هوس التبييض عند البنات .. امبيه وين ثقتج بنفسج !!!

[gazl~q8]

اممم شوفي بالنسبه لي انا احب البياض الحلو الي على وردي:eh_s(6):

خاصه اذا كانت البنت حلوه وبيضه تصير تحفه ومافيها شي اذا البنت كانت سميره وتهتم بنفسها ويفتح لونها

بالعكس هذا اهتمام ماله شغل بالثقه بالنفس..

<<بس على قولتكم اهم شي لون واحد مو الجسم خراييط:tomato2:

 

[أمـل مـقـتـول]

اي انا بعد اقول البياض احلى ...

هاتوا ثنتين توأم نفس الملامح وحدة بيضا والثانية سمرااا

بتشوفون منو احلى ........... بالأغلب البيضة ..

والبياض أصلا نص الجمال ... بس عاد مو شرط كل بيضة جميلة هههههههههههههههه

يعني البياض على الملامح والجسم الشعر >> يشكلون الجمال ككل للبنت ..

عني آنا حنطاوية .. بس الشمس استلمتني وصرت سمرااااااء يا حلم الطفولة والصبااااا

بس كنت قبل بيضة لما كنت بالمتوسطة.. ومن قمت اسووق بدت بشرتي بالاسمرار

واشوف نفسي قبل احلى .. الحين صرت مادري شلون .. على قولتكم لوني مب موحد

لازم نحط كريم نوحد هاللون المتدرج خخخخخخخخ .. بس عمري ما جربت خلطات ،،،

 

[vogue grl]

اى سالفه توحيد اللون شي ثاني انا بعد دايما ادور على خلطات توحيد اللون بس التبييض غير واللى تحاول تبييض روحها جنها تحاول توصل رساله لغيرها انى مو مقتنعه بشكلي ومو حابه لوني او مفتشله منه وهذا دليل على ضعف ثقتها بنفسها


up up

انتظر اراء البنات

مثل ماقلتي البنات يبون يوحدون اللون اما البعض يبون يصيرون بيض مثل الكلنكسه لوول لعدم ثقتهم"

 

[Ocean]

مع انه بيضه ....والله انه السمار احلى اصلا ماتبين اي تصبغات او بقع او آثار حبوب قديمه :"(

 

[[[ عيون جابر ]]]

لوووول الي يجذب بالبنت انوثتها وملامحها الجذابه مو شرط بيضه ولا سمره

 

[يمة يادلبي]

اتصدقين حتى انا ودي اسويلي تبيييض
بس ماعرف شلون ؟
لان الرياريييل هالأيام مايبون الا البيض مادري شفيهم السمر معنه بالنسبة لي السمر فيهم ملح أكثر من البيض
في واحد كان خاطب وحدة ورفضها ليش ان عايلتها فيها سمر مع العلم انها بيضه < سخافة مو

 

[اسمحيـلي يـــ الغرام ـــا]

بصراحه شخبااااااري البيضه الحين كل الناس صابغين برونز منو يبي يسير ابيض
بس الناس اذواق

وتسلمين على الطرح

 

[اتعبني غروري 7]

انا ما ادري على اي اساس البنات احكمو انه الريال ما يبي الا البيضه ؟
وسالفة التوأم .. شوفي الي حطتهم اوبرا قبل فتره .. السمر احلى من البيض بوااااايد مو شويه
كله ولا لمن تييلج بيضه على صفره .. عووع
يمكن الي محومره شوي تنبلع ..

انزين في بنتين توم .. وحده بيضه وهامله جسمها ولا كريمات ولا شي
والثانيه سمره .. مهتمه اخر اهتمام ..
منو الي لونها احلى ؟؟؟

اشوف بنات منحلاتهم مااستحي اتنح فيهم ما اشيل عيني مع انهم بييض ..

يعني الحين لا البياض ولا السمار الي يحكم .. الجمال على حسب درجة السمار ولا البياض والاهتمامأ

وصحححح الي تبي تبيض .. هذي موووووووو واثقه من نففففسهاااااا ... لا تقولون شكو الثقه بمادري شنو
الاهتمام حلو .. بس عاد فجأه تبي تصير شقره ام عيون خضر ... تكفيين

 

[Om eL-3a9aGeeL]

اممممم شوفي اكثر اللي يحطون مواضيع يبون اشياء تبييض وما تبييض

اغلبهم بكلمة تبييض يقصدون بيوحدون لونهم

انا حنطاوية مايلة للبياض بس طلي بكوعي ولا بركبي الله وكيلج سواد الدنيا فيهم

وحتى جسمي من النص يعني بطني مثلاً لونه واايد اغمج من باجي جسمي !

الحين عادي مو هامني وايد بس اكيد انشالله اذا يه النصيب بصير لون واحد

أما اللي لونها من الله سمرا وبتصير بيضة ماعندها سالفة

بتحوس بعمرها وآخر شي تحط موضوع ثاني طلعولي حبوب ويهي احترق وهلم جرا

:

وما تفرق بيضة ولا سمرة اهم شي الجسم والشعر والبشرة الحلوة والرزة والكشخة باللبس !

