مسوية جراحة فك .....قولي تجربتج هني

[dantella]

ياحسرتي ياحسرتي لوووووووول
تعرفين احد سوه العمليه وفرش خشمه ومارد مثل قبل
يعني الحين انتي رجع خشمج مثل قبل

لووووووووول ياحلوج وانتي تولولين ....... حبيبتي انتي جراحتج بتكون الفك العلوي والسفلي مع بعض ؟؟؟؟؟ لان ترى الخشم مايتأثر الا اذا رفعو فكج الي فوق ....... وخل اقولج انا كنت حاطه رايي من فتره ان يفرش بس الحين عقب ماطافت السنه ونص علي اشوفه ان مو وايد كبير يعني متناسب من استداره ويهي ........ يعني ترا اول الجراحه طبيعي بكون فارش ...... واغلب البنات الي كاتبين هني ماصارلهم سنه ....... انا عشان جذي اقولكم النتيجه النهائيه ماتبان حتى عقب السنه ....... فلاتاخافين

 

[dantella]

دانتيلا شلونج
بسألج سامعه عن دكتور علي السبتي اهو استشاري جراحة فكين بالاميري ؟؟

هلا حبيبتي ام بنتها ....... لا والله انا على وقت جراحتي ماكنت اسمع الا عن الدكتور محمد المصري ....... والي يكون معاه دكتور اشرف مختار مال التقويم ......اهو توه متعين يعني ؟.

 

[ftafet85]

شفتي اشلون والله ياحسرتي لا اولول طول عمري
الاثنين بس انا الحين سويت قطع لثه فيمكن ما اسوي الي فوق بس الدكتور قالي انا ما يصير يرجع الي فوق ورا الا يكون رافعه قبل صج

 

[سارة252]

انا ما اقدر احكم ع الشكل النهائي لخشمي لأني ما خلصت الستة شهور بس ع اني 3 شهور موب طالع خشمي شين ابد
بس انو لسا مو زي اول

 

[dantella]

انا ما اقدر احكم ع الشكل النهائي لخشمي لأني ما خلصت الستة شهور بس ع اني 3 شهور موب طالع خشمي شين ابد
بس انو لسا مو زي اول

ولا تحكمين على الشكل حتى بعد مرور سنه .... حتى عقب ماتشوفين ان كل الورم راح .... هم بكون تو الناس عالحكم ....... انا لي يومك هذا وكل يوم اشوف ملامحي تتغير للافضل ... تقريبا من اول يوم جراحه وانا اصور ولي يومك واقارن الصور ........ حتى ان قبل كان خشمي موعاجبني ......... وكنت اقول بسوي جراحه تجميل واني عدلت شي وخربت شي ثاني ...... بس الحين اشوف ان لالا حرام صار متوالم مع ويهي .....يعني تو الناس لاتستعجلون بالحكم حرام عطو نفسكم وقت

 

[سارة252]

كلامك صحيح يا dantella

 

[توت وتين]

دنتيلا يعطيج العافية على هالروح التعاونية وفيتي وكفيتي


عسى الله يمتعك بالصحة والعافية بالدنيا والآخره قولي آمين

 

[dantella]

ماسويت شي والله ....... اتمنى بس اني اقدر افيد غيري الي ناوي على هالجراحه او حتى الي سواها ....لاني ماره فيها وعارفه شكثر اهي متعبه وقليل الي تلقين مار او يعرف عنها شي .....فديتكم كلكم

 

[ftafet85]

اي والله دانتيلا مشكوره وماقصرتي الصراحه كفيتي وففيتي الصراحه مادري شقول لج غير الله يعطيج العافيه ووفقج ومايردلج دعوه انشالله ويرزقج الصحه والعافيه

 

[بنت.المطيري]

ربي يهونها عليكم

 

[dantella]

اي والله دانتيلا مشكوره وماقصرتي الصراحه كفيتي وففيتي الصراحه مادري شقول لج غير الله يعطيج العافيه ووفقج ومايردلج دعوه انشالله ويرزقج الصحه والعافيه

والله ان عندي هالدعوه بالدنيا كلها ....... عسى الله لايحرمني من هالدعاوي الطيبه:tek:

 

[ftafet85]

