نادي الكتاب لشهر ابريل ( قصة : 207 ) د.احمدخالدتوفيق

[Little_Queen]

حبيبتي انا لما قريت عن المرض النيكروفيليا عرفت شنو السالفة،، البنت فعلا ميتة ومدفونة والاخ باق جثتها من المقبرة وحطاها بجنطة من جناطه و زور بطاقتها، شال صورتها وحط صورة البنت اللي معاه،، البنت اللي معاه مو مها، لا وحده ثانية مشاركته في جريمة سرقة جثة مها، والمرض اللي فيه انه من كثرما يحبها، باق جثتها علشان يعاشرها،،

------------

تفسير جدا جدا جدا منطقي ! و هذا يفسر عصبية العروسة -المزيفه - و اختباءها تحت الدسوس و النظارات ... صح

 

[ناتشوو]

مسااااااااااااااء الخيرات ،،، لأحلى بنات نادي بالعالم كله


طبعا لظروف الدراسة الحلوة ما قدرت اقرا الرواية ،، بس بصراحة كل ما ادخل المنتدى وامر صوب النادي يفز قلبي ويعورني بنفس الوت اني ما شاركت هالشهر ،، بس قلت لمتى يعن ظميري بيقعد يأنبني ،، فققرت اللحين اقرا الراوية واعلق تعليق مباشر علشان ما اقراها واكسل عن التعليق

بداية القراءة ،، الساعة 10 ونص خنشوف متى اخلص من القراءة والتعليق المباشر

شكل الغلاف

شكل الغلاااااف واااااااايد حلو وبصراحة ذكرني ببوستر الفلم اللي يتكلم عن غرفة 1408 في فندق من الفنادق، ألوانه غامجة تدل على الرعب والغموض والاثارة

المقدمة

بصراحة انا اول ما قريت اسم الكتاب قلت اكيد الكاتب مقلد الفلم اللي نزل، بس لما قريت المقدمة عرفت القمنده وان الكاتب كتب ونشر القصة قبل لا ينعرض الفلم المصري وقبل لا يقرا رواية ستيفن كنج اللي يتكلم عن الغرفة 1408، وبصراحة كلامه عن الناس اللي قعددوا قبلي في الفندق وااااااااااااااااايد عقدني، لاني بصراحة كل ما ادخل غرفة فندق ما ادري احس جني اول وحده ادخلها، وعمري ما فكرت باللي سكنوا قبلي، بس اللحين شكلي بنام بالتاسكي والا انصب لي خيمة باي مكان

القصة الأولى ، ((فتاة وحيدة ))

في اول القصة الكاتب ذكر مقدمة عن الفندق وعن نفسه وتاريخ الفندق، ما ادري احس المفروض انه يكتب هالمقدمة قبل القصة مو معاها، يعني تقريبا 3 صفحات من اقصة تتكلم عن تاريخ الفندق وعن جمال الصواف، راوي القصة.
وثاني شغلة لما تكل عن البنت شيرين، احس القصة الاولى اللي صارت له في الغرفة مع شيرين، احسها مالها تفسير كلش يعني اللي فهمته من القصة ان بسبب الغرفة صديقه مصطفى شاف نهاية شيرين شلون بتصير، بس اللي صار مع جمال احس ماله تاثير في القصة، والمفروض بارت دخوله للغرفة يصير عقب ما توصل شيرين الحقيقية للغرفة، ما ادري فهمتوني والا لأ،،

يعني تكون الاحداث كالتالي، شيرين المزيفه تدخل، يروح معاها مصطفى يشوف شكلها واهيا محترقة، ومن باجر لما تدخل شيرين الحقيقية الفضول يخلي جمال يروح معاها ويشوف الجحيم اللي في الغرفة، وعقب ما ينزل واهوا خايف تتصل مرة ثانية شيرين لخدمة الغرف ويلاقونها ميتة، ما ادري احس هذا شوية تسلسل منطقي << بكيفها تسلسل منطقي

اما اللي فعلا عجبني في هالقصة ان الغرفة ورتهم مصير شيرين، احس شي حلو واااااااايد ومثير ان الزمن ينعكس ويشوفون النهاية قبل البداية

القصة الثانية، ((لعب عيال))

القصة اللي فاتت ذكر الراوي ان العام كان 1967 يعني وقت ما كان شاب، ووذكر بعد انه بعد ما طلب منه الخواجة انهم ما يتكلمون عن الغرفة ما قام يتكلم عنها، بس في بداية هالقصة، الكاتب ذكر ان الراوي كان يذكرقصص الغرفة للنزلاء وانهم كانوا يصدقونه لانه ريال كبير، ما ادري احس في تعارض بسيط.

