يــلا يا أبلاتنـــــا ( مواقفكم من إعجاب البنات )خاصه الثانويه والمتوسط يلا حياكم

[toto - chan]

حرام مسكينه البنت

 

[الصابرة المحتسبة]

الله ذكرتوني بأيام الثانوية كنت معجبة بمسز الإنجليزي وبين فترة وفترة آخذ لها وردة وكانت علاماتي فل مارك علشان لا أزعلها واي وكنت بالفرصة لازم أمر على القسم وتنطرها تطلع من الغرفة بس علشان أتحجج بأي سالفة وسولف معاها وعرفت إن عندها بنية ووصيت أمي يعل ربي يشفيها إنها تشتري خاتم ذهب ناعم حق الصغيرة وديته لها وبوي الله يرحمه ويتغمد روحه الجنة وأموات المسلمين كان يصبر علي وما يقول شي لي خليت ينطر شوي إذا كنت أسولف معاها ,,,, المدرسة إذا موكلها نصها عارفين,,,, أيام حلوة إي ذكرت وكنت أعرف تقريبا إذا موكل شي عنها حتى إختها الصيدلانية أمر عليها بالصيدلية وأسأل عنها إذا كانت غايبة ههههه أدري بتقولون واي شنو هذا ,,,,,,, بس حسافة خلصت الثانوية وسافرت من غير ردة (هاجرت ) أبجي ,,,,,,,, بس كان الإعجاب أعتقد غير عن ألحين ما أدري أظن جذي ولا لا؟؟؟؟ السموحة طولت عليكم,,,

 

[فطووومة]

الله ذكرتوني بأيام الثانوية كنت معجبة بمسز الإنجليزي وبين فترة وفترة آخذ لها وردة وكانت علاماتي فل مارك علشان لا أزعلها واي وكنت بالفرصة لازم أمر على القسم وتنطرها تطلع من الغرفة بس علشان أتحجج بأي سالفة وسولف معاها وعرفت إن عندها بنية ووصيت أمي يعل ربي يشفيها إنها تشتري خاتم ذهب ناعم حق الصغيرة وديته لها وبوي الله يرحمه ويتغمد روحه الجنة وأموات المسلمين كان يصبر علي وما يقول شي لي خليت ينطر شوي إذا كنت أسولف معاها ,,,, المدرسة إذا موكلها نصها عارفين,,,, أيام حلوة إي ذكرت وكنت أعرف تقريبا إذا موكل شي عنها حتى إختها الصيدلانية أمر عليها بالصيدلية وأسأل عنها إذا كانت غايبة ههههه أدري بتقولون واي شنو هذا ,,,,,,, بس حسافة خلصت الثانوية وسافرت من غير ردة (هاجرت ) أبجي ,,,,,,,, بس كان الإعجاب أعتقد غير عن ألحين ما أدري أظن جذي ولا لا؟؟؟؟ السموحة طولت عليكم,,,

انا معاج حبيبتي الحين تغيرت المعاني صار حب الابلة معنى ثاني وكله مشكوك فيه

 

[toto - chan]

للرفع

ادعولي بدينا الامتحانات ... و زفت بامتحان الكيميا

 

[الصابرة المحتسبة]

ماعليه تعوضينها إنشاء الله

 

[الديما85]

