التجمع الثاني .. مسافرات امريكا 2009 ... حياكم

[ميسوره]

مساء الخير بنات

سؤال يعني لازم اخذ اكل وبهارات ليش احس ان ما تسوى اطبخ هناك

اذا كلش كرواسون بسكوت يعني الشغلات الخفيفه وتكون موجوده هناك

مثل الي ذكرتهم رووونا

زوجي مو اي شي ياكل شكلي بجابل المطبخ واسويله عيش ابيض :dfgl:

 

[Simply_The_Best]

كل شي موجود اهناك .. مايحتاج تاخذين اي شي معاج .. الا اذا بغيتي تاخذين اشويه بهارات على راحتج بس كل شي اهناك ومتوفر وماشاءالله احلى بعد من اللي عندنا ..

حليب / لبن/ روي/ لبنه/ اجبان كرافت -فيلاديلفيا - البقره الضاحكه
توست/ صمون/ كرواسون/ صمون فرنسي: مفنز/ كب كيك
الفاكهه والخضار بانواعها
المربى / العسل/ الزبده: كرنيشن/ طحين/ نشا

المعلبات >> بس حاولي تاخذين اللي مكتوب عليها vegeterian للنباتيين لانه مايكون فيها قطع لحم خنزير .. بس مالت النباتيين مافيها ..

المعكرونيه/ الصلصات/ الكتشب
كل شي يطري على بالج لووول مابي اقول كل اللي بالجمعيه كل شي موجود حتى البامبرز وحليب الاطفال السيميلاك احسن من اللي اهني ..



اتصدقـون بنـــات ؟ ... لمـا رحنـا أمريكـا أول مرة و حتـى ثـانـي مـرة ! ... لما ندخـل الجمعيـة .... ما نطلع منهـا إلا بعـد سـاعـة :dddds: ... من حـلاتهـا ....اليهـال يـــنـوا على الوجبـات ملوت اليهـال الي يتصـخنـون بالميكرويـف .... أشكـالهم عجيبـة و مغريـة ... أذكـر أحــوس عنـد الفريزرات لــــــــووول .. أتقـرا و أشـوف الوجبـات و الآيس كريـم ...حتـى الحليب مال اليهـال ( سيميلاك أدفانـس 1 ) جح البيبيات موجـود جاهـز مخضـوض مع الماي نفس الي يعطـونـه إيـاه المستشفيـات الخاصـة لما نكـون بالمستشفـى ... أذكـر بفوريـدا جمعيـة اسمهـا Publix و في كاليفـورنـيا عنـدهم Raffles و جمعيـة ثانيـة اسمهـا Vons ... حتـى أذكـر و حنـا قاعـديـن نحـاسب عنـد الكاشيـر .عيـالي لويـه و حنــــه !! و إلا واحـد داش عـرض مبتهـر من اليهـال و شكـله مـايــــــــــــــــع عاد يقـول ohhhh call nany 911

المهم ... الزبـدة ... بنـات لا تاخذون و لا شـي ... جمعيتهم كـــــــــــــــل شي فيهـا و في شغلات وايـــــــــــدة مو موجودة بالكويت كلش .... و أعتقـد إنكم بتشرون منهم هنـاك و تيبـون معاكم الكويت .... :eh_s(6):

 

[مشمشة رمانة]

بنات مافهمتوني انا ماقصد المعلبات والحليب مال اليهال

بس كنت اسال عن البهارات وهلاشياء لانة قعدتي مطولة شوي اهناك فاكيد بطبخ حق زوجي وعيالي

لانة كل سنة حق اوربا مااخذ وياي غير الندودلز حق اليهال و بس

لكن هلمرة غيييير يبيلة استعد عدل :082502bye_prv: حق هسفرة :eh_s(15):

 

[noty]

هلا نوتي ..
انا مابي اضيق خلقج بس باقولج اللي صار معاي ..
اخر مره جربت فيها البريتيش كانت يناير 2008 العام .. بالروحه ماواجهت مشاكل من الكويت لان اساسا انا يايه بجنطه وريلي بجنطه .. بس بالرده ما اسمحولنا باكثر من جنطه للشخص!! واي جنطه ثانيه تدفعين عليها .. فاضطرينا نشتري جنطه كبيره من المطار وحطينا فيها اغراضنا ودفعنا عليها وكان معاي هاندباغ وجنطه ايدي .. وريلي هاند باغ وجنطة اللاب توب .. بعد ما تسوين جيك للجناط وتروحين علشان تختمين الجواز وادشين داخل صوب البوابات مارضوا لاي شخص يدخل الا بجنطه وحده بس!! فقلت خلاص احط جنطة ايدي داخل الهاندباغ "الصغيره اللي تنسحب بالطياره" بس طلع اقياس الهاند باغ اكبر بشوي من القياس اللي حاطينه! اذا طلعت جنطه ايدي يصير اوكي واذا دخلتها تنتفخ اشوي ومايصير القياس صح! ونفس الشي ريلي حاول يفهمهم ان اللاب توب غير الهاند باغ بس ما رضوا وقالولنا شحنوا الهاند باغ!! قلنالهم وليش ما قلتولنا مساع يوم شحنا الجناط الكبيره ودفعنا؟؟ كانوا بيدفعونا مره ثانيه بس ريلي عصب عليها وحاججهم واشحنوا الهاندباغات الصغيره من غير ما ندفع .. طبعا تبهذلنا علشان هالسالفه لاني انا كنت شاريه لبنتي لعبة "بيوتي اند ذا بيست- الاميره بيل" وكانت كبيره مو مال اتحطينها بالجنطه بس عادي تنمسك بالايد حتى هذي مارضوا امسكها بايدي واضطريت ادخلها وافقصها بالهاند باغ واشحنها!!
والمصيبه بس تدخلين داخل اتشوفين الناي مليون جنطه معاها!!! واتصدقين شرينا من داخل السوق الحره هاندباغ عنونه حطينا فيها كاكاو ومشترياتنا من السوق الحره ودخلناها معانا الطياره من غير ما يقولون شي!! بصراحه كرهتهم لوووول
عموما مادري حبيبتي هذي كانت تجربتي معاها وقلت "توبه واخر نوبه" اركبها مره ثانيه :tek:
​