احس فيه لخبطة شوي، ما ادري اذا كانت القصة هاذي صارت من زمان والا للحين ؟؟

بس بصراحة وصف الشخصيات عجيييييييييب ،، احس اني متخيلة كل شي جدامي، بس القصة اللي رواها الولد أكمل ما ادري احس احادثها اكبر من سنه، عمره 11 شنو عرفه ان خالته كانت راكعة جدام الشيطان تقدم له فروض الولاء، وبصراحه احس هالقصة مالها شغل بالغموض اللي بالغرفة، يعني القصة عادية جدا والمشهد اللي الولد شافه ان خالته راكعة جدام الشيطان فسره الكاتب تفسير ماله شغل بغموض الغرفه،ان عقل الولد ما قدر يستوعب ان ابوه كان مع خالته فتخيل ان خالته كانت مع شيطان.

القصة الثالثه، ((فضول))

القصة بدايتها وايد حلوة بس استغربت ان شخصية هدى الثرثارة طلعت بس في هالقصة يعني ما طلعت قبل، لان اتوقع كان لها وزن في الفندق وكانت تتكلم مع جمال الصواف وايد، فاستغربت انه ما ياب طاريها من قبل

شدتني كلمة tetragrammaton اللي قرتها هدى في غرفة البريطاني ومن الفضول اللي فيني ما قدرت اكمل نهاية القصة واعرف شنو اهيا، اللي اعرفه ان كلمة تترا يعني شي رباعي خذيته بالجامعة في الكيميا الحيوية وهيا كلمة من اللغة اللاتينية، دورت عليها بقوقل وشوفوا شنولقيت



يعني الكلمة لها علاقة بالدين اليهودي، بس شوفوا شنو لقيت ترجمة الكلمة بالانجليزي هالمرة



ميخالف الفضول وما يسوي

احس النهاية ما فهمتها، شدخل الكلمة هاذي بصورة هدى الممزقة وبموتها، احس ودي ادش داخل مخ الكاتب علشان اعرف منه التفاصيل << صدقت ان القصة صج

ومرة ثانية هالقصة مالها شغل بغموض الغرفة، احس الزباين اللي سكنوا فيها اهما الغامضين مو الغرفة

ماشاءالله عليج نوارة قريتي بضمير
القصة
وخليتيني افكر بافكار تجاهها ماكانت عالبال
الله يوفقج بامتحاناتج والدراسة

شنو تدرسين؟

 

[ناتشوو]

حبيبتي انا لما قريت عن المرض النيكروفيليا عرفت شنو السالفة،، البنت فعلا ميتة ومدفونة والاخ باق جثتها من المقبرة وحطاها بجنطة من جناطه و زور بطاقتها، شال صورتها وحط صورة البنت اللي معاه،، البنت اللي معاه مو مها، لا وحده ثانية مشاركته في جريمة سرقة جثة مها، والمرض اللي فيه انه من كثرما يحبها، باق جثتها علشان يعاشرها،،

اتمنى تكونين فهمتني كلامي ادري حددددددده ملخبط

اشلون دريتي نوارة؟
اوكي انا سامعة بالانحراف المتمثل باستخراج الجثث ومعاشرة الموتى
بس كنت اقول اشلون عايشة ومطنقرة وهي داشة معاه الفندق
اشلون دريتي انها معاه بجنطة
والثانية متعاونة معاه؟؟

 

[ناتشوو]

حبيبتي انا لما قريت عن المرض النيكروفيليا عرفت شنو السالفة،، البنت فعلا ميتة ومدفونة والاخ باق جثتها من المقبرة وحطاها بجنطة من جناطه و زور بطاقتها، شال صورتها وحط صورة البنت اللي معاه،، البنت اللي معاه مو مها، لا وحده ثانية مشاركته في جريمة سرقة جثة مها، والمرض اللي فيه انه من كثرما يحبها، باق جثتها علشان يعاشرها،،

