امهات اطفال التوحد ابيكم

[& الذاهبه &]

السلام عليكم عندي عدة اسأله اتمنى من امهاااات اطفال التوحد الجواب عليهاا لوتكرمتوو

1- شلون نوم عيالكم فيهم عساااره والا نومهم طبيعي؟

2- الياهل كلش مايطالع فيج والا بعض المرات يطالع من غير تركيز؟

3- حركات الدوران طول اليووم والا مره وحده او مرتين؟

4- شلون شهيتهم للأكل.

5- هل تشدهم بعض البابايات مثل بارني وتيليتابيز؟

6- تحليل الدم اللي سويتوه عند عبير العوض شنوو طلع فيهم؟

7- تحليل تكرمون البول والبراز شنوو شنو طلع فيهم؟

8- هل الطفل يكوون يحب خدامته لمن تلعبه ؟

جاوبوني بليز لوتكرمتوو بنتي عمرهااا سنه ونص هل اطعمهااا والا انطر؟

انا رحت لعبير وبدت معاي بالحميه بس هي تقووول بنتج صغيره وما اقدر اقووولج شي لين نشوووف تحاليلهااا وعطتني فايتمنز؟؟؟؟

 

[ام التوحدي]

1- شلون نوم عيالكم فيهم عساااره والا نومهم طبيعي؟

انا عندي طفلين توحد اختي نومهم طبيعي نوعا ما لكن خفيف جدا اقل شي يصحيهم وعندي لصغير لو لاحط محد جنبه يقوم يكمل نوم بالصاله لكن يوم كانو بعمر بنتك كان نومهم مره مخربط

2- الياهل كلش مايطالع فيج والا بعض المرات يطالع من غير تركيز؟

الكبير نهائيا مايطالع الصغير يطالع احيانا

3- حركات الدوران طول اليووم والا مره وحده او مرتين؟

طووول اليوم

4- شلون شهيتهم للأكل.

يحبون الاكل كثير لكن مايمضغ الكبير زين

5- هل تشدهم بعض البابايات مثل بارني وتيليتابيز؟

الصغير ايوه يموت بالتلتبيز والكراتين

6- تحليل الدم اللي سويتوه عند عبير العوض شنوو طلع فيهم؟

انا سويته بامريكا طلع فيه نسبه سموم كبيره


7- تحليل تكرمون البول والبراز شنوو شنو طلع فيهم؟

نفس الشي

8- هل الطفل يكوون يحب خدامته لمن تلعبه ؟

يتجاوب معها


جاوبوني بليز لوتكرمتوو بنتي عمرهااا سنه ونص هل اطعمهااا والا انطر؟


ماعندي فكره والله اختي

 

[Emanova]

1- شلون نوم عيالكم فيهم عساااره والا نومهم طبيعي؟

نومه عادي بس مشكلته ان يحب احد يمه علشان يتطمن فاييني اغرفه و ارده غرفته

2- الياهل كلش مايطالع فيج والا بعض المرات يطالع من غير تركيز؟

انا ما اكتشفت ان في شيء غلط الا لما بلش ما يطالعني ..بس الحين تغير يطالعني و يتواصل معانا

3- حركات الدوران طول اليووم والا مره وحده او مرتين؟

قبل لما كان عمره سنتين كان يدور بالغرفه ...الحين فيه نشاط بس مو دوران ..لا يعني يلعب مني و مناك و يحوس بالبيت و ينبش



4- شلون شهيتهم للأكل.

ممتازه ... انا قبل مشيته على الدايت حاشه اكتئاب و صار هزيييل حيل

5- هل تشدهم بعض البابايات مثل بارني وتيليتابيز؟

بارني و توم اند جيري غرامه الاول و الاخير ...كل شيء فالبيت بارني الكفر الستيكرز

حتى ديكور حفله عيد ميلاده بارني

6- تحليل الدم اللي سويتوه عند عبير العوض شنوو طلع فيهم؟

تحليل الدم مال المعادن الثقيله توني سويته بالحكومه و ناطره النتيجه

7- تحليل تكرمون البول والبراز شنوو شنو طلع فيهم؟

طلع ولدي ما فيه شيء علشان جذيه وقفت الدايت

8- هل الطفل يكوون يحب خدامته لمن تلعبه ؟

يحب اللي يحبه ...يعني في بيت يدتي وايد يهال ,,اليهال الكبار يعرفون يتعاملون معاه فيحبهم

و الصغار ما يفهمون عليه و فيتضايق منهم

جاوبوني بليز لوتكرمتوو بنتي عمرهااا سنه ونص هل اطعمهااا والا انطر؟


انا ولدي تغير عقب التطعيم مال السنه و نص ,, انا اقول الله الحافظ

انا رحت لعبير وبدت معاي بالحميه بس هي تقووول بنتج صغيره وما اقدر اقووولج شي لين نشوووف تحاليلهااا وعطتني فايتمنز؟؟؟؟

