الدوام زاد وزني .... ابي اسوي ريجيم منو تشاركني ونتحدى وبجدية(شهر من تاريخه)

[غلا قلبها]

السلام عليكم ورحمة الله وبركاته
:68_asmilies-com:

شلونكم وشخباركم عساكم بخير ؟؟؟

حبيباتي انا قبل فترة سويت ريجيم ونقصت فيه 15 كيلو ب 3 شهور وحزتها كنت قاعدة بالبيت عطالية بطالية أنطر الوظيفة

ومن توظفت على طول زدت من الاكل والحلو والريوقات واااااااااااااااااااااااااااااي شنو هالاكل كنت ممنوعة من هالشغلات وطاحت علي من السماء مفجوعة على الاكل:krkrkr: .

وبصراحة من يومتها وانا احاول اعيد ريجيمي ماني قادرة تعبت كرهت الريجيم وودي اسوي الريجيم مرة ثانية وابي ناس يشاركوني استفيد وتستفيدون بعد خلونا نتحدى بعض لمدة شهر .

شرايكم يلا منو الشاطرة اللي تشاركني بس ابي ناس تمسك نفسها لان موضوعي جدي مايحتمل اللعب باي شكل من الاشكال

ةاللي تنقص لها هدية ::klhfl:

اللي تبي تشارك تبلغني وانا راح اشوف العدد عشان اكتب الريجيم .
انطركم يالحلوات :tomato2:
مع السلامة

 

[المحاماة فن رفيع]

رد: الدوام زاد وزني .... ابي اسوي ريجيم منو تشاركني ونتحدى وبجدية

أنـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا ابي اشاركج حبيبتي لان حتى انا ابي ابدي ريجيم و صج صج ابي من يشجعني متى راح نبدي الريجيم ؟ :d

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

اهلين صدى الخريف هلا وغلا

اوكي حبيبتي خلينا نجمع كم وحدة على لاقل 5 بنات وانا راح انطر مني للساعة 10 بالليل واشوف كم وحدة تشاركنا وراح انزل ريجيمي واذا محد شاركنا نبدى انا وانتي بس خليني امخمخها حبيبتي

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

بنات شاركوا شفيكم حتى امي تبي تشاركنا ؟؟؟

 

[aya faid]

رد: الدوام زاد وزني .... ابي اسوي ريجيم منو تشاركني ونتحدى وبجدية

هدولا انا وياكم

مسافرة اول الشهر وابي اضعف

وعطونا بيانات وزنكم

وجم تبون تضعفون

 

[طخمه بنت طخيم]

رد: الدوام زاد وزني .... ابي اسوي ريجيم منو تشاركني ونتحدى وبجدية

وانا بعد ابي اضعفففففففففففففففففففففف
مليييييييييييييييت العزيمه رااااحت ويااااارب ترجع
انا سويت ريجيم طبعا من راسي وكان وزني 61 وصرت 57
ومن عقبها والوزن مو راضي يتحرك
ياااااااارب تضعفنا بالعافيه

 

[طخمه بنت طخيم]

رد: الدوام زاد وزني .... ابي اسوي ريجيم منو تشاركني ونتحدى وبجدية

ماكتبت بياناتي
انا طولي 159 ووزني 57 وابي اصير 53
عشاان الصيف جاي واكيد ينخربط بالأكل

 

[aya faid]

رد: الدوام زاد وزني .... ابي اسوي ريجيم منو تشاركني ونتحدى وبجدية

وانا المشتركة الثالثة

الاسم : aya faid

السن 21

الوزن 73

الطول 166

الوزن المطلوب 66

المدة شهر


بانتظار الريجيم الي بتسويه هدولا


بس نبيه سهل ومو كيميائي

والاهم ممارسة اي نوع رياضه >>>داشة بكل قوتها

 

[manaar-1978]

رد: الدوام زاد وزني .... ابي اسوي ريجيم منو تشاركني ونتحدى وبجدية

وانا بعد وياكم وزني 65 وابي اوصل 55 اقل اشويه يكون افضل ويالله نزلي الرجيم

 