ما تنلامين يا قلبي تجربه كلش مو حلووه و صج السالفه توافيق و حظوظ

للاسف عنصرييين صاروا و مافيه عدل في الموضوع و على ناس و ناس

من يشوفون عرب استنفروا

انا بدخل معاي جنطه لابتوبي بس مالي خلق عوار راس

و بالرده بشحن و بخلي معاي بس الاشياء اللي ما اقدر اشحنها

الله يسههل بس و يستر

يسلموو يا قلبي ما قصرتي :*

 

[ام البنين2000]

صباح الخير بنات

مشمشه انا ادري راح اتلعوز بس شسوي ما اقدر افارقه
واهوا بعد عمري وااااااااااااااايد متعلق فيني ...بس انا متفقه مع ابوه نتعاون عليه
وانا بعد عندي اخوانه واحد 9سنوات والثاني 8 سنوات وااااايد يحبونه ويساعدوني فيه ...يحبون يمثلون دور الاخوان لكبار لووووول

 

[ام البنين2000]

بنات انا فاقده اشراقه ...مو عوايدها تغيب
تري اهي كل يوم اول وحده تدخل التجمع

 

[semaasem]

هلا بنات يااااا أحلى صباح

روونه الصراحة انا معاج الياهال ماينعطون ويه وتصير بذمتنا انا ما أأيد الحيوانات بس ريلي هو يحب ويشجع عندنا سلحفتين ماتوا طبعا غير على قولتج الكتاكيت الملونه والهامستر اشوه باعوهم وافتكينا طبعا احواض السمج هذي هواية ابونا اول شي حطة بشقتنا يوم تزوجنا حوض السمج ولا حوض حلو وحوض مالح و وايد حيوانات عزكم الله بس يهبون فيهم وبعدين يفجون واحنا نبتلش جان زين في حيوان يتكلم وياكل بروحه وينظف روحه ويتسبح ويروح الحمام هذا اذا لقيته ممكن اخذه

ميسورة

حبيبتي والله على حطة إيدج ولا تخافين لما تطلع انشاءالله بسوي هولللليييلله هني وبشيلها صفقة ويببااااب وبنزل عشا

ام البنين

انتي شكلج من اسمج (أم) يعني احسج حنووونه على عيالج ماتقدرين تفارقينهم وبتشترين لهم خنزير غيني بعد شعليهم الله يهنيهم فيج

وصاجة شرووقة مادري وينها غاطه

 

[ام البنين2000]

اي والله سماسم ما اقدر ارفض لهم طلب واذا زعلتهم ما انام بليل لوول

شنو اخر اخبار افلونزا الخنزير يقولون وصل اوروبا

ميسوره انت اول وحده راح تسافرين بس توصلين شوفي شنو اخبار المرض وقوليلنا لأن ساعات الاعلام يهولون الموضوع

 

[semaasem]

والله شوفي يا ام البنين والبنات كلهم والله الواحد لازم يتوكل على الله ويفوض امره لله والله الحافظ بقولكم سالفة رفيجتي العام

كانت ناوية تروح تايلند مع زوجها وعيالها وحجزوا وعيالها تشفقوا وينطرون يوم السفرة نطرة بس طلع بالاخبار هذا مممم نسيت اسمه اللي مثل اعصار مادري شنو مو جونو ولا تسونامي لالا اللي بالصين طلع العام وحاش شرق اسيا المهم هي خافت بس انا قلت لها نطري لا تكنسلين وشجعتها على الروحة بس هي خافت وماسمعت كلامي وكنسلت وراحت عليها فلوسها و وحدة ثانية اعرفها كانت بتروح ماليزيا صج خافت بس بعدها طخ الاعلام والناس حجزت ولما يا الصيف الناس سافرت وتحسفت رفيجتي قد شعر راسها ومساكين عيالها راحت عليهم السفرة

