس عندي كذا مشكله الي اهم
1 بعيد عن خواتي وربعي
2 انا خايفه لاني حامل بتوم واخاف يصير شي علشان جذي قررت اولد بالحكومه والله يستر
دعواتكم عاد

 

[أم بتول]

بنات صج اللي سمعته عن المواساة

إن أسعارهم زادت

و إن كادر السسترات غيروهم من فلبينيات إلى باكستانيات

 

[وردة النرجس]

ننطر آخر أسعار مسشتفى المواساة

 

[ام زين العابدين]

اي والله نبي اسعار المواساه

 

[أم حمني]

بنات وين صاير مستشفى العرف؟؟؟ ومنو يعرف الدكاترة اللي فيه؟؟

 

[MiS_Queen]

شرايكم بنات المواساة ولا رويال حياة؟؟؟
اللي اولدت في اي واحد منهم تعطينا تجربتها واي ذكتوره ولدتها..........

 

[نوره في وسط صوره]

بنات وين صاير مستشفى العرف؟؟؟ ومنو يعرف الدكاترة اللي فيه؟؟

العرف بالجهرا اول مادشين الجهرا بتلاقينه على الدوار مبين كبير وواضح واحسن الدكاتره الي فيه منصور العرف واحمد مصري استشاري يقولون ان الحالات الي تستصعب على منصور العرف يحولها على الدكتور احمد بصراحه المستشفى جدا راقي حيل ووالغرف روعه وجديده ورخيصه بالنسبه للمستشفيات الثانيه بس لو انها قريبه على اهلي كنت ولدت فيها بس انا اهم ماعلي خواتي يكونون قراب عندي علشان جذي بروح السلام قريبه ودكتور احمد الشاذلي ممتاز واكثر من ممتاز

 

[نوره في وسط صوره]

أسعار الولادة الطبيعية في مستشفى الســــــــــلام

برنامج الطبيب الزائر......((إضافة مبلغ 100 للتأمين....كذلك مبلغ 250-300لأتعاب الدكتور))

الشفط ((ب50))

طبيعي مساعدة قيصري
الغرفة الخاصة : 270 د.ك 320د.ك 595د.ك

جناح الفي اي بي : 370 د.ك 420د.ك 795د.ك

جناح ديلوكس 2 : 310 د.ك 360د.ك 675د.ك

جناح ديلوكس1 : 430 د.ك 480د.ك 915د.ك

جناح ملكي : 470 د.ك 520د.ك 995د.ك

جناح السلام : 720 د.ك 770د.ك 1470د.ك



يعني تطلع الغرفة الخاصة مثلا ( 270+ 250+100)=520والتأمين بس ينخصم منه سعر الدوا والتحاليل

سلام

بنات ابي اسال الحين الطبيب الزائر الي من بره يجي يسوي العمليه زين لو بسوي العمليه عند دكتور من عندهم يعني انا مقرره عند احمد الشاذلي قيصريه
يعني 595 الغرفه + تامين + شنو بعد علموني بليييز:0bee2e8d89:

 

[^غلاي أنت^]

رحت سألت عن مستشفى المواساة ترى صج زادت الاسعار..
والسسترات مثل ما كانوا لان ولادتي فبنتي كانوا هنود او باكستانيات بس يهبلون ..
ما ادري عن كل الاسعار .. بس الي سالت عنها الغرفه العاديه كانت 450 د.ك والحين صارت 550د.ك

 

[نوره في وسط صوره]

450 مع الولاده ولا بدون ولاده ؟

 

[ام شوشوة]

ماكو 450 بالمواساة اي كل شي تغير بس الفلبنيات نفسهم موجودين

 

[dantellafashion]

انا اول ولاده كانت بالمواساه بس كانت متعبه واذووني بس الولاده الثانيه كانت بدار الشفاء ب حدها مريحه وحلوه الغرف

 

[ghanoog]

السلام عليكم

بنات لو سمحتو لو بغيت اولد بالهادي بجناح الهادي اللي ب300 ولادة طبيعية راح تكلفني 985 لانها يومين مع الولاده
انا بعرف جم احط زياده للادوية وابرة ظهر وطهور للبيبي ؟؟؟؟؟؟؟؟؟؟
بليييييييييييييييييييييييييييز فيدوني والله يجزاكم كل خير

 

[وردة النرجس]

بيه والله زادوا الأسعار حيل

ليش جذي

يعني أنا ولادتي كانت قبل 4 سنوات إهناك بس صج تغيرت الأسعار

 

[nazek_q8]

مادري جم بالنسبه لجناح الهادي

انا توني والده بالهادي اخذت الملكي وطلع حسابي كامل مع الادويه وبعد الخصم 786

انتي حطي 1200 لان الطهور اعتقد 50 واذا طلبتي تجميل تقريبا30 وغيير الادويه واذا احتاج البيبي حضانه مادري عاد جم سعرها باليوم يعني خلي ميزانيتج راهيه

 

[هيونه الكويت]

احسلكم تولدون بالصباح وتوقون قلبكم وسو استقبال بقاعه الجورى اوفرلكم

 

[eng.3anoona]

بنات عفيا منو جربت تولد حكومي وتسوي استقبالها بمستشفى خاص ؟؟