انا ولدي مشيته على الفيتامينز و الدايت 9 شهور و ما صار شيء بالعكس الولد حاشه اكتئاب

و ما قمت اوديه اليمعات و الطلعات ,,, و اذا ما طلعته اشلةن يبي يختلط مع اليهال و يكتسب منهم

و في يهال ما شاء الله من اول شهر مع الدايت تغيروا و تحسنوا


و الله يشافي اعيالنا يا رب

 

[مشاعل الشمري]

السلام عليكم عندي عدة اسأله اتمنى من امهاااات اطفال التوحد الجواب عليهاا لوتكرمتوو
السلام عليكم
1- شلون نوم عيالكم فيهم عساااره والا نومهم طبيعي؟

قبل يوم صغير شوي كان فيه عساره
2- الياهل كلش مايطالع فيج والا بعض المرات يطالع من غير تركيز؟

من كان عمره سنه ونص ما يطالعنا ولا يدري منو حوله الا التلفزيون والباباي
3- حركات الدوران طول اليووم والا مره وحده او مرتين؟

لله الحمد مع تطور حالته بدا يخف معاه الدوران لكن الحين ممكن يشت مره بلأسبوعين حتى الون بينه وبين نفسه
4- شلون شهيتهم للأكل
يوم صغير كان ماياكل الا بيض يعني اكله روتيني بس الحين الحمدلله والشهيه مفتوحه اسم الله عليه.

5- هل تشدهم بعض البابايات مثل بارني وتيليتابيز؟
اي اكيد ترا كل الاطفال يشدونهم هالشخصيتين على العكس يوم كان صغير ما كان ينتبه لهم قصدي يوم كان توحدي كامل

6- تحليل الدم اللي سويتوه عند عبير العوض شنوو طلع فيهم؟

ان سويت له بس تحليل كزوموسومات وطلع مافيه شي

7- تحليل تكرمون البول والبراز شنوو شنو طلع فيهم؟
ماسويت له اي تحليل وما طلبو مني

8- هل الطفل يكوون يحب خدامته لمن تلعبه ؟
كان وايد معاها ليومج يتذكرها بس يوسف الحين يحب الكل ويلعب مع الكل

جاوبوني بليز لوتكرمتوو بنتي عمرهااا سنه ونص هل اطعمهااا والا انطر؟
؟؟؟؟؟؟ما ادري

انا رحت لعبير وبدت معاي بالحميه بس هي تقووول بنتج صغيره وما اقدر اقووولج شي لين نشوووف تحاليلهااا وعطتني
فايتمنز؟؟؟؟

انا ما رحت لها كلش
الله يفتحها عليج ويطمن قلبج :eh_s(6):

 

[as.as]

1- شلون نوم عيالكم فيهم عساااره والا نومهم طبيعي؟
نومها عادي بس خفيف

2- الياهل كلش مايطالع فيج والا بعض المرات يطالع من غير تركيز؟
بنتي تطالع فيني لانها ماخذه اعراض التوحد

3- حركات الدوران طول اليووم والا مره وحده او مرتين؟
ماكانت ادور وكاننت تردد نفس الكلام طول الوقت طبعا لما كانت صغيره بس الحين الحمد لله افضل

4- شلون شهيتهم للأكل
الحمد لله بس المزاجيه لابد منها

5- هل تشدهم بعض البابايات مثل بارني وتيليتابيز؟
اغلب البابايات تشدها

6- تحليل الدم اللي سويتوه عند عبير العوض شنوو طلع فيهم؟
تحليل السموم ما طلع فيه شي

7- تحليل تكرمون البول والبراز شنوو شنو طلع فيهم؟
ولاهذا بعد

8- هل الطفل يكوون يحب خدامته لمن تلعبه ؟
ما اذكر لان بنتي كبيره الحين

جاوبوني بليز لوتكرمتوو بنتي عمرهااا سنه ونص هل اطعمهااا والا انطر؟
الي اعرفه ان التطعيم المشكوك فيه بو سنه ؟؟؟؟ انا هذا الي سمعته

انا رحت لعبير وبدت معاي بالحميه بس هي تقووول بنتج صغيره وما اقدر اقووولج شي لين نشوووف تحاليلهااا وعطتني فايتمنز؟؟؟؟[/QUOTE]
بغيت اسألج بنتج فيها توحد والا بس شاكه؟؟؟؟؟:eh_s(17):

 

[& الذاهبه &]

