تجمع امهات 2008 حياكم

[كويتية1]

ام جوجو شلون البيبي...وشلون جوجو

 

[أم وجيه]

هلا كويتية

الحمد لله تمتم تمام وجوجو تمام والبيبي هم الحمد لله تمام بس الثقل ذبحني والله

انتي شخبارك وأخبار ريونه وفهود

بنات من الحين أبي أزهب برنامج ووين بسجل جوجو وشنو بسويله بالصيف اللي عندها اقتراحات تقولي بالذات اني بولد بالصيف واهو اجازه لازم أشغله بشي مفيد علشان ما يمل اهو بيسافر مع يدته شوي بالصيف بس باجي الصبف فاضي

 

[al_gardenia]

سلالالالالالالالالالالالام

شلونكم بنات انا هابه هالايام كل يوم بليل اشوف فيلم لي الساعه 1 وانام قاعدين يحطون افلام حلوه في mbc action

واقوم الصبح اودي اليهال غصب اقوم من الفراش خخخخخخ

اليوم وزني زايد كيلو حدي ضايق خلقي

 

[al_gardenia]

وااااااااي انا صايره مادري عن الدنيا

برد عليكم عقب اسبوع من سؤالي ههههههههههه


انا بخير انتوووا شلونكم ولهانه عليكم

اهليييييييييييين ميومه شلونج شخبارج

ليش جذيه قاطعه تعالي طلي علينه ولهانين عليج وعلى سوالفج الحلوه

 

[al_gardenia]

صباحوووو

ميومه هلا شخبارك وأخبار اليهال ان شاء الله تمام

رقي وجرجر الله يسلمكم يا رب وان شاء الله ترد بالسلامة وتستانس
خذت البنات ولا ما خذتهم ؟؟

والله مادري عنها ام جوجو

رقي شخبارك وأخبار البنات

الجاردينيا شخبارك وأخبار اليهال والمدارس

بخير والله ريان الابلات قالوا لها خلاص غيبو وغيبتها وصاير بالبيت عفره مشالله صار اتحاد فهد وريان واروى
صايره الديوانيه صخه حدها

حدهااااااااااااااااا الدوانيه صخه الله يرد الشمل انشالله

 

[al_gardenia]

صباح الخير شلوووووووووووووووووونكم
مابغى يشبك معاي

اهلين كويتيه انتي شخبارج عساج بخير


مادري شخبار عالم حواء غاطه اليوم مو من عوايدها

 

[love love]

قوووووووووه

اليوم الشغل زاايد ماقدرت اشبك على المنتدى

وباجر دوامي لي 3ونص مادري اشكثر راح اطول شهرين اكثر........الله كريمم

شخبااركم؟

 

[al_gardenia]

اهلين عالم حواء

عساج على القوه ويعطيج الف عافيه انشالله

شلون حوراء

 

[*دانة الخليج*]

السلام عليكم


شلونكم ؟؟؟؟
طمنوني على كويتيه ؟؟؟شلونها وشخبارها؟؟؟؟

امانه اللي تكلمها تبلغها سلامي والله قلبي معاها والله يصبر قلبها

 

[love love]

اهلين عالم حواء

عساج على القوه ويعطيج الف عافيه انشالله

شلون حوراء

الله يعافيييج حبيبتي

حوراء بخير حمدالله امس نومتها بغرفتها

بناااات توني امسويه غدا حق باجر يم يمييييييييي ودي اكله الحييين

حسافه ماراح اكون وياهم على الغدا باجر


سويت عيش مشخووول مع دقووس وحشو ربيان

 

[love love]

جم عمره؟؟؟ جوجو؟؟

دخليه نادي صيفي اذا عمره يسمح

 

[love love]

صباااااااااحو

 

[أم وجيه]

صباحووووو

عالم حواء صايره نشيطه اليوم شخبارك وأخبار حوراء

على النادي ممكن أدخله بس عاد أبي مكان سنع أحد مجربه لأنه صغير وأخاف عليه عمره 4 ونص

دانه هلا والله شخبارك وأخبار العيال وين هالغيبه طمنينا عنج

كويتية وافتخر ما أدري شكله ما احد يدري عنها الله يخفف عنها ويأجرها ان شاء الله

الجاردينيا صباحووو شنو برنامج الصباح اليوم بما انهم صارو 3 بالبيت اسم الله عليهم ما أعتقد يخلونج تنامين
جوجو على نهاية الشهر يعطل

رقي والاستاذه وينكم أمس واليوم ؟؟

 

[love love]

ممممممممممممممممممم

يعتمد وين بيتكم

يعني بلي قرووب في نادي صيفي

سئلي مركز العلمي فييه حق عمره؟؟

واذا لج خلق سويله برنامج الطلعات والنشاطات بالبيت
مثلا

يوم تلويين ويوم سباحه ويوم يروح السينما ويوم يروح حق اي احد او احد اييله البيت شي جذييه

 

[love love]

وام وجيه شسويي لازم اصير نشييطه دوامي لي 3 ونص اهيء اهيء

مخي وقف من الارقام بريح اشوي واكمل

 

[كويتية1]

الله يعطيج العافية عالم حواء
ام جوجو انه افكر ادخل فهود دار القران بالصيف
الجاردينيا ديري بالج من الكيلو ترا يسحب وراه ......................هههه احبط
شخبار كويتية وافتخر
شسالفة البنات غياب؟؟؟؟ اخاف عندهم شي من ورانا!!!!!!!!!!!!!!!

 

[أم وجيه]

الله يعينج عالم حواء بس آنا دوامي المعتاد لي 3 ونص بس آنا خلاص تعودت

آنا بالبيت ما راح أقدر هالصيف ولا بالعادة أسويله وايد أشياء بالصيف بس راح أكون والده وراح ينظلم وياي مسكين

يعني لازم أشركه بأكثر من شي آنا ناوية باذن الله أحطه بالقاعدة النورانية يتعلم التجوي وقراة القرآن على أصولها هذي بتكون كل يوم
وآنا راح أختار صبح أو عصر وبدورله نادي ترفيهي مثل المركز العلمي يكون يوم أو ثلاث بالوقت اللي يكون فاضي فيه
علشان يطلع طاقته اهو اسم الله عليه عنده طاقه زيادة
حتى الدكتور مانع عنه الكاكاو والشبس بس ما أقدر أمنعه ياكل وعلى كثر ما عنده طاقة طيب وحنون حبيبيي يعني ما يحب يتعبني

 

[love love]

اها دام بتولديين حاولي من الحين اتهيئينه انج بتدششينه هالاماكن علشان لا يربط روحته بوجود الاخو اليديد

والله يعافيييكم

 

[أم وجيه]

لوووووووووول كويتية قمة الاحباط للجاردينيا

اي آنا بعد بدخله بس بدخله القاعدة النورانية أحسن يعلمونه عربي قرآه وكتابه وتجويد القرآن وأحكامه

أعتقد نفس المعهد اللي اهو فيه يحفظ ويسوون قاعدة نورانية بالصيف وأكو بعد بمنطقة الرحاب أو جنوب السرة أشوفله سايق وأسجله
ان شاء الله

وفطومه بخليها تروح مع أبوها الدوام خخخخخخخخخخ

 

[love love]

زين تسوون علموومهم على القران من الصغر

انا الحين بدييت احفظ القران وانشاءالله على خير ياااربي


____________

اخييييييييييييييييه رحت شريتلي من المكينا بيبسي وبطلته ورافعه ريولي حدي منسجمه هههههههه