الاجازه المرضيه

[ام نـورة]

السلام عليكم بنات ابي استفسار عن الاجازه المرضيه شلون طريقتها
اروح العلاج بالخارج يعطوني اذا رايحه على حسابي وشنو شروطها وهل في خصم من الراتب
وشنو طلباتهم ياليت تفيدوني

 

[سندريللا بطه]

هلا اختي والله ما عندي خبر اذا بالتربيه انتي مدرسه ولا موظفه اسأل لج واقولج بس وزاره ثانيه ما اعرف وان شاء الله تروحين وتردين بالسلامه ان شاء الله والله يرزقج بالذريه الصالحه المعافاه ان شاء الله

 

[هداوي المطيري]

تروحين العلاج بالخارج ويعطونج كتاب للدوام بس الخصم ماعندي اي فكره

 

[لوكي 22]

تروحين وتردين بالسلامه ان شاءالله ..
وان شاءالله يفيدونج ..
ورربي يرزقج بالذريه الصالحه ..

 

[زوجة حبيبي]

ام نورة انا سالتج البنات اللي جايين على حسابهم بس مو مدرسات موظفات في وزارات ثانيه قالو ما انخصم من معاشنا ولا فلس ومعاشاتهم تمشي عادي

بس وزارة التربيه ما ادري عنها

 

[ام نـورة]

مشكورين بنات اللي تعرف اكثر تفيدني وجزاكم الله خير

 

[نيبال الايمان]

ضى الايمان


والله ياعمرى ما اعرف ان شاء الله البنات يفيدونج 000

بس ما حبيت ادش بدون ما ادعى لج ياعمرى ان شاء الله باذن واحد احد ما تردين الا وانتى مجبورة الخاطر ياعمرى والله يكتب لج نصيب بالحمل بهالسفرة وان شاء الله عن قريب تبشرينا بحمالج اللهم امين يارب

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[um katkot]

الله يوفقج يارب حبيبتي سمعي لازم تطلبين كتاب فيه انج بتروحين تعالجين بالخارج على حسابج و يعطونج كتاب اجازة بمرتب كامل لحد يقولج غير هالكلام اتصلي او روحي حق ادارة العلاج للخارج و طلبي منهم الكتاب و عطيهم اثبات و عنوان المستشفى الي بتروحين له يعطونج كتاب حق الدوام

 

[ام نـورة]

مشكوره اختي بس شلون الطريقه يعطوني اهم نموذج وانا اعبيه ؟ وشنو الطلبات ؟ بعدين كاني سمعت انه في لجنه ؟ لجنه شكو انا رايحه على حسابي ؟ اي قسم اروح بالعلاج بالخارج ومشكورين تكفوون اللي تعرف تساعدني والله يكتب لها الاجر وهل اتطول الشغله على مايصدر الكتاب وكم مدة الاجازه

 

[ام نـورة]

شدعوى بنات محد يعرف ؟؟؟؟ ساعدوني

 

[Emanova]

مثل ما قالوا البنات ..........تاخذيين صوره الموعد و ترحين العلاج بالخارج و يسوون لج كتاب و من يوم السفر مرضيه و راتب كامل

 

[ام نـورة]

اوكي يعني اللي فهمته اروح العلاج بالخارج واجيب معاي الموعد مال المستشفى بس ؟
اخاف في طلبات ثانيه تكفون اللي تعرف تقولي وزوجي شنو الطلبات اللي يبونها عليه كمرافق ؟

 

[RAIN FALL]

اهلين الي اعرفة ان الزوجين يكونون مرضى يعني مو مرافق
احنا رايحين علي الحكومة و عطونا اجازة مريض حق كل واحد فينا
و الله يسهل عليك يا رب

 

[ام نـورة]

بنات لو سمحتو شنو الطلبات وشنو الاجراءات

 

[WaChoCha]

انا ما عندي فكرة بس عزيزتي ليش ما تروحين بنفسج وتاخذين منهم رد حق كل تساؤلاتج

 

[da7doo7y]

انشالله البنات يفيدونج

 

[ام نـورة]

انا ما عندي فكرة بس عزيزتي ليش ما تروحين بنفسج وتاخذين منهم رد حق كل تساؤلاتج

عسى ماشر شنو اللي مضايقج أختي اذا ماتعرفين مو ملزومه تردين وشكرا...... على مساعدتج الوهميه تصدقين كلفتي نفسج؟