أقسم******

[الصابرة المحتسبة]

بما إن الوقت الحالي وقت إنتخابات وعرس ديمقراطي لديرتنا الحبيبة الكويت:




نقسم نحن أبنائك من ذوي الإحتياجات الخاصة على العمل بما ينفع كويت الغد من أولاد وبنات بجميع أعمارهم على تعمير كويت الحبيبة وإعطاء صوتنا لمن يستحقه ولاصوت يعلو فوق صوت الوطن:

فياخواتي كل أخت تشارك بكلمة وأمنية للمجلس القادم على وعسى نجد من يسمع صوت فلذات قلوبنا ولو من هذا المكان .

 

[ام^صالح]

والله انا رحت لقسم الانتخابات ماخليتهم وكتبت لهم نداء عاجل

اتمنى ان كل وحده تشتغل باللجنه الانتخابيه توصله لهم

اول امنيه الغاء شرط العمر للجنه التعليميه لان الطفل المعاق محتاج رعايه وتدخل مبكر قد يحد من الاعاقه
وثاني امنيه يغيرون هالمبنى اللي حرام ينقال عنه مبنى او مجلس اعلى

ويالله تشفي عيالنا وعيال المسلمين
وتحمي ديرتنا وحكامنا وتزيل كل انسان يثير الفتن

وعشتي يا الصابره فديتج على هالمواضيع الحلوه وروحوا لموضوعي عند بنات السياسه انشاء الله يشوفونا اكثريه ويقولون حق مرشحينهم

 

[HearT ChocolaTe]

أي يا الصابرة دستي على الجرح بنقول ويا ريت يوصل الصوت
أنا أتمنى التقاعد المبكر لأم الطفل من ذوي الإحتياجات الخاصه مع راتب كامل
أتمنى القرض المخصص له ما يكون لللبناء وبس ديرتنا ما قصرت لكن في هالوقت مو الكل يقدر ياخذ بيت
أتمنى يخصص سائق مع خادم للطفل ذوي الإحتياجات الخاصه على حساب الدوله ( برفع الراتب المخصص له )العماله نهبتنا والكرم قتلنا عشان نرضيهم ونسد حلوج الخدم
والله المستعان ويوصل صوتك يا عزوزتي الغالي

 

[الصابرة المحتسبة]

ام صالح ماقصرتي ياقلبي

 

[الصابرة المحتسبة]

ام عزووز صوتج وصل بإذن الله

 

[@شمس الضحى@]

وانا ازيد على كلام خواتي بنقطه ان المعاق لما يكون محتاج علاج برا الديره يسفرونه دايركت ويكون له الاولويه
بالسفر مو يطحنون ولي امر هالمعاق بالمعاملات والواسطات حسبي الله عليهم والله طلعو لي قرون

 

[سديم11]

ماقصرتي اتمنى ادخالهم مدارس خاصة ومعاملة خاصة بدون واسطات وتغيير مبنى المجلس الاعلى

 

[الصابرة المحتسبة]

رفع

 

[مشاعل الشمري]

رفع

أهم شي زرع المحبه والتآلف بين ذوي الاحتياجات الخاصه والعاديين في الجيل الجديد القادم
تغير مبنى المجلس الأعلى
ايجاد الكفاآت من مدرسات وكوادر اخصائيه لعيالنامستقبلا
بناء المدارس الجديده لهم والصرف على اخصائيين لكل حاله او تشخيص على حده:eh_s(6):

 

[كويتية ونعم]

نعم صح الكلام ياليت ينطبق والله يعينكم يابنات ومشكورة اختى الصابره

 

[الصابرة المحتسبة]

العفو كويتية

 

[نونا العتيبى]

آآآآآآآآآآآخخخخخخخخ يالصابره,تصدقين يأسنا من المجلس ما أعتقد أن يسوون لنا شي ,,

خلي يسوون شي حق الديره ,,عشان يفكرون فينا وفي عيالنا,,بس أتمني أتمني أن يخلونا ياالأمهات

نتقاعد براتب كامل ,,وأن يسوون مبني كبير للعلاج الطبيعي وأييبون أخصائيين من بره (وكل يوم)

جان ما دورنا نروح بره حق العلاج الطبيعي ,,وتري ماراح أخلص لأن أمنياتي وووووايد

 

[مشاعل الشمري]

آآآآآآآآآآآخخخخخخخخ يالصابره,تصدقين يأسنا من المجلس ما أعتقد أن يسوون لنا شي ,,

خلي يسوون شي حق الديره ,,عشان يفكرون فينا وفي عيالنا,,بس أتمني أتمني أن يخلونا ياالأمهات

نتقاعد براتب كامل ,,وأن يسوون مبني كبير للعلاج الطبيعي وأييبون أخصائيين من بره (وكل يوم)

جان ما دورنا نروح بره حق العلاج الطبيعي ,,وتري ماراح أخلص لأن أمنياتي وووووايد

هلا بنونا حبيبتي مشتاقه لمشاركاتج
الله يبلغج ويبلغنا بكل ما نبيه لعيالنا

 

[الـــ غ ـــلا]

السلام عليكم

انا معاكم في كل طلباتكم وتستاهلون خاصة الامهات الموظفات لازم توفرولهم كل الوسائل الي تعينهم على متابعة اطفالهم عسى الله ياجركم ويشفي عيالكم .
انتو بس قولولي اي مرشح مهتم صج بذوي الاحتياجات الخاصة وان انتخبه ولا بعد اجمعله اصوات

 

[الصابرة المحتسبة]

هلا أختي وعساج على القوة
إحنا نحط الآمال والطموح والباجي على نوابنا الأفاضل ومنو يتبنى مطالب وحقوق ذوي الإحتياجات الخاصة ؟؟؟؟؟ والقسم حطيناه لكل فرد من ذوي الإحتياجات الخاصة اللي يسعى لمد يد العون مع أخوانه من أفراد المجتمع الأصحاء لنبني كويت الغد المشرق.

 

[الصابرة المحتسبة]

تاريخ 16/5/2009 قرب والوعود والعهود مالها حد ,,,, لكن ناطرين الإلتزام فيها وتطبيقها والأهم المعاق/ذوي الإحتياجات الخاصة عيالنا إخوانا أهلنا وإنشاءالله يتحقق الحلم وننتج لهم كل اللي يبونه والتفاؤل أملنا.