دمج جميع المواضيع (الاستفسارات عن تايلند)

[a6o06 ^_^]

رد: تايلند ضرووووري اللى عندها خبره فيها

انا بعد بروحلها شهر 12 بس ماعرف شي فيها للأسف

 

[كنترول]

رد: تايلند ضرووووري اللى عندها خبره فيها

هههههههههه
أتلمينا على بعض
ومحد معبرنا
بناااااات ساعدونا نكسر الخاطر هئ هئ هئ

 

[84 Miss Chocolate]

رد: تايلند ضرووووري اللى عندها خبره فيها

شوفي تقارير البنات بالقسم و اي استفسار انشاءالله بتساعدج صاحبه الموضوع

 

[Dress Me Up]

رد: تايلند ضرووووري اللى عندها خبره فيها

أهلين خواتي ...... 7 ايام شويه .. بروحه بوكيت روعه روعه روعه .. يبليج على الأقل فيها اسبوع ... ومايسوى تروح سفرتكم كلها طيران ...



ماعلينا انا شانغ ماي مارحت لها ,, رحت حق

بانكوك وبوكيت وبعد جم يوم انزل تقريري عنهم ..


أهم شي عزيزتي تروحين في بوكيت حق عرض الفنتازي ورلد لا يكون يطوفج عجييييييب ..

ورحلة الرافتنج .. هم روعــه ..

ومانصححج بجزيرة جميس باوند لأنها حق السواح اللي جاية تتسبح ,,,,,,

والفنادق ..
La Flora Resort Phuket موجود داخل البوتنج بيتش انصحج فيه ... للاسف انا كنت حاجزه فيه بس لأن رحلتي تأخرت .. ماكان في حجز اليوم اللي وراه واضطريت اقعد في فندق ثاني ...

وبانكوك .. دام يوم واحد سكني في فندق عند السوق بالضبط وترا مجمعاتهم وايد ما شاء الله يبليج كل يوم تحوسين بدور من مجمع واحد بس ,,
وارشح لج فندق ..
Amari Boulevard Hotel

عموما أختي انتي سوي سيريش بالفنادق وشوفي الأسعار ،، لني حزتج الحين حيل ترتفع الأسعار بتايلند بالفنادق .. والتذاكر لأن الأجانب بالهحزة يكثرون من شهر 11 الي شهر 4 اتوقع نغلا الأسعار ..


وللامانه انا سكنت بفندق ثاني بعيد عن المجمعات وكنت اروح بتاكسي ... بس فندقي هم يمه جم مجمع صغيرون ،، وفندقي كله رجال أعمال ،،
واسمه Dusit Thani Hotel وكان راقي بس اكله مو ذاك الزود وريوقه زين


وتردين بالسلامة يارب ..



:33_1185028183:

​

 

[إستبرق]