وااااااااااااااااااااااااو حدده عجيب الموضوع أنا أبلة عربي توني تعيين جديد..
ومدرسة متوسط وكاان أول شي الكل امعارضني إني أروح متوسط لأن البنات شياطين ومن هالكلام وخااصة إن شكليييي حيل صغير كأني بالمتوسط
المهم.. أنا كلش مابي أبي أروح متوسط مو عشان شي لأ .. بس لأن أبي أمسك البنات دعووة وحدي حااسة إن البنات محتااجين أحد يسمعهم ويكلمهم عن الدين وجذي.. المهم بفضل من الرحمن طبعا كنت حييييييييل أدعي إن ربي يوفقي حق هالشي دخلت ودرست والحمدلله صرت مع البنات مو بس أبلتهم إلا رفيجتهم .. وبفضل الله حييل كنت مااسكتهم على سوالف الصلاة و الدين..وجذي . وربي وفقني ..
وهذي السنة الثانية بالمتوسط ومااتوقعت ليييييييييه هالدرجة البنات يحبوني.. بدااية الكورس سوو مساابقة وأنا ما أدري عنها إسمها المعلمة الأم والحمدلله فزت فيها وكنا متنافسين 3 أبلات بس حيل كان فرق.. و سووها مرة ثانية وهمن الحمدلله فزت .. هذا طبعا بفضل من الله..
وكنت أقلب الحب والإعجاب من الطالبات على إن يشتغلون معااي بمجموعة نكونها وسميناها... وبدينا نشتغل بالقيم ..وتدرون ان كل مدرسة كل إسبوع عندهم قيمة ..
وتدروون بعد إنفعتني ساالفة الإعجااب بالدراسة لأن مثل ماتعرفون بناتنا ماايحبون العربي كللللللللللللششششش.. بفضل من الله همن مسكت صف توني قبل شهر يديد وكانوا 7 ساقطين بفضل من الرحمن كلهم إنجحوا.. هذا إنجاز وعسى ربي يرزقني الإخلاص فيه.. ودي أحول ثانوي؟؟ أبي راايكم؟
وبعد شلون على سالفة الغيرة لما يغارون من بعض حده مادري شسوي؟:ada:

 

[toto - chan]

انا بالثنوية ... بس مافي احد عندنا معجب بأبلة هذي سوالف المتوسط ... احنا نسولف و نظحك مع الابلة و نحبها .. بس مو معجبين و نغار .. لاء نعتبرها مثل أختنا الكبيرة ... اما الكبار فعادي نحترمهم
بس ما عندنا ابلة البناتكلهم يموتون عليها و يحبونها و سوالف اعجاب .... هالسوالف معدوووومه عندنا بالمدرسة
هذا بثنويتنا مادري عن باجي الثنويات يمكن فيها هالسوالف
انا احب ابلاتي و وايد اسولف وياهم ... خصوصا ابلة الاحياء .. اكثر ابلة محبوبةو طيبة و حتا اليوم كان علينا امتحان احياء .. لما طق الجرس و يمعو الاوراق اهي يات توزع على كل صفوف الحادي عشر حلاو شوباشوبس ...و نسولف معاها بالمسنجر و جذي .. يعني تعتبر صديقة لنا ... و حتا بالحصة نسألها بأشياء واهي تعلمنا و تحظر لنا افلام بالحصة تخص الدروس ... و ببداية كل حصة نتكلم عن موضوع مفيد و نتناقش فيه تقريبا ربع ساعة ... و نبدي الدرس و نخلص بسرعة و بعد عشر او خمس دقايق يطق الجرس .. و ما نطلع من الحصة الا و كلنا فاهمين الدرس عدللللل
اهي تقول انها تنظم و ترتب كل يومها بالخرايط الذهنية ... و دايما لما تيي الحصة يكون معاها ورقة خريطة ذهنية مرتبه فيها وكت الحصة و الدرس و الموضوع الي نتناقش فيه .. و اهم شي الوقت .. يعني مرتبه الحصة... لو كل الابلات نفسها ... و خاصة ابلة الرياضيات الي دايما مأخرتنا عن الحصص و الفرصة ... كل الايام الفرصة بعد حصة الرياضيات ما عدا يوم الاربعا رياضيات بعدين اختيار حر و كل مرة ضايعة 10 دقايق من الحصة بالرياضيات و ثلث ارباع الفرصة تطير عشان نقعد نحل هالمسائل الي ما تخلص :eh_s(1)::eh_s(1):

 

[فطووومة]

