*الهوا الغايب*
New member
شخباركم بنات اليوم راح انزل شي جديد وان شاء الله مايكون مكرر في قسم الطبخ
انا من كم يوم سويت سمن غنم فقلت ليه مااصور وانزل لكم الطريقه بالتفصيل الممل عشان الكل يستفيد خاصه انه يبيله شويه جهد وانتباه لااكثر ومره عن مره يصير سهل
بسم الله نبدا
طبعا في البدايه ماكان في بالي اني راح اعرف في يوم من الايام اسوي سمن
بس عندنا ابو الشباب يحب الغنم فأشترا من باب تضيع الوقت وتسلايه لااكثر ومع الوقت زادن ماشاء الله الحلال وصار يتخاسر الحليب اللي يعطيه لاي احد لانه صار كثير وممكن نستفيد منه
هنا جا دوري انا ادور عند الحريم الكبار كيف طريقه سوات اللبن شوي شوي صارت عندي زبده كثيره فرجعت اسأل كيف اسوي السمن لاني احبه مره ويكفي انه شغل بيت نظيف
حتى وحده عجوز قالتلي اللي بعمرك ماهمهن غير التكشخ والسوالف اللي مالها داعي وانتي ماشاء عليك تبين تسوين لك سمن والله مو مدح لنفسي بس هالايام قليل اللي يسوي سمن غنم ويضبطه وانا احب اتعلم شي جديد
المهم نجي للطريقه
قولوا
مـــاشـــــاللـــــه
انا عندي علب بلاستيك لحفظ الطعام انا خليتها للزبده كل مامخظت لبن حطيت الزبده فوق القديمه وهكذا الين ماتتعبى العلبه وابدأ أعبي علبه ثانيه وطبعا تخلينها بالفريزر الين ماتصير عندك كميه لابأس بها لعمل السمن
**لكن يراعا النظافه ثم النظافه ثم النظافه
انا وقتها عندي 3 علب زبده مثل هذي
** خطوه مهمه
تطلعينها من الفريزر قبلها بوقت عشان يميع على مهله انا طلعتها 12 بليل وخليتها ع الطاوله الين تقريبا 7 الصبح قمت اشتغل فيها
** اهم نقطه هذي لان اذا طلعتيه سيدا من الفريزر للتميع راح يخرب عليك
الحين الزبده لاهي اللي مايعه ولاهي اللي جامده وسط حتى تقدري تسوين الخطوه اللي بعدها وتصيرين تقدرين تمسكين الزبده بيدك عادي مايكون سايح مره
اجيب سكين كبير وابدا افتت شوي شوي وهو بالعلبه عشان يساعدني في تفتيته
شوفي الصوره
بعدين ابدا افتتها بيديني المغسوله زين والنظيفه افتت شوي شوي الين مااخلص الكميه كلها ولازم اخلصها قبل ماتميع عندي عشان اسوي الخطوه اللي بعدها لان اذا ماع ماراح يظبط معي
شوفي شكل الزبده بعد مافتتها بصحن كبير
** خطوه مهمه
هذي الخطوه الجايه اذا سويتيها راح تختصر عليك وقت كثيييييييير بعدين اذا طبختي الزبده -- راح تفهموني مع الخطوات
**وهي طبعا من راسي والا جداتنا مايسون كذا ولا يفتتون الزبده بس انا اسويها اختصار للوقت وعشان السمن يصير صاااافي عندي مافيه نقطه لبن
اجي اخذ كميه بسيطه من الزبده واكورها وابدأ اعصرها بنفس الصحن شوي شوي عشان ينزل اللبن اللي فيها وعشان اتاكد ارجع اعصرها بكفيي الاثنين ويكون عندي قدر وسط احط فيه الزبده اللي خلاص عصرتها من اللبن لان هو اللي راح اطبخ السمن فيه
اتمنى فهمتوني
شوفي الصوره
شوي شوي الين ماخلصت الزبده كلها اللي مفتتها راح تشوفين اللبن اللي طلع منها
شوفي كميه اللبن اللي طلع منها
شوفي شكل الزبده بعد ماخلصت عصر وهي بالقدر كلها على بعض
يتبع