رد: تايلند ضرووووري اللى عندها خبره فيها

تروحين وتردين بالسلامه اول شي
والفتره الي رايحه فيها قصيره فاتوقع احسن لج تروحين بس مكانين يعني بانكوك وبوكيت انا مارحت شانغ ماي بس الي سمعته بوكيت احلى
واقول احسن لج على الاقل 9 ايام تروحين اول يوم بانكوك بعدين تروحين اربع ايام بوكيت بعدين تردين بانكوك
الفنادق الي سكنتها اول شي فبانكوك سكنت نوفتيل سيام سكوير والفندق حلو من ناحيه نظافه وخدمه وموقع موقعه بنص السوق يعني تطلعين من جميع الجهات سوق
وبعدين لما رديت من بوكيت لبانكوك سكنت فندق لاند مارك وحتى الفندق هذا حلوو وخدمته بعد وغرفه احلى من نوفتيل سيام بس هذا موقعه فنانا ستريت الي هو شارع العرب والمجمعات مو عنده عنده مجمع واحد اعتقد يعني تروحين للمجمعات بتكسي بس قريب
وفبوكيت سكنت ففندق رمادا وما انصحج فيه صج مكانه حلو لانه مو عند اللويه صج بعيد عن الشاطئ الي فيه الانشطه بس انا بالنسبه لي حبيت مكانه بس الفندق خدمته موشي
والرحلات الي حبيتها من رحلات الجزر بس رحله جزيره جيمس بوند واصلن مو جزيره جيمس بوند الي كانت مميزه لا جزيره بطريج جيمس بوند كانت تهبببببببببببببببببل روعه تدخلين بقوارب التفخ فمغارات واكهف تهبل صج وانصحج ماتحجزين للرحلات من المطار ولا من المكاتب الي بالسوق لا لما تركبين التكسي وانتي نازله من المطار قوليله يوديج مكتب للرحلات وموزحمه لان اذا اليخت الي انتي فيه زحمه حده موشي احنا الحمدالله اليخت كانوا معانا شويه وكلهم محترمين اشوف اليخوت الثانيه لووويه وزحمه وناس فوق ناس غير التفصخ
وطبعا اسوقه بوكيت تهبببببل لايقولون لج لاتتسوقين من بوكيت بالعكس تسوقي منها اصلن انا تسوقت من بوكيت وشحنت جناط للكويت من بوكيت ورديت تسوقت فبانكوك
ونصيحه اذا تسوقتي وايد اشحني الجناط للكويت احسن لج واوفر انا شحنت للكويت 4 جناط كبااار ووحده وسط خذوا مني 50 دينار وبالطياره واحد يقولنا انه وزن جنطه صغيره طلع زايد ماخذين عليه 100
والحين توني بماليزيا شحنت 3 جناط كبااااااااااااار طلع علي ب80 كويتي ولو بالمطار جان طلع علي ب300 دينار يعني حده يفرق
وصج هذا رقم سايق بتايلند دقي عليه يمكن تحصلونه انا رحت السنه الطافت وهالسايق فبانكوك بس يهببببل امين امين لابعد درجه والله حطينا عنده غراض لنا ورحنا بوكيت اسبوع وردينا بانكوك وقعدنا 4 ايام او 5 ودقينا عليه ياب لنا غراضنا على حطتهم وحتى اسعاره زينه اسمه جون 0819261548 انشاءالله يكون للحين عنده هالرقم
وتروحين وتردين بالسلامه يارب والله يسهل عليكم

 

[حـلا و ذوق]

رد: تايلند ضرووووري اللى عندها خبره فيها

كنترول ..

اول شي تروحين وتردين بالسلامة ..

بالنسبة لي رحت تايلند بشهر 5 اللي طاف ..

بانكوك يوم واحد وايد عليها .. قذارة وخياس ولافيها شي زين .. الا اذا زوجج يبي نعل في محل باخر شارع العرب وايد زين واسعار النعل عنده بحدود ال 8 كويتي ..

احنا سكنا بفندق جراند ماجيستيك .. نظيف وحلو والتعامل وايد زين وهو 4 نجوم .. تقريبا سعر الليله كانت حوالي 34 دينار .. وطبعا حجزناه عن طريق النت من موقع حجوزات اسمه سوادي .. بس طبعا تحجزين وانتي متأكدة من الحجز لان اذا كنسلتي مايرجعون فلوسج لكن يخلونهم عندهم لو قررتي تسافرين بالمستقبل بس الزين فيهم انهم يعطونج عروض ويكون سعر الغرف ارخص من الفندق نفسه !

بخصوص بانكوك انصحج بمجمع واحد كبير حييييييييييل يمكن من 7 طوابق ناسبة اسمه !! بس معروف عندهم لو تسألين اي احد يقولج عنه ..
فيه مجمع سيام سكوير .. وبعد سيام بنتاقون بس هذا غالي حيل وكله ماركات ..


لاتاكلين من مطاعم الفاست فود هناك لان اكلهم مو حلال بس بتلاقين مطاعم عربية بشارع العرب .. صج ماهم كشخة بس احسن من المطاعم الباقية ..

هذا بالنسبة لبانكوك .. وانتي دامج مخليتها اخر يوم .. معناته انتي اصلا يوم وصولج بيكون في بانكوك لان مافي طيران يوديج بوكيت على طول لازم تنزلين بانكوك .. ومن بانكوك تاخذين طيارة الى بوكيت او شانغماي ..

شانغماي انا مارحت لها بس سمعت ناس تمدحها وانها جبليه وكله فيها تسلق جبال ,,,, والخ

بوكيت .. روووووووووووووووووعة .. كان الجو صيفي لما رحنا والبحر عجييييييييييييب واجرنا سيكل هناك انا وزوجي ..
سكنا في الباتونق بيتش ..
احسن بيج ولاتجربون غيره .. اذا تبون باقي البيجات تقدرون تروحون وترجعون بنفس اليوم ..