------------

تفسير جدا جدا جدا منطقي ! و هذا يفسر عصبية العروسة -المزيفه - و اختباءها تحت الدسوس و النظارات ... صح

حي الله ليتل اليوم معاي بنفس اللحظة
فعلا القصة هذي كانت غامضة
والتفسير هذا جدا منطقي
بس اشلون دريتو انها كانت مخشوشة بجنطة
والثانية متعاونة؟

 

[^^نـــواره^^]

حيا الله ناتشوووووووو

في جم شغلة في القصة دلت على ان الجثة في الجنطة وان البنت اللي معاه متعاونة ::

1. نقط الدم اللي ماشية من باب الفندق الى الطابق الثاني صوب غرفة 207، مبين ان هذا مو جرح خفيف و لو قلنا ان الريال مجروح او البنت اللي معاه مجروحة جان على الاقل حاطين شي على مكان الجرح علشان يوقفون النزيف

2. البنت كانت حييييييييييل متوترة وما تبي اللي معاها يقعد يسولف مع موظف الاستقبال جمال تخاف ان لسانه يزل بشغلة ام يمسكون عليهم شي

3. طبعا لما قريت عن النيكروفيليا عرفت شنو معناته واهوا مرض يتعلق بالجثث، فتوقعت ان فيه جثة بالسالفة

4. لما طقوا باب الغرفة ورفضت البنت تفتح الباب لهم وقالت نطروا زوجي لما يرجع، فهاذي حركة منها علشان ما تخليهم يكتشفون ان الغرفة فيها جثة وهذا يدل على انها متعاونة معاه

5. لما ادخلوا وشافوا منظر على قولتهم يلوع الجبد، مو معقولة يكون المنظر لانسان طبيعي، غير كمية الثلج الكبيرة اللي طلبوها، والفورمالين اللي الزوج راح يشتريه وهو معروف ان الفورمالين سائل يحفظون فيه الجثث علشان ما تتلف ولا تخترب

6. طبعا من كل الكلام اللي فوق مبين ان اكو جثة في السالفة فشلون يقدرون يدخلون جثة الفندق من غير ما احد يحس، اكيد خاشينها بجنطة كبيرة

وسلامتكم <<< ميخالف صايرة كونان


ناتشوو قاعدة ادرس شريعة << تخصص فقه

 

[ناتشوو]

حيا الله ناتشوووووووو

في جم شغلة في القصة دلت على ان الجثة في الجنطة وان البنت اللي معاه متعاونة ::

1. نقط الدم اللي ماشية من باب الفندق الى الطابق الثاني صوب غرفة 207، مبين ان هذا مو جرح خفيف و لو قلنا ان الريال مجروح او البنت اللي معاه مجروحة جان على الاقل حاطين شي على مكان الجرح علشان يوقفون النزيف

2. البنت كانت حييييييييييل متوترة وما تبي اللي معاها يقعد يسولف مع موظف الاستقبال جمال تخاف ان لسانه يزل بشغلة ام يمسكون عليهم شي

3. طبعا لما قريت عن النيكروفيليا عرفت شنو معناته واهوا مرض يتعلق بالجثث، فتوقعت ان فيه جثة بالسالفة

4. لما طقوا باب الغرفة ورفضت البنت تفتح الباب لهم وقالت نطروا زوجي لما يرجع، فهاذي حركة منها علشان ما تخليهم يكتشفون ان الغرفة فيها جثة وهذا يدل على انها متعاونة معاه

5. لما ادخلوا وشافوا منظر على قولتهم يلوع الجبد، مو معقولة يكون المنظر لانسان طبيعي، غير كمية الثلج الكبيرة اللي طلبوها، والفورمالين اللي الزوج راح يشتريه وهو معروف ان الفورمالين سائل يحفظون فيه الجثث علشان ما تتلف ولا تخترب

6. طبعا من كل الكلام اللي فوق مبين ان اكو جثة في السالفة فشلون يقدرون يدخلون جثة الفندق من غير ما احد يحس، اكيد خاشينها بجنطة كبيرة

وسلامتكم <<< ميخالف صايرة كونان


ناتشوو قاعدة ادرس شريعة << تخصص فقه

ماشاء الله الله يوفقج
الدراسة مو هينة فيها الشريعة

وتحليلج مو طبيعي
انا عرفت انها جثة بس كنت اقول اشلون دشت معاه
جني ؟قرين؟
فعلا اول مرة اشك بقدرات المؤلف
وانت وضحتيها عدل
:ggdw::ggdw::ggdw:
عاشت نوارة

