اللي بيسافرون تركيا تعالواا (( تم دمج المواضيع المشابهة))

[¤§ زيتونة §¤]

رد: اللي بيسافرون تركيا تعالواا..........

مشكوره زيتونه بس اشكثر المسافه والطريج من حدود سوريا ليمن اوزنجال (ترابزون)شنو ايام والا ساعات انا اشوف الخريطه شنها قاره بعيده
بعدين تنصحينا سيدا نكمل والا فى مناطق نقعد فيها :tek:

اهلين قلب عشتار
والله يقلبي احنا مو رايحين اوزنجول هذي اول مرة بنروح لها فمادري عنها
وتقريبا من انطاكيا الى بورصة نص يوم 12 ساعة اعتقد
احنا بنقعد في انطاكيا فيها الحربيات يقولون شلالات ومناظر حلوة يعني بو ليلة تفترين فيها كافي
وبعدهاا بنروح اوزنجول وان شاءالله تسوى نتعنى لها

وبعدهم بنروح حبيبتنا بورصة الغالية ههههههههههههههههههههه


هذا تخطيطنا مبدئيا باذن الله

 

[الزمن ماله أمان]

رد: اللي بيسافرون تركيا تعالواا..........

هلا اختي الزمن ماله امان

لا مو وايد بالنسبة للرحلات اللي تاخذينها من مكاتب ولا بتكاسي ......نعبي بين كل 4-5 ايام تقريبا ......و كل رحلة مو اقل من 70 دولار هذا داخل بورصة يعني مو تروحين مدينة برا ولا الشلالات ولا التلفريك ولا الجبل وشوفي عاد كل شوي بتدشين وتطلعين وتروحين رحلات طويلة مثلا للجبل شوووفي بجم يحسبونها تقريبا 120 دولار .....

بالعكس نقط فلوس عالبنزين ولا نقعد كل شوي نقط ويطلع باليوم دبلات قيمة البنزين .....

احنا نطلع وايد يعني نطلع نرجع نبدل ملابسنا ونرجع نطلع ما نقعد الا لما نرجع للنوم بس وساعات نروح الجبل يومين ورى بعض وبرووحه هذا مشوار بو ساعتين تقريبا يبيله مو اقل من 120 دولار ...!!!


وبسيارتنا احسن متى ما بغينا طلعنا ورجعنا ورحنا مني مناك ولا حتى بس نتمشى فيها ..


ووناستها انج تمرين مناطق وسوريا احنا لازم نمرها ندخل السيدة زينب ما نطوفها

يعني نحصل الزيارة بالروحة والردة




وحياج الله حبيبتي

صاجه والله حبيبتي موفقه متى روحتكم احنا حاجزين فجر 5\7

 

[الزمن ماله أمان]

رد: اللي بيسافرون تركيا تعالواا..........

بنات هذا خوش منتدى اذا تعرفونه فيه معلومات عجيبة عن كل شي تبونه بتركيا وتقارير مصورة حياكم شوفوا الرابط
http://travel.maktoob.com/vb/travelarab26/

 

[¤§ زيتونة §¤]

رد: اللي بيسافرون تركيا تعالواا..........

يعطيج العافية الزمن ماله امان

تسلم ايدج حبيبتي


احنا رايحين بالسيارة على اخر شهر6
يعني اليوم معطلين باجرالصبح راكبين اليوكن ومسافرين باذن الله

وبحيل الله الحديقة اكيد بتجمعنا لازم نتصادف فيها لانها المكان الوحيد للكويتيين بالليل يقعدون فيه للسهرة ههههههههههه

 

[الزمن ماله أمان]

رد: اللي بيسافرون تركيا تعالواا..........

آنا أول مره بزورها اي حديقة تقصدين ما سمعت عنها لأن للحين قاعدة أجمع معلومات

 

[¤§ زيتونة §¤]

رد: اللي بيسافرون تركيا تعالواا..........

حديقة بورصة العودة الرئيسية
مقابل استاد كرة القدم الكبييييير اللي دايما يسوون فيه مبارياتهم ,,,,,,,,, بشارع ألتي بارماك المعرووووف

هذي حديقة كبيرة واااااايد وفيها نصين نص قهاوي ومطاعم بسيطة وقعدات والنص الثاني الالعاب الخليجيين اغلب الاحيان يقعدون عند الالعاب بالليل من 9 وفوق تلاقينهم مرابطين عندها هههههههههههههههه


حجزتر فندق ولا شقة ولا بعد؟


واتفقتو مع مكتب يستقبلكم عند المطار؟

 

[الزمن ماله أمان]

رد: اللي بيسافرون تركيا تعالواا..........

التذاكر اليوم استلمناهم بس الفنادق انشالله هاليومين قاعده ادور وأبحث عن أحسن فندق آنا تقريبا بتاريخ 13 في بورصة لأن بقعد قبلها بعشر أيام في أوزنجول

زيتونه انتي أول مره تورحين تركيا والا زرتيها من قبل

 

[خشف الشمال]

رد: اللي بيسافرون تركيا تعالواا..........

