اخطأت في الاختيار ؟

[About A Girl]

توني شارية كانون 400 .. وبسبب قلة معلوماتي بمجال الكاميرات والتصوير اكتشفت بعدين ان فيه موديل اجدد منها واهي كانون 450 ووااايد ضاااااق خلقي

فهل فيه اختلاف كبير بين الاثنين ؟ يعني ما تسوى الكامرا اللي شريتها ؟ ترا ما صورت فيها شي لاني شاريتها بس الهيكل بدون عدسة فاذا الكامرا حلوة وتستاهل بشتري لها عدسات واي عدسه تنصحوني ؟

ابي عدسه تسوي عزل حلو وتصويرها واضح
بس ماعرف اسامي العدسات ؟؟

 

[عاشقة ديور]

المشكله مو بالعدسات لازم تتعلمين على الكام اتوقع مابينهم فرق حيل انا كانون دي 1000..... بس ما معاها ولا عدسه ؟ شلفايده خذيتيها بدون عدسه

 

[About A Girl]

العدسة اللي تيي معاها قالولي عادية .. فبغيت اوفر عشان اشتري عدسات جودتها اكثر من العدسه اللي تيي مع الكامرا

هل عدسة
50mm F1.8 ph
تركب معاها ولا لا؟ لان امدحولي هالعدسه مالت كانون بس مادري تركب على كامرتي !
وايضا ابي اشتري عدسه الوايد انجل + الفيش اي بس ماني عارفه ارقام واسامي العدسات اللي تركب مع الكامرا

 

[juliie]

هلا أختي

أنا عندي الكانون 450 دي وللحين ما شتريت عدسات لها

لاني انصحج في البدايه انج ماتستعجلين وتشترين عدسات جديده بالعكس خذي اللي تجي معاها وتعلمي على الكاميرا قبل لا تشترين عدسات

واذا صرتي اوكي مع الكاميرا فكري انج تشترين عدسات

انا الحين صاري مده طويله بس قاعده على العدسه اللي جات مع الكاميرا بس قريب ان شاء الله بشتري عدسه جديده لاني صرت اوكي مع الكاميرا يعني تعلمت عليها

فنصيحه اخذي بالبدايه العدسه اللي معاها وبعدين بعد مده اذا صارت عندج خبره بالكاميرا اشتري عدسات اللي تحتاجينهم

تقبلي مروريـ ...!!

 

[الشيخه شيخه]

عادي لا يضيق خلقج
ومومشكلة
وانا رايي نفس راي juliie

 

[بنوته خجوله]

عدسه الوايد انجل + الفيش اي شنو هاذول العدسات >>لاني توني مبتدأ

 

[No0oNh]

حبيبتي لا يضيق خلقج ترى ال 400 ممتازه ووايد مصورين كبار عندهم هالكاميره ,, الفرق بينها وبين الجديده بسيط ,, أهم شي بالتصوير المصور نفسه والكاميره اهي وسيله بس عينج واختيارج للزاوية الصحيحه اهو المطلوب , بالنسبة للعدسة عدسة الفيش أي وعدسة الوايد أنجل ,, وعلى حسب انواع التصوير الي تحبينها ممكن تاخذين عدسة ماكرو ,, وعندج عدسة 50 حلوه والعزل فيها حلوو ,, وان شاء الله البنات يفيدونج ,, الله يوفقج .

 

[a7la tooota]

هلا حبيبتي ,,

توني شارية كانون 400 .. وبسبب قلة معلوماتي بمجال الكاميرات والتصوير اكتشفت بعدين ان فيه موديل اجدد منها واهي كانون 450 ووااايد ضاااااق خلقي

حبيبتي انتي قلتي انه معلوماتج قليله بمجال الكاميرات والتصوير وال 400 دي وال 450 دي يبيلهم وقت علشان تتعلمين
عليهم وتطبقين الدروس ,, بس كبدايه تقدرين تصورين بالأوتو اذا كان التصوير توثيقي أو عالسريع ,,

فهل فيه اختلاف كبير بين الاثنين ؟ يعني ما تسوى الكامرا اللي شريتها ؟ ترا ما صورت فيها شي لاني شاريتها بس الهيكل بدون عدسة فاذا الكامرا حلوة وتستاهل بشتري لها عدسات واي عدسه تنصحوني ؟

مافيه اختلاف بينهم وعلى فكره انتي نفس كامرتي بس انا اسمها 1000 دي بس نفس المواصفات بالضبط ,, واستعمال
الكاميرا وايد حلوو للي يفهمه وأتوقع انها واايد مناسبه حقج ,, واذكر الاسبوع اللي طاف رحت معرض تصوير وكلمت
مصور كويتي قتله انه ودي اغير كامرتي بس لما شااف صوري وشاف اني متمكنه بالكاميرا قالي لا تغيرينها اهم شي انتي
تمكنتي من الكاميرا ,, والكاميرا اصلا عباره عن عدسه كل ماكانت عدستج زينه وحلوه راح تطلعين بنتايح احلى

ابي عدسه تسوي عزل حلو وتصويرها واضح
بس ماعرف اسامي العدسات ؟؟

وايد فيه عدسات حلوه وعلى حسب استعمالج للكاميرا تختارين العدسه ,, يعني عدسة 50 عزلها حلوو وفيها انواع

فيها 1.4 و 1.8 ,, والثانيه اغلى من الاولى لأنه عزلها اقوى ,, وانتي حددي استعمالج للكاميرا علشان تختارين

العدسه ,, بس حسافه ماعندج عدسة الكاميرا الستاندرد ساعات هذي مانستغنى عنها

وأتمنى اني فدتج

 

[About A Girl]

هلا حبيبتي ,,




وأتمنى اني فدتج

مشكوورة على جوابج

الصراحة فادني

والبنات الباجي بعد ماقصروا

بس عشان تعرفون انا تصويري شايفته انه حلو لان عندي حس فني لما اصور بس مشكلتي مافهم بالمصطلحات ولا اعرف اتعبث عدل بالمينيو مال الكاميرة واغير الارقام وجذي
وحتى ماعندي خبري بالعدسات والكامرات نفسهم

يعني مرة من فترة قريبة استعرت كامرة بنت عمي عشان سفرة جم شهر

وتصويري كان حلوو عليها نفس صوركم تقريبا واعرف اسوي عزل وعندي حس فني باختيار الزوايا وهالسوالف اهي كاميرتها نايكون 60
بس مثل ماقلت ماعرف معنى المصطلحات اللي انتو تتداولونها اهني وخفت اتعبث بالمينيو وايد واخرب كاميرة البنية

فقلت اشتري لي كاميرة واتعبث فيها مثل ما ابي

قراري الحين اني اشتري عدسة 50 و العدسة الستاندرد اتوقع تنباع بروحها

بحطلكم صور من السفرة وانتو شوفو وحكمو

وترا الصور ماستخدمت فيها برنامج الفوتوشووب كلللش اللهم اني بس صغرتهم



<
<



<
<



<
<



<
<



???????????????

 

[Miss.KSA]

وااااااااو الصور روعه About A Girl

 

[أحلى عسل]

صورج روعه حدهم ،، واااايد حلوين ماشالله ،، فعلا عندج حس فني في اختيار الزوايا
بس للأسف ماعرف جواب سؤالج ،، مبتدئه مثلج ،،
يالله بنات ومنكم نستفيد