هل لديكم طفل يعاني من التوحد- خلونا نتجمع

[ناني سيكرتس]

بنات اشلونكم شخباركم

امس وديت لدي عند د.فاطمه العوضي(تهبللللللللل)

والحمدالله رب العالمين والشكر لله

قالتلي نتيجة السكيل صفر يعني مافي توحد ولا صفات توحد لا شي

قالتلي حتى ما يحتاج اخصائي تخاطب انا اعدله بالكلام وخلاص يكبر وكلامه يتعدل

ولدي خجووووووووووووول وطمنتني وايد وقالتلي لا تصيرين اوفر وايد وتوسوين


الحمدالله رب العالمين

ويارب الله يشافي عيالكم ويفرح قلوبكم ياااااااااااااااااارب بعيالكم

مثل ما انا فرحت

الحمد لله رب العالمين ان ولدج مافيه شي, زين تطمنتي عليه..

 

[nono78]

مشكورين حبايبي

وان شاء الله الله يبلغكم بعيالكم بعد يااااااااااااااااااااااااااااااااااااااارب

واكيد ركعتين شكر وغير النذووووووووور الي ناذرتله

الحمدوالشكر لله

 

[wathoo7a]

مبروووك يانونو على خبر وليدج والله يشافي عيالنا يارب
ناني منو هذا أستاذ بلال؟ أخصائي شنو؟

 

[المشكاة]

على طاري هووب ....

نا اقولج شنو خلافي معاهم

1- اردى مستوى مدرسين ( يايبين ناس اي شيء و يعطونهم تدرييب اسبوعين على منهج الهاي سكوب اللي اهم ماشيين عليه )

2- استاذ التخاطب يقعد مع تلميذين ( يعني مو كل ياهل بروحه )

3- ماكو طابور الصباح فشلون الياهل يتعلم الانتظام و تروح منه الرهبه مالت التجمعات و بناء عليه لما يسوون حفلات تصير الحفله مسخره و يهال يبجون

4- ماكو دوارف ...يطلعون اليهال بالساحه الخلفيه بالشتا و بالصيف بقاعه الالعاب و اليهال بس يدورون بحلقات كبيره

و هاليهال المفرووض ما يدورون في فراغ

5- ماكو زي مدرسي ( على بو ان نظام امريكي ) اشلون الياهل راح يعرف ان رايح المدرسه و لازم يلتزم و يترتب علشان المدرسه

6- ماكو مجلس آباء و معلمين علشان نعطي اقتراحاتنا و نتناقش وياهم

7- الدوام وايد طويل على الفاضي

8- العدد اللي بالصف اكثر من المسموح فيه يعني صف ولدي كان فيه 9 و المفروض 8

9- الخدامه اللي بالصف صايره مدرسه و تفعد تعلم اليهال ( و اهي المفرووض خدامه مو مدرسه )

10- اي شيء ودج تسوينه حفله او نشاط او شيء ممنوع

11- كانوا يعلمون ولدي عن الدجاج .... فقلت للمدرسه مادام ما عندكم حظيره انا راح اييب لكم الدجاج و استانست المدرسه ... و يبت الدجاج للمدرسه في قفص كبير و يبت لهم الاكل علشان اليهال يتعلمون مو من الصوره راح يتعلمون اليايه شنو اهي ...


12- المفروض عبير عوض النصابه تقيم اليهال... بس تقيمها نفس ويهها ...يعني التشخيص الاصلي شيء و اللي اهي تكتبه شيء ثاني ...بعدين اكتشفت اهي بس تقيم مرضاها

و هذا اللي اذكره الصراحه .... الحمدالله افتكيت منهم سنتين كان ولدي عندهم اول سنه كانت زينه اول ما افتحوا و ثاني سنه

المدرسه الحقيره اللي استلمت ولدي هدمت كل شيء ...الحمدالله الحين اهو في التربيه النموذجيه و كل الناس تقولي ان ولدي تغير ...و تحسن