ادري داشه عرض بسال اختي الزمان ماله امان وين راح تسكنون باوزنجول :080402ask_prv:لاننا هالصيف رايحين لها ان شاء الله و يمكن نشوفج هناك:ggdw:

 

[الزمن ماله أمان]

رد: اللي بيسافرون تركيا تعالواا..........

ادري داشه عرض بسال اختي الزمان ماله امان وين راح تسكنون باوزنجول :080402ask_prv:لاننا هالصيف رايحين لها ان شاء الله و يمكن نشوفج هناك:ggdw:

للحين والله ما أدري بس هاليومين يبين ما يبله اكيد عند البحيرة

 

[الزمن ماله أمان]

رد: اللي بيسافرون تركيا تعالواا..........

اهداء صور من اوزنجول لعيونكم

ها شرايكم ما ودكم تروحون لها ألحين ألحين

 

[البيداء_77]

رد: اللي بيسافرون تركيا تعالواا..........

واااااااااااااااااااااااااااااااااااااااو


الزمن ماله امان قلبتي على المواجععععععععععععع رحت ازنجول في 2004 انا رحت بطيران داخلي بس اهلي كانو سابقيني بسارتهم ويا قروب ربع اهلي يعني 3 سيايير بس كان المكان الجنةةةةةةةةةةةةةةة فظييييييع احلى من الصوره والله العظيم وسكنا باكواخ مثل هايدي هههههههه وشعب هالمنطقة ملتزمين دينيا وطيبين ويستانسون على امو لانها منقبة ويقولون مكه مكه


بس اذكر انه اهلي يقولون انه في طريجين بالسياره حق ازنجول واهم راحوا الطريج الصعب اللي كلة جبال والناظركانت تخرع بس حلوه

 

[البيداء_77]

رد: اللي بيسافرون تركيا تعالواا..........

حديقة بورصة العودة الرئيسية
مقابل استاد كرة القدم الكبييييير اللي دايما يسوون فيه مبارياتهم ,,,,,,,,, بشارع ألتي بارماك المعرووووف

هذي حديقة كبيرة واااااايد وفيها نصين نص قهاوي ومطاعم بسيطة وقعدات والنص الثاني الالعاب الخليجيين اغلب الاحيان يقعدون عند الالعاب بالليل من 9 وفوق تلاقينهم مرابطين عندها هههههههههههههههه


حجزتر فندق ولا شقة ولا بعد؟


واتفقتو مع مكتب يستقبلكم عند المطار؟

زيتونة شلونج حبيبتي نور الموضوع بمشاركاتج العسل )

انا بروح بتاريخ 30 - 7 - متأخر شوي بس شنسوي حكرتنا هالكورسات الصيفية

 

[¤§ زيتونة §¤]

رد: اللي بيسافرون تركيا تعالواا..........

هلا وغلا حبيبتي البيداء

شخبارج يقلبي


تسلمين حبيبتي كلج ذوق والله

ودام الموضوع فيه تركيا شي اكيد بتلاقيني نايمة فيه نومة هههههههههههههههههههههههههههههه


احنا باذن الله نمشي من هني على 25 -6 تقريبا

يبيلنا 3 ايام طريج على ما ندخل تركيا لانه ريلي يسوق عالراحة

وبعدها بنروح اوزنجول بس للحين ما قال ريلي شنو النظام ووين نسكن فيها


الزمن ماله امان
انا رايحة قبل هالمرة تقريبا 7 مرات

هذي حبيبتي تركيا كل ما نبي نغير نتحسف عليها والله



الله يسهل عالجميع ان شاءالله

 

[البيداء_77]

رد: اللي بيسافرون تركيا تعالواا..........

هلا وغلا حبيبتي البيداء

شخبارج يقلبي


تسلمين حبيبتي كلج ذوق والله

ودام الموضوع فيه تركيا شي اكيد بتلاقيني نايمة فيه نومة هههههههههههههههههههههههههههههه


احنا باذن الله نمشي من هني على 25 -6 تقريبا

يبيلنا 3 ايام طريج على ما ندخل تركيا لانه ريلي يسوق عالراحة

وبعدها بنروح اوزنجول بس للحين ما قال ريلي شنو النظام ووين نسكن فيها


الزمن ماله امان
انا رايحة قبل هالمرة تقريبا 7 مرات

هذي حبيبتي تركيا كل ما نبي نغير نتحسف عليها والله



الله يسهل عالجميع ان شاءالله

زيتونه ومن سمعك كل ما نقول بنروح ديره ثانية نرد نتحسف ههههههههههه انا رحتلها 3 مرات بالطياره ومره بالسياره بس اهلي وايد راحولها بالسياره على حياه ابوي بس الحين بنروح بالطياره لانه توفى وما نثق باحد ثاني بالطريج

الله يحفظكم ويوصلكم بالسلامه بس لا تختارون الطريج المختصر لطربزون لانه وايد وعر وجبال تخرع امي تقول بقى قلبي يوقف :dddds:

 

[الزمن ماله أمان]

رد: اللي بيسافرون تركيا تعالواا..........

انزين بنات بسألكم شنو أحسن الفنادق في اسطنبول وبورصة واوزنجول فيدوني بلييييييز

 

[¤§ زيتونة §¤]

رد: اللي بيسافرون تركيا تعالواا..........

