يومياتي ..لقتل ودفن ووداع السمنه (الجزء الثاني من ستة اجزاء)(انتهت المده)

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

مشالله مشالله

شهاليمعه الطيبه ..

والقعده ما تحلى الا مع اتوشا << طلعي برا

احم اقصد فيكم كلكم يا نظر عيني ..< حد التمصلح

لووووووووووووووووووووووووووول

حسيت اني مسلسل درامي حق رمضان كركركر ..

شخباركم بنات وشلون المعنويات زااااااهبين حق شهر 6 ؟؟

انا صراحه اليوم خذيت الاوف .. كنت وايد محتاجته من بعد عنااااااااء دام فوق ال 20 يوم من الرجيم المتواصل

عشان نشحن روحنا .. ونبدي بقوه وحماس لشهر يونيو .. وباجر انشالله هم بروح النادي ونكمل مسيرتنا الرياضيه ... هيلا هوووب

بلاك دول << انتي مو فاهمه الفلم كلللللللش طلعتي كركركر يبيلج قعده صراحه بس المختصر المفيد ان هذاك المستشار مال البابا اللي مات
اهو متحاول ويا المستنيرون .. عشان مصالحه الخاصه .. انه يذبح البابات اللي يرشحونهم اللي لابسين احمر .. ويبقى اهوا ينتخبونه .. والمستنيرون هم لقوها فرصه انهم ينتقمون من الكنسيه ..لان الكنسيه ذبحت 4 منهم من قبل لووووووووووووووووووووول .. والله اصلح كاتبه افلام ... هي هي هي


وهم اللي ماراحت عمر وسلمي الجزء 2 ترى يفطس من الضحك .. بس فيه شغلات عيب شوي بس والله يهبل انا مت مت وانا اضحك ياحلوهم يختي علي تامر .. احم . اركدي يا مره .. اقصد الفلم وايد حلووو .. هههه

 

[Pretty Amoola]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

صباح الخير :eh_s(17):

مبروك لكل الي ضعفوا ... ألف مبروك






أتوشة وتفاح بنفسجي :مبروك النزول وعقبال باجي الكيلوات تنزلونها من غير شر.


تعبت: شلونج حبيبتي؟ خطاج الشر... وطمنينا عليج حبيبتي.:aha:


الفجر البعيد: الحمد لله على السلامة ونورتي الكويت شلون الوالدة؟ طمنينا.


مينونة: إن شاء الله تضعفين أكثر بالتجمع الجاي.


Black Doll : حبيبتي أنصحج نصيحة أخت، لا تسوين رجيم قاسي، ترى والله

بدمرين جسمج وراح تتعبين، أحسن شي تسوين رجيم صحي ويفضل يشوفج طبيب أو

أخصائي تغذية. وإن شاء الله تضعفين بالصحة والعافية.


بنات اليوم الصبح وزنت ولقيت وزني 79,7 يعني أخيرا قلت للثمانيات

باي باي، و إن شاء الله ما أشوفك على الميزان :eh_s(8):​

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

اتوشااا مبروك عليك الاوف ياعمري عاد قولي لنا وش كلتي فيه

هلاا Pretty الله يسلمك والحمدلله امي بخير وعافيه ورجعنا سالمين
انتي كيفك ومبروووووووك ودعتي 80 بلا رجعه ان شاء الله ماتشوفينها بحياتك مره ثاني

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

السلااااااااااااام عليكم ..

اموووله ..

الله يبارك بحياتج ياقلبي . ومبروووك علييييييج توديييييييييع الثمانينااااات .. واي شعور حلو ما انسى هاليوم اللي شفت فيه رقم79

ياااااااارب اشوفه مره ثانيه .. ويا عليج تتهنين فيه ياربي وتودعينه بصحه وعافيه ..

الفجر البعيد ..

لووول تبين احرررررررج يعني

امس رحت فرايديز .. وطلبنا مقبلات 3 فور اوول .. وطلبنا بطاط تويستر .. وعقب طلب احم باستا تويستد وماكليت منها الا نتفه ماقدرت اكملها .. وعقب دشيت السينما خذيتلي قطعه كوكيز وحده .. والاكل للحين قاعد على جبدي لدرجه اني ما تريقت .. وتوني اكل ريوقي ..

وبعد شوي بروح النااااادي .........