والله ملاحظاتج اب محلها ، لكن هم مابي اظلمهم لان ولدي الحمدلله تحسن معاهم بس الحين بحاول اغيّر مدرسته عقب ما كثر الحجي عليهم وعلى طاقم المدرسين و اخاف السنه اليايه مايطيح عند نفس الابلة

وانشاءالله ينقبل بمكان احسن ، واهم شي ان ولدج تغير الحين الحمدلله و انشاءالله يتشافى تماما

مشكوره حبيبتي عالرد ،

 

[Emanova]

المشكاه: حياج الله و الله يكتب الخير لولدج

 

[سرسر؟]

حبيباتي امهاات أطفال التوحد اول شي أحب اشكركم على كفاحكم من اجل اطفالكم واهنيكم بالاجر عند الله سبحانه وتعالى انا طالبه ادرس في تخصص التربيه الخاصه والحمدلله داخله هالقسم وانا حابته حيل وانشالله اتخرج وابدع اكثر فيه وفي خدمة هالفئه الغاليه علينا كلنا
حبيت اقولكم معلومات بسيطه عن الاشياء الي عندي والي اكتسبتها من قراتي وميولي لهالمجال
اولها ان اطفال التوحد ممكن يتعافون بس بنسبه بسيطه للاسف لان الاطباء للحين ماتوصلو لعلاج فعال في هالمرض وعندي ولد خالتي كان يعاني من اعراض لتوحد وتاخر في الدراسه وكان يواجه صعوبه فالاندماج مع المجتمع وبعد فتره من المراعاه البسيطه مااقولكم ان خالتي كانت فاهمه هالشي لانها كانت انسانه بسيطه ماتقرا ولاتكتب بس كنت اقولها دايم حاولي معها يروح مع الاطفال خليه يروح لحاله ومن هالاشياء وشوي شوي تغير شي بسيط لكن مازال فيه اعراض ومانقول غير الحمدلله على كل حال
ثاني شي ان نسبة الاولاد اكبر من الاناث في مرض التوحد سبحان الله وفيه مره من المرات حضرة محاضره عن التحرش بالاطفال التوحديون لدكتوره ميسون شاهين مديرة مدارس خاصه لتربيه الخاصه بالرياض تحكي عن الاولاد التوحديون وانهم لما يكبرون بالعمر يبدون يتعرفون على طبيعة اجسامهم ويبدون بممارسة العاده السريه وكانت تنصح الامهات انهم ينتبهون على اولادهم من هالشي لانه يزيد معهاهم حالات التهيج والعصبيه المهم مانقول الا الحمدلله على العافيه وشي اهون من شي والاطفال مهما كانو معاقين او توحديون او طبيعيون كلهم زينة الدنيا

 

[ناني سيكرتس]

مبروووك يانونو على خبر وليدج والله يشافي عيالنا يارب
ناني منو هذا أستاذ بلال؟ أخصائي شنو؟

هلا وضوح
استاذ بلال هذا اخصائي تخاطب, اهو يدرس ولدي بالمدرسه..

 

[wathoo7a]

وشلونه عاد زين ,ممتاز ؟ وإلا مميز؟
وعنده عياده؟
ويعطي كلاسات تخاطب للي بره المدرسه؟

 

[كنوز78]

السلام عليكم بالنسبة لمدرسة هوب هذه أول سنه لولدي عبود فيها . وصراحة غريبة تصريحاتكم عنها ...لان عبود خلال 3 شهور لاحظت
تغيير واضح .خلوني أرد على ملاحظاتكم ... بالنسبة لضيق مساحة المدرسة الحين يبنون ملاعب و حمام سباحة وبعدين هذه السنة الثانية لهم أو الثالثة . وكان خلافي معهم أنهم بالانجليزي ولكن انا اخذت نصيحة استاذ بلال وقالي أن هوب قوية واللغةالانجليزية سهلة اذا تعلمها يمكن أن يتعلم أي لغة ثانية . مدرسة عبود اسمها رندا والثانية دلال حيل حنونات ومهتمات بالعيال . وأي ملاحظة مني ألقى من يسمعها و يهتم فيها وعبود يفرح اذا راح المدرسة

