اسعارالولاده بالمستشفيات الخاصة(تم تجميع المواضيع المتشابهه)

[da6wa]

بطة فديتج ..

بس إذا قيصرية شكو إبرة ظهر ؟؟؟
أنا خبري هاذي بس حق الولاده الطبيعية ؟
و بعدين شلون الإبرة معاج ؟ صج لها مضاعفات و مشاكل و تسوي عوار ظهر يستمر معاج فترة ؟؟

 

[البيت]

مرحبا انا انشالله ناويه اولد بالاسلام اول مره ودكتوري محسن طلبه في احد سمع عنه

 

[أم علاي]

انا اراجع عنده الحين وهذي اول مرة لي طبعا

ومادري حسيت انه خوش دكتور ونفسيته حلوة .. وارتحت له وايد

 

[غزالي وبس@@]

بنات انا بصراحه محتاره بين رويال حياه والسلام سرايكم شنو افضل اللي جربت واحد من هالاثنين واي دكتوره زينه برويال حياه

 

[كويتيه 82]

انا ولدت بطيبه مع اني ما كنت مقتنعه فيهم

بس الحمدلله ولادتهم حلوة والسهاله من رب العالمين

بس الوحدة اذا تبي تولد شنو تبي ؟؟

تبي دكتورتها معاها وطاقم سسترا زينين ويخافون ربهم
وعنايه بعد الولادة

وهذا الحمدلله حصلته عندهم

دكتورتي كانت امل سعد
وطول الولادة وهي معاي وكنت اتابع معاها طول فترة الحمل مع اني ما كنت ناويه اولد عندهم

بس لما دشيت شهري وشفت شلون اهتمامها وعنايتها وكانت تعطيني مراجعات مجانيه بالشهر الاخير مع السونار

وفحصها الداخلي ما شاء الله عليها ما تحسين عليها ايدها خفيفه ما شاء الله وانا من النوع الخواف فكانت تسولف معاي وهي تفحص فما تحسين الا وهي خالصه

وتنطر عليكي مو على طول تحاميل وبلاوي لاني انا تأذيت بولادتي الاولى 4 تحاميل بغت تطلع عيني

والسسترات عنايتهم حلوة وعلى طول معاج ويسون لج مساج بعد الولادة علشان المغص

وتكلفة الولادة كانت 420 دينار

بس على فكرة كمامهم خفيف بس زينين لانه اقوى كمام بالهادي وسمعت من رفيجاتي اللي ولدوا عندهم هالسنه انه كمامهم خفيف بعد مو مثل قبل

مع اني ولدت في الهادي قبل وكان احسن شئ عندهم الكمام لانه قوي بس الحين مادري

وهذي تجربتي بس عاد مالي شغل مو اذا فيه وحدة صار لها غير تدعي علي ههههههه

لانه التوفيق من رب العالمين وانا حطيت تجربتي للي تبي تستفيد وللبنات اللي يسألون عن طيبه بس

 

[meen_ana]

اول مرة اشوف وحة تمدح طيبه كلينك بصارحه الكل يذمهم صح السهاله من الله سبحانه وتعالى

 

[مريم الكندري]

انا ولدت مرتين بالحكومه و الحمدلله سهااااااالة لا احد اذاني ولا شي و العنايه تهبل و حطوني بالvip بعد الجناح اليديد
و الصراحه انا قمت اخاف من كثر ما اسمع عن الخاص و مشاكلهم

 

[ام سماسم]

السلام عليكم
مشكورين على المعلومات الحلوه
انا ولدت مرتين بالحكومه بس الخاص احلى والسهلات من الله
الله يسهل الولاده انا بالشهر الثامن والله يهون على كل حامل
دايم قولوا((لاسهل الاما جعلتة سهل )) الله سهل علينا

 

[ام سماسم]

انا حبيت اقول انه الوحده لما تروح للخاص تدور الراحه
لاني انا جربت الهادي حلو ورووووووووعه خاصه الدكتوره رشمي
انا رحت للخاص علشان ابي دكتورة لان الحكومه بالولادة من هب ودب دخل عليج
وانا وحده ما احب دكتور يفحصني لانه شي مو ضروري انه يفحص وانا انصح خواتي انه الوحده اذا بغت خاص تروح
لدكتورة لانه الرجال موحلوه يطالعج .........؟؟ فاهميني ههههههه

 

[الأميرة نوونه]

