ديوانية بيت العمر

[سنعه ومنعه]

صباح لخير شمسوين

أنا مو منقطعة عن العاالم..,,, أقول لهم لاأحد يكلمنى أنسونى ,,,, التشطيبات تهد الحيل ولازم تكونين مجهزة موادج وأغراض العمال يعنى مسألة فيها مشاااوير وبيزااات ولاالكهرباء الوايرات والأفياش ولسبورتات ومحولاتها وملحقاتها شى وشويااات أحسبوا ميزانيتة وكلة أقول .,, الديكور ناقص أفتحلة زيادة أضاااءة وهاذا أحنا نفتح ونسكر ,, الغرف هلوجين بسويشات فر تقصر وتطول ,, لأن لمبات توفير الطاقة مافيها هالميزة وخليتهم للممرات ومعيشة ومخازن وأطفال ,, اما الأستقبال عالأطراف بالديكور هيلوجين والباقى لمبات مع ثريات بالسنتر وأباليك,,,,

 

[سنعه ومنعه]

حلوة بضيف نقطة أخت فروحة

نقطة نظام وبطق المطرقة

فعلا فية ابواب تتركب بعد المساح والصبغ أبواب الغانم والفحام انا مخليتها للمممر لغرف النوم حسيت بعد ماخلصنا الصبغ وشطبنا أنة محتاجين أبواب وباب سحاب يفصل منطقة المغاسل للديوانية ,, ماأدرى الغانم يسوون أبواب سحب أولأأ؟ بشوف

االلة يعين,, ورق جدران بسوى في جزء من استقبالى مأدرى أنشالة يطلع حلو هو نقشتة ناعمة وكلاسيك وبركب الباركية وأخت فروحة بالديكور أعتمدى الناعم انا البرواز بس 10ساانتى وبدون أى نقوش وأعتمدت ألوان صبغ قوية لأجزاء يكون ثلث أو ربع المساحة وماعندى سوالف الترخيم وتعتيق أولا مكلفة وبعدين ماأحبها أكتب وأنا نعسانة بس قعدنى هالكهربائى أتصل يبى المفتاح لاتنسون بقسايمكم اتحرصون على شغلكم أنا حطلى المقاول صندوق حديد لوايرات الكهربا \\

احد موجود شكلى أهذر برووووحى

 

[سنعه ومنعه]

وبعد معلووووووووومة

معلومة ترن ترن

صج فراغة على هالصبح







==

يلحقون اللى حاليا بالتصميم او التخطيط أو الأاسود مع الصحى
لاأن شى صادفنى وأنا أشترى حاليا المراحيض وأنتوا بكرامة أطوال وبعد تصريف الأفرنجى عن السيراميك يقدرونة بطول وبعد واحد للحمامات وانا أفتر مع الصحى عشان أشترى الأفرنجى طلع اطوال مختلفة كل حمام مختلف عن الثانى ’’ أقصد بالبعد الى أهو قياس من الطوفة لتصريف الفتحة ألى بتركيب علية الأفرنجى حمام عندى طلع البعد 25وشى27وشى30وهاذى نقطة ماركزت عليها بالبداية ةتعالى سألى المحلات عن القياسات وخصوصن البعد ال30 لقيتة نظام أمريكى بس صناعة صينى ولفيت ياللة لقيت ,,ديروا بالكم باهالنقطة ,,لأن أغلب السوق والماركات الجيدة البعد 21 اأو25وسلامتكم

 

[سنعه ومنعه]

وبعد نقطة الحار والبارد
للمغاسل البعد بينهم يصير بس 8 سانتى وأذا مساواهم الصحى بالنقاط ألى ذكرتها أعرفى أنة مش صنايعى ومايفهمش حاكة

 

[Q8Q8Q8]

يابنات ولا عليكم أمر ابى احسن محلات حق الخلاطات للحمامات عزكم الله

 

[سافانا]

مشكوره سنعه ,,,

اول مره احد يتكلم على هالنقطه ماقصرتي ...بسأل الصحي اهم كم قياسهم .

واسلوبك بعد حلو الله يحلي ايامك ان شاء الله .

ويارب يارب يسهل لك امورك وكل رواد لديوانيه

 

[ريناد9]

ما يسوى عليك دبى مثل ما تقول محتاسة

الحمامات يبيلهم شوية تفكير وتصميم حلو والنت متروس صور

وبعدين حمامات بيوتنا من كبرها .ما عندك الاحمامك اللى خلى شغلة اخر شى لمن تقتنعين فية لان اهو الوحيد اللى راهى ويسوى انك اتصممينة وتختارين لة بركادة اهو وحمام الاستقبال

هلا سارة ...