انا بالثنوية ... بس مافي احد عندنا معجب بأبلة هذي سوالف المتوسط ... احنا نسولف و نظحك مع الابلة و نحبها .. بس مو معجبين و نغار .. لاء نعتبرها مثل أختنا الكبيرة ... اما الكبار فعادي نحترمهم
بس ما عندنا ابلة البناتكلهم يموتون عليها و يحبونها و سوالف اعجاب .... هالسوالف معدوووومه عندنا بالمدرسة
هذا بثنويتنا مادري عن باجي الثنويات يمكن فيها هالسوالف
انا احب ابلاتي و وايد اسولف وياهم ... خصوصا ابلة الاحياء .. اكثر ابلة محبوبةو طيبة و حتا اليوم كان علينا امتحان احياء .. لما طق الجرس و يمعو الاوراق اهي يات توزع على كل صفوف الحادي عشر حلاو شوباشوبس ...و نسولف معاها بالمسنجر و جذي .. يعني تعتبر صديقة لنا ... و حتا بالحصة نسألها بأشياء واهي تعلمنا و تحظر لنا افلام بالحصة تخص الدروس ... و ببداية كل حصة نتكلم عن موضوع مفيد و نتناقش فيه تقريبا ربع ساعة ... و نبدي الدرس و نخلص بسرعة و بعد عشر او خمس دقايق يطق الجرس .. و ما نطلع من الحصة الا و كلنا فاهمين الدرس عدللللل
اهي تقول انها تنظم و ترتب كل يومها بالخرايط الذهنية ... و دايما لما تيي الحصة يكون معاها ورقة خريطة ذهنية مرتبه فيها وكت الحصة و الدرس و الموضوع الي نتناقش فيه .. و اهم شي الوقت .. يعني مرتبه الحصة... لو كل الابلات نفسها ... و خاصة ابلة الرياضيات الي دايما مأخرتنا عن الحصص و الفرصة ... كل الايام الفرصة بعد حصة الرياضيات ما عدا يوم الاربعا رياضيات بعدين اختيار حر و كل مرة ضايعة 10 دقايق من الحصة بالرياضيات و ثلث ارباع الفرصة تطير عشان نقعد نحل هالمسائل الي ما تخلص :eh_s(1)::eh_s(1):

صح هالسوالف تخف او تنعدم عند طالبات الثنوية لانهم يكونون كبروا واصبحت مشاعرهم اكثرا استقرارا وانضج ،،،

وتحول الى الدراسة والتفكير بالمستقبل والتخرج لتحقيق الهدف

اتمنى لكم حبايبي التوفيق

 

[~NaZaKa~]

قووه ابلاااااااااات وبناااااااااااات :ggdw:

انا الحين نص ابله ونص طالبه لووووووووول :dddds:

ان شالله الكورس الياي بآحذ ميدااااني وربي يسهل علي :eh_s(1):


شوقتووووني حدكم على التدريييس _03BA:

انا حابه الشغله حيييييييييل بس بنفس الوقت خايفه وموعاارفه شنو بواجهه
دايما يقولون بنات المتوسط قلة ادب ولسااان طويييل
ووايد انصحوني اني اصير قشره لووووول :eh_s(4):
وانفس ومن اول حصه اطلع عضلاتي عليهم لوووووووول
عشان يخافون مني ويحترموني وبعدين اصير عادي وارخي لوووووووووول :krkrkr:

بس كلش احس نفسي مو جذي ومو حابه كلش اني انفس عليهم او اصير الابله القشره
بالعكس ودي اكون اختهم وصديقتهم :gathering:
بس هم بنفس الوقت مابيهم يستهينون فيني وبحصتي
لاني اذا عصبت عصبت لوووول وما ودي يشوفون ويهي الثاااني خخخخخخخ :j013:

ابلااااااااااات عفيه شتنصحوني فيه
شلون اتعامل معاهم
خصوصا انه ميدانيي راح يكون ان شالله بمتوسط
وانا خاطري اتعين بالابتدائي


والله يعطييييكم العااافيه ياااااااعسسسسولاااات

 

[فطووومة]

الف مبروك حبيبتي والله يوفقج في مدرسة زينة

انا انصحج بالمتوسط لان الابتدائي صغار ويحتاجون اعصاب للتحكم فيهم من كثر حركتهم ،،،والمتوسط مافي لسان طويل ولا قلة ادب وكله يعتمد اولا على الادارة اذا ضابظة المدرسة او لا

وسواء كنتي نفسية او طيبة البنات بيحبونج اول شي لانج يديدة وثانيا صغيرة يعني قريبة منهم

انصحج تصرفين على راحتج ولا تشدين دائما وان شالله تتعلمين مع الوقت وخاصة اذا جربتي التدريس
لا تحاتين لانج بتدخلين حصص مشاهدة بعدين تدرسين يعني تكون عندج خبرة ومعرفة في امور الطالبات

