بيت الصابونة :)

[al3aroob]

السلام عليكم يا قمرات.

عندي مشكلة مع "بيت الصابونة" مالت الأيد.

إذا حطيتها على الرف الخاص بالصابونة تذوب. وطبعا كل شوي لازم أنظف وتصير طبقة ولوووووعة

ما كو طريقة تنحط فيها الصابونة غير جذي؟

أما مرة شفت بيت صابونة عبارة عن شي تصقينه بالطوفه وفيه مغناطيس من تحت.
وفي قطعة معدنية مثل غطا البيبسي (بيبس السحارة) يعني مشرشرة أطرافها.
تغرسينها في الصابونة وبعدين بمجرد ما تقربينها من المغناطيش تلقينها الصابونة معلقة بالهواء.

وهذا شي يحافظ على الصبونة من الاستهلاء وتنشف بسرعة ولا تذوب وتغرق الدنيا.

كان عندي جذي من 10 سنين تقريبا والحين مو عارفة وين أحصله

منو تدري وين ألقه بيت المغناطيس السحري هذا؟
أو أي طريقة ثانية حق الصابونة المزيونة

 

[*نور الكويت*]

حتى آنا أعاني من هالمشكله

 

[دلوعة 2010]

حتى آنا أعاني من هالمشكله

نفس الشئ انا بعد

 

[أغلى حبيبه]

المعناطيس بالدايسووو تحصلينه

 

[ام فجور 2008]

شلون طريقة المغناطيس
انا جذي الصابون بسرعه يذوب وطبقة تصير

 

[Katkota_46]

كان عندي جذي من 10 سنين تقريبا والحين مو عارفة وين أحصله


انا بعد كان عندي شريته من مركز سلطان تقريبا صار له 12 سنه وموجود عندي ووايد زين وفي منه الوان

بس الحين ادور عليه بمركز سلطان حق بنتي مو موجود بالمره , بس صج شغل عدل .(عندي 4)


في طريقه

اذا بيت الصابون عندج من بلاستك تقدريين تخرميين البلاستك جم خرم وهذا يساعد نزول الماء من الخرم ويخلي الصابون ناشف

 

[al3aroob]

مشكورات يا قمرات. :eh_s(17):

هذي صورة حق اللي قصدي عنه:

وهذي أكشخ شوية

سؤال:
دايسو وين صاير؟ كله أسمع عنه ولا مرة رحت.

​

 

[Katkota_46]

سؤال:
دايسو وين صاير؟ كله أسمع عنه ولا مرة رحت.


دايسو في سوق السالميه اللي لونه احمر وفي ناس تسميه ستي سنتر , في ركن اسمه دايسو يبيع كل شئ

 

[أغلى حبيبه]

تعرفين السوق الاحمر بالسالميه

ستي سنتر


يكوون داخله

 

[al3aroob]

سؤال:
دايسو وين صاير؟ كله أسمع عنه ولا مرة رحت.


دايسو في سوق السالميه اللي لونه احمر وفي ناس تسميه ستي سنتر , في ركن اسمه دايسو يبيع كل شئ

مشكورة حبيبتي.
بالدور الأرضي ولا بالأول؟

تعرفين السوق الاحمر بالسالميه

ستي سنتر


يكوون داخله

عاد أنا كله أروح ستي سنتر السالمية ولا لاحظته. مشكورة حبيبتي.

 

[السفيرة عزيزه]

إخذي اللي يكون فيها مشخال موجوده في كل مكان

 

[al3aroob]

إخذي اللي يكون فيها مشخال موجوده في كل مكان

ما كو فايدة شكثر جربت. بعد فترة تذوب. لأن الصابونة حتى لو مبلولة شوي وتحك بالقاعدة لا زم تذوب.
ومشكورة على مرورج ونصيحتج.

 

[Katkota_46]

بالدور الارضي ...

 

[د.شريفة]

اكو مثل ماعون يتعلق على الطوفه حطي فيه الصابونه بعيد عن الماي
تحصلينه بالجمعيات لوازم العائله مركز سلطان

 

[p_ian_o]

في شي يكون حديد يمكن ( لونه سلفر ) ويمكن في الوان منه بس مادري

يكون من تحت مو مسكر ( يعني ما يتيمع الماي تحت )

اهو من تحت حدايد مستقيمة ( مثل خطوط )

وتنحط فوقه الصابونه . هذا في منه واااايد بس مادري وين هههههه

 

[الجوريه الحمراء]

انا كان عندي ابو مغناطيس من زمان

بس انا احب الصابونه لما تذوب احب العب فيها جني ياهل واعصرها ههههههههه

 

[al3aroob]

شكرا يا قمرات.

ولا يزال البحث جاريا عن بيت الصابونة أبو مغناطيس

 

[al3aroob]

رحت دايسو ما حصلته عندهم
خلاص، شكلي بتأقلم مع الوضع.