 

[Shade]

هلا والله بنواره

صج من طول الغيبات ياب الغنايم

تحليلك رووووووووووووووووووعة ولا أحلى منه

عاشت عاشت نواره

 

[kingston_79]

Salam Banat
sha7'barkom

Nawara :godretech 3ala al-ta7lel is amazing mashAllah

Thanks


O allah ywafegch ebderastech o yewafeg aljeme3 enshAllah ​

 

[Fantazya]

نوااااااااااااااارة الحين بكمل القصة

انا كنت حددددددددي مغثوثه وقلت ماني مكمله القرايه لييييييين احد يعطي تفسيييييييييير منطقي

بس الله يهداه المؤلف ما عطانا ولا تلميح ... هادا على عمانا

 

[Fantazya]

ازين كونان مجموعتنا .. اقصد نوااااااارة شنو تحليلج العلمي البحت لقصة تلفزيون الواقع

ناطرة :ada: !!!

 

[^^نـــواره^^]

ابيه ترى استحي :eh_s(6): <<< ما لقيت ويه مستحي جان احط هذا

ما شفتوا شي بعد،، بنتف لكم الكتاب تنتف << فيها حره بطلعها على الكتاب

يايتكم التحليلات الي تشيب الراس <<< ميخالف ابيه بديت اخوره، الدراسة وما تسوي، عندي حفظ 100 حديث واحس راسي بينفجر


صج صج ادعوا لي اعدي هالكورس

 

[^^نـــواره^^]

القصة الخامسة،،(تلفزيون الواقع)

هاذي القصة الوحيدة اللي فعلا حسيت ان غموض الغرفة له شغل فيها ويمكن الغرفة تكون اهيا السبب في كل اللي صار بهالقصة، لان مالها اي تفسير ثاني << لان السوالف اللي صارت فيها ما تسويها الا الينانوة والارواح الشرير

طبعا حاولت اكشتف السر في القصة وفي التلفزيون وفي الزوجين اللي في البداية كانوا يتخانقون على التلفزيون وبالنهاية ماشين مستانسين لا وينكرون بعد وجود التلفزيون، التفسير الوحيد ان القصة كلهااااا من اولها لآخرها كانت عبارة عن تلاعب الغرفة بعقل جمال والكهربائي سليمان.

التلفزيون ممكن يكون موجود، ممكن ادارة الفندق حطته، ومو لازم جمال يعرف كل صغيرة وكبيره تصير في الفندق، وممكن فعلا ان الارواح والينانوه اللي ساكنين الغرفه ممكن جدا انها فعلا قاعدة تعرض حياة الزوجين << تذكرت اهني فلم the ring شلون ان شريط الفيديو الملعون ما ادري المسكون يعرض مشاهد ولقطات ما احد لقى لها تفسير غير انها تحذير او انتقام من البنت سمارا

وفي تفسير ثاني، ان ممكن تكون قصة التلفزيون والزوجين بكبرها لعبة من الاعيب الغرفة على عقل جمال والكهربائي سليمان يعني من باب المزاح الثقيل، بس شنو تفسير جيران الغرفة اللي كانوا منزعجين من الصوت ولما تخانقوا الزوجين حاولوا يهدونهم

بصراحة ودي لما نخلص مناقشة نستضيف الكاتب ونساله عن هالقصة ،، يا ربي لازم يكون لها تفسير

القصة السادسة،،(أعدها لي)

هاذي القصة اللي احسها فسرت لنا كل الاشياء الغربية اللي تصير في الغرفة، ان في شي مدفون فيها من زماااااااااان ويمكن مدفون فيها من وقت بنائها، يمكن ساحر مدفون فيها لانهم لقوا قطوة مدفونة في الحمام، ودايما القطاوة اسهل وسيط للجن يقدرون يتشكلون فيه

او يمكن يكون مدفون فيها ضحية جريمة قتل و روحه ظلت ساكنه هالغرفة

القصة السابعة،،(النمط رقم 4)

هالقصة وايد معقدة واحسها داخلة ببعضها لكن حاولت ارتب القصة في مخي << شوفوا شنو طلع معاي الله يستر مني ومن مخي

