بنوتات نادي الكتاب ،،، تعالوا صوتوا

[^^نـــواره^^]

السلام عليكم ورحمة الله وبركاته

شلونكم بنوتات

طبعا الشهر اللي طاف ان شاء الله ما يتكرر

صارت حوسة شوي والكتاب اللي اخترناه ما كان متوفر

وانا انشغلت شوي وما قدرت اتابع

ان شاء الله هالشهر بيكون كله نشاط وحماس


ومثل ما هو مكتوب في العنوان


اللحين نصوت حق هالشهر - شهر يونيو

ويا ريت كل وحده ترشح كتاب يا ريت تذكر من وين نقدر نشتري الكتاب

هالمرة باختار قصة (( A Child Called It))

للكاتب Dave Pelzer

وطبعا الكتاب موجود في جرير وفي نسخة عربية

ونقلت لكم ملخص عن القصة من احدى المنتديات

القصة باختصار تدور حول معاناة طفل صغير يعيش مع عائلته, بواسطة والدته (المريضة نفسيا, مع إن الرواية ماتذكر شنو المرض الحقيقي لها) , فهي تقوم على تعذيبة وإهانته طول الوقت ومن غير أي سبب, بينما تعامل بقية إخوانة معاملة طبيعية, باختصار هو الكديش والبطة السودة بالبيت, وكل الشغل على راسة.

الاب , مع إنه يتعاطف مع ولده الصغير إلا إنه من النوع السلبي ما يتدخل, ياحرام ... قلبة يعوره وايد بس ما يقدر على زوجته النسرة بنت الجلاب.

الأحداث كثيرة بالقصة, ومنها إنتقال الولد (بواسطة إدارة الرعاية) من بيت رعاية للثاني, وبكل مكان يلاقي صعوبات ومصايب وهوايل تشيب لها الولدان

 

[^^نـــواره^^]

للــــــــــــرفع

 

[بمبة المفترسة]

انا ارشح كتاب حياتي للأحمد أمين رووعة

 

[^^نـــواره^^]

انا ارشح كتاب حياتي للأحمد أمين رووعة

هلا وغلا تو مانور الموضوع

شكرا على الترشيح وناطرين الباجي

 

[KittyCat]

انا ارشح كتاب السر وراء السر او قوة عقلك الباطن

 

[ملاك العرب]

وانا ارشح كتاب: قوة عقلك الباطن - تأليف جوزيف ميرفي
متوفر في مكتبة جرير..

 

[^^نـــواره^^]

وانا ارشح كتاب: قوة عقلك الباطن - تأليف جوزيف ميرفي
متوفر في مكتبة جرير..

تسلمييييييييييين على الترشيح

 

[^^نـــواره^^]

انا ارشح كتاب السر وراء السر او قوة عقلك الباطن

خوووووووش كتاب بس يا ريت تقولي لنا من وين نحصله؟

 

[^^نـــواره^^]

الكتب المرشحة:

1.قصة (( A Child Called It))
2. كتاب حياتي للأحمد أمين
3.كتاب السر وراء السر او قوة عقلك الباطن
4.كتاب: قوة عقلك الباطن - تأليف جوزيف ميرفي

الترشيح وقف

يا ريت اللي تدخل اللحين تختار لنا من هالكتب علشان نبدي مناقشة على طول

 

[ناتشوو]

ياحلوج نوارة
سبقتيني
كنت ناوية
احط موضوع
ترشيح كتاب
وافكار للمزيد من الترتيب للنادي
عساج عالقوة

اشرايكم
بكتاب العريفي
استمتع بحياتك؟

 

[ناتشوو]

ها
خلص الترشيح

خل افكر بالكتاب اللي اختاره

 

[ناتشوو]

فتحو قسم جديد
اسمه نادي الكتاب
ان شاء الله اذا اتفقنا على كتاب اقترح
يتبثت موضوعنا في القسم الجديد

تبع الهوايات

 

[حصة]

.كتاب: قوة عقلك الباطن - تأليف جوزيف ميرفي

ارشح هالكتاب لان امووت على هالسوالف قوة العقل واكتشاف الذات وتطويره وانشالله بس عندي السبت برزنتيشن عوود مسويته من كتاب اخلص واحط عنة

 

[Shade]

شلونكم بنوتات شالسالفة ليش الموضوع جذي نايم

أدري والله امتحانات بس إن شاء الله الإجازة عالطريج والشهر الياي نبي الحماس بس أنا وحدة من الناس ما أقرأ الا كتب عربية يعني ما أقرا انجليزي إن شاء الله الشهر الياي أكون معاكم ويعطيك العافية نواره

 

[Shade]

وأأأأأأأأأأأأأأأأأأأأأأأأأألف مليون مبروك افتتاح هالقسم اليديد توني أشوفه

أدري من زمان ما دشيت المنتدي

 

[miss_avocado]

انا ارشح كاتب الهدية حق سبنسر جونيون
تلقونه في جرير كتاب صغير بس المضمون فووووق الروعه

 

[Hambka Q8]

أرشح

1.قصة (( A Child Called It))

 

[^^نـــواره^^]

وناااااااااااااااااااااااااااااااااااااااسة

واخيرا تحرك الموضووع


ولهاااااااانة عليكم يا بنات النادي ومبروك افتتاحح القسم اليديد


حصونة اختارت هالكتاب

كتاب: قوة عقلك الباطن - تأليف جوزيف ميرفي

و hambka اختارت قصة child called it


يالله اللحين نبي من البنوتات الامورات يختارون بين هالكتابين فقطططططططططططط


وحياكم الله

 

[^^نـــواره^^]

للــــــــــــــــرفع

يالله حبايبي ناطرين وحده امورة بس تدخل وتصوت على كتاب من الكتابين اللي حطيت اساميهم فوق

علشان نبدي النادي ان شاء الله على شهر 7 بعد الامتحانات ما تخلص

 

[كلي أنوثة]

ما انصحكم فيها طفل اسمه نكرة كلش كلش جنة واحد مريض نفسي كاتبها.. كل القصة عن طفل و شلون يتعذب و ما اتوقع فيها مجال للمناقشة
الكتاب الثاني شكله حلوو