{ ...الدكتورة رشا الصفي تجيب على استفسارتكم ..} استضافة اسبوعية

[نونو المزيونه]

صباح الخير دكتوره حياج الله بمنتدانا الغالي
حبيبتي بغيت استشيرك انا توني والده صارلي اسبوع متى احسن وقت اطهر ولدي
مشكوره على طولة بالج معانه

 

[نجودي]

السلام عليكم دكتورتنا الغاليه انا بنتي عمرها سنه وخمسة اشهر وزنها 8 ونص معتمده على الرضاعه الطبيعيه وقليل تاخذ حليب مساعد غين بلص وقليل اكلها شسوي بنتي حيل صغيرونه افطمها من صدري واغير حليبها غين وووووووووووشكرا لوساعة صدرج

 

[fa6oomo]

السلام عليكم .. دكتورة بنتي ولدتها بالثامن يبتها كيلو و نص و من ولدتها و اهيا اطلع اصوات مثل الشخير ؟؟ , و الحين عمرها شهرين تشرب حليب رقم واحد بس حليبها نيو شور و صار وزنها الحين 3 كيلو مادري هل طبيعي وزنها او لا ؟؟

 

[احلى ماما]

يعطيج العافيه دكتوره انا ولدي عمره 4شهور وكله معاه غازات وحليبه بيبي لاك اي سي
بس دايما يصير معاه امساك وخروجه لونه اخضر مثل الطين هل هو طبيعي وشنو اعطيه للغازات
تعبت من ماي الغريب والبوني سان الهملايا

 

[* الجليلة *]

يعطيج العافية دكتورتنا

بنتي عمرها 4 سنين و6شهور
وكان عندها تطعيم الاسبوع اللي طاف بس المستوصف ردونا وقالوا تكنسل تطعيم 4ونص وانا خايفة عليها ليش كنسلوا هالتطعيم ؟

ثانيا اهي لما تنام تتنفس من حلجها مرات اسكره واهي نايمة بس ترد تفتحه وتتنفس منه هالشي عادي ولا مو زين ؟

انا اللي اعرفه انه مو زين لازم تتنفس من الخشم شسوي؟؟؟؟

 

[سحااايب]

شلونج دكتورة عساج عالقوة دوم

دكتورة بغيت اسالج عن دوا فاتح شهيه اسمه موسيقور امدحوة ناس اشكثر وانا بغيت اعطيه لولدي عمرة سنتين ونص شرايج فيه دكتورة وشكثر مللي اعطيه وشكثر الوقت اللي يكفي يعني شهر شهرين؟؟
لان ولدي بصراحه مجنني ماياكل كلششششششششششششش عادي يقوم وينام ومااكل عاااااااادي عنده

 

[د. رشــا الصفــي]

جزاج الله الف خير يادكتوره

يجزانا و يجزاج كل الخير حبيبتي

 

[د. رشــا الصفــي]

مشكورة دكتورة
علا الرد
طيب
ممكن تعطيني اسم حليب مفيد وااايد
لان واللة احترنا من هالدعايات ومندوبين بكل مكان صارو يرتزون حتا بلمستوصفات ومصيبة هم بعد صرت اكتشف دكاترة هم بعد يسون دعاية ومايهم الطفل شنو اللي يفيدة
هي عمرها سنة و3 شهور
شرايج اي حليب
نيدو واذا عندج احسن قوليلي عفية لاني احترت واااااايد
اللة يوووفقج ومشكوووووووووورة

بالنسبة لحليب الأطفال كلهم نفس الفايدة من حيت الفيتامينات و البروتينات و المعادن

الفرق بالطعم و تقبل الطفل

عندج اي نوع حليب أطفال من بعد السنة تقدرين تستخدمينه او نيدو 1

شوفي البنت شنو تحب و ما يسبب لها غازات و امساك

ماكو حليب معين اقدر انصحج فيه.. كلهم نفس الشي

اشترى علبة وحدة من اوي نوع و عطيها اذا تقبلته و حبته كملي عليه

و لا تغيرين لها وايد

و اذا هي مرتاحة على حليبها الحلي لا تغيرينه

 

[نونو المزيونه]

هلا دكتورتنا شلونج حبيبتي بستشيرج الحين عمر ولد 17 يوم بس على طول اصيح من الغازات انا ارضعه طبيعي بس مدخله معاه الصناعي حليبه اس 26 جولد اشريج اظن الغازات من الحليب الصناعي اغيره و لا اتم عليه واذا اغيره شنو تنصحيني فيه مشكوره و ما قصرتي حبيبتي

 

[د. رشــا الصفــي]

و الله دكتوة رشا ياخذ ولدي كمام بس هم ماكو فايدة اذا وقف الكمام ترد الكحة بزيادة و خذيت هم موسعات شعب و هم ماكو فايدة بس الوقائي الاطباء و لا واحد عطاني وقائي عيل خل اروح احول و اسال عن الوقائي و تسلمين ياقلبي