سكن الغرفة 207 ريال شايب معاه زوجته الشابة، الزوجة الشابة لانها شابة ولان زوجها الشايب مو تارس عينها << طبعا،، فحطت عينها على جمال الصواف موظف الاستقبال في الفندق، ومثل ما قالت ساره ان الزوج من النط 4، اللي اهوا يكون شديد، له شخصية قوية جد، كلمته ما تنزل الارض، لكن نقطة ضعفه الجمال والحسن، من الآخر نقطة ضعفه المرأة الجميلة الدلوعه،،

الزوج لاحظ نظرات زوجته لجمال، وتوقع ان جمال يبادلها النظرات، واللي زاد الطين بله على قولتهم ان الزوجة نادت جمال علشان يشوف التكييف في الغرفة وصادف ان الزوج يدخل عليهم واهوا عندها قاعد يحاول يصلح التكييف، فزاد من شكه ان في شي بين زوجته وجمال،
فكلم الخواجة صاحب الفندق، وفعلا صاحب الفندق نادى جمال وقال له يبعد عن المرآة نهائيا ولا حتى يمر يمها لان زوجها مينون بالغيره عليها وممكن يتهور ويسوي لهم مشكلة، وطبعا كالعادة لازم الاخبار تنتشر بسرعة في الفندق، ووصل الخبرحق ساره، اللي لاحظت من الاول ان الزوجة الشابة لعوبة

هذا الي حصل في الواقع، لكن خيال جمال او تلاعب الغرفه في عقله، خلاه يزيد زيادات على القصة، فتخيل ان الزوجة الشابة كليوبترا لانها مشهورة بالجمال فعلشان جذي ربطها بالزوجة الشابة، وتخيل ان الزوج اهوا قيصر، والعبيد اللي في الغرفة والنمور والحرس، كل هذا من تخيلات جمال، او من تلاعب الغرفة بعقله علشان الغرفة تبي تسبب له المشاكل كالعادة

طبعا ما يصير امر على كليوبترا وقيصر وكلاوديوس وما ادور عنهم،، قلت خل اشوف ممكن نلاقي شي يفسر لنا القصة

ولد غيوس يوليوس قيصر Gaius Julius Caesar عام 100 ق.م. في عائلة عريقة من الأشراف الرومان، عايش في مرحلة مراهقته عهد الحرمان (الحرمان من حماية القانون) الذي فرضه ماريوس صهر أبيه. كما عايش عهد ديكتاتورية سولا وأوائل عهد بومبي (قائد روماني) Pompey. و يعتبر يوليوس قيصر من أبرز الشخصيات العسكرية الفذة في التاريخ و صاحب ثورة تحويل روما من جمهورية إالى مملكة و كان امبراطوراَ لها وخلفه العديد من الأباطرة والحكام الذين تبنوا أسمه وأبرزهم أبنه (بالتبني) أغسطس قيصر و بطليموس الخامس عشر (قيصرون) ابنه من كليوبترا السابعة .

اللي فهمته من اللي فوق ان كليوبترا ملكة مصر فعلا كانت زوجة غيوس يوليوس قيصر وفي تكملة الموضوع اللي اخدت منه الفقرة اللي فوق، كاتبين ان كليوبترا لما تزوجت قصير كانت اهيا الزوجة الرابعة وكانت صغيره بالنسبة لقيصر العجوز، وهذا يطابق القصة طبعا

بس اللي استغربته لما طلعت معلومات عن كلاوديوس، لقيت انه تولى الحكم في عام 41 قبل الميلاد يعني بعد 59 سنة من ولادة غيوس يوليوس قيصر وممكن فعلا انه كان وزر او مستشار غيوس يوليوس قيصر وكان مشهور عنه انه شخصية سياسيىة ضعيفة ما عنده خبره بالحكم ولا بالسياسة وكانت شخصيته ضعيفة

اما تفسير كلام الاخت الفاضلة ساره فقلنا:

