أسهل وأسرع برياني باستخدام قدر الضغط لعيونكم حيــــــاكم....

[lavander]

مشرفة القسم
ضحكة الدنيا

السلام عليكم ورحمة الله
كيفكم ياحلوين ؟؟؟؟
اليوم جبت لكم طريقة برياني ع قدي برياني دجاج بالزبادي ماياخذ وقت معاك وفوق ذلك طعم حلو وبأنز ل الخطوات خليكم معاي يالله نبدا
بسم الله
1/نحتاج راس بصل كبير مفروم ونضيفة للزيت الحار في القدر(قدر ضغط) حتى ياخذ لون خفيف مثل كذا...


وبعد كذا نجيب الدجاج المقطع ثماني قطع أنا استخدمت دجاجة وحدة بس ونضيفها للبصل الاتي....وتشوحينها شوي
2/بعد كذا تضيفين البهارات وهي عبارة عن :
2م ك كاري مطحون ماركة السفينه
1م ك دارسين مطحون
1م ك فلفل اسود
1 م ك كمون مطحون
1 م ك كركم أصفر
نصف م ك عويدي مطحون


بعد كذا تخلطين جميع المقادير مع بعضها
3/ألحين تفرمين نص راس ثوم مع حبتين صغار طماطم مع اثنين فلفل مع الملح حدود ملعقتين في الخلاط
وتصبينها عالدجاج بس بعد مابطلع زيتهاكالاتي:


4/وآخر شي نضيف علبة الزبادي ونخلطها مع الدجاج ونغطيه لمدة نص ساعة ع نار هادية بدون ماتسكرين قدر الضغط بالكامل يعني لاتربطين القدر غطيه بس


5/وفي النص ساعه تجهزين الرز الابيض وهو عبارة عن 4 اكواب أرز بسمتي مزة هنديه ماركة الغزال منقوع نص ساعه قبل وتضيفين لها ماي مغلي مع ملعقتين ملح ناعم ونص كاسة زيت ويرفع عالنار ويترك لما يغلي دون تغطيه
ولمايتشف تماما مثل كذا ويستوي نصف سوا


تصبينه ع ادجاج
وتربطين غطا القدر ويترك من ربع ساعه إلى عشرين دقيقة
6/ بعد كذا تقلبينه بصحن التقديم ويزين بالصنوبر المقلي والزبيب والبصل الجوانج المقلي وممكن مكسرات مثل كاجو ولوز
وهذا الشكل النهائي


بنات والله العظيم تعبت كثير في تنزيل الصور وترتيب الموضوع عشانكم ما أبغى منكم إلا دعوة لأختكم بظهر الغيب أن يبعد الله عني وأهل بيتي كل بلاء
ويجعلنا من المرفوعين ذ كرا في السموات والأرض​

 

[lavander]

تشرفني ردودكم وبتشرح صدري دعواتكم

 

[M!$$.3NoNa]

:0bee2e8d89: امبيه عز الله اخترب الرجيم ..


:dddds: تسلم يدج حبيبتي روعه روعه روعه اشويه عليه
وتقريبا نفس طريقتي بس انتي طريقتج شكلها احلى بجربها انشاءلله وبدعيلج لوووول
تسلم ايدج مره ثانيه
:tek:

 

[lavander]

تسلمين حبيبتي روزية بعد انتي ماشاء الله ماعليك زووووووووووووووووووود فن بالطبخات اللي منزلتهم

 

[ضحكة الدنيا]

شغل عدل
تسلم ايدج
ويعطيج العافيه

 

[جارة القمر]

مشكووووووره

 

[lavander]

شغل عدل
تسلم ايدج
ويعطيج العافيه

حبيبتي فديتك يالذوق كله أخجلتي تواضعي مشرفتنا العسولة والله يوفقك حبيبة قلبي​

:ada::ada::ada:وناسه:ada::ada::ada:

 

[lavander]

:33_1185028183::33_1185028183::33_1185028183:

مشكووووووره

العفو حبوبة على شنو ؟؟؟؟؟؟؟ظ أتمنى أكون أفدتكم وتسلمين لي ياقمر​

 

[الهاجريه]

تسلم ايدج حبيبتي
والله يوعتينا شكله روعه
الله يجزاج كل خير ويجعله بميزان حسناتج

 

[أم ريوف 1400]

تسلمين حبيبتي
جااااااري التطبيق

 

[Snow angel]

ماشاء الله تبارك الرحمن

الله يحفظك ويبعد عنكم كل بلاء آمين يارب العالمين

عوافي عليكم ويسلمو هاليدين

 

[lavander]

حبيباتي ضيفة سعودية وأم ريوف كلكم ذوق يالحلا كله انتم

 

[ازعجهم هدوئي]

مشاء اللة بسوية قريب ويديك العافية

 

[لافلي روز]

جزاج الله الف خير يالغلا ع اللتعب الرائع

وكويتيات يستاهلوا

فعلا شكل البرياني يشهي حدددددددددددددددددده

يسلمووووووووووووووووو

 

[hoooas]

واي واي واي كنت ادور على هيك موضوع اليوم بطبقه بس ادعي لي انه يظبط
لاني ميح في الكبسات والله يحفظك انتي وزوجك وعيالك من كل بلا ومصيبه .

 

[اضوى]

تسلم ايدج يهبل

 

[ذات الهمة العالية]

شنو أحسن جدر ضغط
ومن وين شريته

دعيت لك باللى تبينه وأدعيلى نفس الدعوة

 

[DBDOB3 DES]

تسلم يدج حبيبتي

 

[ريماا]

ماشالله عليج
تسلم ايدج

 

[lavander]

شنو أحسن جدر ضغط
ومن وين شريته

دعيت لك باللى تبينه وأدعيلى نفس الدعوة

السلام عليكم ورحمة الله أختي
مشكورة أولا على طلتك الحلوة على موضوعي وجزاك الله خير ع الدعوه الطيبة ولك با لمثل يارب...................
سألتي عن قدر الضغط عني صراحة أنا من السعودية ومتوفر بكل محلات الكماليات المنزلية وأدوت المطبخ وماركته ناسية شنهي وله تقؤيبا أربع سنين ولا تغير بس الماركة فيه أنواع مثل السيف وماركات ألمانية وماركات هندية وعني أفضل الهندية تتحمل كثير وبعد السيف حلو وسعره بلاش .....
بس ها اااااااا كوني حذرة بأول استعمالاتك له لأنه خطيييييييييييييير ع المبتدئين يبي لك وقت على بال ماتاخذ يدك ع الشغل فيه بخفة وموفقة وإن شاء الله تجربينها وتنزلين الموضوع ونشوف ابداعاتك .......​