افضل الفنادق .. بالنسبة لي الهوليدي ان + بانتاي + برساري ..
انا سكنت في برساري وهو لازق في الهوليدي ان وبابهم على بعض .. بس سعره ارخص من الهوليدي ان ..
برساري وايد كبير وحلووو حيل من داخل وعلى ما اذكر الليله كانت في حدود ال 35 دينار .. بس هم علشان حنا كنا بشهر عسل عطونا غرفة اكبر من اللي احنا حاجزينها .. وهم بعد ماعجبتنا راحو عطونا اللي اكبر واحلى .. هذي كانت فضيعه وكبييييرة حيل وفخمة..

في بوكيت لا يطوفج عرض الفانتاسي .. هذا يبدي تقريبا ع الساعه 6 المغرب بتوقيت تايلند .. في كشك لازق بالهوليدي ان مقابل برساري هذا افضل اسعار عنده .. خذو عرض رحلتين علشان تخفضكم ..
مثلا خذو رحلة بيبي ايلاند .. تجنن و ونااااااااااسة .. لا تفوتينها .. بس اخذو نظام السبيد بوت ( القارب السريع اللي فيه محركين ) علشان توصلون اسرع ..

رحلة جيمس بوند مارحت لها ناس قالولي مملة والدرب طويل وقالولي بيبي ايلاند احلى فمارحت لها ..

يعني الحين صار لج برنامجين ليومين .. يوم بي بي ايلاند ويوم فانتاسي وماتقدرين تروحينهم بنفس اليوم ..
لان بي بي ايلاند من 7 الصبح يجيكم الباص ومايردكم الا المغرب تكونون تعاااابه .. ولا فيكم حيل..

فيه مطعم هندي اكله لذييييييييييييييييذ لازق في برساري اعتقد اسمه علاء الدين .. اكلي من عنده الربيان المقلي .. و جكن تكه مصالا ^_^

هم في مجمع جديد .. توه فاتحينه من سنة يصير ورى الفنادق من الجهة الثانية عكس البحر .. اصلا مافيه غيره في باتونق بيتش..

التكاسي يلعبون عليج هناك لان اصلا المنطقة صغيرة تقدرين تفرينها بريولج بس لان طريقه سيرهم شينة يعني مافي سيارات رايحة وجاية .. لا بس خط سير واحد واذا السيارة تبي ترجع لازم تاخذ لفة كبيرة ..

علشان جذي اخذنا سيكل .. بس اخذنا مخالفتين .. علشان مالبسنا الخوذة ومرة بارك غير مسموح خخخخ

ومايبي لها دلاله .. هم رحنا لبوكت تون ( phucket town ) طبعا اذا تبين تتسوقين فيها مجمعين هناك .. اللي اذكرة اسمه
مجمع الـ big sea والثاني ناسية اسمه بس جنبه ..


انا سمعت ان الباتونق فيه محلات .. بس انا ماوصلت لها .. بس لما لقيت قطرية باخر يوم لنا في بوكت تقول فيه سوق هنا س انا مادريت عنه !!

قعدت في بوكيت 5 ايام .. وياليتني قعدت فيها اكثر..

وبعد ماوصلنا بوكت سمعنا عن منطقة كوسوماي .. بس كان لازم نرجع بانكوك ومنها لكوسوماي لان مافي رحلة من بوكيت ..
واحنا رحنا بانكوك باول السفرة ... وبعد بوكت توجهنا لماليزيا فماكان في مجال ..
بس ناس نعرفهم راحو بعدنا بشهرين ومرو كوسوماي على قولتهم يقولون احلى من بوكيت بعد

في بوكت لا تجربين تاكلين من مااكدونالدز ولا كنتاكي .. استغفر الله تكرم النعمه .. دجاجهم مو صدور .. على فخذ وتحسينه اسود ..
بس برجر كنج كان طعمه زين بس تسممت منه اسم الله عليكم ..

ودي افيدج اكثر والله ..

واذا عندج اي سؤال انا حاااظرة ..