 

[د.شريفة]

ياحلو السمار والله نص الجمال

 

[وحشني شوف الكويت]

لوووووووووووول
انا اكره شي اسمه بياااااض ;/
مع اني حنطيه لكن اعشق شي اسمه تاااااااااااااااااااااااااااااااااان
دايم هواش انا و امي هي تحب البياض وانا عكسها لووول
بس غريبه تقولين هوس التبييض ;/
انا اللي اشوفه بالعكس الكل قاعدين يعملون تااان خصوصن انو صيف وهيك p;
<< هووووووووووووووس تاااااااااااااااااااااااااان ;$

 

[Engineero-q8ya]

لوووووول امبي عااد انا وحده غراامي البياض يمكن لان اغلب عايلتنا بيض وعيونهم ملونه الا بيتنا طالعين على اهل امي بيض بس مافي عيون ملونه ويضيق خلقي اذا سمريت شوي من الشمس والله الوع جبد امي كله اسئلها صرت سمره ومايبقى شي يبيض ماحطه لووول امبي توني الاحظ نفسي

 

[bent_ayawed]

انا برايي اللون الصافي والنظيف حلو ! يعني الجسم يكون كله لون واحد مافي طقات ولا مبقع .. اعتقد البنات يقصدون هالشي بشكل عام انا احب اللون الصافي سواء بيضه ولا سمره لانه في عوامل ثانيه تجذب ماتعتمد على اللون بس ! والبنات الحين اغلبهم مو مقصرين مشالله مبارين عمارهم

 

[زهرااا]

بصراحه مراام انا احب مواضيعج
و بالنسبه لهالموضوع صح كلامج
يعني الله سبحانه و تعالى جذي خالقج !
غصب تصيرين بيضه ؟!!!!

 

[lexie]

انا اعاني من العكس!! انا وايد بيضه وكل من يجوفني يقول ان شكلج فلسطينيه او سوريه خخخخخخخخخخخخ وفي بنت لمحتلي وقالت شرايج تستخدمين كريم للتسمير عشاان تسيرين برونز و اللي اجوفه ان الناس احيين طايحين في البرونز اكثر والله مادري محد راضي بنفسه المتينه تبي تصير ضعيفه والضعيفه متينه والبيضه سمرا والسمرا بيضة :dddds: انا الحمدلله اقتنعت ابيااضي واتمنى من كل بنت تقتنع بلون بشرتهاا لان صج الجمال ماله خص بلون البشرة يااماجفنا بناات سمر ملكاات جماال والعكس صحيح واذا عالريايل ترى واايد اعرف ريايل يموتون عالسماار ومايدانوون البياض ولولا اتخلاف الاذواق لبارت السلع خخخخخخخخخ والحمدلله على كل حاال

 

[om al ghaleen]

البياض حلو بس مو كل بنت حلو عليها
محد ينكر ان البياض نعمه من الله


بس لازم كل وحده تكون قنووعه ووواثقه بنفسها
ومهما الوحده رقعت بعمرها يبين البيضه من الله من المصطنعه
خصوصا اللي تحط كرم اساس وايد امبيه قمه التهول شدعوه !


\\

 

[:: Diva ::]

حياتي في معايير تفرض هالشي
العرب منذ القدم يشوفون بالمرأه البيضا واسعة العيون طويلة الشعر ناعمة العود اهي فتاة الاحلام
و شوفي الحين أكثر الشباب يشترط البياض
لان هالشي تعود عليه و كبر عليه و اهو يسمع

لكن التوجه الجديد اهو اختيار الاجمل و الانعم مو الافتح ياليت البنات يفرقون
ترا الجمال مو بس بالبشره البيضا


كاني بيضا بس الله لا يوريج لوووووووول
الكوع و الدلدغ يبيله كلوركس !!!!

 

[جوك احلى جو]

اهم شي البشره تكون لون واحد

طبعا اهم معايير الجمال اهو جمال الويه تناسق الجسم المعالم الانثويه توحد اللون

لكن بياض او سمار وملامح شيفه شالفايده!!!!

واغلب البنات اللي يتمتعون بجمال ملفت للنظر بالشكل اهم(( الحنطاويات ))

 

[غزلان]

بالعكس اليياض حلوو ومانقص من قيمه جمال السمر والبرونز بس كل واحد وذوقه ومقايس الجمال الي هي تشووفه
مافيهاا شي هووس جمال هذااا
اغلب البنات فييهم

 

[Stylista_Q8]

احلى شي الحنطاوية ^^

لاهم بيض ولا سمر

و صح انا بعد ملاحظة هالشي بس اتوقع مثل ما قالوا البنات قصدهم عن توحيد لوون البشرة

و حلات الواحد باللون اللي انخلق فيه

و بنات شوفوا كيم كارديشان اللي الكل ذابحنه فيها حلوة و حنطاويه

ومرام ذكرتيني بسالفة ^^

كنت اسولف معه بنية (اهيه بيضة) تقول تدرين ترا انتوا الحنطاويه ما ينقال لكم حلووين

وانا نعم ! ليش يمه تقول احنا البيض حلووين انتوا مملوحين معرووف هالشي !!

والله ضحكتني لووول شدعوه عليج !!

> جنه شويه طلعت برا الموضوع

ولا وحده ثانية اعرفها اذا اسمرت حتى لو شووووي تزعل و حالتها حاله و ما تحب احد يقولها يا السمرة > حشى سابينها ;/

مادري شفيهم الناس على السمار

بس حلاته الوحده تكوون واثقة من روحها وراضية باللون اللي اهيه انولدت فيه

و توووحد لونها > هذا اهم شي لوول

وتسلمين ع الموضوع الحلووو )