نسيت اقلكم انا مو كويتية..

انا من عمان مشان كذي دبي وايد قريبة منا

بس العيال يخلصون الامتحانات وان شاء الله انروح

 

[ريناد9]

بنات إختنا ريناد9 إماراتيه أتوقع من طريقة رمستها (كلامها)
علشان جذي تروح دبي يعني عاديه السالفه

خخ
هههههههههههههههههههههههههههههههههه

لا والله بالاخير انا طلعت عمانية هههههههههههه

عندنا اهل في الامارات لكن من امارة ابوظبي

 

[ريناد9]

نصيحة ريناد :

بالنسبة للسيراميك لاتشترينه من اول مشوار

روحي مرة وثنتين وثلاث وفكري كم مرة عشان تقتنعين عدل

لان راح تنامين بفكرة وتصبحين بفكرة ثانية

هذي كانت نصيحة البائع اللي بشتري منه وفعلا كنت مختارة شي واشكثر غيرت:tek:

هيه حبيبتي .. ادري انا رايحة وجايا لمحلات

مشكلتي انا ما اقتنع بسرعة ..وهاي انا ناطرة العيال يخلصون امتحانات
وبعديها ركض لسوق _03ba:

 

[ريناد9]

سي يو

 

[DooNy]

خخ
هههههههههههههههههههههههههههههههههه

لا والله بالاخير انا طلعت عمانية هههههههههههه

عندنا اهل في الامارات لكن من امارة ابوظبي

عمان والإمارات والكويت واحد حياج الله بينا اخت عزيزه

عاد صج محلات دبي روعه عسى الله يبارك لج في مشترياتج وتخلصين البيت على خير

 

[A & A]

اختي q8q8q8 الغالية أفضل مكان فية خلاطات وبتشكيلة كبيرة في مكان بمنطقة حولي شارع تونس مجمع عودة المهنه أو نفس مكان الكترونيات الغانم واسم الشركة ( شركة المشاريع ) عندهم تشكيلة كبيرة وماركات أيطالية واسبانية وكفالة خمس سنوات .

 

[اخت فروحه]

يابنات ولا عليكم أمر ابى احسن محلات حق الخلاطات للحمامات عزكم الله

هلا حبيبتي:

عندج خلاطات غروهي وايد حلوة وجودة

 

[ريناد9]

مرحبا ...........


شخباركم ؟؟؟

اليوم ريلي اخذ لفة ابروحه في المحلات يديدة لسراميك

وقال انه ياخذني باجر نفتر شوي

متصدعة مع ولدي ما يبا يفتح كتابه بلمرة .........شسوي

شني طلعت عن الموضوع

 

[Q8Q8Q8]

a&a تسلمييين يابعد قلبى ماقصرتى

 

[Q8Q8Q8]

أخت فروحه تسلميين ماقصرتى غروهى معروفه بس انا اقصد ابى أسماء المحلات

 

[ريناد9]

عمان والإمارات والكويت واحد حياج الله بينا اخت عزيزه

عاد صج محلات دبي روعه عسى الله يبارك لج في مشترياتج وتخلصين البيت على خير

هلا وغلا حبيبتي دووووني

مشكورة يا قلبي ما قصرتي .. الله يهنيكم

 

[وصايف لو]

بارك الله فيكم أخواتي ماقصرتم الله يهنيكم ويبارك لكم جميعا
الله يعين ويهون علينا البنيان والتشطيبات انا للحين اقول بسم الله توني:ada:
بنات محد فيكم يعرف رقم مساح شاطر مجرب ؟؟؟؟؟
تصدقون يقول المقاول ماأنصحكم تسون المساح الحين علشان الجو حارة شاب نار سمعتم مثل هالكلام!!!!

 

[وصايف لو]

رد: ديوانية بيت

اليوم جآيبه لكم صور مجموعة أحواض للمطبخ ....
!

[/IMG]
شنو رايكم ايه افضل حوض اوحوضين استيل او رخام
آن شآء الله تنآل اعجآبكم ...."​

 

[اخت فروحه]

مشكورة وصايف عالصور

بالنسبة لي افضل الحوضين ويكون ستيل