مدرسة التربية النموذجية (فقط للمسجلين فيها)@@@@

[الصابرة المحتسبة]

السلام عليكم
خواتي اللي مسجلة عيالها بمدرسة التربية النموذجية اللي بشرق :


عطونا معلومات عن المدرسة من جميع النواحي :

 

[Bella^^swan]

هلا يا قلبي ..
انا اخوي مسجلينه بهالمدرسه ... بس يا ربي مادري احس اخوي مو قاعد يستفيد شي بالمره .. بس فالحين يشفطون فلوس .. هذا غير الطلبات اللي كل يوم شكل .. وجم مره يرد مطقوق بعد عمري ..

احنا قبل كنا مسجلينه بالمدرسه الوطنيه الامريكيه وكان كل شي تمام .. والله حسافه لو تام فيها وايد أحسن .

 

[ناني سيكرتس]

انا ولدي فيها, اول سنه له هناك, بصراحه المدرسه ممتازه من جميع النواحي, الاهتمام عندهم مو طبيعي بالياهل, ولدي مستانس حيل هناك وقاعده اشوفه اسم الله عليه قاعد يتطور وياهم..
واذا عالطلبات ماكو طلبات وايد, يعني كل شهرين يبون شي, مثلا اول السنه عشان عندهم برنامج تعليمي اطلبوا 10 دنانير حق الاشتراك, المره الثانيه بسوون باربيكيو ويابوا المنيو مالهم واسعارهم حلوه ما تتعدى الدينار, ومره اطلبوا دينار ونص حق طول السنه عشان كل خميس يروحون الجمعيه ويشترون اشياء حق اليهال. الي اشوفه ان طلباتهم معقوله وحتى الفلوس اذا بغوا ماهي مبالغ مبالغ فيها كلش والله, المبلغ الي ياخذونه بسيط حيل وحق طول السنه ..

 

[الصابرة المحتسبة]

هلا أختي كليرومشكورة على المشاركة

 

[الصابرة المحتسبة]

هلا نانسي إنزين ودي أعرف أكثر عن الستاف التعليمي ,,,,

 

[ناني سيكرتس]

شوفي الي اعرفه من الاستاف, مدرس النطق, والسباحه , والرياضه, مدرس الخزف, مدرس العربي والقران, في مدرسه مالت العلاج بالعمل, هذول غير مدرسة يوسف الاساسيه ومساعدتها, بصراحه كلهم ممتازين ومتعاونين لاقصى درجه, انا قلت لهم اي شي بمصلحة ولدي سووه له, ولا مره اشتكي ولدي من اي واحد فيهم, ساعات اطب عليهم فجاة بالمدرسه واشوفهم اهتمام باليهال موطبيعي سواء لولدي ولا للحالات الثانيه..

برمضان رحت حفلة القرقيعان مالتهم بالمدرسه وقعدت وشفت اشلون كل مدرس ماسك الطلبه ملوته اهتمام مو طبيعي صج, حتى في طالب الله يشفيه كبير ومعاق اعاقه بريوله, ريوله عويه شفت المدرس ماله والله اموقفه واهو ما يقدر يوقف بروحه, المدرس طول الحفله واقف وموقف الولد معاه ومره يرقص معاه ومره يمشيه ومره يشاركون بلعبه, والولد وايد مستانس من هالشي, وشفت مدرسه هم ماسكه طالبه وحاضنتها بشكل موطبيعي عشان البنت ما تخاف ولا تستعسر, وفوق هذا كله بالحفله المدسين كلهم ارقصوا مع اليهال, محد فيهم استحى بالعكس اهم يرقصون فالطلبه يتشجهون ويرقصون معاهم..

الزبده الطلبه بنفسهم يحبون الاساتذه هناك لاني لمست هالشي من عيونهم وحركاتهم وضحكاتهم معاهم, والله ان هالمدرسين وايد ارحم عالطلبه من اولياء الامور نفسهم, لان في ناس ما تدري عن عيالهم ولا حتى يسالون عنهم كلش..
على فكره حت الخدامات الي هناك وايد قلوبهم رحيمه عاليهال, تعالي شوفيهم اشلون يخدمونهم, واشلون يحاجونهم..

الله يشافي عيالنا وعيالكم ومرضانا ومرضاكم.. الهم امين..

