بنات ساعدونى الي تعرف بالتوحد

[خلود العامر]

السلام عليكم ورحمة الله وبركاته


بنات انا عندى ولد اختى عمره 2 بس للحين ما يتكلم وكل من يشوفه يقول فيه توحد لا انا ولا اختى عارفين شنو توحد
ووين انوديه علشان يكشفون عليه اذا فى توحد ولا لأ والي تعرف اعراض التوحد تفيدنى وجراها الله خير
والله يخلي لكم اعيالكم ولا يراويكم مكروه فيهم ( اللهم امين )

 

[cute manar]

مايشوف شر انشا الله
اخذي حج اخصائي يقيمة ويسوي اختبارات تعرف هو شنو فية بالظبط
الله يشافية

 

[cute manar]

عندج بعد الدكتورة عبير عوض والدكتورة فاطمة العوضي زينين

 

[الصابرة المحتسبة]

هل لديكم طفل يعاني من التوحد- خلونا نتجمع (http://www.q8yat.net/showthread.php?t=159310
ان شاء الله يفيدج
ويعل ربي يشفي مرضانا ومرضى المسلمين

 

[ام^صالح]

اقري موضوع الاخت ريحانه مثبت انا من خلاله اكتشفت توحد ولدي وانشاء الله مايطلع ولد اختج توحد لان تاخر الكلام مو شرط يكون توحد وتفاءلوا بالخير

 

[Emanova]

فاطمه العوضي في فاطمه كلينيك و لا تروحين خق غيرها

 

[خلود العامر]

جزاكم الله خير وما تشوفون شر حبايبى

حبيبتى وين فيه فاطمه كلينيك

 

[<< أزيان >>]

حبيبتي ان شاء الله مايكون في توحد في يهال يتأخرون بالكلام خاصه الصبيان انا اعرف وحده ولدها عمره سنتين ولما اللحين مايتكلم

بس الولد مبين عليه ذكي ويتفاهم مع امه بالاشاره يمكن ليش اول بيبي ومدلل بزياده وتعطونه طلبه من قبل لايفكر انه يطلبه وهالشي

عوده انه يستغني عن الكلام يعني مثلا يأشر للأم اشاره معينه تقوله على طول اي حبيبي تبي ماي وتركض اتييب له غير لما تقول له

مافهمت حبيبي شنو تبي قول شاطر يالله اذا قلت اعطيك كاكاو او اي شي يحبه بتشوفينه يتشجع ويبدي يتكلم اذا اهو من هالنوع خليها تتجاهله

لما تخليه ييأس ويتكلم

وابسط الاشياء اللي تعرفين اذا اهو طبيعي او لأ بطلي كف ايده من داخل الانسان الطبيعي ايده اليمين مكتوب فيها رقم 18 واليسار 81 الغير

طبيعي الايدين الثنتين نفس الرقم اعتقد 18 مو متأكده ومستشفى الولاده فيها قسم الامراض الوراثيه هناك دكاتره مختصه تكشف لج عليه

 

[ريحانة_14]

إن شالله تعالى مافيه شي حبوبه

بس جيكي عالمواضيع المثبته وبإذن الله بتلاقين الجواب الشافي

وطمنينا عنه ناطرينج

 

[القرآن ربيع قلبي]

اذا كلمتيه يحط عينه بعينج ويركز ))) مافيه توحد
اذا ناديتيه يرد ان شاء الله مافيه توحد

يقعد بروحه ويسوي حركات ويكررها لساعات من غير مايمل ))ممكن فيه توحد
يتضايق من الناس ولا يلعب مع الجهال ويحب يقعد بروحه ))ممكن فيه توحد
والاعراض كثيرة وتختلف شدتها وحدتها من طفل لاخر بس هذا اهمها يمكن حسب رايي

ان شاء الله مافيه توحد الله يحفظه وبهالعمر الواحد مايقدر يميز بس سؤال ليش الناس تحكم على اي اساس شنو الدلائل ؟؟
اذا السبب تاخر الكلام فمو شرط شكثر اطفال يتاخرون بالكلام لا تحاتي الله يخليه لها

طمنينا عليه تكفين

 

[الصابرة المحتسبة]

جزاكم الله خير وما تشوفون شر حبايبى

حبيبتى وين فيه فاطمه كلينيك

عيادة فاطمة كلينك:
السالمية - الدائري الرابع - ت : 25641234

 

[thundercats]

اختي الله يشافيه انشاءلله انا ولدي فيه توحد من عمره سنتين و الحين بكمل 6 سنين و الحمدالله وايد تحسن انا وديته حق عبير عوض بعدين وديته حضانه البسمه و الصراحه اهوه تحسن من دخل هالحضانه يعطيهم الف عافيه و اذا تبين ارقامهم أو أي شي ثاني راسليني

 

[الصابرة المحتسبة]

بشرينا يقلبي