توني ساكنة ... ساعدوني بريحة المطبخ الغريبة

[رهوف]

انا توني ساكنة دور كانوا ساكنين فيه ناس قبلنا

المهم طلبت شركة تنظيف نظفوا البيت كله والدرايش وكان كل شي اوكي

بعد ما سكنت بيومين بديت اشم بالمطبخ ريحة شي خايس :0bee2e8d89: جنه لحم او شي ميت

قلبنا المطبخ فوق تحت ماكو شي والغريب ان الريحة تخف وتزيد

ساعدوني شنو ممكن يكون مع العلم ان البيت يديد يعني من 3 سنين بنيانه:gr4uu:

اي وهم الشفاط شلته وديته لغسيل السيارات وغسلوه وطلعت الريحة مو منه لأن الريحة ردت بعد جم يوم

مادري مليت يا ليت القى حل عندكم

 

[$ نسمة ليل$]

حبيبتي تاكدي من فتحة صرف المويه يمكن فيها شي فار او زيت مسكرها ويطلع الريحه

 

[أساور]

تاكدي من البواليع عزج الله

 

[ياعشيري جعلك السلال]

صح البواليع اشتري مسلك البواليع وحطيه واذا مانفع دقي على شكة تنظيف

وديري بالج تحطين قاز ترا تطلع لج زهيويه

 

[رضاهم جنه]

جيبي لك عامل صرف صحي يشفط كل الي بالبالوعه وينظفها لك يمكن منها الريحه

 

[رهوف]

تتوقعون من البواليع .. الظاهر جذي

بجرب وشكلي ماراح انطر باجر بتصل على الصحي واتمنى يكون هذا السبب لأني تعقدت
مشكوووووووورين

 

[fara7 89]

الله يعينج .. وانا اقولج من البالوعه .. مدام ان المطبخ منظفينه

 

[sunshine22]

منزل مبارك رهوف


حبيبتي شبي بالبيت كله ( مستكه ) يشيلج الجراثيم شييييييييييل

وانا لي يومج ادعي للي علمتني هالطريقه خصوصا للحمام والمطابخ وخصوصا الكبت اللي تحت الحنفيه فهمتيني
----------------------------------------------------

 

[@ام ضاري@]

منزل مبارك رهوف


حبيبتي شبي بالبيت كله ( مستكه ) يشيلج الجراثيم شييييييييييل

وانا لي يومج ادعي للي علمتني هالطريقه خصوصا للحمام والمطابخ وخصوصا الكبت اللي تحت الحنفيه فهمتيني
----------------------------------------------------

يعطيج العااااااااااااااااافيه ياقلبي ماقصرتي
انا اشب جوانيه وتشيل بعض الروائح لاكن بجرب المستك

 

["مغروره بس معذوره"]

اذا مانفعت طرق البنات


ماي مقري الله يرضى عليج




دائمه ريحت الشي الميت تكون عين او شي





غسلي بماي مقري وانشالله تروح الريحه





تقبلي مروري

 

[زهرااا]

انشالله البنات فادوج

 

[cat_women]

نفس مشكلتي الريحه بمطبخي

و مرات تكون قويه و مرات عادي

مادري ليش؟؟

 

[مشرومه]

يعطيكم العافيه

بنات هالريحه تطلع من المغسله .. شمي ريحة الكبت الي تحت المغسله وراح تعرفين هني المشكله ؟؟

غيري الهوز على قولتنا ههههههههه ... يمكن متيمع وصخ من الناس الي قبلج ؟؟

وحطي بالكبت اسفنيك ؟؟ عرفتي ؟؟

 

[الجوهرة الثمينة]

وانا نفس الشي لكن في غرفة النوم

 

[حصووونه]

وانا نفس الشي لكن في غرفة النوم

هذي اصعب الله يعينج يارب

اختي صاحبه الموضوع
شيكي عالبواليع نفس ماقالو البنات وشغلي الشفاط او اذا في وحده شغليها جددي الهواء...
باللنسبه لتبخير البيت بالمستكه مايشيل الريحه لا يقضي على المكروبات والفيروسات احنا اذا مرض احد بالافلاونزا لازم نبخر عشان ماتنتقل العدوه من واحد للثاني..
باللنسبه للتبخيربالجاوي صح يطرد الرائحه الكريهه ويعقم بس مايستحب التبخير فيه بعد صلاة المغرب احذروا ياخواتي لانه يجلب الجن بسم الله علينا وعليكم انا قبل المغرب عادي وهذا كلام شيخ انا سامعته...

 

[غلاي غير]

يعطيكم العافيه

بنات هالريحه تطلع من المغسله .. شمي ريحة الكبت الي تحت المغسله وراح تعرفين هني المشكله ؟؟

غيري الهوز على قولتنا ههههههههه ... يمكن متيمع وصخ من الناس الي قبلج ؟؟

وحطي بالكبت اسفنيك ؟؟ عرفتي ؟؟

نفس كلام الاخت لان طلع ريحة بالمطبخ وغيرت الهوز وافتكيت

 

[من بعيد]

الله يعينج

احنا عزج الله كان عندنا حمام ، ذببببببببببحنا من ريحته !

شي مو طبيعي ، نغسله باليوم مليون مرة وماكو فايدة رييييييييحة قوية

كل ما جبنا عامل ما يعرف ، زهقنا ما ندري من شنو

احنا كنا مجددينه بعد ، يعني كسرنا كل سيراميه وعقب ركبنا سيراميك جديد وبانيو ومرحاض جدد ووو ، فـ عبالنا من الاشياء الجديدة فيه شي معفن
لين مرة جانا واحد شاطر ، تخيلي طلع فيه فتحة مجاري ، مو مسكرة

يعني فيه بايب المفروض يتسكر او يتوصل بطريقة معينة ، ومو موصلينه العمال ، مخلييييييييييينها مفتوحة وعند فتحة المرحاض من داخل

تخيلي بس سكرها رااااااااااااااااااااحت أبو الريحة

صرنا كل شوي نطل بالحمام نتأكد ندور الريحة من الوناسة الحمدلله : D

 

[توتاتوتا]

احيانا نوع الخشب