وين ألاقي أكياس التخزين ؟

[ريحانة_14]

السلام عليكم يابنات يا نظيفات ويا مرتبات

بغيت أسألكم .. وين أقدر ألاقي أكياس التخزين إللي أسحب منهم الهوا بس أبي أكياس ( heavy deuty )

وما أبي شغل دايسو لأن حده خرطي أحط الملابس فيه من هني وقبل لا أشفط الهوا والا منشق الجيس وأنا مو محمله فيه وايد ملابس

شريط وايد من دايسو ونصهم مقظوظين

إذا تعرفون مكان يبيع هالجياس عفيه لحقوني

وماتقصرون

 

[نيبال الايمان]

ضى الايمان


ايييييييييييييه والله ياعمرى هم انا ابى من وين الاصلى لان شغل دايسو مو شى يا فعلا ينقضون لا بعد فترة تلقين الهوا رد للجيس 000

 

[مغيب الشمس]

انا اشتريه من دايسو بس ما ازحمه بالملابس ماتسوى ينشق وبعدين اجيب اللزاق العريض واسكرة السحاب دار ما دار

 

[*شمعة وفا*]

هم أنا حاطتهم ببالي بشتريهم
قبل فترة كان واحد حاط اعلان بحريدة عنهم
حق الملابس والديباجات عارضهم بارض المعارض
وكان حاط رقمه وبحطه لكم
99760381​

 

[$كويتية$]

ترافاليو تحصلينهم
وبجميع الاحجام بعد

 

[نيبال الايمان]

ضى الايمان


مشكورة ياعمرى يا كويتية 000 ومشكورة ياعمرى يا شمعة وفا 000

يعطيكم الف عافية

 

[ريحانة_14]

ضى الايمان


ايييييييييييييه والله ياعمرى هم انا ابى من وين الاصلى لان شغل دايسو مو شى يا فعلا ينقضون لا بعد فترة تلقين الهوا رد للجيس 000

إي والله معانااااااة مع جياس دايسو حدهم موشي

 

[ريحانة_14]

انا اشتريه من دايسو بس ما ازحمه بالملابس ماتسوى ينشق وبعدين اجيب اللزاق العريض واسكرة السحاب دار ما دار

إللي عند دايسو خفاف بس أنا خابره في ثقال وشغل أسنع من دايسو

 

[ريحانة_14]

هم أنا حاطتهم ببالي بشتريهم
قبل فترة كان واحد حاط اعلان بحريدة عنهم
حق الملابس والديباجات عارضهم بارض المعارض
وكان حاط رقمه وبحطه لكم
99760381​

مشكوووووووووورة بعد قلبي شمعه وفا خذيت الرقم وبدق عليه الحين

 

[ريحانة_14]

ترافاليو تحصلينهم
وبجميع الاحجام بعد

مشكوووووووووووورة حبيبتي كويتية وماقصرتي

طيراااااااااااااان الحين على تروفاليو

ميرسي خالص

 

[ام يوسف 2007]

والله انا محتاجتهم بعد
لاني بشيل من شقتي
بسوين فيه ترافاليو وايد اسمع عنه بس للاسف مادله ياليت دلوني

 

[ريحانة_14]

أم يوسف تروفاليو كلش عند إيكيا القديم

لما تروحين شويخ عند a2z تخلينه على إيدج اليمين وتمشين شوية سيده تحصلين تروفاليو على إيدج اليسار

 

[ريحانة_14]

بنااااااااااااااااااااااات

تروفاليو مافيه جياس خالصين من عنده

بس الرقم إللي عطتنا ياه شمعه وفا دقيت عليه وقالي إنه منزل كمية بلوازم العائلة إللي بالروضه وبالأندلس

ويوصل لي البيت إذا تقريبا أكثر من 20 جيس

دقيت عليه وياني البيت وخذيت منه 35 جيس حق أمي وأختي بعد

نوعيتهم قوية وممتازه ومو مثل ملوت دايسو بوطقه لأ .. وفتحه المكنسه مدورة بروحها فوق الجيس يعني تصكين الجيس تمام التمام بعدين تشفطين .. ما تحتاجين تخلين شوية منه مفتوح .. حيييييييييييل عجبوني

دقوا عليه وراح إييكم يشرحلكم كل شي وعطاني جيس بعد فري :jbdwjbd:

مشكوووووووووووورة شمعة وفا :33_1185028183:

 

[حصووونه]

بجم باعهم لج اختي وفي مقاسات كبار حق الكفرات عنده؟؟؟

 

[نارنجه]

نفس السؤال ... بجم ؟

 

[ريحانة_14]

حبايبي

في 3 سايزات

الجامبو ====> هذا حق الكفرات الكينج سايز
اللارج =====> هذا وسط للملابس والمخدات وتدخل فيه الكفرات بونفر واحد
الميديم =======> هذا أصغر سايز ويدخل بجناط السفر وحجمه حييييل مناسب حق ملابس الأطفال الشتوية والصيفيه


حتى قالي جربي وحطيهم بالجياس وسكريهم وشفطي الهوا وتالي غرقيهم بالماي .. ماراح تدش عليج نقطة ماي وحده .. وحتى لو ترشين بداخله شوية عطر وتصكينه وتالي تفتحينه السنة اليايه راح تظل ريحة العطر موجوده ..

الجامبو سعره 2 دينار

اللارج سعره 1.750 دينار

الميديم سعره 1.500 دينار

بس الصراحه عليه بالعافيه لأن نايلونه قوي وسميك أكثر من ملوت دايسو

 

[ليمون ونعناع]

حبيت اضيف
ولو ان متاخر
سريت هم من تيلي سين١٨٠٨٨٠٨
ست كامل مع هديه ب١٢ تقريبا ٨اكياس احجام مختلفه

 

[قمربلادي الكويت]

السلام عليكم بنات
انا شريت هالكياس من طيور الجنه ووايد زينين ونفعوني حق السفر وحق البيت حطيت كل شي ما استعمله فيهم
والكفرات عقب المصبغه داخلهم واتم نظيفه ومرتبه وروعه
واسعارهم كلش مو غاليه من 450 فلس اعتقد لي دينارين ويشيل من اغراض صغيرة لي الكفرات
جربوهم منتوا خسراننين
اتمنى اني اكون افدتكم
مع كل حبي

 

[شوقي وغلاي]

ماخذتهم من طيور الجنة ومخزنة فيهم الملابس الشتوية .... واشحلاتهم ما فيهم شي ....

 

[كويتيه أنيقه]

هوم سنتر والله حلو واصلي انا ماخذه منهم وادعيلي الهدايه