اللى راحت ايطاليا يريت تفيدنا

[candy21]

السلام عليكم اانا ناويه اروح ايطاليا بس بعرف شنو الفنادق الحلوه اللى بروما وميلان

 

[~ عز ~]

انا بس رحت ميلان ... وياكثر فنادق ميلان

كل خطوه فندق

بس ماحددتي كم نجمه .. تبين فخم و غالي و الا وسط والا شلون ؟

عموما افضلهم وخصوصا من حيث الموقع لانه في الدومو Hotel Straf

اي سؤال انا في الخدمه

 

[ظلال القرآن]

رحت ميلان بس ما اقمت فيها اقمت في سويسرا لوجانو تبعد عنها ساعه
طلعت من لوجانو وصلت ميلان علبالي اني رديت الكويت وتحديدا الجليب او خيطان

اذا تبين نصيحتي كنسلي ميلان لان ميلان نسخه من خيطان

 

[~ عز ~]

:eh_s(1):


حلااااه عليكم .. عندكم جذيه في خيطاااااان ..




وين رحتي بميلان ؟؟ .. اصلا ميلان سوق وسوق من اروع الاسواق اللي شفتها بحياتي

عيل ليش الخساير نروح خيطان اقرب :eh_s(9):

 

[Hambka Q8]

انا رحت ميلان بس الصراحه ماقدر افيدج بالسكن
لان الفندق اللي قعدنا فيه مو حلو و بعيد..

وايد حلوه ميلان سوقها يونس
و الحلو فيها انها بالوسط تقدرين تروحين حق فينيسيا ولا روما ولا نيس و كان بالقطار تقريبا ساعتين..

 

[همسQ8]

بنات الفيزا جم يوم تحتاج علشان تخلص؟

 

[‏إنگِسَارْ آلشَـوْق ..!]

ظلال القرآن


اذا تبين نصيحتي كنسلي ميلان لان ميلان نسخه من خيطان


طاااايحه من عينج خيطااان ،، يكفي انه من الكويت
!!!!

 

[دانه الهيرات]

حبيبتي الفيزا هي الشنجن مالت اوروبا و ما تاخذ لها اسبوع اما الفنادق فاحسنهم من حيث الخدمه و الموقع و السعر فهو rosa star hotel بوسط السوق ومستواه 5 نجوم بس هو مصنف 4 نجوم و اذا تبين الاكشخ فعندج الفورسيزن هم بوسط السوق . اذا تبين عنوان روزا هوتيل راسليني عالخاص . و ميزة ميلانو انها جريبه من فينيسيا بالقطار ساعتين بس و يم لوغانو و الاسواق فيها روعه وايد و حتى اذا مليتي من السوق قعدي بالقهاوي و تفرجي . قعدت قهاويها وايد حلوه .

 

[candy21]

مشكوررررررررين وماقصرتو والله يعطيكم الف الف عافيه

 

[أم جوني]

حبيبتي أنا رحت ميلان بعد ماطلعنا من البندقية بس صج كلام أختي ظلال القرآن ميلان جنها خيطان الطوف كلها رسومات جنهم عقد وصخه كله زباله بالشارع ماعجبتني كلش أصلا ثاني يوم طلعنا رحنا لوغانو ورجعنا الفندق الي بميلان بليل بس فندقنا كان وايد حلو كان اسمه فندق لاعبين الكرة Acميلان اهو الفندق أصلا فندق النادي بس وايد حلو وسوق ميلان حلو بس مايتقارن بسوق سوسيسرا والعام يوم رحت كان الجو حار حيل وصلت درجة الحرارة 40 ماكنا نقدر نقعد بالكافيهات من الحر الويه يصبصب عرق اهي ايطاليا عموما حاره

 

[عيون منوعه]

والله لو كنت رايحه لها ما قصرت علييج >>>>> و ان شاء الله البنات ماراح يقصرون معااج وراح يفيدونج

 

[ظلال القرآن]

بنات اشفيكم احنا في منتدى السفر نفيد بعض ليش اقعد مدح ديره واقطعها بالمدح واهي ما تسوى وتروحون تخسرون
ايطاليا درجه الحراره فيها قريبه من الكويت يعني ما كانج سافرتي وشوارعها مو نظيفه ومبانيها قديمه ومافيه مواقف عدله للسيارات
يعني اذا طلعتي من سويسرا ودشيتي ايطاليا تحسين ان المستوى نزل فجاه عشر درجات
وانا قلت رايي بصراحه ماتسوى البلد الواحد يضيع وقته وفلوسه فيها
واذا على السوق اكسفورد ستريت والشانز وايد وايد احلى بضاعه وارقى واحلى جو وناس
وبعدين ترا الطليان يعتبرون ((نور)) اوربا سوري بس كلش مو راقين والبوق حلالي بس حطي ايدج على جنطتج
ولحد يتهجم علي رجاء احنا نتبادل خبرات والي بتروح كيفها اه حره بس حقها علينا ان احنا نقول لها الي شفناه

 

[ظلال القرآن]

:eh_s(1):


حلااااه عليكم .. عندكم جذيه في خيطاااااان ..