زيتونه ومن سمعك كل ما نقول بنروح ديره ثانية نرد نتحسف ههههههههههه انا رحتلها 3 مرات بالطياره ومره بالسياره بس اهلي وايد راحولها بالسياره على حياه ابوي بس الحين بنروح بالطياره لانه توفى وما نثق باحد ثاني بالطريج

الله يحفظكم ويوصلكم بالسلامه بس لا تختارون الطريج المختصر لطربزون لانه وايد وعر وجبال تخرع امي تقول بقى قلبي يوقف :dddds:

هلا وغلا البيداء
حبيبتي شخبارج عساج بخير ان شاءالله

احنا بنروح لها عن طريق كسب وفيه جبال وجذيه بس الطريج كل ماله يتعدل بوايد عن السنة اللي قبلها والحين فيه طريق سريع بسرعة نوصله بعد الجبال ووايد حلو

انا مو باط جبدي الا اليهالو الاتراك اللي ينخشون ورى الجبال عالطريج ويحذفون بالنبابيط ههههههههههههههههه كل هذا عشان تعطينهم زقاير ولا اكل ساعات صج اخاف منهم والله

ومتعودين عالجبال صار لنا سنين نروح بالسيارة تعودنا عادي





الزمن ماله امان
انا كل مرة اسكن في كرجة ببورصة مكانه وايد حلو يقابل الحديقة تروحين لها مشي منه
اهو مادري شسمه بالتركي بس الكل يسميه كرجة

واسطنبول لما رحنا الشتا بشهر 3 اللي طاف سكنا في فندق جولدن ايج وايد حلو ونظيف ومكانه بعد حلو بميدان التقسيم
يعني في حياة يمه

اما اوزنجول فابي اللي يقول لي لاني اول مرة بروح لها بحيل الله





وان شاءالله سفرة سعيدة للجميع

 

[البيداء_77]

رد: اللي بيسافرون تركيا تعالواا..........

انا بخير عساج بخير زيتونة


عيل انا على كثر ما سافرت بالسياره وشفت جبال حاشتني فوبيا المرتفعات هههههههه



بالنسبة للسكن بازنجول احنا سكنا في منتجع اسمة زيتاش عباره عن فندق بس على شكل اكواخ وهالحجي من زمان 2004 والله حزتها بس احنا العرب اللي هناك وهالمنتجع يبعد عن ازنجول ساعة ونص وعن سامولا تقريبا نص ساعه .........

ويوم قررنا نرد يالوا ردينا عن طريق باخره جنها تايتنك شحنا سياييرنا بالباخره نفسها وحجزنا غرفتين واستغرقت الرحلة 3 ايام بالبحر والباخره تمشي وتوقف عند كل محطة لين وصلتنا محطة اسطنبول ومنها ركبنا الكابوتاش ورحنا يالوا واستقرينا بكوكشدرا كالعاده ​

 

[مملكة الكاكاو]

اشرايكم بدولة "ميرنا و خليل"؟؟رحلة كويتيات الى تركيااااااا.. التجمع عندنا، حيااااكم

يا هلا و مرحبا بأحلى بنات.. بأحلى منتدى.. :33_1185028183:

أخوي انشاء الله ناوي يروح تركيا (أول مرة) ومع العيال..

شنو تنصحون فيه من مناطق؟
شنو الأماكن اللي تصلح حق يهال؟
و السؤال المهم: "شنو الأسواق الحلوة عندهم"؟؟
ما أدري ليش أخاف سوقهم يكون مو ذاك الزود (جنه بو دينار ونص) :0bee2e8d89:

يلا يلا يلا همتكم معانا بالمشاركات الحلوة.. و الخبيرات نبي نشوف ردكم :sfg:

oster_av1: :gathering: oster_av1:

 

[مملكة الكاكاو]

رد: اشرايكم بدولة "ميرنا و خليل"؟؟رحلة كويتيات الى تركيااااااا.. التجمع عندنا، حياااا

يلاااااااااااااااااااااااااااااااااااااااا بنات..
اشدعوة!! وين مشاركاتكم؟

كل الي بقلبكم عن تركيا قولوه..

وكل معلوملتكم و صوركم شاركونا فيها

 

[آخر العنقود79]

رد: اشرايكم بدولة "ميرنا و خليل"؟؟رحلة كويتيات الى تركيااااااا.. التجمع عندنا، حياااا

هلاااا ككاوة
والله آنا بعد مثل اخوج
بروح مع عيالي الله يحفظهم وكلهم دقدق تحت ست سنين
انا سويت سيرج بالنت حق اهم الاسواق والرحلات
بس ودي اعرف شنو الاماكن اللي تصلح حق يهال وما يتمللون فيها.
ابي العاب وملاهي ورحلات حق الصغار
وابي مجمعات وسوقه خاصة حق ملابس الاطفال
واهم سؤال:
بالنسبة للجو في نهاية شهر سته يحتاجون البسهم ربيعي ولا عادي صيفي لأن اقامتنا في بورصة واحاتي يصير بردعليهم