حياتي والله دانتيلا تستاهلين اكثر من جدي بس اهم شي لا تقاطعين وخليج ويانا
معنه ادري مابقى سؤال ما سؤلتج نشفت ريجج بالاسئله

 

[dantella]

فديتج ولا يهمج ... بس ياليت صج قادره افيد بشي

 

[ftafet85]

لا والله دانتيلا كفيتي او وفيتي الصراحه بس بقيت اسالج انتي شفتي youtube الناس الي مصورين روحهم يوم بيوم عقب العمليه ماشالله عليهم انا قاعد اشوف انا من ثالث اسبوع كلش ماكو ورم انتي شوفيهم وقوليلي جدي صار معاج

 

[dantella]

اي شفت الي عاليوتيوب ........ هم انا منصدمه شلون ان الورم عندهم خفيف ومو وايد ........ يعني اهم دكاترتهم خبرتهم اكثر وتكنيكهم اكيد غير ...... انا ظل الورم فتره واااااااايد اطول ....... طبعا هذا بالدول الاجنبيه الطب عندهم احسن ...... واحنا هذا المتوفر لنا شنسوي ...... ان شاء الله يتطورون

 

[ftafet85]

تهقين الورم شنو اكثر شي يؤثر فيه لان الصراحه انا لما شفت اليوتيوب انصدمت ماتوقعة جدي بس الصراحه ماتتخيلين اشلون ارتحت بس مادري الحين جني رديت خفت من الورم
يعني بسالج انتي عقب 20 يوم من العمليه الورم الي فيج جنه اهما مثلا ثاني يوم

 

[dantella]

شوفي اهي كل حاله تختلف بعد مو الكل نفس الشي حتى لو نفس الدكتور مسوي للشخصين .......... انا الورم عقب شهر ظل جنه اول يوم واستمر ....... وكان يوم يفش ويوم يرد يلتهب ويورم .... ماتتخيلين شنو كانت معاناتي ....... ولمن كنت اسوي اشعه كان يبين الالتهاب ... كان يقولي الدكتور عادي .... يمكن لان انا بسرعه طلعوني من المستشفى عقب 4 يوم او خامس .... وتدرين طول مده شهر كان حلجي مسكر فلم يصير معاي التهاب ماكان في مجال اخذ مضاد حيوي ......... يعني لو كنت بالمستشفى وصار الالتهاب ممكن يحطون المضاد مع الدرب ........فممكن هذا السبب ان طول معاي الورم ........... بس بشكل عام الي يعرف شنو هالجراحه وشنو البلاوي الي يسوون فيها مايستغرب ان الورم يضل هالفتره ...... هذا كسر بالفك والفك يعتبر اقوى انواع العظام بالجسم واقساها

 

[سارة252]

انا عقب شهر كان جداا خاف الورم بس كان لسا فيه يعني مو زي حجمة يوم كنت بالمستشفى لا اخف بكثييير بس لسا يكون شكلك منفخ
احسن شي عقب 3 شهور حسيت بدا يبان شكلي ورسمة وجهي وكذا .. انا الحين اذا شافوني الناس يقولون وين الورم يعني ما يبان للناس بس انتي تحسين فيه
ولى يومك هذا يوم احس وجهي يوم نافخ ويوم يسير مرة حلو بس مهما نفخ ما يسير زي اول شهر او حتى ثاني شهر

 

[dantella]

اي لازم ياخذ وقته ........ عقب 6 اشهر تقريبا بيختفي الورم بشكل عام بس انسجه الخدود تاخذ وقت على ما تنمو ..... والخشم على ما يفش هم ياخذ فتره اطول شوي .... يعني عقب ال6 شهور هم لاتستعجلون وتحكمون عالشكل لان تو الناس ....... بتشوفون تغييرات اجمل عقب مرور سنه ...... انا هذا الي شفته بنفسي وهم كلام دكتوي مع ان قبل ما كنت اصدقه بس لمن شفت هالتغييرات بعيني عرفت ان كلامه عدل

 

[سارة252]

اهلين دانتيلا بسالك قد جتك فترة تحسين انو النفاخ ما يحس فيه الا انتي ؟

وفي اي شهر اذا تذكرين ؟