بصراحة انا ولدت في الهادي وكانت الولادة حلوة وكمامهم روعه بس قوي شوي يمكن لاني ماخليته
وكانت دكتورتي رشمي حلوة حيل وتصبر وشاطرة
والسهلات من ربي العالمين الكل يستخير وربي راح يكتب الي فية خير
وحلو اسعار الهادي خذو مني 560 شامل دخول 3 من خواتي معاي في الولاده يعني لو مادخلوا معاي يطلع الحساب 440
وعسى ربي يسهل على الجميع

 

[كويتيه 82]

اول مرة اشوف وحة تمدح طيبه كلينك بصارحه الكل يذمهم صح السهاله من الله سبحانه وتعالى

انا معاج انه الكل يذمهم وانا بعد كنت متخوفه منهم وما كان ودي اولد هناك بس الحمدلله ربي سهلها والولادة تظل ولادة يعني مو عطسه والسلام

لكن هذي تجربتي معاهم والحق ينقال عنايتهم حلوة وسستراتهم حلوين ((( وارد اقول تجربتي ))) يعني ما اعممها

وجربت ولدت بالهادي كان كمامهم حلووو وبعد ولادتي نصحت اللي اعرفهم يروحون الهادي ما نصحتهم بطيبه لاني ادري

الحريم اغلبهم يروحون خاص علشان الكمام طيبه كمامه خفيف

واللي تبي تروح لطيبه تولد انصحها انها تراجع من قبل عند الطبيبه امل

لان اغلب اللي ذموه كانوا رايحين ولادة على طول واكيد حصلوا الطبيبه اسيا وهي الله يستر عليها مو ذاك الزود ونفسيه

 

[++MesK++]

انا ولدت مرتين بالحكومه و الحمدلله سهااااااالة لا احد اذاني ولا شي و العنايه تهبل و حطوني بالvip بعد الجناح اليديد
و الصراحه انا قمت اخاف من كثر ما اسمع عن الخاص و مشاكلهم

أول مره ادري ان الحكومه عندهم vip !!

اللي اعرفه عندهم العمومي و الغرف الخاصه العاديه

 

[نوار2]

حمدالله على سلامة
والله يقومج بالسلامه

 

[نوار2]

ما في احسن من الهادى ابصراح تولدين وما تدرين اشلون ولدتى ودكتورتج بعد وايده زينه
والله يقومج بالسلامه

 

[red_rose8278]

بنات شلون الطريقه اذا بولد بالحكومه ... قصدي يعني عند منو اراجع أي دكتور او اي دكتوره ؟ لاني الحين بآخر الاشهر للحمل ( عسى الله يسهل على الجميع ) وناويه اولد بالحكومه .. بانتظار اجابتكم تكفون لا تخلوني

 

[still]

صراحة انا ما حب مستشفي الهادي
لان احس مستشفي تحاري
لان اول ما حملت رحت لهم واخذوا مني تحاليل فوق 80 دنيار
بالزيارة الثانية لهم فتحت الدكتورة ملفي طلعت ماكو ولا نتيجة تحليل
تقول انتي ماعمرج راجعتي عندنا
يوووووووووووووووووووو
انفجرت من البجي ليش ما ليش ؛؛؛؛؛؛؛؛؛ ماكو روحي شوي تحليل
انا مابيجت عشان الفلوس اللى راحت لا انا ابجي عشان اخاف من الابرة

هههههههههههه

اخر شي رحت اراجع بمستشفي السلام <<< دكتورة دعاء
خووووووش مستشفي نظام وهادئ حيييييييييل
مواعيد مضبوطة وبصراحة كفاية نفسيتي ارتاحة عليه



لوووووووووووووووووووول

 

[مراحب الفضلي]

الله يعين انا ابي اولد بمستشفى خاص وبنفس الوقت ابي السعر متوسط يعني ذبحت روحي 500 دينار وقولولي شرايكم بمستشفى الراشد ومستشفى العرف

 

[++MesK++]

الله يعين انا ابي اولد بمستشفى خاص وبنفس الوقت ابي السعر متوسط يعني ذبحت روحي 500 دينار وقولولي شرايكم بمستشفى الراشد ومستشفى العرف

حبيبتي اذا تبين مستشفى بحدود ال 500 دينار عندج الراشد و مستشفى لندن بالفنطاس وايد رخيص

 

[أم بتول]

بنات بغيت أسألكم عن أسعار الشيشة ( الخضانة )

في المواساة

 

[++MesK++]

ام بتول والله الشيشه بالمواساة مادري

بس بدار الشفا توني ساءلتهم قالو 120