الوقائي راح يريحه وايد ان شاء الله

في نوعين بالكمام و هو بلميكورت او بالفم و اسمه سينقولير

الكمام افضل و مفعوله اسرع بس يحتاج التزام و استمرار لمدة 6 اسابيع على الأقل علشان يبين مفعوله

اخذي تحويل من مستوصفكم على عيادة الأطفال بالمستشفى التابع لمنطقتكم و هم سوون اللازم

 

[د. رشــا الصفــي]

يعطيج ألف عافية دكتورة

انا ولدي عمره سنة ونص
ومضيق خلقي ما يتكلم ولا حتى يحاول يقلد الحجي
وما يقول حتى ماما وبابا
واللي أشوفه انه ماشالله يعرف إذا قلتله وين بابا يعرفه ويأشر
وين الكرة يعرف ماشالله يعرف بس ماكو ولا ربع كلمة
بس يخربط لغة غير مفهومة وما يحاول يقلد مع انه وايد نسولف معاه
سويناله جك أب على إذنه قالوا سليمة مافيها شي

؟؟

صبري عليه شوية يبيله شوية وقت

في اطفال يخزنون اول مجموعة كلمات و عقب يقولونها

تو الناس الحين

اهم شي انه اذونه سليمة و يتفاعل معاكم

 

[د. رشــا الصفــي]

السلام عليكم ورحمه الله وبركاته
الله لايهينج دكتوره ويبارك فيج
ماعليج أمر بنيتي عمرها 9 شهور سبحناها ذاك اليوم بالبحر وعقب ماردينا البيت مانحط شي بحلجها الا ترجعه نافوره وانتي بكرامه
ووايد تنام كل ساعتين تبي تنام وديتها الطبيب عطونا ألينال مضاد للترجيع
وهم ماكو فايده وكلتها شوية سمج مهروس وربع تفاحه جان ترجعه كله؟؟
عادي اعطيها مره ؟
عمتي تقول دقي علج بان وهيله وماي لقاح وصفيهم وعطيها
مادري اخاف موزين نوريني الله ينور عليج دنيا وآخره

والله ما عندي خبرة بطب الأعشاب للأسف

بس واضح ان بنتج حايشها برد

اهم شي تعوضينها سوائل

الأكل بهالفترة مو مهم وايد

و اذا استمر الترجيع وديها الطوارئ يركبون لها نغذي

بس المرة و الهيل و اللبان ما اعرف عنهم شي

 

[د. رشــا الصفــي]

السلام عليكم ورحمه الله وبركاته دكتوره اختي توها والد صار لها اسبوعين تقريبا وسربنتها يطلع دم منها عادي وشنوتحط على السر وتقدر تستخدم المعقمات ومشكوووووووووووووووووووره

تقدر تحط عليه كحول و عقب البودرة المخصصة للسرة و راح يطيب بروحه

 

[د. رشــا الصفــي]

السلام عليكم اشلونج دكتورة

ولدي هالاسبوع اسم الله عليه يكمل 7 شهور وصاير معاه امساك قوي يعني تكرمين اذا وصخ الخروج يكون يابس تعرفين اشلون لما الطين يجف وقريب الا يصير صخر جذيه عزج الله خروجه يكون ياااااااااااابس ومسكين يقعد يبجي لما يخرج يكسر خاطري

وانا اوكله خضار فريش يعني اسويها بالبيت اتمنى تقوليلي شنو اللي اوخر عنه وما اوكله اياه ؟ وحل حق الامساك الشديد


مشكورة وماقصرتي دكتورة

وقفي الخضار شوية خصوصا البطاط و الجزر و استبدليه بالفواكه علشان تلين بطنه
هالمشكلة شائعة جدا حصول الامساك بعد الاستمرار بالخضار فترة معينة
ما يحتاج ادوية و لا شي بس عطيه عصير برتقال و فواكه و شربيه ماي

 

[د. رشــا الصفــي]

صباح الخير دكتوره حياج الله بمنتدانا الغالي
حبيبتي بغيت استشيرك انا توني والده صارلي اسبوع متى احسن وقت اطهر ولدي
مشكوره على طولة بالج معانه

الحمدلله على شلامتج

طهريه من يكمل شهر احسن وقت

 

[د. رشــا الصفــي]

السلام عليكم دكتورتنا الغاليه انا بنتي عمرها سنه وخمسة اشهر وزنها 8 ونص معتمده على الرضاعه الطبيعيه وقليل تاخذ حليب مساعد غين بلص وقليل اكلها شسوي بنتي حيل صغيرونه افطمها من صدري واغير حليبها غين وووووووووووشكرا لوساعة صدرج

وزنها يعتبر اقل شي بالطبيعي بالنسبة لعمرها

المفروض وزنها بهالعمر يكون بين 8 - 12.7 كيلو

قللي الرضاعة الطبيعية و كثريلها الأكل

الحليب المساعد مو ضروري اذا تاكل زين

يعني خلي الرضعات ما تزيد عن 3 - 4 رضعات باليوم و الوجبات من 3 - 5 وجبات حتى لو صغيرة مو مشكلة