مشكورين كل اللي ردو علي والله يخليلكم عيالكم يارب ويجعلهم قرة عين لكم ولايواريكم مكروووه في غالي .... انشاء الله تشوفونهم باعلى المراتب واهم شي متعاافين يارب العالمين


اختي as انا وديتها لعبير عوض ماشخصتهاا لي علقتني سيده عطتهاا فايتمنز وسوتلها تحاليل من جذي انااا قاعده افكر واحاتي ... بنتي يوم كانت بيبي كانت تطالع واضحكهاا تضحك وتستانس بس ما ادري الحين شصااار فيهاا جنهاا عايشه بروحهاا وجنه محدحولهااا الله يردها لي ردا جميلاا يارب

 

[ريمه الكويت]

ام خالد انا ولدي عمره 4 سنوات نومها كلش قليل غصب يناام واذا نام وايد يتقلب ويبجي

بالنسبه للماطلع يطالع فيني بس ساعات يحقرني هههههههه اناديه مايرد لازم اكرر
بالنسبه للدوران مايدور بس ينط وقت الفرح والزعل

الاكل مشكله اكله قليل واذا حب اكله معينه يشكل فيها بس الحمدلله اهم شي يحب الفواكه شسوي قمت اخلي الاكل يمه والفوكهه واتركه بروحه ياكل لان اذا حنينا عليه يعاند

البابايات يهب بالشي ويشكل عليه كان يموت على التلي تابيز اللحين اكثر شي توم ان جيري ويموت على شي اسمه ديناصورا سواء بابايات العاب لبس حتى اهو قام يمشي ويقلدهم
تحاليل الدم سليمه
الخدامات يكفخهم ههههه مايشتهيهم بس يحب اليهال اللي يعرفهم الغربه يخاف منهم
انشالله ماكو الا الخير ام خالد

 

[& الذاهبه &]

حبيباتي زوجي جااب تحليل وصله من امريكااا وطلبو زياده عينه بول تكرموون

تحليلهاا اللي فهمت منه ان فيه نسبه ارتفاع بالفطريااات

مع ان بنتي الحمدالله مافيها اسهال ولايطلع فطريات بحلجهااا

 

[as.as]

مشكورين كل اللي ردو علي والله يخليلكم عيالكم يارب ويجعلهم قرة عين لكم ولايواريكم مكروووه في غالي .... انشاء الله تشوفونهم باعلى المراتب واهم شي متعاافين يارب العالمين


اختي as انا وديتها لعبير عوض ماشخصتهاا لي علقتني سيده عطتهاا فايتمنز وسوتلها تحاليل من جذي انااا قاعده افكر واحاتي ... بنتي يوم كانت بيبي كانت تطالع واضحكهاا تضحك وتستانس بس ما ادري الحين شصااار فيهاا جنهاا عايشه بروحهاا وجنه محدحولهااا الله يردها لي ردا جميلاا يارب

هلا بوخيتي ام خالد
الدكتوره ما تنلام لان عمر سنه ونص صغير,وصعب على الدكتور يشخص بالعمر
وخاصه انه هالنوعيه من الامراض ما تبين بالتحاليل... انا ما ابي اخليج تحاتين اكثر
بس هذا اهوه الواقع ........ ونصيحتي لج الصبر ....الصبر.........والدعاء
لاتنسين قول الله تعالى (وبشر الصابرين الذين اذا اصابتهم مصيب قالوا انا لله وانا
اليه راجعون) صدق الله العظيم ........وانشاء الله تطمنين على بنتج وانشاء الله ما
فيها الا العافيه ..... وتطمنينا عليها :hjy5jewf:

 

[& الذاهبه &]

زين حبايبي

تحليلها بين ان عندهااا فطرياات بالبطن

مع انهاا مافيها لااسهال ولا امساااك ولله الحمد

في احد طلع معاه مثل بنتي؟ طمنوني الله يطمنكم

 

[Emanova]

ام خالد نصيحه مني روحي الحكومه فحوصات و كل شيء يسوون ...و طلبي منهم يحولونج على الوراثه علشان تسويين تحاليل وراثه

العضوه ناني تراجع عند عبير من سنتين و توها تحولها على الوراثه و طلع آخر شبء عنده شيء بالكروموسومات

روحي الحكومه و حاولي تدخلين عند دكتوره اسمها ناهده العتيقي

 

[& الذاهبه &]

انشاء الله بروح باخذ تحويل من مستوصفنااا والله يعين .. بس زوجي كلش مايصيرلي وماعندنا حالات توحد بالعايلتين

وشلون طريقه المراجعه عند هالدكتوره لازم اطلبها من البدايه والا السالفه فيها واسطه؟؟

الله يطمن قلبج يارب