بنات طلبتكم .. اللي عندها نظام غذائي حلو تنصحني فيه لا تبخل علي .. امشي عليه فتره اسبووع على ما ايي موعدي مع الدايت كيـــر ..
اكون شاكرتلها صراحه ..

 

[Ashoka]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

انا للاسف ما نزلت ولا كيلو لان اخر يومين خربطت ومو قاعده اسوي رياضه
ومن اليوم رديت للرجيم
وقاعده اشرب جاي اخضر ان شاء الله هاليومين برد للنادي والله يصبرنا يارب

والف مبروك للبنات الي نزلووو والله يوفقكم يااارب

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

عليج بالف عافيه اتوشااا

Ashoka معليش تعوضينهاا الايام الجايه شدي حيلك

 

[تفاح بنفسجي]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هلا والله حبيباتي....

وشلونكم خواتي .....اموله الله يبارك فيك ...ومبرووووك عليك انتي بعد وكل اخواتي النزلوا..

تقريري اليومي ..

افطرت على كوب نسكافه +صمونه محشيه لبنه مع مربى دايت.

الغدا قطعه سمك مشويه+سلطه +قطعة حبحب.

وانشاء الله العب رياضه ساعه بعد العصر.والعشاء حليب خالي الدسم + 1 توست + ملعقة جبنه او لبنه + برتقاله..

وهذا هو تقريري اليومي.​

 

[BLack doll]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

اتوشه تسلمين على الشررح ههههههههههههه وصج تنفعين كاتبه عقب ما توصلين لوزنج المثالي الفي كتاب عن يومياتج مع الرجيم والنادي :ggdw:

Black Doll : حبيبتي أنصحج نصيحة أخت، لا تسوين رجيم قاسي، ترى والله

بدمرين جسمج وراح تتعبين،

تسلمين على النصيحة معاج حق وهذا اللي بسويه :eh_s(1):

بكثر فواكه وخضار مع شوية مشويات وشوربات

بنات اليوم الصبح وزنت ولقيت وزني 79,7 يعني أخيرا قلت للثمانيات

باي باي، و إن شاء الله ما أشوفك على الميزان

عالبركه حبووبة و إن شاء الله ما يصير التجمع الرابع إلا وانتي امودعه السبعيانت بصحة وعاافيه قولي آمين :eh_s(6):

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

خوش يوميات تفاح واصلي

BLack doll كيفك

 

[قيثارة إحسآس]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

أهلا أهلا بالكل ..

بنآت سووووووري ذبحني الايرور ماخلآني انزل وزن تعبت

وزنهاااا 102 .. ناقصه الحمدلله ..

ومره ثانيه مبروووووك للي نزلووا .. وإن شاءالله تنزلون دبلآت بشهر يونيوو ​

.

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

بلاك دووول


لووووووول امبيييييييه حلفي ..لازم استعد لطرح كتابي من الحين نقي وياي اسم للكتاب .. وراح اخليج المستشار العام بطرح الكتاب شرايك بالمنصب اليديد .. هههههههه



قيثاره ..

سلميلي على تعبت وباركيلها عالوزن اليديد هانت .. قوليلها شهر يونيو نبي نشوف التسعينات ..

 

["أم شوشة ^^ومنفوشة"]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الف مبروووووووووووووووك النزول اختي تعبت

مابغيتي يتحرك............

ومبروك للكل


اقول اتوشا ماشاء الله عليج مغنية ورقاصة وررياضية وكاتبة؟؟؟؟

ملتي بروفشن هاههههاهااها الله يتمم عليج خفة دمج وتشوفين نفسك احلى سمبتيك

انا ثابت كالصخر وزني 67.00

الحمدلله على كل حال

 

[مينووونة]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هاااااااااااي بنات


عمر وسلمي له جزء ثاني @@

توووني ادري يبيله سينما بس بدووووون بوب كورن


شلونكم يا حلوات ؟؟

تعبت مبروووووك النزول يا قلبي ومشكوووورة اموله ع الدعوة الحلوة وع البركة دخولج عالم السبعين


اتوشا شوفي نظام عبدالله المطوع يمكن يعجبج

 

[alfajr alb3eed]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

الف مبروك تعبت ونبي نشوف التسعينات حبوبه
ام شوشه الله يزحز وزنك
ميينونه هاياااااااااااات

 

[مينووونة]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

اهلين فجر


شخبارج يا قلبي ؟

وشلون الوالدة طمنيني عليها ؟؟

 

[تفاح بنفسجي]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

هلاخواتي...... بسألكم عن رياضة الدرج هل هي مشي ولا جري؟.....