[aya faid]

رد: الدوام زاد وزني .... ابي اسوي ريجيم منو تشاركني ونتحدى وبجدية

هدولا ناطرينج

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

فديتج aya faid وفديت قوتج

وفديت طخمة بنت طخيم ياسلاااااااااااام خوش اسم تبيعينه

انتظروا ريجيمي اليوم ان شاء الله لحد الان احنا 7 مشاركات الثامنة بالطريق

وانا بياناتي

اسمي هدولا
عمري 23
وزني70
طولي 160
الوزن المطلوب الوصول اليه بالفترة الحالية 60
واطمح اوصل ل 50


راح اخذ بيانات امي وخواتي واحطها


العضوات ::

العضوة الاولى هدولا
العضوة الثانية ام هدولا
العضوة الثالثة صدى الخريف
العضوة الرابعة aya afid
العضوة الخامسة طخمة بنت طخيم
العضوة السادسة اختي (( اريام ))
العضوة السابعة تختي (( نوار ))

ومثل ما قالت اختي aya faid الرياضة مهمة اقل شي مشي ساعتين باليوم لو بالحوش او السطح

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

اخر التطورات ردنا وحدة manaar-1978

aya faid حبيبتي الحين اكتب الريجيم وراح اطرشه لكل وحده فيكم خاص

 

[الزمن ماله أمان]

رد: الدوام زاد وزني .... ابي اسوي ريجيم منو تشاركني ونتحدى وبجدية

انا بعد وياكم ما أقدر أمسك نفسي عن الأكل بالدوام دايم يخربون علي رجيمي

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

العضوات ::

العضوة الاولى هدولا
العضوة الثانية ام هدولا
العضوة الثالثة صدى الخريف
العضوة الرابعة aya afid
العضوة الخامسة طخمة بنت طخيم
العضوة السادسة اختي (( اريام ))
العضوة السابعة اختي (( نوار ))
العضوة الثامنة manaar-1978

بسم الله الرحمن الرحيم

الريجيم هذا لمدة اسبوع وارجو ارجو الاتزام فيه وراح نبدى من بكرى ان شاء الله


التعليمات

عدم ممارسة الرياضة العنيفة ويفضل المشي مع تمارين الايروبيك
شرب الماء بكثرة حوالي 12 كوب باليوم
الابتعاد عن الحلويات والنشويات (( عيش / خبز / بطاط / معكرونة ))
يسمح بشرب القهوة والشاي ولكن يفضل سكر او تقليله لحد ماتتمكنون من عدم اضافة السكر
ممنوع اكل الفواكة مثل (( العنب / التين / الموز ))
السماح باكل الخضروات والفواكة
عدم اسبدال نوع معين من الوجبات بوجبة اخرى
يجوز حذف شغلة معينة لكن لايجوز وضع شب مكانها
الرجاء الالتزام بالريجيم
يفضل شرب عصير برتقال او العصير الحارق (( 2 كيوي+عصير اناناس بالخلاط ))وانا افضل الحارق وباليوم اشربه كذا مرة
اشربي الشوربة الحارقة قد ماتقدرين كلما جعتي اشربي منها تضعف تضعف (( ملفوف ابيض + سيلاري=الكرفس الامريكي + طماطم +بصل +ثوم )) طبخيهم مع بعض بالماي وسوي كمية وخلي الجدر بالثلاجة وكلما بغيتي طلعي كمية قدج وسخنيها واشربيها
عن تجربة يضعف

ونبلش الريجيم

الفطور : 1بيضة مفيوحة + 1خيار + مرتديلا ( حسب الرغبة )
لكل الايام هذا الفطور.