وين رحتي بميلان ؟؟ .. اصلا ميلان سوق وسوق من اروع الاسواق اللي شفتها بحياتي

عيل ليش الخساير نروح خيطان اقرب :eh_s(9):

فريتها كلها معانا سياره وشفناها شبر شبر وقعدنا بالدمو المبنى عجبنا وصورنا اليهال يمه بس

والله هذا رايي وانا ماعجبتني

 

[~ عز ~]

اختي ظلال القران

تعالي منو تهجم عليج ؟؟؟

كل واحد يقول اللي يريحه .. والا تبين تكتبين اللي بخاطرج وياجماعه لحد يخالفني ..

ميصير ترا .. والاهم .. لو بتلاحظين ترا مامدحنا .. روحي اقري وشوفي

وبعدين تعالي اذا على الوصخ ترا مافي اوصخ من مصر .. بس مع هذا فمصر سياحيه الى ابعد درجه

وفنادقها فل و كل حجوزاتها عالاخر

ومصر مب بس وصاخة شوارع .. حتى مطاعمها تكرم النعمه .. بس هذا مامنع عنها الناس

انتي تقولين ميلان وصخه ؟؟ انا هالشي لاشفته لا بمطاعم و لا بفنادق و لا حتى بشوارع ..

العيب الوحيد ان الشوارع مكتب عليها و فوق هذا هم كتاباتهم راقيه كنها رسومات فنان لووولز

واللي يبوقون في ميلان العرب المهاجرين هناك مثل اللي في باريس يتربصون لاهل الخليج

احنا انبقنا في ميلان واللي باقنا عربي !!

انا رايي ان ميلان مافيها سياحه وذكرت هالشي في اكثر من رد .. ميلاااان سوق وبس

وهذا الشي ياحياتي مايختلف عليه اثنين .. سوق ماركاااات .. راقي و مميز .. يعني اناااااقه ...

 

[Saroon]

امبيييييييييييه اللي يقولون لج ميلان جنها خيطان اكيد مضيعين لانها تينن وارقى الاسواق والمحلات والماركات فيها وفندقنا ماذكر اسمه بصراحة وحتى لو تذكرته مانصحج فيه لان غرفته محكر مو غرفة !!

بس من ناحية السووق والمطاعم كل شي فيها وااااااااااااااو كافي البيترا بس والدومووو

وانصحج تمرين على كان ونيس بعد حدهم يونسون

 

[candy21]

مشكورين حبايبي

 

[شرطيه حلوه]

الصراحه إيطاليا تسوى الواحد يروح لها
أنا رحت لوغانو اللي تبعد ساعه عن ميلانو الصراحه روعه وطبيعه وحدها راقيد
بس ميلانو جوها غير هناك شارع الدومو وايد حلو والسوق يينن وانا بالنسبه لي أحلى من الشانز واااايد
أنا قعدت بميلانو بفندق مايكل أنجلو وايد نظيف ويبعد عن الدومو حوالي 10 دقايق ويم محطة القطار 4 نجوم سعره بالأربعينات
وحتى أتذكر ريوقه عجييييب
هناك ميلانو إذا ما تحبين السوق لا تقعدين فيها أكثر من 3 أيام
بس إذا رحتي إيطاليا لازم تروحين فينيسيا و لوغانو

الللي يقولون ايطاليا مو حلوه ترا الناس أذواق بس انا رحت معظم دول أوروبا وشرق اسيا كلها واستراليا بس عندي ايطاليا غيييير ودايما أشتاق اني أروح لها مره ثانيه مو بس عشان السوق بس ما أدري وووايد عجبتني

نصيحتي حقج لا تطوفين ايطاليا

 

[asooma]

مشكورين يا بنات صج استفدنا منكم
بس ابي اسأل شنو هاذي لوجانو و شلون صايره و فيها ثلج
و بسألكم يا خبيرات ايطاليا عن الجو و درجة الحراره اذا بروح لها في شهر سته و كم تبعد روما عن ميلان بالقطار
بليييييز ردوا علي لاني بحجز و اخاف اتحسف و ما تعجبني الديره مع انه انا حلمي من و انا صغيره اني اروح ايطاليا
و خايفه اني ما القى سوق حلو نفس لندن و امريكا و هولندا لأن اهم شي عندي اني اشتري حق عيالي عشان ما يأنبني ضميري لأني خليتهم و سافرت
عفيه ردوا علي و عطوني معلومات عن الفنادق و اماكن السياحه

 

[asooma]

hambkaQ8
saroon
عز
شرطيه
بليييييييييييييييييييييييييييييييييييييييز ردوا علي نبي معلوماتكم

 

[~ عز ~]

هلااا اختي اسووومه

لوقانووو في سويسرا .. بس قريبه من ميلانو وايد .. ماعمري رحتها بس اسمع يمدحونها

يقولون حلوه وتصير فيها مهرجانات في شهر 8

بالنسبه لميلانو .. سوق ايننن .. للتسوق عندهم منطقة الدومو و شارع بونيس ايروس .. بس ترا بشهر 6 ماعندهم تخفيضات ..

لان موسم التخفيضات يبتدي من نص شهر 7 .. و تخفيضاتهم صجججج مب كلام فاضي ..

انا الصيف اللي راح رحتها في اخر 7 - بداية 8 كانت تخفيضاتهم وايد .. حتى عالماركات

سكنت في فندق روعه 4 نجوم بس مو قريب للدومو .. يصير قريب لشارع التسوق اللي هو بونيس آيروس

بس جنبنا محطة اندرقراوند فكنا نروح الدومو بالاندرقراوند

امممممم شقول بعد .. مطاعمهم يمييي يمييي يميييي ..


اي سؤال اسألي ياقلبي