يــلا يا أبلاتنـــــا ( مواقفكم من إعجاب البنات )خاصه الثانويه والمتوسط يلا حياكم

[toto - chan]

امس مأخرة أبوي بالهدة .. زين ما راح عني -___-
قاعدة اقرق مع ابلة الاحياء عن امراض ... عاد انا غرامي الامراض ..
قعدت ربع ساعة و انا اقرق من طق جرس الهدة .. و ابوي المسكين .. صار لة ربع ساعة ينطر

 

[toto - chan]

للرفــــــــــــــــــــــــــــــــــع

 

[~ miss NERD ~]

ان شاء الله .. بس بشرط تاخذيني معاج
و انا السنة الياية بتشرط عليهم يودوني كلية الطب و العلوم .. بيلوجيا تحديدا
الا تعالي انتي باي صف ؟

أفا عليج راح أوديج أكيد :eh_s(6):

آنا بعاااااااشر

 

[toto - chan]

أفا عليج راح أوديج أكيد :eh_s(6):

آنا بعاااااااشر

الله يوفقج ... عقبال الجامعة ان شاء الله

 

[toto - chan]

انا اليوم غااااااااااااااايبة
لا و غايبة و عندي امتحان بدنية لوووووووووووووووووووووووووووووووووول

 

[(كويتيه عسل)]

انا اليوم غااااااااااااااايبة
لا و غايبة و عندي امتحان بدنية لوووووووووووووووووووووووووووووووووول

ســــــــلااااااااااااااامات :eh_s(17)::eh_s(17)::eh_s(17):

 

[toto - chan]

ســــــــلااااااااااااااامات :eh_s(17)::eh_s(17)::eh_s(17):

الله يسلمج ... بس انا غبت عشان عندي موعد فحص ... مو مريضة يعني
وينج ما تبينين ؟؟

 

[toto - chan]

للرفـــــــــــــــــــــــــــــــــــــــــــــــــــــــــــــــــــــــــــــــــع

 

[(كويتيه عسل)]

الله يسلمج ... بس انا غبت عشان عندي موعد فحص ... مو مريضة يعني
وينج ما تبينين ؟؟

موقصدي لقافه بس حبيت اتطمن عليج شلون الفحوصات انشالله اوكي ؟

تسلمين على السؤال سألت عنج العافيه هالفترة فترة امتحانات ولاهين ويا التصليح والدرجات

علشان جذي ماادش النت وايد

 

[(كويتيه عسل)]

انا واااااااااااااااااااااااااااااااااايد مستانسه

ماشالله درجات طالباتي تهبل

هالشهر وايد يايبين FULL MARK
20\20في الشهاده

بعد روحي طالباتي

ماشالله فروحني والله

اليوم في الحصه عقب ماخلصت اول مثال سألت الطالبات

فاهمين ؟؟؟ في خطوه في المسأله موواضحه تبوني اعيدها ؟؟

طالبه قالت أبللللللللللللللللللللللللللللللللللللللله بصوت عالي >>>طالعه من قلب

>>>>انا قلت هذي سؤالها جايد

ولا الطالبه تقول ابله انتي احلى ابله بالمدرسه

انا قتلها حلت دنياج حبيبتي :eh_s(22):

وترد علي ابله انتي اللي حبيبتي وعمري وقلبي....... هههههههه:krkrkr:

وكل الصف ردو ايه صح انتي احلى ابله بالمدرسه <<<<يعني يايدونها هههههههههههه :krkrkr:


واليوم انا قاعده في القسم مندمجه اسوي الدرجات ولا طالبه ويا رفيجتها مااعرفهم ولا ادرسهم

وحده منهم قالت: ابله انتي تدريس سابع ؟؟

انا قتلها: ايه ليش؟

الطالبه قالت: سابعه جم ؟

قتلها: سابعه ثاني

قالت: هيييييييييه :eh_s(9): ايه اشوه
انا سادس ثاني يعني السنه اليايه راح تدريسني

وطلعت اهيا ورفيجتها يركضون

ههههههههههههههههههههههههههههههه :krkrkr:

 

[(كويتيه عسل)]

وعلى طاري الاسئله اللي داشه عرض

ومالها شغل بالدرس

لما كنت ادرس صبيان بالابتدائي

لما كنت اشرح ولا طالب يقاطعني ويسألني: أبله انتي قدساويه ولا عرباويه؟؟؟

قتله بعدين اقولك

الطالب يقعد يحن علي الا تقولين قدساويه ولا عرباويه ؟؟؟

قتله : يا يما بعدين اقولك عقب الحصه

واهوا الا تقولين ولا ماماراح ارفع ايدي

قتله كيفيك

انا ماحبيت اقوله لاني لو اجاوبه واقوله مثلا انا قدساويه
العرباويه بيزعلون والحصه بتخترب وبتصير فوضى