(1) انها عندها فراسة عرفت شخصية الزوج انه من النمط 4 وان زوجته لعوب.
(2) تحذير ساره لجمال اللي قالت فيه: " اسمع انا لا احب التدخل في أمورك، ولكن هناك اطرافا من الكلام تتناثر ،،،،،، الخ"
اهيا فعلا قالت له هالكلام وحذرته لان مثل ما قلنا الزوج كان متذمر من جمال ويمكن الكل لاحظ نظرات الزوجة لجمال، بس لان جمال كان يلهوس، فعقله صور له ان ساره قالت اسم يوليوس قصير واهيا تحذره، والحقيقة انها حذرته من الزوج ولا يابت طاري يوليوس
(3) من كلامها مع جمال عرفنا ان الزوج ايطالي مثل مايكل صاحب الفندق يعني خواجة على قولتهم وهذا يفسر شي ثاني اللحين تعرفونه

تذكرون الكلمة اللي قالها مايكل صاحب الفندق لجمال واهوا طالع من عنده؟؟

"هؤلاء الغزاة لا يمكن فهمهم أبدا"

و دورت في جوجل عن الحروب اللي صارت بين ايطاليا ومصر، ولقيت التالي

الحرب العالمية الأولى تسمى كذلك الحرب العظمى و الحرب التي أنهت جميع الحروب هي حرب قامت في أوروبا ثم أمتدت لباقي دول العالم خلال الأعوام بين 1914 و1918. بدأت الحرب حينما قامت إمبرطورية النمسا و المجر بغزو مملكة صربيا فأعلنت روسيا الحرب على النمسا فدخلت ألمانيا الحرب كحليف للنمسا ودخلت فرنسا و بريطانيا كحلفاء لروسيا. فقد كان الوفاق التلاثي هو روسيا و فرنسا و المملكة المتحدة و الحلف التلاثي هو إمبراطورية النمسا و المجر و ألمانيا و إيطاليا أستعملت لأول مرة الأسلحة الكيميائية في الحرب العالمية الأولى كما تم قصف المدنيين من السماء لأول مرّة في التاريخ.

في الحرب العالمية الاولى وقفت ايطاليا مع النمسا اللي غزت روسيا، لان ايطاليا على قولتهم لها نزعة استعمارية يعني شرانية الله يهداهم
وطبعا انتهت الحرب بمعاهده، وطبعا المعاهده ما عجبت اخواننا الايطاليين، فلما قامت الحرب العالمية الثانية كانت ايطاليا مع قوات المحور يعني على قولتهم مع قوات العدو ضد بريطانيا وامريكا و روسيا وبولندا وفرنسا وكندا.. وقت الحرب العالمية الثانية ، كانت مصر تحت حكم او تحت معاهده مع بريطانيا، فكانت بريطانيا تستخدم الاراضي المصريه، و بقاء القوات البريطانية في منطقة قناة السويس ، وضع الموانى والمطارات والمواصلات المصرية في خدمة بريطانيا ، و الزام مصر بإنشاء الثكنات والطرق والكبارى والسكك الحديدية اللازمة للقوات البريطانية، فهذا طبعا سبب كره ايطاليا لمصر لانها ساعدت بريطانيا اللي كانت مع قوات التحالف، وطبعا النصر كان من نصيب قوات التحالف فهذا زاد الكره والتوتر بين مصر و ايطاليا وهذا ممكن يكون سبب كلمة الخواجة مايكل لجمال

وومكن يكون قصده على الزوج العجوز، بما ان ايطاليا تعتبر من الدول الاستعمارية اللي غزت كثير من الدول، فلما قال هؤلاء الغزاة يمكن قصده على هالشايب

وطبعا المعنى في بطن الشاعر << في بطن الكاتب بالنسبة لنا

 

[^^نـــواره^^]

ازين كونان مجموعتنا .. اقصد نوااااااارة شنو تحليلج العلمي البحت لقصة تلفزيون الواقع

ناطرة :ada: !!!