 

[Emanova]

السلام عليكم بالنسبة لمدرسة هوب هذه أول سنه لولدي عبود فيها . وصراحة غريبة تصريحاتكم عنها ...لان عبود خلال 3 شهور لاحظت
تغيير واضح .خلوني أرد على ملاحظاتكم ... بالنسبة لضيق مساحة المدرسة الحين يبنون ملاعب و حمام سباحة وبعدين هذه السنة الثانية لهم أو الثالثة . وكان خلافي معهم أنهم بالانجليزي ولكن انا اخذت نصيحة استاذ بلال وقالي أن هوب قوية واللغةالانجليزية سهلة اذا تعلمها يمكن أن يتعلم أي لغة ثانية . مدرسة عبود اسمها رندا والثانية دلال حيل حنونات ومهتمات بالعيال . وأي ملاحظة مني ألقى من يسمعها و يهتم فيها وعبود يفرح اذا راح المدرسة

حبوبه انا ولدي قعد فيها ال سنتين لما افتحوها .....

و ان شاء الله يكونون تعدلوا ...المهم ان ولدج يحب المكان و يلقى الاهتمام

 

[Miss_Hopless]

ممرحبا بنات اشلونكم شخباركم؟ واشلون كتاكيتكم
اشرايكم بنات بمدرسه خليفه؟؟ وبمدرسه ام هاني؟ ودي اغير مدرسه عيالي وموعارفه وين اوديهم

 

[مشاعل الشمري]

ممرحبا بنات اشلونكم شخباركم؟ واشلون كتاكيتكم
اشرايكم بنات بمدرسه خليفه؟؟ وبمدرسه ام هاني؟ ودي اغير مدرسه عيالي وموعارفه وين اوديهم

لسلام عليكم حبيبتي
الحمدلله بخير :eh_s(6):وتمام وتعرفين بعد داشييين على عطله كل عام وانتو بخير
الصراحه ما اعرف عنهم شي بس ليش بتغيرين مدارسهم؟

 

[Emanova]

السلام بنوتات

انا الحبن في المستشفى علشان ان شاء الله الاسبوع الياي راح يولدوني

ديروا بالكم على الموضوع و لا تخلونه ما اوصيكم و دعواتكم

 

[Miss_Hopless]

عسى ربي يسهل امرج وتولدين بالسلامه
طمنينا عليج

 

[wathoo7a]

الله يهون عليج ويرزقج فيه عافي معافي

 

[H.Heavn]

السلام بنوتات

انا الحبن في المستشفى علشان ان شاء الله الاسبوع الياي راح يولدوني

ديروا بالكم على الموضوع و لا تخلونه ما اوصيكم و دعواتكم

الله يهون عليج يا امون ويسهل عليك يارب..
سوري توني اشوف تعليقج, انا بلندن عند ابوي,تدرين مريض الله يقومه لنا بالسلامه, فلما شفت كلامج فرحت عشان خلاص ما بقى شي واتشوفين ضناج..

 

[H.Heavn]

سور امون ترا انا ناني بس داشه باسم اختي..

 

[مشاعل الشمري]

سور امون ترا انا ناني بس داشه باسم اختي..

هلا ناني شلونج وشخبار الوالد مشتاقين لمشاركاتج

 

[مشاعل الشمري]

الله يهون عليج ايمانوفا ويقومج بالسلامه

 

[Emanova]

السلام عليكم بنات

الحمدالله انا ولدت بالسلامه و يبت فهد و شهد ان شاء الله يكونون بصحه و عافيه و يصيرون سند لحمودي يا رب

ناني : الله يشافي الوالد و يرد الكويت بالسلامه و يطول بعمره و يظل على راسكم يا رب