برب

 

[حـلا و ذوق]

رد: تايلند ضرووووري اللى عندها خبره فيها

اي ولا تنسين تفوتين لعبة حلووووة في الباتونق بيتش بالمجمع اللي ناسية اسمه خخخ

يحطونج بكرة ويقطونج في حمام سباحة ههههههههه


برب

 

[كنترول]

رد: تايلند ضرووووري اللى عندها خبره فيها

ديومه
أستبرق
حلا وذوق
مشكوووووووووووووووووووووووورين على المعلومات الحلوة
صج صج أفدتوني

انا قريت تقارير البنات
وخذيت فكره
بس من كثر الاسماء ضعت
خو اللى رايح مو مثل اللى مو رايح لها

خلاص باخذ بنصيحتكم بحجز بانكوك - بوكيت - بانكوك
وبسوى لى برنامج حلو من كلامكم
يعطيكم العااااااااافيه

 

[a6o06 ^_^]

رد: الكيراتين في تايلند

ودي اسويه بدال لا استعمل الاستشوار بس انا مو خشن عادي ...؟؟

اخاف يحترق ولا شيp:

بليز اللي تعرف ترد علي =(

 

[بنت عبدالغني شربت]

up للفائده

 

[aL7La_kaLeh]

رد: بناااات كل اللي راحت بانكوك تدخل !!! بليز !!!

انصحج فى فندق mbkوايد حلة ويوفر عليج التكاسي اهو فندق وسوقه منه وفية سوق 6 ادوار فرى فية لما تقولين بس وبعدين حق الصوايغ سوق الليل بادبوينت اذا مو غلطانة موطبيعية اسعاره بس اى سعر ينقالج عطية النص على طول خصوصا اذا كنتى متحجبة يدبلولج السعر يعرفون متى يزيدون السعر بتشوفين اشاء وايد حلوة وماتدرين شنو تاخذين

الصراحه انا انصحكم بمجمع mBk انا رحت بانكوك مرتين المره الأوله تسوقت بهالمجمع 3 ايام ورا بعض من كثر ما اهوا كبير بس المره الثانيه بيوم خلصته لأنه دليت كل دور بالمجمع شنو فيه و بالنسبه حق اسعاره ممتازه بس من كثر ما يروحون له الخليجيين قعده اتزيد اسعار من سنه لي سنه والصراحه وايد حلو حق الصوغات و الهدايا بس ما فيه ملابس وايد وايد يعني ملابسه عاديه بس انصحكم بالمجمعات و المحلات اللي حوالينه صج تسووق صح :eh_s(6):

 

[aL7La_kaLeh]

رد: الكيراتين في تايلند

اقدر افيدج بالنسبه حق عمل الكيراتين انا انصحج اتسوينه في بوكت لانه صالونات بوكت وايد ارخص من صالونات بانكوك و شغلهم افضل انا شخصياً جربت صالوناتهم بكذا عمل بس الكيراتين ما جربته بس شغلهم نظيف و راقي و اكثر الصالونات اللي شغلهم اوكي تلقينهم على امتداد بحر على البتونق بيج صالونات خمس نجوووم ورخيصه و شاطرين بالكيراتين و تركيب الاضافر و المساج ​

 

[aL7La_kaLeh]

رد: بناااات كل اللي راحت بانكوك تدخل !!! بليز !!!

بالنسبه حق اشكثر تكفي الأيام بالقعده في بانكوك حدها حدها 6 ايام اذا تبين تتسوقين عدل و على افضل فندق تره فنادق بانكوك وايد بس افضلهم اللي يكون موقعهم بمنطقة نانا كلها مطاعم عربيه و خليجين وهم محلات عربيه و محلات البخور ودهن العود واغلب اللي عايشين فيها يتكلمون اللغة العربية انصحج السكن فيها و هم المجمعات قريبه يمها

 

[ArEEj]

يعطيكم العافيه بنات ع المعلومات
ومنكم نستفيدددددد

 

[مرق بطاط]

مرحبا انا بسافر بس محتارة اسافر تايلند ولا ماليزيا؟

 

[monmoon85]

شانغماي كوسوماي

الي تعرف اي فندق او اي مكان حلوو فيهم ياريت تذكرونهم

 

[monmoon85]

شانغماي كوسوماي

الي تعرف اي فندق او اي مكان حلوو فيهم ياريت تذكرونهم

 

[monmoon85]

وينكم ؟؟؟؟
ترى انا ماعرف شي بتاااايلند واول مره بروح لها

 

[candy21]

السلام عليكم حبايبي انا شهر سبعه انشالله مسافره تايلند وقاعده اشوف الفنادق عجبني فندق اسمه بنتاي شرايكم فيه زين ولا لا

 

[أحلى همبه كويتية]

السلام عليكم حبايبي انا شهر سبعه انشالله مسافره تايلند وقاعده اشوف الفنادق عجبني فندق اسمه بنتاي شرايكم فيه زين ولا لا

انا بحجز فيه اذا مالقيت في الملينيوم
انصحك وايد شفت ناس مجربينه وامدحوه

موفقة