تجاربكم مع أطباء الاسنان ~

[كيوت--]

السلاام عليكم














الموضوع باين من العنوان
منو احسن طبيب او طبيبه اسنان
وتجاربكم معااهم وراح تكون شاكره لكم ~~~:33_1185028183:

 

[جودي الامورة]

كل التجارب السابقة كانت زكريات اليمة بلنسبة لاسناني
بس لما جربت عيادة تيجان للاسنان
بصراحة وايد حسيت براحة نفسية
والعلاج ما شاء الله عندهم دكتور شهرم ودكتور محمد
ووواووو روعة

 

[نداااوي]

يسلمووو كيووووت على المموضوع الحلو ويسعدني إني أكون أول وحدة ردت عليكي

بالنسبة لي أنا أروح عند عيادة بحولي مجمع بلازا(نسيت إسمها) إسم الدكتور فايز الطبري .. صراحة أنا عندي خوووف من الدكتور وخصوصا الاسنان بس الحمدلله هالدكتور حبوب ومرح وشكلة مريح

 

[نداااوي]

سبحان الله ردينا أنا وجودي الأمورة بوقت واحد سووري تاني وحدة مو أول وحدة أرد

وسلامات يا جودي الأمورة وماتشوفي شررر

 

[**روان**]

جودي الاموره .. انا عند دكتور يوسف بعيادة تيجان ، دكتور محمد شلونه اهو مال التقويم صح ؟!

 

[MoonDiamond]

دكتور اسامه بالهادي.. ممتاااااااااااز
بس يطول بالشغل بس صج ممتاز.. انا اعالج بالحكومه للحشوات والشلع والعلاج عموما
بس التجميلي عنده.. سوالي اسناني الاماميه روعه وطبيعيين حييييييل

 

[mooomooo]

بنات اشلون الدكتو يوسف اللي بتيجان ؟؟

وحبيبتي nana-cat79 الدكتور اسامه بجم سوالج اياهم ؟؟ وشنو سوالج تلبيسات ؟؟

 

[**روان**]

بنات اشلون الدكتو يوسف اللي بتيجان ؟؟

باله طوووووويل و دايم يسولف لوول و يضحك و طيب و مو وسيم ههههه

 

[قطوة@@]

اب اب

 

[mooomooo]

باله طوووووويل و دايم يسولف لوول و يضحك و طيب و مو وسيم ههههه

حبيبتي انا شفته وشاف ضروسي:eh_s(1):

انا قصدي اشلون شغله وشغل التلبيسات ؟؟

الله يخليج طمنيني زين ولا مو ذاك الزود !!:eh_s(6):

 

[**روان**]

اها انا ما لبست اسناني فمادري .. بس تنظيف و شلع و حشوات و هيك صراحة ً ممتاز بالنسبه لي و ما فيه الم ..

 

[جودي الامورة]

عزيزتي روان ومومو
دكتور محمد للتقويم ووايد حسيت بفرق باسناني وشغله حلو وهادي
اما الدكتور يوسف شغله بلنسبة للتلبيس بعد حلو ومتمكن في شغله
في بعد دكتور شهرم ايراني للعصب وللاطفال خالتي راحت عنده حق ولدها

 

[mooomooo]

مشكورين بنات

انا رحت لهم ومادري ليش ارتحت لهم مع اني مابقى عياده مادقيت عليهم

الدكتور يوسف قالي عن الدكتور الايراني مال العصب انه وااايد زين من احسن الدكاترة للعصب في الكويت

سئليلي خالتج الله يخليج اشلون شغله في عوار ولا لاء ؟

ودي ابلش وياهم لان انا بسوي السطره اللي فوق كلهم تبلبيسات بإذن الله ومابي اي شي

جودي سووعااااااال انتي شايفه التلبيسات و لا لاء ؟

واذا شايفتهم اشلونهم ؟

 

[روح البنفسج]

انا عند عياده تيجان عند الدكتور مضر يهبل مرح وحبوب وشغله نظيف ارتحت عنده وايد وهم سوه حق رفيجتي اسنانها اللي جدام تركيب ماشاءالله جنهم طبيعين وباله وسيع عاد رفيجتي خوافه حيل عادي تحمل صراخها ويضحك معها قبل لايسوي شي قامت تصارخ خلاص بطلع هههههه

 

[MoonDiamond]

دكتور اسامه بالهادي.. ممتاااااااااااز
بس يطول بالشغل بس صج ممتاز.. انا اعالج بالحكومه للحشوات والشلع والعلاج عموما
بس التجميلي عنده.. سوالي اسناني الاماميه روعه وطبيعيين حييييييل

الله يسلمج.. قعدت معاه اسبوعين ولبسلي الاسنان الاماميه الاربعه بس ب400 مع المراجعات يمكن60 دينار مو ذاكره بالضبط.. بس الاربع اسنان الاماميه مو السطره كلها فكنت ابيهم يبينون طبيعيين حيل لان اللي عاليمين واليسار بيبينون ولازم يضبطلي اللون والحمدلله كل شي اوكي ولعلمج كانو اسناني مجدمين شووووووووووووووووووويه وردهم ورا شوييييييييييييييه بدون اي شي زايد بس بنحت التلبيسه بطريقه معينه عشان يعالج هالعيب.. والحمدلله كل شي تمام من سنتين:dddds:

 

[كيوت--]

للرفع يا كويتيااااااااات

 

[mooomooo]

يوم اليمعه دقيت على عيادة تيجان حق العصب تخيلوا







ماحصلت موعد حق هالاسبوع كلللللللش قالت بس في يوم الاحد الصبح

قتلها مابي حطتلي موعد الاسبوع الياي الاحد

والله يستر

 

[فقدتك يانور عيني]

يعني تنصحوني بعياده تيجان

شكلي بستخير وبروح لهم

 

[اميرة الغيد]

انا جربت دكتوره سيلينا بالهادي كم مره شغلها بالعصب زين

 

[بووومه]

اب اب