موفقة حبيبتي

 

[LuLiTa]

الله ذكرتوونا باللي مضى

 

[pure-dew-droplet]

انا مدرسة لغة انجليزية وبصراحة من وجهة نظري البنات هم زينة المدرســـــة و اعجابهم و حبهم يجنن
بــــــــــــــــــس طبعا يختلف مثلا "" عندي طالبة لا اله الا اللة جامعة شطارة و ادب و اخلاق اذا غابت ودي اتركـــ الحصة ""و اللإدارات الحمدللة والشكــــــــــــــــــر يحاسبونج حتى على ضحكتج مع الطالبات
الحمدللة اللة حبب البنات فينــــــي و قدرت احببهم بالمادة

 

[~NaZaKa~]

الف مبروك حبيبتي والله يوفقج في مدرسة زينة

انا انصحج بالمتوسط لان الابتدائي صغار ويحتاجون اعصاب للتحكم فيهم من كثر حركتهم ،،،والمتوسط مافي لسان طويل ولا قلة ادب وكله يعتمد اولا على الادارة اذا ضابظة المدرسة او لا

وسواء كنتي نفسية او طيبة البنات بيحبونج اول شي لانج يديدة وثانيا صغيرة يعني قريبة منهم

انصحج تصرفين على راحتج ولا تشدين دائما وان شالله تتعلمين مع الوقت وخاصة اذا جربتي التدريس
لا تحاتين لانج بتدخلين حصص مشاهدة بعدين تدرسين يعني تكون عندج خبرة ومعرفة في امور الطالبات

موفقة حبيبتي

ياحياااااااااتي فطوووومه فديييتج والله
ردج ريحني ياقلبي
انا حظرت مشاهده حق ابتدائي ياحلاااتهم يهبلووون بس كانوا تقريبا رابعه او خامسه يعني شوي كبار ويفهمون
فمادري شلون التعامل مع الي اصغر منهم
ان شالله بالميداني بشوف المتوسط
والله يكتب الي فيه الخير

تسلمين ياقلبي على الرد الي يبرد القلب :klhfl:

 

[مشاعر خجوله]

:68_asmilies-com:



كنت اتابعكم من بعيد :eh_s(6):

بس والله مواقف حلووووووووه .. خصوصا اللي تصير مع (كويتيه عسل)و مع (تواي لايت):dddds:


عسوووله شرايج تجينا الثانويه وتصير ابلتي << ماااكو شغل ها ^.^


تواي لايت .. والله حبيتج وحبيت ابلتج الاحياء .. مبين عليها حلوة وشخصيها مرحه ولاتنسين سلمي لي عليها :wqedqw:
(عسى الله لا يغير عليكم ان شاءالله):yaaaaaarb:



بس عندي سؤال للابلات ..
شتسوين مع البنت اللي تحبج وانتي تدرين عن الشي بس مشكلتها إنها خجوله نوعاً ما وتستحي..؟ :eh_s(22): شلون تخلينها تبطل من هالحيا و تقول عن اللي بخاطرها لج؟؟



كملوا مسيرتكم مع المواقف .. متاااابعينكم :eh_s(15):

 

[meme-kw]

[



بس عندي سؤال للابلات ..
شتسوين مع البنت اللي تحبج وانتي تدرين عن الشي بس مشكلتها إنها خجوله نوعاً ما وتستحي..؟ :eh_s(22): شلون تخلينها تبطل من هالحيا و تقول عن اللي بخاطرها لج؟؟

اي عفيه يا ابلات جاوبوا << ​

 

[لينوفر]

ياحلوووووووووووووووووكم وياحلو سوالفكم
انا ابله متووسط ومرريت بهالمواقف مع المعجبااااااااات اكثر شي لما كنت بالميداني
برد اكتبها لكم ..
بس بخصووووووووووص سؤال اللي البنات اللي فوووقي
^
^
^
^
انا بعض البنات يستحوووووووووووون بس تلاحظينها من حركاتها كل ماترفعين راسج بمكتبج تلاقينهاا تبتسم بس تطالعينها راحت
خخخخخخخخخخخخخخ في كل وقت بوجهج
ولا اذا طالبتج وتدرسينها تجي تنطر تشيل الاغراض
واذا خلصت الحصه تشيل قشي للقسم
ولا اذا عندهم احتياط قات ابله تعاااااااااالي ولالا..
بصراحه
ماسوي شي والله بسس اسلم عليهم كل ماشفت واحسسهم اني مهتمه فيهم ..