لاني مالعبت رياضه قلت اجرب الدرج.

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

ام شووووووووشه

لوووول .. امبيه طلعت طلعت المواااااااااااهب .. ولسسسسسسسه المستخبي اعظـــــــــم < سترك يارب

امين يارب مشكوره على هالدعوه الحلوه .. ويارب الفااااااااال لنا كلنا نتمخطر بكل رقه ورشاااااقه بدون ارتجاجات وهزات ارضيه


مينوووووونه ..

قلبي على قلبج .. شفتي نظااااام وايد حلو من عبدالله المطوع لعضوه معانا بالمنتدى بعد وانشالله بطبقه من باااااجر ..
لا يطوفج عمر وسلمى .. حلووو والله عجيب انا بالنسبه لي عجبني .. كله ضحك على جد على اشيااااااء عيب مادري بس حلوو...


تفاااااااحه ..

رياضه الدرج ممتاااازه بس ديري بالج تطلع عضلات وماراح تشوفين روحج تنزلين ... المشي افضل ..

 

[BLack doll]

آخر يوووووووم للتجمع الثاني

هاي بنات :ada:

هلا بالفجر البعيد الحمد لله بخير وانتي شلونج وشلون يوميااتج ؟؟

انا اليوم تريقت بالدوام كان فيه بوفيه كليت كبب ورولين جبن ((بس قلتلهم آخر يوم من باجر شهر 6 ببدى رجيم)) وما تغديت , وعلى الساعه 7 كليتلي 7 تمرات + 2 روب + سلطه يونانية والحين بشربلي شاي اخضر

قيتارة الله يبارك فيج وسلميلنا على تعبت وباركيلها على النزوول ووصليلها سلامنا ما تقصرين


اتووشة سمي كتابج أ , ب , جـ مع اتوشه مفيش مستحيل >> حشى دعاية تاايد لوول

بناات شنو كليتوو اليووم محد كتب يومياته غيري لوول

 

[قيثارة إحسآس]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

يباااااااارك فييييييكم والله يسلمكم وإن شااااااءالله مايخلص شهر 6 الا وانتو قآطيين دبلآت اللي نزلتووه آمييييييين يارررررررررررب ..

المهم شلووووووونكم ؟ ..

يلاا شدووووووا حيلكم عالرجييييم .. ميخالف لو تتعبون الحين بآجر تصيرون أحلى البنآت >> وآي

تصدقوووووون انا ضعيييفه وما احس نفسي مستمتعه ما البس اللي ابيه .. عندي بلووزه كوكتيل اقوول لخوآتي لألألألألألأ فششششششله البسها اذا يانا أحد لوووووووول .. ودهم يذبحووني

مممممممممممم مليت من ستآيلي كله جنزآت وبلآيز .

وبالأخيييييييير هاذي نعمه الحمدلله والشكر ياااااارب ..

عسىآ تدووووم علي .. ويارب كلكم تضعفوون بصحه وعافيه ..

تحيآتي .

 

[atosha]

رد: يومياتي ..لقتل ودفن ووداع السمنه (الجزء الثاني من ستة اجزاء)(مدة شهر من تاريخه)

احم .. قيثاره .. شكله مو بس خواتج بيذبحونج هي هي هي ...<< ضحكه شرريييييييره


بلاك دوول :: لعيونج بكتب يومياتي ..

انا اليوم قعدت الصبح .. < صج والله ؟!
رحت الدوام ..

امبيه لالا صج

ماتريقت صراحه كنت منغثه من اوف امس مافي مكان حق الريوق ..

بس شربتلي بطل ماي

رديت البيت .. كان غداي اللي اهو المفروض ريوقي فطيره كبر كف اليد زعتر وجبن + عصير + فاكهه ( رقي )

ونمت العصر

قعدت كليت الحلوو قطعه ليزي كيك .. تبع الشركه طبعا ..وخذيت وياها دايت كولا ( احب الحلو ويا البيبسي احم )
وبس للحين ما كليت شي ..

انا متعمده اليوم يكون اكلي قليل لاني امس خذيت فري .. عشان احرق مال امس .. والله كريم ..