القهوة والربع

[faro7a fofo]

السلام بنات
عندي مشكلة
زوجي الحمدالله زين ومودب بس؟؟؟؟؟ المشكلة بالقهوة والشيشة والربع مادري شنو اسوي عشان مايتاخر عن البيت
لان ينسى روحة بالقهوة مايحس بالوقت

 

[brettey]

عادي حبوبه كلنا ازواجنا جذي
حمدي ربج قهاوي وشيشه غيرج مخدارات وخمر وخرابيط وبنات
الله يهديه ويصلحه عليج بالدعاء ترى مشكلتج هينه

 

[عــروس]

ضربتي على جــررررررررررررررررررحـــــــــــي

انا اكثر وحده اعاني من هالشغله:0bee2e8d89:

وياما نصحته وياما تناشبت معاه وياما زعلت عليه وياما صبرت وياما تناقشت معاه:eh_s(1):

يا حليلي والله لو وحده ثانيه تسويله سالفه عوده وتمنعه من القهوه بس احنا عاقلات لان له حق يقعد مع ربعه


آخر شي توصلت له من خلال معاناتي اني اعامله معامله باااارده وجافه الحين ولا قام يهمني اي شي !!
وماني قادره بالمــــره اني ارد مثل اول .. مع انه حاس فيني وبتغييري واني اعترفت له بس استحاله انه يعتذر



ورجاءا مابي ولا وحده تقول ان سبب تأخير الزوج يكون عيب بالمرأه مو شررررررررررررط يا بنات
ترا في حريم سنعات ومو الشرط العيب فينا احنا لا والله فيهم اهم شوفي شاللي مغيرهم ومخلي شعورهم بارد
مع اننا موفرين لهم جميع سبل الراحه لدرجة اننا نناقشهم ان كنا مقصرين !! لكن هذول هم الرياجيل
ما يترس عينهم شي

تعالي صج ما حسيتي ان زوجج تغير فيه اسلوبه او طبعه شوي من كثرة قعدته مع ربعه وانهم أثروا عليه ؟؟؟؟؟؟؟

الله يهدي كل ازواجنا يارب ويصبرنا عليهم​

 

[عــروس]

عادي حبوبه كلنا ازواجنا جذي
حمدي ربج قهاوي وشيشه غيرج مخدارات وخمر وخرابيط وبنات
الله يهديه ويصلحه عليج بالدعاء ترى مشكلتج هينه

كلامج صح يا قلبي

بس مهما كان صعبه لما تلاقينه فجأه تغير .. وين حبه ؟ وين اهتمامه؟ ولما تناقشينه يحلف بربه انه مافيه شي!!

صعبه لما تكونين متعوده على شي حلو وفجأه يتغير عليج وفوق هذا انتي على ثقه واعتراف من الزوج
ان السبب مو منج وان مافيج عيب !!

اهم شي الاهتمام والتقدير لكن مهما تكلمينه وتعاتبينه تحسين ان مشاعرج صارت بارده مثله وتصير حياتكم عاديه​

 

[opera]

عادي كل الرياييل يطلعون مع ربعهم ويروحون القهاوي ويشيشون

ما اشوف فيها شي لانه الكل جذي


الريال ان قعد بالبيت زادت حنته

 

[رضاهم جنه]

انا والله يروح للقهوه ويشرب شيشه وحاولت انه يخليها بشتى الطرق يتركها شهر ويردلها

اما التأخير لا والحمدلله الساعه 10 وهو بالبيت الا اذا كان عنده شغله يعني مره بالشهر

بس هو على التعود عوديه يعني اذا جت الساعه 10 ارسلي مسج قولي مشتاقه لك مسويه لك قعده على كيفك ومن هالسوالف وبعدين يتعود على هالشي , انا غرامه بلاي ستيشن بعد والله تعلمت عليها علشان العب معاه , وادمنت عليها !!!

بس نصيحه الشيشه لا تدخل بيتك اذا دشت اكسريها لان انصدمت من حريم يقولون علشان زوجي يقعد بالشقه خليته يجيب الشيشه !!! والله اذا ما قعد فيها علشاني بالطقاق لا يقعد ابد

 

[?Me]

حبيبتي الحال من بعضه

لا انا مرات يقولي يوعان بتعشى امبجر عشان

ما يبيني انطرا حق العشا حق يروح القهوا ويسهر اهناك وانا انام

وااايد بصراحه فاقدته مع اني والله العظيم ما اقصر معاه بشي
وهذي بشهادته اهو اني مو مقصره معاه بس يقول خاطري اسهر مع ربعي

شسوي امنعه مهما منعته راح يرد واذا عاندته بيعانديني
!!!!!!!!
شسوي ؟؟ انا مابي امنعه من ربعه بس ياربي طلعته بنص الليل وانا بروحي بالبيت
لاحنيس ولا ونيس

ما اقول الا الله يهديهم ان شاء الله ويبعد عنهم الشر
والحمد الله على كل حال

 

[نــعــوومــه]

انا ببداية الزواج كنت اتضايق بس الحين خلاص صار عادي وتعودت......

بالعكس الحين صرت اتضايق إذا ماطلع وطول قاعد بالبيت صرت احب اقعد بروحي هههههههههههه

 

[tota kim]

هههههههههه عادي حبيبني كلنا نعاني من هالمشكله

 

[اللولو الغالي]

انا شريجتي الشيشه لواغيب عنه عادي بس لويفارق القهوه ساعه يتضايق

 

[بناتي حبيباتي]

مثل ما لاحظتي من ردود اغلب البنات ان مشكلتج تعتبر مشكلة اغلب البيوت .... وانا اولهم ..... الله كريم

مالج الا الصبر والدعاء حبوبه

 

[@ام ضاري@]

دام القهوه والشيشه حمدي ربج احسن من مايروح مكان انتي ماتعرفينه
مكان يكون ارجااال كله ولا انه بمكان ثاني ثاني
وكلنا ارجالناااا مطيحين بالقهوه بيجي يوم ويمل منهاا عادي ياقلبي