شويه ولا يبجي ليش ماتجاوبيني قتله انا بجاوبك بس موالحين علشان

انا وياك نقعد وبنسولف عن مباراة امس

لان كان في مباراة العربي والقادسيه

اهوا كايف واستانس واقتنع وسكت

ومره كنت اشرح ولا طالبه تقاطعني ابله

وتقول الخط اللي تحت التاريخ عوي هههههههههههههه

ومره اذكر بعد كنت اشرح ولا طالبه تقاطعني وتسألني ابله ليش تعطونا امتحانات قصيره
قبل العطله علشان مانغيب ولا شنو ؟

>>>>انا شكوو

قتلها حبيبتي انا امتحان قصير ماراح اعطيكم

والطالبه من الوناسه اتشققت من الفرحه وتقول لرفيجتها وناسه

 

[(كويتيه عسل)]

امس ياتلي طالبه مااعرفها تقولي : ابله انا اخت فلانه امس اختي طول اليوم تبجي ولا تغدت ولاتعشت وقافله على روحها الباب وماتبي تداوم

انا قتلها ليش عسى ماشر ؟

واخت الطالبه تقول: اختي تقول ابلة الرياضيات اكيد الحين شافت اوراق الامتحان وزعلانه مني لان عندي اغلاط بالامتحان و مايبت 10 \10

شوي ولا الطالبه تيي وعيونها مغورقه دموع وتقولي ابله تكفين لاتزعلين مني

قطعت قلبي لميتها

وقتلها حبيبتي انا صج تمنيج تييبين علامه كامله بس موزعلانه منج

انشالله الشهر الياي تييبين علامه كامله

والطالبه تقولي ابله آسفه سامحيني وتبجي

 

[نو oOo نه]

حيل حلو الموضوع
بس حبيت اعلق ع الموضوع واشارك معاكم
انا من النوع الي عجبتني ابله بتاسع (( الحين آنا بعاشر )) بس كنت عادي حيل حيل يعني معاها ولا قلت لها اني اعجبت بشخصيتها يعني حيل كنت عادي وياها ولا تدري بشئ بس حيل كنت اهتم بالماده وشاطره حيل حيل فيها وكل شئ انفذه لها واسوي الي توصينا فيه :eh_s(9):
بس الحين من دخلت عاشر ما اايد فكرة الاعجاب بالابله ماكو مجال :23_asmilies-com:
احس كل زحمه بزحمه يعني تيكت ايزي اسهل ع نفسي الامور وبالعكس مرات احس ابلات الثانويه يحقرون وما يعبرون ,, بس مو كلهم في ابلات فديتهم ياااا الله يحببونج بالدراسه غصب عنج :friends:
وعسى الله يسهل علينا ويوفقنا ويوفق الكل يارب :eh_s(17):

 

[* jorry *]

باك لعيونكم
:eh_s(17):

امبيه فترة الامتحانات من صج بايخه
بس انا معيده الحين
لان المراحل اللي ادرسها خلصوا امتحاناتهم
:eh_s(9):

×××

اليوم بقولكم عن مواقف طالباتي يوم رحنا رحلة للمركز العلمي
هاليوم كان حده عجيب ويونس
طبعا قبل لا نطلع من المدرسه الناظره فديتها << احب ناظرتي عسل عالقلب :eh_s(22):
عطتنا الاوامر اللي اهي البنات من المدرسه يركبون الباص يدخلون المركز العلمي
ويردون يركبون الباص وللمدرسه على طول مافي لا يمين ولا يسار
وصلنا للمركز العلمي وفرينا فيه وخلصنا والحين بقى الفلم رحنا الاي ماكس
ولا باقي على الفلم ساعه الاربع شفت البنات مساكين متمللين
قمت خذيتهم وطلعنا نتمشى عالبحر لووول
الجو كان حده عجيب
وحده من البنات نادتني على جمب وانا رحت لها واشوفها قاعده تضحك
وأنا ويهي صاير جذي !!!؟؟؟؟!!!؟؟؟!!
فجأه سمعت صفقه قويه لما ألتفت وراي ولا حمام شكثره يطير صوبي
انا قمت اصارخ وصوتي وصل كل الكويت
اتوقع بوعيده رد علي صوتج وصل لووووول
المهم انا عصبت على البنات ودخلتهم داخل
بعدها بشوي ولا البنات يايبين لي برد يعني بيراضوني لوووول
بعدها رحنا الفلم انا قعدت مع البنات
حتى بالمدرسه دايما احب اقعد وأوقف يم طالباتي واذا قومت وحده تقرا فقره انا اقعد مكانها
لازم مانخلي حواجز بينا
المهم بدا الفلم والبنات حدهم مندمجين واللي قاعده يمي بزود
الفلم كان عن نوع من الحيوانات البحريه القديمه
والتصوير كله تحت البحر وفيه جم مقطع صج يخرع
واللي يمي الله يهديها كل ماطلع مقطع يخرع امسكت ايدي وانا اسحبها
عاد انا لازم استقل الموقف جان اقول لها حبيبتي اخاف بعد شوي تقعدين بحضني لوووول
توقعتها بتنحرج جان ترد علي بكل ثقه صج ابله عادي
افتشلت قلتلها اكيد لا
طلعنا بعدها وردينا المدرسه بسلام وامان..