و حاولي تخلين احد غيرج يوكلها لأنها اذا شافتج ما راح تاكل و تبي ترضع منج

و لا تنسين تعرضينها لشمس كل يوم نص ساعة و تكون بالملابس الداخلية وايد مهم لها علشان عظامها

 

[د. رشــا الصفــي]

السلام عليكم .. دكتورة بنتي ولدتها بالثامن يبتها كيلو و نص و من ولدتها و اهيا اطلع اصوات مثل الشخير ؟؟ , و الحين عمرها شهرين تشرب حليب رقم واحد بس حليبها نيو شور و صار وزنها الحين 3 كيلو مادري هل طبيعي وزنها او لا ؟؟

زين وزنها الحين بالنسبة لوزن الولادة

و حاولي تزيدين لها كمية الحليب بالتدريج

و صوت الشخير هذا بسبب ارتخاء عضلات الحنجرة لأنها توها صغيرة لما تكبر شوية يروح

 

[د. رشــا الصفــي]

يعطيج العافيه دكتوره انا ولدي عمره 4شهور وكله معاه غازات وحليبه بيبي لاك اي سي
بس دايما يصير معاه امساك وخروجه لونه اخضر مثل الطين هل هو طبيعي وشنو اعطيه للغازات
تعبت من ماي الغريب والبوني سان الهملايا

الغازات امر طبيعي باليهال الصغار

يروح مع الوقت

و الأدوية مو حل نهائي شي مؤقت و يرد مرة ثانية لما يكبر شوية و تروح هالمشكلة منها و من نفسها بدون ادوية

حليب بيبيلاك اي سي ممتاز و ما انصحج تغيرينه

و ممكن تجربين غاز بمبي وايد زين

و اهم شي انج تطلعين الهوا بعد الرضعة و ممكن تسوين له مساج حق بطنه بزيت دافي باتجاه عقارب الساعة و

مساج حق ريوله تدهنينهم و تمسكينهم ثنتينهم و تضغطينهم على بطنه بالتناوب كأنه يسوق دراجة او قاري

راح يطلع الهوا و يرتاح

 

[د. رشــا الصفــي]

يعطيج العافية دكتورتنا

بنتي عمرها 4 سنين و6شهور
وكان عندها تطعيم الاسبوع اللي طاف بس المستوصف ردونا وقالوا تكنسل تطعيم 4ونص وانا خايفة عليها ليش كنسلوا هالتطعيم ؟

ثانيا اهي لما تنام تتنفس من حلجها مرات اسكره واهي نايمة بس ترد تفتحه وتتنفس منه هالشي عادي ولا مو زين ؟

انا اللي اعرفه انه مو زين لازم تتنفس من الخشم شسوي؟؟؟؟

اولا التطعيم كنسلوه لأنهم اعلنوا مؤخرا ن الكويت خالية من شلل الأطفال فماله داعي الجرعات المنشطة في عمر سنتين و نص و اربعة و نص

تنفسها عادي اذا ما تشخر او فيها لحمية

الطبيعي انها تتنفس من خشمها بس بعض الأحيان تحتاج انها تاخذ النفس من حلجها ما يضر بس مو على طول

لأنه اذا كانت على طول تتنفس من حلجها و التنفس مصحوب بشخير لازم تجيكين على اللحمية انها مو كبيرة و مسببة لها هالشي

 

[د. رشــا الصفــي]

شلونج دكتورة عساج عالقوة دوم

دكتورة بغيت اسالج عن دوا فاتح شهيه اسمه موسيقور امدحوة ناس اشكثر وانا بغيت اعطيه لولدي عمرة سنتين ونص شرايج فيه دكتورة وشكثر مللي اعطيه وشكثر الوقت اللي يكفي يعني شهر شهرين؟؟
لان ولدي بصراحه مجنني ماياكل كلششششششششششششش عادي يقوم وينام ومااكل عاااااااادي عنده

لو تقرين ردودي السابقة تعرفين اني ما انصح بفواتح الشهية نهائيا

لأنها عبارة عن شيين :

اما انها مركبات تأثر على مخ الطفل و تحفز مستقبلات الجوع و تخليه ياكل اكثر

او تكون عبارة عن مجموعة فيتامينات مالها علاقة بالشهية

بالنسبة للموسيقور :

هو عبارة عن مركب يستخدم للوقاية من نوبات الصداع

يعني له تأثير مباشر عالمخ

و من أعراضه الجانبية زيادة الشهية و زيادة الوزن

و من الأعراض الجانبية الأخرى للموسيقور :

جفاف الفم ، الامساك ، خفقان في القلب، احتباس البول، دوخة، غثيان، طفح جلدي، تورم بالأطراف، الم في العضلات.

مادري اشرايج بالموسيقور ؟