بنات باخذ رايكم بشغله..؟؟؟؟

[(( قمر ))]

قوه بنات.. شلونكم.؟


حبيت آخذ رايكم بشغله.. عندي خدامه سيلانيه و لايعه جبدي منها حدي كارهتها.. اول كانت زينه بس تالي عقب ما حولتها طلعت على حقيقتها.. كل ما اقولها شي تأفف.. و طحت عليها تغسل بنتي بماي حار و لا تراددني اقولها حار تقول لا مو حار عمى بعينها.. و كل ما دخلت المطبخ تقول ماما شنو بتسوين اقولها بسوي غدا تقول لا تسوين قولي لي و انا اسوي.. اقولها مو شغلج انا احب اطبخ تقولي بس انتي قولي و انا اسوي انتي لا تسوين.. قهرتني

المهم.. ودي اردها و اجيب وحده ثانيه و افكر اني استغني عن الخدامه..؟؟ بحكم اني بطاليه و عندي بنوتين..
مرات اقول خلاص ما عاد ابي خدامه انا اقوم بشغل بيتي.. و مرات اقول اخاف ما اقدر عليه اجيب لي وحده غيرها..

شرايكم بنات..؟؟؟؟ و الله لايعه جبدي منها

 

[برونزية رشيقة]

دشي موضوع اسمه : لا للخدم .. في قسم الحياة الاجتماعية والنفسية .

للكاتبة : لا للخدم .... فيه إجابة عن سؤالج .

 

[مســـــك]

ههههههههههههههههههههه

ضحكتيني وربي

توني اقول بموضوعي منو تبي تاخذ خدامت امي مانبيها بسبت جنسيتها

الله يعينج ياربي وصراحه ماتنلامين وربي

 

[أوركيدا]

الخدامه شر لابد منه @عمى بعينهم يرفعون الضغط

 

[بنت باباتي]

والله يكسرون الخاطر ويغثون بنفس الوقت

 

[nadooya]

يمكن انتي حارة .ماشاءالله عليج خليها تجهزلج وجربيها خليها تطبخ ولا تهاوشينها وصبري شوي عليها ولا تقطين بناتج عليها اهيا ليما الحين ما تعودت عليهم وحبتهم مع التعود تحبهم خصوصا لا صرتي حليوة وياها ولا تهاوشينها .
وتوضي بناتج وضيهم انتي لا تقطين عيالج عليها لانها ما تحبهم لو انتي والتهم واهي عندكم تتعود تصير مع الوقت تموت عليهم .
وخلي نفس كناين قبل يوم لج ويوم لها . اذا ما ارتحتيلها خليها تولي . والله يعوضج .

 

[kaify q8ya]

الله يعينج
والله صج يرفعون الضغط

 

[(( قمر ))]

ههههههههههههههههههههه

ضحكتيني وربي

توني اقول بموضوعي منو تبي تاخذ خدامت امي مانبيها بسبت جنسيتها

الله يعينج ياربي وصراحه ماتنلامين وربي

تسلمين عالمرور ياقلبي..
الله يصبرني عليها بس..

 

[(( قمر ))]

دشي موضوع اسمه : لا للخدم .. في قسم الحياة الاجتماعية والنفسية .

للكاتبة : لا للخدم .... فيه إجابة عن سؤالج .

مشكوره يافلبي.. استفدت من الموضوع.. و شكلي بطبقه عن قريب..

 

[(( قمر ))]

الخدامه شر لابد منه @عمى بعينهم يرفعون الضغط

اي والله صاجه.. الله يعينا عليهم..

 

[(( قمر ))]

والله يكسرون الخاطر ويغثون بنفس الوقت

والله من ناحيه يكسرون الخاطر مرات اقول مابي اقطع رزقها بس لما تنرفزني اقول شاللي حادني عليها ..

 

[(( قمر ))]

يمكن انتي حارة .ماشاءالله عليج خليها تجهزلج وجربيها خليها تطبخ ولا تهاوشينها وصبري شوي عليها ولا تقطين بناتج عليها اهيا ليما الحين ما تعودت عليهم وحبتهم مع التعود تحبهم خصوصا لا صرتي حليوة وياها ولا تهاوشينها .
وتوضي بناتج وضيهم انتي لا تقطين عيالج عليها لانها ما تحبهم لو انتي والتهم واهي عندكم تتعود تصير مع الوقت تموت عليهم .
وخلي نفس كناين قبل يوم لج ويوم لها . اذا ما ارتحتيلها خليها تولي . والله يعوضج .

انا صح حاره بس ما ازفها اخاف تسوي لي و لبناتي شي.. انا ما اثق بالخدم.. و انا اصلا ما اخليها تغسل بنتي بس يومها كنت ارضع بنتي الصغبره و مضطره انها تغسلها بس يوم سمعت صراخ بنتي حذفت الصغيره و رحت اركض

 

[فراولة حمرة]

انه نفسج ساعات اقول ودي استغني عنهم بس عذا شر لابد منه