تجمع امهات 2008 حياكم

[love love]

مساؤووووو على وزن صبااحو

 

[al_gardenia]

صباح الخير

شلونكم

وينج شقور ولهت عليج

 

[love love]

داريني يا كسووله وينج

 

[رقي]

السلام عليكم
شخباركم

 

[كويتية1]

شلووووووووووووووووووووونكم بنات
امس كتبت وعلق المنتدى
مبرووووك رقي على الحمال خخخخخخ

 

[أم وجيه]

صباحوووو

شخباركم بنات شمسوين اليوم

الجاردينيا الدكتورة قايلتلي لا تاكلين تمر لأنج وايد عندج محفزات للولادة صبري لين يكبر البيبي بس تدري أكثر شي مستانسه عليه اني ما زدت وايد الحمد لله يعني ما راح أتعب وأنا أنزل بوزني ان شاء الله
وعليج بالعافيه انتي واليهال المشتروات
ما أعرف شلون يعرفون انك سيدة أعمال يمكن أحد قايل بس بالمنتدى مافي شي يدل انه في لج اسم ثاني
تسألين عن شقورة والله اليوم الصبح اهي ببالي قلت ماكو الا أسأل جرجر عنها اهي أكثر وحده تعرف
ومو حابه أتصل عليها أدري عندها لويه الله يعينها

بنات شخبار ولد كويتية وافتخر منو تعرف ؟؟ آنا قلت لكم ما عندي رقم أحد راحت أغلب الأرقام اللي تعرف تطمنا عليه

حواء صباحووو
اليوم داريني والاستاذه ما طلوو للحين ؟؟

رقي شخبار الحمال

كويتية1 عقئبالك خخخخخخخ والله انتي مو ناويه ؟؟

 

[love love]

اي منخشييين

 

[love love]

امبييه دخت

بنات امس شفت فيديو خدامه تطق ابنيه عور قلبييييييييييييييي

لو ادري شنو فيه ماشفته

 

[حمرة الورد]

سلام
شحقه تشوفينه يمرض والله

كيفكم كلكم

 

[الاستاذة]

شلونكم بنات ؟؟؟

امس ماشبكت كان المنتدى مايشبك مادري شفيه؟؟

داريني ماتشوفين شر انشالله تعوذي من ابليس وسوي شي يونسج ونظمي وقتج يمكن من الروتين انتي متملله والماركه جنه اسكها الفا روميو على ما اظن

عالم حواء انا نفسج ساعات انسى اييب فلوس بالدوام بس تحتنا البنك اطرش فراشنا يسحبلي لانه امين وقديم وكل الموظقين يثقون فيه

ام وجيه شخبارج رفيقة الصباح

رقي قمت اشفق عليج ويا الزهايمر شنو حامل وشنو شنو طلبت ساعات ادشين عرض بشي ماله شغل:>

بعد شخباركم اي والله كويتيه وافتخر وينها؟

 

[أم وجيه]

الاستاذه آنا موجوده بس لوية الشغل ذابحتني وبد الساعه 1 أحس نفسي خلاص ما أقدر أتعب
بشوف متى مديري يكون رايق وبقوله يخليني أداوم للساعه 1 أو 2 لأني خلاص أحس نفسي وايد ثقيله وما أقدر أحوس
والله ما أدري عنه اهو مو حليو يعني ما راح يرضى أدري

الاستاذه عندي استشاره في قوانين البنوك بكتبلها لج على الخاص إذا تقدرين تفيديني

 

[al_gardenia]

باك

شلونكم


ام جوجو عسى الله يتمم عليج يارب واتقومين بالسلامه

رقرق صج حامل ولا جذبة ابريل خخخخخخخخخخ

دردر وينها اليوم

الاستاذه شخبارج وشخبار زيونه

عالم حواء انا ما احب اشوف اشياء عن الخدم اتم اسابيع ما انام عدل واوسوس بكل خلوني بعيده عن هالموضوع

 

[mrs_sugar]

السلام عليكم

شخباركم

داشة اسلم عليكم

راح اغيب عنكم فترة يمكن تطول شوية

مع السلامة

 

[love love]

مادري انه جذيه عورت قلبي الابنيه كله ابالي

مااحب احد يستغل ضعف الثاني

 

[داريني]

صبااااااااح الخيييييير

انا امس خدامتي مرضت واخذت عنها مناوبه
ياااا حلااااااااات الخدم والله صج حسيت بقيمتهم
انا جابلت عيالي من صبح لي بالليل بروحي
بغيييييت اشق هدومي
مسخروني تمسخر
قمنا نركض وراهم انا وابوهم
ما اتذكر حطيت جسمي على قنفه وارتحت
الله يعين الاجانب والي ما عندهم خدم
صج تعب مو طبيعي

 

[داريني]

شوقر
اشفيييج عسى ما شر
الله يشافيج
خرعتيني عليج


قاردينا
اول امس غرت منج
ورحت شريت كفر يديد لونه بهارات احمر وبرتقالي وفوشي حق غرفتي
واخذت طاوله من سنتر بويبنت وشموع معطره ومفرش
وسويت لي كورنر سبا في غرفتي
طبعا اول ما ادش ريلي
سيدا دقرني
قالي حشا داش معبد انا
بعد توبه اقلدج هههههههههه

 

[داريني]

بنات شصار على ولد كويتيه وافتخر
مافيه اخبار ؟
استبرق مكانها كبير مشالله

الاستاذه
صح جنه اسمه ماركه جذي

ام وجيه
الله يقومج بسلامه وبلاش تمر هههههه

عالم حواء
شلون بنتج ؟ وشلون مع العاهات الي معاج بالدوام

رقي
شلونج مع الحمال خخخخخخخخ

كويتية1
فهودي وين سجلتيه===مليون مره تسالج هالسؤال هههههه

 

[داريني]

داريني شلونج وشلون علاوي والبنات

الحمدالله بخير حبيبتي

باك

انا اليوم عقب ماعلق المنتدى طلعت وديت اليهال بيت خالتي

وعقبها رحت سنتر بوينت خذيت قيصريه حق فهد

وكرسي حق طاولةالطعام حق اروى

وخذيت جم شغله حق البنات عشان لا يعصبون

بعد طلعت رحت الافنيوز تمشيت شويه ودخلت ايكيا خذيت لي جم شي ورديت البيت بدلت الا ريلي يايب اليهال من المدرسه

ورحنه بيت خالتي الغدا

عليج بالعافيه
بس لاحظتج وايد تحبين الافنيوز وايكيا مووو ههههههه

رقرق عالم حواء كانت طالبه ريوق وياها بالغلط سالتها ؟


بسالكم اشلون البنات يعرفونني اني سيدة اعمال يبين عندهم اني عندي نكنيم ثاني قاعدين يراسلوني على هذا الاسم

ما ادري بس يمكن انتي فضحتي نفسج ههههههههه

 

[love love]

لوووووووووووووووووول حمدالله بخير

امبيه المنتدى مايبين انه احد رد على الموضووع

 

[love love]

داريني الله يعيينج ليش ما اتيبين خدامه ثانيه؟؟ اريحلج