عقبها قمت ما أصدق كلام الاخبار ولا الجرايد مااقول جذابين لا بس وايد يهولوووون ويزيدون ويخرعون بعدين الواحد ما يخلي الوسواس ياكله واذا الله كاتب اي شي بيصير والواحد يتوكل على الله والله الحافظ بس مو معناته ان الواحد يودي نفسه الى التهلكة لا بس ما يوسوس

فاهمين قصدي يا بنات يا حلوين يا أمورين

 

[ام البنين2000]

والله شوفي يا ام البنين والبنات كلهم والله الواحد لازم يتوكل على الله ويفوض امره لله والله الحافظ بقولكم سالفة رفيجتي العام

كانت ناوية تروح تايلند مع زوجها وعيالها وحجزوا وعيالها تشفقوا وينطرون يوم السفرة نطرة بس طلع بالاخبار هذا مممم نسيت اسمه اللي مثل اعصار مادري شنو مو جونو ولا تسونامي لالا اللي بالصين طلع العام وحاش شرق اسيا المهم هي خافت بس انا قلت لها نطري لا تكنسلين وشجعتها على الروحة بس هي خافت وماسمعت كلامي وكنسلت وراحت عليها فلوسها و وحدة ثانية اعرفها كانت بتروح ماليزيا صج خافت بس بعدها طخ الاعلام والناس حجزت ولما يا الصيف الناس سافرت وتحسفت رفيجتي قد شعر راسها ومساكين عيالها راحت عليهم السفرة

عقبها قمت ما أصدق كلام الاخبار ولا الجرايد مااقول جذابين لا بس وايد يهولوووون ويزيدون ويخرعون بعدين الواحد ما يخلي الوسواس ياكله واذا الله كاتب اي شي بيصير والواحد يتوكل على الله والله الحافظ بس مو معناته ان الواحد يودي نفسه الى التهلكة لا بس ما يوسوس

فاهمين قصدي يا بنات يا حلوين يا أمورين

اي والله كلامج صح ويعطيج العافيه

بس عاد انا اذا وسوست لا اكل ولا اشتغل اقعد بس اكل بنفسي<<طبع خايس'

 

[semaasem]

لا موزين تسوين بنفسج جذي خليها على الله يباااا

شلونكم ويا الانتخابات بنات

 

[fateeee]

بناااااااااااااااااااااااااااااااااااااااات سمعتوا عن مرض انفلونزا الخنزير المنتشر في امريكا ،

انااااااااااااااااااااااااااااااااااااااااااا حجزت شسوي الحين ، تابعوا الاخبار:s141:

بتروووحوووون؟ ولا بتكنسلون؟:eh_s(16):

 

[semaasem]

والله مممممممم


ياربي مادري انا ماشفت الاخبار بس شنو يقولون عنه شسالفته؟ ووين منتشر؟

 

[ميسوره]

اشلونكم صبايا

بنات انا فاقده اشراقه ...مو عوايدها تغيب
تري اهي كل يوم اول وحده تدخل التجمع

ايه والله حتى انا انشاءالله خير

 

[ميسوره]

ميسورة

حبيبتي والله على حطة إيدج ولا تخافين لما تطلع انشاءالله بسوي هولللليييلله هني وبشيلها صفقة ويببااااب وبنزل عشا

انشاءالله بتطلع الفيزا وتسافرون احلى سفره

 

[ميسوره]

اي والله سماسم ما اقدر ارفض لهم طلب واذا زعلتهم ما انام بليل لوول

شنو اخر اخبار افلونزا الخنزير يقولون وصل اوروبا

ميسوره انت اول وحده راح تسافرين بس توصلين شوفي شنو اخبار المرض وقوليلنا لأن ساعات الاعلام يهولون الموضوع

هلا ام البنين يعني بيرايج راح اكون مراسلتكم من قلب الحدث بس انشاءالله ما في شي
قربت جريده اليوم كاتبين ان احد موظفين البرتش فيه انفلوانزا
وزوجي يقولي بلاها هالسفره وشوفي استراليا ولا جزيرة موريشيوس
وانا معنده يا اميتاااا ولا فلا مني لي اخر الاسبوع وبشوف

 

[ام البنين2000]

هلا ام البنين يعني بيرايج راح اكون مراسلتكم من قلب الحدث بس انشاءالله ما في شي
قربت جريده اليوم كاتبين ان احد موظفين البرتش فيه انفلوانزا
وزوجي يقولي بلاها هالسفره وشوفي استراليا ولا جزيرة موريشيوس
وانا معنده يا اميتاااا ولا فلا مني لي اخر الاسبوع وبشوف

عاد صج انا اليوم لمي قريت الاخبار ميته خرعه
انشاءالله خير ...

 

[ميسوره]

ام البنين انا محتاره لان زوجي اجازته تبدي 10-5 ويقولي ما يضمن ان دوامه يعطونه اجازه بالصيف
والسفره تاريخ 17 يعني مابقى شي ما ادري اكنسل محتاره والفنادق للحين ما حجزتها

 

[حمرة الورد]

وانا بعد رايحه ان شاء الله

 

[عروس الدنيا]

لاقين 20 حاله بامريكا و المرض وصل اوربا ... استغفر الله لو يموتون هل خنازير و نفتك