تجميع للاستفسارات حول تجميل الانف @@

[وردة اليابان]

بناااات اللي سوت عملية تجميل للأنف هل تقدرون تتكلمون عادي بعد العمليه مباشرة أو تحسون بألم أثناء الكلام وإن كان فيه ألم كم يوم يبي له عشان تنطقون عادي؟؟؟؟؟؟؟

و اللي أعرفه ان اللي عندهم مشكلة عين كبيره و عين صغيره اذا شالو عظمة الأنف تصير العيون بمستوى وااحد ويختفي هالعيب فتجميل الأنف حل لهالمشكله بعد

 

[وردة اليابان]

مرحبا بنات... مدحوا لي الدكتور شجاع إيراني في دبي يشتغل في مركز طبي خاص... هل حد فيكم سمع عنه أو شاف شغله؟؟ الاغلبيه تمدحه وان شغله طبيعي.. والبروفيسور امامي ايراني في المستشفى الإيراني في دبي ..بعد يقولون شغله حلو .. دام خواتنا الكويتيات يروحن إيران يمكن هالايرانيين اللي عندنا بعد شاطرين ..اي وحده عندها فكره عن دكاترة التجميل الايرانيين في دبي ياليت تفيدنا

 

[maya2009]

انا من البحرين قريبتي نصحتني بان ما اسويها عند دكتور اوربي لان بيخرب خشمي وبيسويه مثل الاوربيين قالت لي احسن شي هندي لانهم قريبين منا وبيقدر بعد اذن الرحمن ان يسويه لي شي طبيعي والله رحت عند دكتور لا مشهور ولا شي المشهور عندنا طارق سعيد رحت حقه خمس مرات ويتفلسف يقول لي انتي جميله ليش تخرب شكلك العمليه تكلف روحي رجعي بيتكم ؟؟؟؟؟ّّّّ بعد ما ترجيته قال بيسويه بس الارنبه والحمدلله الله ستر ولطف اتصل فيني وقال انه غير رايه مو مقتنع بان العمليه ناجحه راح تكون فاشله وهو مقتنع بان ما احتاجها وسئلت وقلت له لو اروح دكتور ثاني مو احسن قال لي اي دكتور محترم بيقول نفس الكلام فتوكلت على الله واتبعت احساسي ورحت حق الدكتور الهندي وقعدت وياه وارتحت منه شفت الخشوم اللي مسويها عاديه طبيعيه تماما ما فيها ذاك الزود بس دعيت الله وتوكلت عليه وسويتها عنده ب1800 دينار بحريني والحمدلله النتيجه لحد الحين انا راضيه عنها تماما وانا في الشهر الخامس اقارن بين صوري اول والحين فرق ارض وسماء اخرع كنت ودكتور طارق يقول انتي حلوه مو محتاجه خنافر كبيره وعظمه كنها نفنوف منفخ واعوج كله على صوب الحمدلله والشكر منفخ ؟؟؟؟؟ويقول لي حلو خشمك منو وين حلو الحمدلله الف الحمد والشكر عمليتي ناجحه بس للحين وارمه ان شاءالله تكون احسن
عشان هذا درس مو تسمعون كلام دكاتره مع ان الدكتور طارق شاطر وثقه بس يظل بشر الحمدلله ما سمعت كلامه وسويتها مو شرط تسوونها عند دكتور مشهور انتي وحظك بس الواحد ما يجازف ويرمي روحه عند اي واحد وحتى لو دكتور شاطر الواحد ياخذ احسن من راي احسن

 

[maya2009]

على فكره العمليه كانت تغيير كلي للعظم والخشم كامل مع الارنبه على عكس كلام اشهر دكتور عندنا طارق سعيد

 

[وردة اليابان]

maya2009 مشكووووره وايد على المعلومات ... و مبرووك نجاح عمليتج والله يهنيج باللوك اليديد ..تصدقين أحس معاناتي نفسج بالضبط ويااارب القى واحد شاطر يعرف كيف يساعدني..تمنيت لو اقدر اروح البحرين ..المشكله اذا اقنعت اهلي بيخلوني بس في دبي لاني بجبرهم على الموافقه..واذكر مره دخلت سايت دكتور هندي في دبي ... بحاول اجمع معلومات عنه بعد .. وما ادري عند منو بستقر في النهايه..الله كريم

