العلاج بالبدله

[ترانيم العود]

جزاج الله خير وتردين بالسلامه

انا بنتي فيها ضمور بالمخ ومأثر على النظر والحين اسوي لها علاج طبيعي

تنصحين اروحله.؟؟

 

[نونا العتيبى]

هلا والله ملاك تقريبا الأسعار نفس البحرين ,,بس تدرين أن مركزنا بالبحرين فك الشراكه عن اللي تروحينله ,,,وهم الشركه الأم اللي في
بولندا فجت الشراكه عنهم ,,,ولو تدشين موقع therasuit .com حاطين بالأخبار عن هالشغله وأن المركز ما يمثلهم ,,,لأن أكتشفوا
أنهم يبيعون بدل مقلده ,,,وهم لازم يكونون الأخصائيات متدربين عالبدله ومآخذين شهاده بهالشي لكن أكتشفوا أن مو كل الأخصائيات بهالمركز
عندهم هالشهاده ,,فمثلا وحده عندها شهاده تدرب غيرها ,,يعني النصب مو بس عندنا حتي هناك ,,,فأنتي ديري بالج والأفضل أنج تشوفسن
الترخيص للأخصائيه من الشركه الأم ,,,تخيلي كنت بأراسلهم عشان أشتري البدله بس الحمدلله أني عرفت ,,,,

 

[HearT ChocolaTe]

عسى الله يبلغكم فيهم مشافين معافين ان شاء الله

 

[MALAAK22]

والله انا ماجذب عليج اول مره اسمع الحجي اللي قلتيلي عنه:eh_s(1): ودشيت الموقع حاطين عن ترخيص البدله مو حاطين الاخصائيات ماعندهم شهاده؟ وين بالضبط عرفتي الاخصائيات ماعندهم شهاده؟؟:080402ask_prv:
بس بخصوص البحرين انا سمعت حجي ثاني وبيني وبينج انا اصلا رحت البحرين قبل ما ايي هني وكنت بعالج عندهم بس يتلي الفرصه اروح امريكا
يعني اساسا اهم كاناو ويا بعض وعن طريقهم ساعدوني طرشاو اوراقنا والتقارير وكل شي يعطيهم الف عافيه وصج ناس والنعم فيهم بس حاليا مادري شنو صاير بالضبط ؟ احس شوي ضايعه:denya:
بس صراحه انا مايهمني كل هذا خصوصا وانا اللحين تقريبا باخر العلاج مو معقوله بقول خلاص واكنسل كل شي!!:j013: انا يهمني ولدي دام كل يوم اشوف النتايج الحمدالله وااايد مطور فليش اعور قلبي بهالمواضيع اللي انا مادري شنو سببها او يمكن سوء تفاهم! :eh_s(10): بخصوص البدله انا شايفتها من زمان نفسها ومن يومين غيروها للاحسن يابو مثلها بس السديري من جدام وصوب الظهر مثل فيه تهويه مثل شبك لانه الطفل قبل لمه يلبسها مع العلاج وايد يعرق وهي خامها متين مثل مانتي عارفه فالحين انا اشوف طوروها ووايد احسن من قبل
وبنهايه الطفل الحمدالله مستفيد منها وفي تطور:eh_s(9):
بس للاحتياط هم راح احاول اتاكد من الموضوع!
وبالنسبه للاخت ام فهد ماقلتيلي مشكلت بنتج بالضبط شنو تسألين؟ اذا من ناحيه القعده والمشي والحركه انصحج بالبدله بس اذا عن النظر افيدج بحاله لام طفل يتعالج ويانا بالبدله قبل ما انبلش بالاكسجين كنت أسألها عن الاكسجين فاد ولدها ولا لأ؟ قالتي فاده بالنظر قبل ماكان يشوف عدل واللحين قام يركز وشوف عدل
طبعا كل حاله عن حاله غير يعني مو معناته اللي يشوف عدل مايفيده الاكسجين!:080402ask_prv: يفيده باشياء ثانيه في حالات قالولي الشد خف عندهم! بالنسبه لولدي للحين توناا صارلنا اسبوعين بالاكسجين بس شايفه شوي فاده بالكلام والحركه

 

[ترانيم العود]

يعطيج العافيه

انا بنتي ماتمشي وماتشوف

فيها تأخر نمو

 

[MALAAK22]

عزيزتي انا على حسب استنتاجاتي او من خلال الحالات اللي اشوفها معني انا مو اخصائيه او دكتوره بس مثل مايقولون وايد اسال وشفت حالات شبيها انهم طبيعي يكون فيهم تاخر نمو فلاتحاتين بس الغالب انشالله مع الوقت يتحسنون بس بوقت متاخر
بالنسبه لبنتج ماتشوف بالمره؟ ولا تشوف بس ماتشوف عدل؟!
اذا ماتشوف عدل يمكن انشالله يفيدها الاكسجين
وبالنسبه للمشي او القعده البدله مفيد لهشي
بدايه الشهر الياي في حالتين من الخليج بيون يعالجون ويانا من السعوديه ومن الامارات
اذا تبين او اي احد يبي مساعده انا حاضر
او حتي اذا بس بدزون تقارير تشوفون يتماشا العلاج وياككم ولا لأ هم انا حاظر باللي اقدر عليه
وبالشفا انشالله لاتنسونا بالدعاء

 

[ترانيم العود]

مشكوره ياقلبي

بنتي عصب العين فيه ضمور والحين ماتشوف الا الضوء

 

[MALAAK22]

العفو حبيبتي ماسويت شي
واللحين عندنا ويك اند يوم الاثنين لما اروح اسألج وانشالله خير الله يسهل ويشفي بنتج والكل بحق الواحد الاحد بأذن الله

 

[ترانيم العود]

جزاج الله خير ياقلبي,,

 

[نونا العتيبى]

اللي يشافي بنتيج يا أم فهد بس لا تخلينها ,,,شوفي مسألة النظر ودوري وبحثي عن علاج يمكن يفيدها دام أنها صغيره

ويارب يارب أنه يتعدل نظرها وتقر عيونج فيها

 

[نونا العتيبى]

هلا والله ملاك ,,,والله صاجه دام تشوفين ولدج قاعد يتحسن مع العلاج فهالشغلات الأداريه كيفهم ,,,,,المهم أنج ماشيه بالعلاج

ومحصله نتيجه ,,,

 

[ترانيم العود]

الله يكتب اللي فيه خير..