×××

موقف صارلي مع أكثر من ولية أمر باجتماع الامهات
اييون يقولون وين ابلة اجتماعيات
اقولهم انا تفضلوا منو بناتكم
يقولون لا انتي ما تدرسينهم بس اهم دايما يسولفون عنج
فقلنا لازم نشوفج وطلع كلامهم صح .. امبيه صج فشله

××

وبس
لي عوده
تشااو
:eh_s(17):

 

[(كويتيه عسل)]

اولت امس طالبه في آخر الحصه عقب ماشرحت الدرس وخلصنا

والطالبات قاعدين يحلون التمارين

استاذت مني طالبه بتروح الحمام عزكم الله

ولا رفيجاتها اييونلي ركض :RoadRunner:

ويقولون : بسرعه ابله بسرعه بسرعه قبل لاتيي شوفي دفتر فلانه (الطالبه اللي راحت الحمام)شنو راسمتلج وشكاتبتلج لووووووووووول

<<<<<شياطين

انا :eh_s(22): :nocommint:

راسمتلي في الدفتر قلب وحاطه اسمي داخل القلب ومن برا كاتبه احرف اسمي بالانجليزي بالالوان كل حرف لون وحاطه قلوب صغار حاولين احرف اسمي

شوي ولا تيي رفيجتهم ههههههههههه واهما ينخشون وراي

ويقونلها ترى دفترج عند الابله وريناها شكتبتي لها :gathering:ههههههههههه وينحاشون :RoadRunner:

واهيا تركض

وراهم في الصف بين الطالبات وتلحقهم

وتطقهم

بس موطق اللي يعور طق على ضحك وتقولهم انزين هين ااوريكم انزين يصير خير واهما ميتين من الضحك :dddds:

شوي ولا كلهم يطيحون على الارض ويضحكون هههههههههههههه :krkrkr:

وحده ملقوفه من البنات اللي القليب الشطار قاعده تحل التمارين قالت: ابـــــلـــــه شوفي هذول شسوون ؟!!!!

قتلها :خليهم يستانسون ويضحكون شعليج منهم

 

[toto - chan]

شلونج كويتية عسل

يحليلهم البنات شكلهم وايد مستانسين منج ... و يراكظون بالصف .. ممشى مو صف لوووووووووووووول

هالايام احنا وايد مظغوطين ... ما يمديني ادش النت
و يوم الاحد نبدي امتحانات

اول امتحان كيميا و آخر امتحان فيزيا !!!!!!!

والله ظلم الفيزيا ما ينحط آخر امتحان ... لا و بعد يوم الاربعا !!!!!
و يو الاحد الي في نفس الاسبوع رياضيات .... يعني متى يمدي ندرس فيزيا ؟!!!
لا و قبل الفيزيا جيلوجيا !!!
خميس و يمعة و سبت بندرس رياضيات .... يعني كلنا راح نزفت بالفيزيا

 

[toto - chan]

ابلة اجتماعيات مواقفج كلها روعه
الله جان زين يودونا رحلة .... شخباري الرحلات لي لحين ما طبت ريلي في ولا رحلة من أيام المتوسطة .. الله يهدي الناظرة و تودينا رحلة

 

[toto - chan]

للرفـــــــــــــــــــــــــــــــــــــــــــع

 

[النملة نواري]

للـــــــــــــــــــــــــــــرفع

 

[غلاا الرووح]

قارية الموضوع منزمان !!!!!!!!!!!! بس كسرتو خاطري قلت أفج صفح جديدة ولا اكمل هالصفحة .......

المهم .. صادفوني بنااااااااات كثير والاعجاب كان بحدود والحمدلله من طبعي أتواضع مع البنات وأحب آخذ وعطي معاهم بجذي أكسب
محبتهم إذا مو لي عالأقل للمادة ينجحون فيها ....... بس مرات يجونج بنات لزقة عنزروت من كثر ما انعطت وجه اتدلع وتشوف نفسها
عالبنات .. اهني أنغث شسويت ؟؟؟ عطيتها ذيج الزفة اللي وقفتها عند حدها وجنة طراق صحاها .. أف .. افتكيت منها .. كلهم بناتي
وحبهم من سادس لي تاسع بس بحدود وبتواضع بعيد عن الغرور والعنجهية ..( حلوة العنجهية )!!