 

[maya2009]

maya2009 مشكووووره وايد على المعلومات ... و مبرووك نجاح عمليتج والله يهنيج باللوك اليديد ..تصدقين أحس معاناتي نفسج بالضبط ويااارب القى واحد شاطر يعرف كيف يساعدني..تمنيت لو اقدر اروح البحرين ..المشكله اذا اقنعت اهلي بيخلوني بس في دبي لاني بجبرهم على الموافقه..واذكر مره دخلت سايت دكتور هندي في دبي ... بحاول اجمع معلومات عنه بعد .. وما ادري عند منو بستقر في النهايه..الله كريم

اختي انا كان المفروض اسويها في دبي لان دبي معروفه بالدكاتره الزينه الممتازين في التجميل مو اقل من باريس ولا المانيا ولكن انا من البحرين واحنا اهل البحرين على قدنا ما اقدر اطلع بره الديره بسبب قدرتي الماديه المحدوده بس الحمدلله الله عطاني على قد نياتي والله اني اتبعت احساسي وبس ما في احد نصحني بالدكتور اللي سويتها عنده وما تكلمت مع اي احد كان مسويها عنده ولا شفت اصلا اي احد سواه عنده اي عمليه بس قعدت مع الدكتور وتكلمت وياه وحسيت انه شاطر وتوكلت على الله احنا في البحرين ما عندنا بصراحه دكاتره ذاك الزود على الله ثم على الله

بس اهل دبي وابو ظبي ما شاءالله احسن الدكاتره عندكم الله يهديك بس يا اختي اسئلي عن الدكاتره الزينين في دبي وبنات الخليج ماشاءلله كلهم كرم اكيد بيدولونك وما انصحك تسوينها في البحرين ولا في اي ديره غير ديرتك احسن واريح وحق المتابعه

 

[دلع_البحرين]

^
^
^
^


شسم الدكتور مايا لاني من البحرين وفي اي مستشفى بليز

 

[moot20]

بعد عنااااااء قدرت اقنع ريلي انزل الصور
هاي نتيجة عمليتي عند الدكتور غبرييل صعب(دكتور زاير ايي دبي كل شهر)
طبها صارلي بس ثلاث اشهور مسويه العمليه ف لاحظوا انه الأرنبه بعده مورررمه والنتيجه النهائيه بعدها ما اظهرت

 

[moot20]

up up

 

[جروح76]

أبشركم خواتي
أنا اليوم صارلي 15 يوم من سويت عمليه تجميل الأنف في مستشفى دار الشفا بالكويت عند دكتور اسماعيل ندا وكان في دكتور مساعد معاه داخل غرفه العمليات اسمه دكتور/ إيميل عوض
والحمدلله آنا حاسه نفسي زينه والورم اللي بويهي خف وايد بس باقيلي ألوان الطيف اللي بويهي ماراحو قالي الدكتور يبيلهم بعد 10 أيام لكنهم خفو وااااايد والحمدلله
ومثل ماقالو بعض البنات النتيجه للحين الحمدلله لكن مو باينه واااايد والأرنبه بعدها وارمه لكن بالعموم العمليه ناجحه والحمدلله
نطرو علي شوي خل تروح الألوان اللي بويهي وأشيل الجبس وأوعدكم أصور خشمي وأوريكم صورته قبل وبعد
وأي استفسار آنا حاظره

 

[دلع_البحرين]

moot

صراحه ماشالله روووعه مو باين تجميل احسه مرسوووم حمستيني اسويها عنده والله

 

[دلع_البحرين]

العمليه كم كلفتج moot

 

[MISS FATOOSHA]