 

[.:!:. ونس .:!:.]

انا اول ما دخلت المتوسطه شفت ابلة انقليزي وحبيتها حيل وما درستني الا برابعه بس ما كنت ابين لها اني احبها
نهائيا استـــــــــــــحي وكنت ابدع بالبرزنتيشن ما اسوي موضوع الا وانا جايبه معاي مجسم او وسيله وكانت دايما تقول
مواضيع مها حلوه تمدحني قدام الصف وانا اتشقق ومره دخل علينا الموجه وقبل لا يدخل حاست مع البنات على منو دوره
اليوم بالبرزنتيشن [ جان اقول انا لها:eh_s(14):] كنت جايبه معاي وسيله عن دولة الشيشان وقلت موضوع عنها واليوم الثاني غبت
قالولي البنات تدرين امس المس قالت موضوع مها حلو لو الموجه هذا مراح يحضر الدرس النموذجي جان خليتها تقوله:ggdw:
،،،،،،،وانا لما جا الدر النموذجي سويت موضوع ثاني بعد وبيضت وجهها000

S@d-girl

 

[toto - chan]

هاااي

واااي قطيعة ... ما بقى شب و افتك من الامتحانات ... ها شلونكم .. من ومان ما مريت على احلى موضوع

امممم ...انا طول ما كنت بالمدرسة و اعتقد انه ابلة الجيلوجيا ..فيها لعانه و حقارة ... آسفة على هالكلمات .. بس من طرقة تعاملها معاي و مع البنات عطتي انطباع جذي
احنا الايام الي طافت كان عندنا نقله بالبيت ... و مأثر علي طبعا ... ماكو وكت احل واجباتي كل يوم ولا اكمل دفاتري
بس الحين الحمد لله استقرينا ... و انا الحين قاعدة بغرفة قرعة انطر متى يوصل اثاثي
المهم ... ابلة الجيلوجيا هذي تدرسني بالاختيار الحر بعد
و انا كنت دايما متأخرة بتسليم الانشطة بسبة هالنقلة و كان ماكو طابعة ... كانت محطوطة بالكراتين مع الاغراض
و انا كنت متوهقة
و يوم الاثنين الي طاف كان علي اختيار حر .... و المفروظ الدرجات تتسلم من يوم الاحد
فاجأتني الابلة و قالت تواي لايت انا مابيج تنقصين اي درجة انا بأخر التسليم لي يوم الاربعا عشانج .... ييبي انشطة و بحطلج الدرجة الكاملة
انا مني تفاجأت منها .... زين انها مهتمة شوي ... ولا كنت معتقدة انها مافيها ذرة احساس
و الحين تغيرت نظرتي حقها بالعكس طلعت خوش ابلة و تنحب ... انا ما وصفت لكم الموقف بالتفصيل ... التفاصيل اهي المهمة
بس الحين الساعة 3 بال2يل و بنام .. باجر وراي امتحان رياضيات

 

[planka]

الموضوووع واايد عجبني
كويتية عسل
من كلامج حبييييتج
وانا ان شاء الله بدرس السنه الياية فياريت تعطينا اشوي من خبرتج

 

[الصابرة المحتسبة]

هلا حبايبي اليوم تذكرت سالفة أيام الدراسة

كانت أبلتي اللي أحترمها وأعزها علينا أول حصة وكنت جاية متأخرة فقالت لي جدام البنات ليش التأخير؟؟؟ عاد آنا هني ما عرفت أرد ول بكلمة البنات يضحكون بينهم ويتغامزون يدرون إني أحبها ومنحرجة شدعوه كل هذا إحراج؟؟؟؟؟؟؟؟ عاد الحجي يطلع شوي شوي وبصوت واطي واهي تزيد بالتسأل درت إني إنحرجت بس كان يوم طويل بالنسبة لي ,,,,