اليوم الاول
الغداء : سلطة بدون طماطم وجزر ( لان هالشيئين فيهم ملح والملح يساعد على حبس الماء في الجسم )+ الشوربة الحارقة
العشاء : 2 همبرغر + رورب اكتيفيا مع ملعقة من حبوب بذرة الكتان (( مطحونة ))+عصير الحارق

اليوم الثاني
الغداء : دجاج مشوي +روب اكتيفيا مع ملعقة من حبوب بذرة الكتان ((مطحونة )) +الشوربة الحارقة
العشاء : سلطة فقط + الشوربة الحارقة

اليوم الثالث
الغداء : 3 جبنات خالية الدسم + الشوربة الحارقة
العشاء : صدر دجاج مشوي + الشوربة الحارقة + العصير

اليوم الرابع
الغداء : 2 كيوي + الشوربة الحارقة
العشاء : تونة +الشوربة الحارقة

اليوم الخامس
الغداء : خضار مسلوق (( بدون ملح )) تحملوا + الشوربة الحارقة
العشاء : تونة + سلطة + عصير

اليوم السادس
الغداء : 2همبرغر + سلطة + الشوربة الحارقة
العشاء : شاورما فقط

اليوم السابع
الغداء : دجاج مشوي + سلطة + الشوربة الحارقة
العشاء : 3 حبات مرتديلا فقط


حبيباتي ادري الريجيم قاسي شوي بس تحملوا وترى انا قريت ان لما تسوين ريجيم وتحسين بالجوع فهذا معناته ان جسمج يحرق الدهون الزائدة فيه

وموفقين

 

[aya faid]

رد: الدوام زاد وزني .... ابي اسوي ريجيم منو تشاركني ونتحدى وبجدية

حلو الريجيم بس يبيلة طلعه للجمعية

وقعدة بيت

شلون باخذ معاي بيض ومرتديلا عالدوام

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

حلو الريجيم بس يبيلة طلعه للجمعية

وقعدة بيت

شلون باخذ معاي بيض ومرتديلا عالدوام

الله عليج الله بدينا بالعذار:tomato2:

حبيبة قلبي تصدقين عن نفسي من هالناحية ماعندي مشكلة مع الريوق قولي ليش ؟؟

لاني ما اكل بيض :dddds:

واخذي معاج كيس مرتديلا وخيارة واكليهم على مكتبج او غرفة الطعام

لا تتعذرين

واذا حسيتها صعبة شوي اكلي بالبيت قبل لاتروحين وبالداوم قزريها عصير وماي ماي ماي

وطقي فرة بالدوام خخخخخخخخ رياضة:ada:

يلا عفيا الشاطرة نبلش ريجيم من باكر وفكري بصحتج وجسمج والله الريجيم حلو وخفيف

تحياتي :tek:

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

احم احم احم

انا عن نفسي راح اقسم وقتي من ارجع من الدوام اقسمة على الرياضة واحتمال اشبك ساعة فقط لاغير هني وراح اقول لامي تهاوشني وانا اهاوشها خخخخخخخخخخخخخخخ اذا شفنا بعض قاعدين

والله اللابيوب الصراحة يساعد على المتن من نمسكه ننسى الدنيا وننسى نتحرك عشان جذي راح اشبك ساعة بس واقسم وقتي على الرياضة وراح نبلش من باكر والله شكل امي وخواتي خقوا علبنو عند خواتي امتحانات وامي تدرسهم


كيفهم انا ابي العضوات يستمرون معاي بس

ما راح اعلم على وزني الا يوم السبت الصبح اللي هو اليوم السابع من الريجيم

واللي تبي تشاركنا حياها الله

وتحياتي

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

تاريخ بداية الريجيم من الاحد 14 / 6 / 2009م الى السبت20 / 6 / 2009م

 

[om moOody]

رد: الدوام زاد وزني .... ابي اسوي ريجيم منو تشاركني ونتحدى وبجدية

سلااااااااااااااااااااااام عليييييييييييييييييييييكم
بنات لا يكون تأخرت بشارك معاكم بالتحدي

 

[غلا قلبها]

رد: الدوام زاد وزني .... ابي اسوي ريجيم منو تشاركني ونتحدى وبجدية

هلا وغلا ام مودي

حياج الله معانا حبيبتي وماتاخرتي لحقي معانا