بعد عنااااااء قدرت اقنع ريلي انزل الصور
هاي نتيجة عمليتي عند الدكتور غبرييل صعب(دكتور زاير ايي دبي كل شهر)
طبها صارلي بس ثلاث اشهور مسويه العمليه ف لاحظوا انه الأرنبه بعده مورررمه والنتيجه النهائيه بعدها ما اظهرت

ماشاء الله moot خشمج واااايد حلو الله يهنيج فيه :ggdw:
بس يليت لو تحطين خشمج قبل العمليه علشان نشوف الفرق

:stars:​

 

[~ عز ~]

بعد عنااااااء قدرت اقنع ريلي انزل الصور
هاي نتيجة عمليتي عند الدكتور غبرييل صعب(دكتور زاير ايي دبي كل شهر)
طبها صارلي بس ثلاث اشهور مسويه العمليه ف لاحظوا انه الأرنبه بعده مورررمه والنتيجه النهائيه بعدها ما اظهرت

ماشاء الله صار اشحلوه

شنو جنسيته هالدكتور ؟

وكم كلفتج العمليه ؟

ومتى اييي مره ثانيه ؟

 

[شرقاويهـ]

هلا بناااات


شخباركم ان شاء الله مبسوطين


moot خشمج ماشاء الله يهبل وتقريبا مثل خشمي الله يهنيج فيه حبيبتي

بس انا للحين الارنبه وارمه


وانا قريت ردودكم وحبيت اعلق على بعضهم

بالنسبه لدكتور غابرييل انا قلت له مابيه مرفوع مثل الاجانب ابيه عاادي مو مرتفع ولا نازل

ومعاملتهم جدا راااقيه وحتى كل شهر يكلموني يتطمنون علي لاني انا من السعوديه

ولي باااك

 

[Q8stylle]

شخباركم بنات من زمان مومشاركه بموضوعي
والحمدالله علي سلامه كل وحدة مسويه عمليه
هذي تفاصيل عمليتي

انا مسويلي الدكتور عبدالمحسن جعفر
حملت لكم الصور مرة ثانيه الانها موطالعه

الصورة قبل العمليه واللي يمها بعد العمليه بيومين
وعمليتي كانت بتاريخ 11-11

وهالصورة اليوم صورتها لكم تاريخ اليوم 4_3

 

[بنوتة الامارات]

رووووووووووووووووووووووووووعه^^

moot فديتج ممكن انشوف خشمج من جدااام ؟؟؟؟؟

اتحمست وااايد ^^

 

[maya2009]

[moot 20

ما شاءالله تبارك الله الله يهنيك في خشمك وايد وايد وايد حلو يهبل مو بس يهبل يخبل الله يوفقك ويكفيك شر العين والحسد ويهنيك باللوك الجديد انا خشمي كان كلش خنافر وعظم سميك ومعوج الحين بدخل في الشهر السادس للحين وارم بس احسن من اول بس طبعا مو مثل حلاة خشمك بس الحمدلله راضيه فيه ان شاءالله يستقر وضع خشمي ويخف الورم ويفشون الخنافر عمليتي بالبحرين كلفتني تقريبا 1900 دينار مع المراجعه وكانت تغيير جذري في كل شي نحت العظم وضعف الخنافر والعظم كان معوج خلاه في الوسط وان شاءالله يصير احسن

 

[Q8stylle]

moot 20 ماشالله خشمج وايد حلووووووو ياقلبي :eh_s(15):
الله يهنيج فيه حبيبتي:ggdw:
علي فكرة الورم يروح بعد 6شهور وشكله النهائي يعني يثبت
شكله ومايتغير الا بعد سنه​

 

[يااسمينه]

moot
ماشاء الله حلو لكن ياريت صوره قبل العمليه وصوره بعد العمليه من قدام ....
كويتيه ستايل ليه اول ماسويتي العمليه مبين في الصوره انه فيهرفعه في العظم شوي يعني مو مررره مستقيم بينما الصوره الثانيه الي بعد فتره صاير احلى بكثير وصار مستقيم ؟؟ شنو السبب هل انتي عملتي تمارين معينه للانف والا الي يحطونه على الانف اللصقه لها دور ؟؟؟