محتاجه خادمة زينه حنونه حق ولدي التوحدي ساعدوني عفية

[thundercats]

السلام عليكم انا عندي ولد فيه توحد و عمره اسم الله عليه 6 سنوات كانت عندي خادمة قعدت عندي 3 سنوات كانت زينه و نظيفة و مرتبه اتسوي شغل البيت و تدير بالها على ولدي اذا طلعت و عموما انا اصلا ما اخليه عند الخادمة اكثر من نص ساعه و اذا كثرت ساعه فقط اخليها تقعد معاه تدير بالها على ما انا اخلص شغلي و كنت اشوفها تحبه و اتحن عليه وايد حته اهوه يحبها لمه حطيت كاميرا مادري اشلون قلبي نقزني مع انه اهيه عندي 3 اسنين و عمري ما شكيت فيها بس بعد قلب الأم سبحان الله المهم حطيت كاميرا و اكتشفت انها ما اتعامله عدل و كله هادته و اتسولف بالتليفون على طول عطيتها اطراق و سفرتها و الحين انا ما عندي خادمة و حدي تعبانه وايد لأن غير شغل البيت هم قاعده معاه 24 ساعه كلش ما ارتاح و اخاف اييب وحده تطلع أخس من الأولية و انا فكرة اني أييب هندية مسلمه بس الصراحه مو لايقة او اييب مربيه خاصه حق الأطفال علشان ولدي بس محتارة و ما اعرف من وين أييب فأرجوكم ساعدوني اللي تقدر اتفيدني اتراسلني على الخاص و مشكورين

 

[الصابرة المحتسبة]

رفع

 

[مرمر]

الله يعينج حبيبتي

والله ما يحن عليه الا امه بس في طريقة ما تقدرين اذا عندج شغل تنزيلنه مع خدامته ببيت امج او اختج او حتي رفيجتج وتكون متواجدة بالبيت هالفترة انا اسوي جذيه مع ان اللي عندي تحب بنتي بس ما اامن عليها واذا بتروحين سوق ما تقدرين تدخلينه الالعاب علي ما تخلصين يعني حاولي ما يكون وياها بروحه

وانشاء الله ربي يعينج وتلاقين اللي تحبه وتريحه

 

[@شمس الضحى@]

نعم انا مع مرمر مستحيل اخلي بنتي بروحهاا عند الخادمه
جني شطحت عن الموضوع
الله يوفقج بالخدامه الحليوه يارب

 

[noorq8]

اسال الله العظيم رب العرش العظيم أن يشفيه ,والله اني يتقطع قلبي على ذوي الاحتاجات الخاصه وبالذات التوحدي لأن مشكلته دايما هايبر أكتيف فالحل انج تسجلينه بالنادي مال التوحديين وتتابعين مع الاخصائيه عن أكله وترى لي كبر شوي بيتغير وجزء من علاج التوحدي اللعب حطيله حوض يسبح فيه يخفف من طاقته ولو بايدي حل كنت ساعدتج ربي يجعله بميزانكم

 

[@شمس الضحى@]

اسال الله العظيم رب العرش العظيم أن يشفيه ,والله اني يتقطع قلبي على ذوي الاحتاجات الخاصه وبالذات التوحدي لأن مشكلته دايما هايبر أكتيف فالحل انج تسجلينه بالنادي مال التوحديين وتتابعين مع الاخصائيه عن أكله وترى لي كبر شوي بيتغير وجزء من علاج التوحدي اللعب حطيله حوض يسبح فيه يخفف من طاقته ولو بايدي حل كنت ساعدتج ربي يجعله بميزانكم

الله يوفقج يالغاليه هذا من طيب معدنج
اللهم آمين الله يشفيهم ويشفي كل مريض

 

[wathoo7a]

مافي وحده بتكون أمينة 100 بلأمية
ما كو غيرج أمه اللي تراعية
دربالج عليه وحاولي تاخذينه معاج
وبالنسبة للخدم روحي مكتب معروف وقولي لهم أبي سستر من كيرلا