لوووووووووووووووووووووول كونان المجموعة مخها وقف في القصة

لازم نستعين بالكاتب لما نخلص ونعرف منه ماهية هذه القصة <<

 

[ناتشوو]

يعطيكم الف عافية
نوارة انت روعة
الله يوفقج ويسعدج

عندي مقترحات

اولا كل شهر وحدة تمسك النادي
ووحدة تكون نائبة لها
في حالة انشغالها او تغيبها

ثانيا هالشهر ماراح احط اسئلة
اللي تحب تتطوع تمسك النادي وموضوع اختيار الكتاب الشهر الجاي
تتفضل

انا راح انشغل هاليومين واحتمال اسافر بالويك اند فاحتمال ماراح اكون معاكم بالختام

جد جد يعطيكم الف عافية

وشايني ستار
ماتشوفين شر
طمنينا عليج

طبعا اللي تغيب فينا مايقصرون البقية

والحمدلله انا اشوف التعاون موجود
موشرط اللي افتتحت الموضوع هي المسؤولة عن كل شي
كلنا نساند ونتناقش ونرد على بعض​

 

[^^نـــواره^^]

يعطيكم الف عافية
نوارة انت روعة
الله يوفقج ويسعدج

عندي مقترحات

اولا كل شهر وحدة تمسك النادي
ووحدة تكون نائبة لها
في حالة انشغالها او تغيبها

ثانيا هالشهر ماراح احط اسئلة
اللي تحب تتطوع تمسك النادي وموضوع اختيار الكتاب الشهر الجاي
تتفضل

انا راح انشغل هاليومين واحتمال اسافر بالويك اند فاحتمال ماراح اكون معاكم بالختام

جد جد يعطيكم الف عافية

وشايني ستار
ماتشوفين شر
طمنينا عليج

طبعا اللي تغيب فينا مايقصرون البقية

والحمدلله انا اشوف التعاون موجود
موشرط اللي افتتحت الموضوع هي المسؤولة عن كل شي
كلنا نساند ونتناقش ونرد على بعض​

صح لسانج يالغالية

وتروحسن وتردين بالسلامة << هالله هالله بالصوغات السنعه

ترى اتغشمر ناتشوو، رجعتج لنا اكبر صوغة

ان شاء الله نشوفكم بنادي الشهر الياي انتي وشايني وكل البنات الغايبين عننا

 

[BaTTy]

انا مابي اقرا ردودكم عشان ما احرق على نفسي شي
باليوم الي قلت بشاركككم طلبتها مع جم كتاب و ووصلت عقب 3 ايام يمكن
و الي صار انه يولنا ضيوف من بره الكويت و حدي لهييييييت فا ما بلشت بشي فيهم
كنت اقرا حق عبدالوهاب مطاوع مقالات فا قلت دام اني لاهيه خليني على مقالاتي اسم الكتاب ارجوك لا تفهمني
و مشكوووووووره نواره على انج ذكرتيني برساله بعد عمري

 

[kingston_79]

Natcho: tro7en o trden besalam enshAlalh
we will miss U


Nawara: Mashkora 3ala al resala o al-tathker ma ga9rtai



Thanks again
​

 

[ناتشوو]

صح لسانج يالغالية

وتروحسن وتردين بالسلامة << هالله هالله بالصوغات السنعه

ترى اتغشمر ناتشوو، رجعتج لنا اكبر صوغة

ان شاء الله نشوفكم بنادي الشهر الياي انتي وشايني وكل البنات الغايبين عننا

مشكورة يا شمعة النادي

واتطلع نكون مع بعض النادي الشهر الجاي

انا مابي اقرا ردودكم عشان ما احرق على نفسي شي
باليوم الي قلت بشاركككم طلبتها مع جم كتاب و ووصلت عقب 3 ايام يمكن
و الي صار انه يولنا ضيوف من بره الكويت و حدي لهييييييت فا ما بلشت بشي فيهم
كنت اقرا حق عبدالوهاب مطاوع مقالات فا قلت دام اني لاهيه خليني على مقالاتي اسم الكتاب ارجوك لا تفهمني
و مشكوووووووره نواره على انج ذكرتيني برساله بعد عمري

اهلا باتي
عاد انا من عشاق ومحبي الاستاذ عبدالوهاب المطاوع الله يرحمه

 

[ناتشوو]

natcho: Tro7en o trden besalam enshalalh
we will miss u


nawara: Mashkora 3ala al resala o al-tathker ma ga9rtai



thanks again
​

مشكووووووووووووووورة
وبلييز ودي تكونين معانا الشهر الجاي
ونتعرف عليج اكثر واكثر

 

[روح كويتيه]

انا لاااااااهيه بالانتخابات وتغطيات كلش كليش ناسيه القرايا اشووفكم بمايوو ان شاء الله واكون وياكم


ومشكوره اللي ذكرتنيي بالرابط بعد عمري ماتقصرين