 

[الصابرة المحتسبة]

عساج على القوة ياناني ومشكورة على المعلومات القيمة

 

[الصابرة المحتسبة]

الخدم عادي يرافقون ذوي الإحتياجات الخاصة؟؟؟؟؟

 

[الصابرة المحتسبة]

الخدم عادي يرافقون ذوي الإحتياجات الخاصة؟؟؟

 

[الصابرة المحتسبة]

رفع

 

[Emanova]

انا نفس كلام ناني بالضبط لا طلبات و لا هم يحزنون ....بس الاشياء اللي قالت عنها اللي اهي 10 دنانير و دينار و نص للجمعيه

و الباربكيو هذا يكون يوم تعليمي انا رحت شفتهم الاولاد و البنات الكبار يطبخون و اليهال الصغار يشترون فوايد حلوه الطريقه

و عيد ميلاد حمودي سويته عندهم ....سووه بالصاله و رتبوا الطاولات و مدرسه الموسيقى تعزف على الاورج و الاستاذ صوته حلو يغني لليهال

و بعدين شغلوا لهم اغاني و قام الكل يرقص ....انا وايد استانست و قلت تسوى الفلوس اني اقطها على هاليهال و لا على حفله ايوونها الاهل

 

[الصابرة المحتسبة]

أهم شي راحة عيالنا ومادام هم يرتاحون بالمكان ويتقبلونه ويشتاقون له هذا أهم شي والمادة (الفلوس) بالمرتبة الأخيرة جدام راحة عيالنا .

 

[ناني سيكرتس]

زين والله سويتي عيد ميلاده هناك امون..
انا امفكره اسويه هناك بعد, عيد ميلاده الاسبوع الياي وامفكره اني اوديله كيكه, انت شنو وديتي عشان اسوي مثلج..؟

 

[الصابرة المحتسبة]

أمون سامحيني ماثبت على حفلة الغالي يعل كل أيامه أفراح ونجاح
إنزين ماجاوبتوا على سؤالي : عادي الخدم يرافقون الطالب إذا كان عمره 7

 

[ناني سيكرتس]

شوفي في طالب بصف يوسف كانت خدامته كل يوم تيي معاه وتقعد عنده, شوي شوي ليما ما قامت تيي لان الولد قام يتحسن ويقدر يخلي خدامته, ترا خدامته اهي الي امربيته واهي مثل امه, انا كلمتها كانت تقولي انها تحبه حيل وانها مستحيل تفارقه..
اعتقد اذا ولدج حالته تستدعي ان خدامته معاه راح يوافقون عليها المدرسه بس لفتره على ما يتعود الولد عالمدرسه وبعدين ماراح اتطرشينها معاه...

 

[مشاعل الشمري]

السلام عليكم شخبارج حبيبتي ناني مشتاقه وشلون ولدج بالمدرسه؟:tek:

 

[الصابرة المحتسبة]

هلا ناني:الحمدلله وليدي مو لدرجة التعلق وان الخدامة مثل أمه لا بس أبيه يحس إن في أحد من البيت معاه شوي شوي ليما ياخذ على الوضع .

 

[ناني سيكرتس]

السلام عليكم شخبارج حبيبتي ناني مشتاقه وشلون ولدج بالمدرسه؟:tek:

هلا والله ماشعل اشلونج وشخبارج..؟ ولهت عليج العافيه حبيبتي..
انا قمت ما ادش وايد لان ابوي الله يشافيه مريض ويعالج برا واحنا وايد نحاتيه عشان جذيه غبت قتره عن المنتدى..
اذا على ولدي الحمد لله المدرسه مو مقصرين معاه باي شيي, الولد قام يتطور ويتقدم شوي شوي بس ليما الحين الاي كونتاكت مو ضابطه معاه..

 

[ناني سيكرتس]

هلا ناني:الحمدلله وليدي مو لدرجة التعلق وان الخدامة مثل أمه لا بس أبيه يحس إن في أحد من البيت معاه شوي شوي ليما ياخذ على الوضع .

الاحسن لج انج تخلينه يكتشف الوضه بروحه هناك, اذا اهو مو متعلق بالخدامه ليش تخلينها تروح معاه, اذا راحت وياه اهني راح يتعلق فيها وما يبي يخليها, يبيها على طول معاه بالمدرسه, خليه بروحه عشان يحس انه كبر وان في استقلاليه بحياته..

 

[مشاعل الشمري]

هلا والله ماشعل اشلونج وشخبارج..؟ ولهت عليج العافيه حبيبتي..
انا قمت ما ادش وايد لان ابوي الله يشافيه مريض ويعالج برا واحنا وايد نحاتيه عشان جذيه غبت قتره عن المنتدى..
اذا على ولدي الحمد لله المدرسه مو مقصرين معاه باي شيي, الولد قام يتطور ويتقدم شوي شوي بس ليما الحين الاي كونتاكت مو ضابطه معاه..

الله يشافيه ويخليه ويردا لكم ولاهله سالم غانم
اما عن وليدج فانشاءالله تشوفينه أحسن وأحسن
وجربي انج تشدين انتباها لج بشي يحبه وكل 5دقايق تنادينه وتجذبينه لج (يبيلها صبر)وانشاءالله يتحسن:tek: