اسعارالولاده بالمستشفيات الخاصة(تم تجميع المواضيع المتشابهه)

[haninoooo]

انا ولدت بجري بالراشد وقيصريه كلفني تقريبا 980 تقريبا وهالحجي من جم سنه عند دكتور نصر وهبه لكن خدمتهم تفشل ساعه على ماتييج السستر
وولدت الثانيه بالصباح اشحلات خدمتهم والسسترات عسل وقيصريه عند دكتور محمد قنديل
والحين حامل وطبعا راح اولد قيصريه ومحتاره وين اروح : الصباح او السلام !!!!!!

اشرايكم؟؟؟؟؟؟؟؟

 

[ام عبودي دودي]

انا ولدت برويال حياة العام 2008 شهر 3 شوفوا :

قيصريه واخر الثامن لان المشيمه انفصلت عن الجنين

يعني دفعت اللي ماتوقعته لووووووووول

وصلت ولادتي تقريبا 2000 دينار ولا بعد كنت حاجزه اصغر غرفه اهيا (ليلي) ويومها كان

في عرض يعني نص السعر ودكتورتي من بره بس الحمدلله على كل حال

والحمدلله ان ولدي بخير وبعافيه وعمره الحين سنه يخليه ربي

بس رويال حياه عجييييييييييييييييييييب انا عجبني وايد

 

[<<--نينا ريتشي-->>]

مرحبا حبايبي
بغيت اسأل عن قاعة الجوري برويال حياة شلونها؟؟؟ وشلون السيرفس فيها؟؟

 

[ام جاسم:)]

السلام عليكم
انا حبيت اسال عن مستشفى السلام والدكتور احمد الخطيب اللي عندهم شلونه انا مدحولي ياه فمادري ابي احد يفيدني لان كله تتكلمنون عن دار الشفا وانا ابي السلام بليييييييييييييييييز اللي مجربه تفيدني

 

[@ام ضحاوي@]

مشكورة حبيبتي

 

[شباصه ورديه]

بنات الجوونير بدار الشفا او السلام الي اهي شوي اكبر من العاديه جم؟؟؟؟

احد يدريي

انا خذيت الجونيور بدار الشفا

غرفه شوة كبيرة مو وايد ويحطون لج على طرف كنبات

وحمامهم اوكي وحلو

جربت غرفه عاديه عندهم قبل

وولادتي الاخيرة خذيت الجونيور صراحة حلوو ومرتب ملموم بس حلو اذكر زوجي قال ليلته 150 دينار صدمنى احس مايسوى 150

والغرفه العادية بولادتي اللي قبلها اذكر 50 وشي

الله يسهل عليج

 

[لولو2007]

الله يعطيكم العافية على هالمعلومات المهمة
بس ماعندكم فكرة عن اسعار باجي المستشفيات؟؟
أكون شاكرتلكم...

 

[سلايل*عبس]

حبيبتي شباصه ماعتقد الجونيور ب150 اخاف مودار الشفا قصدج انا ماولدت فيها بس خواتي كلهم اهناك ماعندهم نظام تحجزين غرفة باليوم لا تصير مع الولاده والجونيور الولاده كلها تطلع 500 والا 500 وشي اذا دكتورتج من برا

 

[مناتي]

:eh_s(6):

انا ولدت بجري بالراشد وقيصريه كلفني تقريبا 980 تقريبا وهالحجي من جم سنه عند دكتور نصر وهبه لكن خدمتهم تفشل ساعه على ماتييج السستر
وولدت الثانيه بالصباح اشحلات خدمتهم والسسترات عسل وقيصريه عند دكتور محمد قنديل
والحين حامل وطبعا راح اولد قيصريه ومحتاره وين اروح : الصباح او السلام !!!!!!

اشرايكم؟؟؟؟؟؟؟؟

حبيبتي والله انصحج بالصباح ولا تقطين فلوسج على قيصيريه وتكلف واايد وسويها بالحكووومه واستفيدي بالفلوووس حق تجهيزج او حق شي ثااني

 

[منانا]

اختي توها والده الحمدلله بالسلامة بمستشفى رويال حياة قيصرية ولدتها الدكتورة امل عبدالعزيز وخذت 400 دينار وطلعت الحسبة كاملة مع حساب الدكتورة 1300 تقريبا بغرفة ليلي والخدمة توووووووووووووووووب والمكاان عجيب وهم اختي الثاانية كانت والدة فيها طبيعي من قبل والحمدلله مرتااحه منهم وخذوا منها بالعرض 500 وشي بغرفة ليلي


الله يقوم كل اوالداات بالسلاامه يارب

 

[اميره كويتيه]

قوه بنات ابي اعرف سعر غرفة الملكي ابدار الشفا والدكتوره من برا جم سعرها

 

[مناير خزنة التاير]

بنات عرفتوا الاسعار اليديده حق المواساة ؟

 

[MISS_3BE6A]

وااااااااااااى بنات ضيقتو خلقي على مستشفى السلاام عاد كنت ناوية اولد فيها بس كذا وحدة كاتبة انهم نصب يقولون سعر او وقت الدفع يدفعونج الدبل عاد انا ما احب جذى يمكن الواحد مو عامل حسابة او ميزانيتة ما تكفى صج عيال حرام ونصب عاد الحين مالي الى دار الشفا ودار الشفا امى كرهتنى فيها تقول ماكو تعقيم ووصخين واختى راحت بتولد عندهم قعدوها على كرسي كلة دم مال وحدة توها ولدة فمادرى متخوفة ساعدونى انزين دار الشفا هم نصب نفس السلاام يعنى يقولون سعر ويدفعون دبل اذا احد عندة علم خل يقولى بليز

 

[MISS_3BE6A]

قوه بنات ابي اعرف سعر غرفة الملكي ابدار الشفا والدكتوره من برا جم سعرها

حبيبتى الملكى سعرة تقريبا 722 واذا دكتوة من برة زيدي عليهم 300 تقريبا وعليج الحسبة مع 100 تامين

 

[كوكو لاتي]

حبيبتى الملكى سعرة تقريبا 722 واذا دكتوة من برة زيدي عليهم 300 تقريبا وعليج الحسبة مع 100 تامين

انا كل ولاداتي بدار الشفا وعمرهم ما خذوا تأمين ياخذون فلوس الغرفه والولاده وبس

 

[MISS_3BE6A]

انا كل ولاداتي بدار الشفا وعمرهم ما خذوا تأمين ياخذون فلوس الغرفه والولاده وبس

صج زين احسب نفس السلاام ياخذون تامين

 

[3rosa]

لا دار الشفا ما في تامين بس سعر الغرفه و اتزيدين سعر اا الدكتور من بره

 

[أحلى عقربة]

بنات ابي الوان الغرف الملكي اللي بدار الشفا شنو أحلى لون اللي تعرف تقول عفية ؟؟؟

 

[Brounzi_girlly]

بنات ترى دار الشفا ياخدون تأمين آنا والدة قبل 6 شهور 100 تأمين
مع التحية..........

 

[meen_ana]

بنات مافي مستجدات على الاسعار