والله يانونا اي دكتور للعيون يمدحونه سيده اروحله وماكو فايده

 

[MALAAK22]

بنت الكويت1
الصابرة المحتسبة
نونا العتيبى
مشاعل الشمري
**om fahad**
om-3zozy
مشكوورين كلكم على الرد والمشاركه :gathering: واليمعه الحلوه نفيد ونستغفيد من بعض انشالله :icon30:
بنات انا عندي حساس كبير مثل ما الله ساعدني ورحتلهم راح يساعدني باذن الله بفكرتي انهم ايون لكويت انشالله بس ادعولي الله يسهل اموري اقدر اساعدهم بكل شي بسرع وقت:yaaaaaarb: وجان زين اردلكم لكويت وهما وياي شرايكم :q8:

 

[كرامتى تهمنى]

الاخت ملاك " انا ولدى فيه تأخرحركى شديد والحين عمره 3 سنوات عالجته بالتشيك علاج طبيعى قبل العلاج مايمسك اي شي اعصابه والعضلات شاده؟ وعقب العلاج تحسنت ايدينه بس وللحين مايقعد ولا يمشي مايركز بالقعده يطيح؟؟التشيك ماشفت عندهم البدله بس تمارين وسباحه ومساج؟ تنصحينى اروح امريكا؟؟اذا في بالبحرين على الدوله او حسابي؟؟وشنو تنصحينى ؟التشيك او في ش افضل منه؟؟؟ارجو الرد بسرعه قبل العطله اسافراعالجه؟؟

 

[MALAAK22]

هلا والله اختي و سعيده مشاركتج ويانا:eh_s(7):
اول شي الف الحمدالله تحسن ولدج مع العلاج وميخالف العلاج الطبيعي يبيله وقت وتحمل
انا ولدي كان مثل ولدج يطيح لما يقعد ولا يمشي نقدر نسميه مافي توازن بس الحمدالله مع العلاج تحسن واللحين يقعد شوي وبحاول يمشي بس الحمدالله خف عدم التوازن عنده
انا من خلال بحثي بالموضوع في ناس وايد جرباو اماكن وسافراو وقطاو فلوسهم بكذا مكان ودوله بالنهايه شافاو احسن شي البدله لانه اللي مثل هالحالات يحتاجون علاج طبيعي اكثر من اي شي ثاني وعلاج الطبيعي انواع وغير هذا ساعه باليوم مرتين بالاسبوع مثل ماعندنا بالكويت مايكفي! فاحسن شي لهم العلاج بالبدله واللي يعتبر علاج طبيعي مكثف لانه ساعه العلاج فيه تعادل 6 ساعات علاج طبيعي او ماذكر بالضبط جم فما بالج اذا كان العلاج 4 ساعات باليوم 5 ايام بالاسبوع لمده شهر فحسبيها فرق؟!
بالنسبه انصحج تين امريكا ولا لأ! براحتج انا مانصحج بالدوله انصحج بالبدله انتي شوفي شنو الدوله اللي تقدرين عليها وفيها البدله
اللي للحين اعرفه علي حسب معلوماتي في بالبحرين, مصر, امريكا, المانيا, بولندا, مع العلم بعضهم مو تبع مركز واحد وانشااااااااااااله باذن الله قريبا يتحقق حلمنا بالكويت ياااااااااااارب:q8:
اذا تبين نصيحتي اذا بالشيك مافيها لاتروحين جربي البدله احسن وانشالله باذن الله بتشوفين النتايج:rerrerek:
عن نفسي انا كنت ادور الاكسجين بعد فمادري اذا انتي تبينه ولا لأ لانه مو كل الدول عندهم علاج الاكسجين
ماعندي علم اذا في البحرين علي حساب الدوله!
اتمني اني فدتج وبالشفا يارب اجر وعافيه:eh_s(17):

 

[MALAAK22]

هاذي فوائد العلاج بالبدله انقلها لكم بالعربي من المركز المتواجد بمصر

منقووووول


فوائد البرنامج



- تحسّين قدرات الحركات الضخمة (الجلوس - الوقوف - المشي - الحبو - التقلب......الخ)

- تحسّين قدرات الحركات الدقيقة ( حركة اليدين)

- تنبيه مهارات الوصول للأطراف العلوية

- تقوية العضلات الخاصة بمهارات الوصول الخاصة بالأطراف العلوية

- تدريب وإعادة تدريب الجهاز العصبي المركزي neural plasticity

- .زيادة التحكم في النغمة العضلية في الاتجاه الطبيعي من خلال neural plasticity

- تحسّين وضعية الجسم لأقرب ما يمكن إلى الطبيعي.

- الوصول إلى القدرة الوظيفية القصوى لدى المريض.

- يعيد الوظيفة الفسيولوجية الطبيعية للمفاصل.

- يعيد الوظيفة الفسيولوجية الطبيعية للعضلات.

- يعيد الوظيفة الفسيولوجية الطبيعية للعظام.

- يقلل الحساسية المفرطة للمس .

- يعلم النمط الصحيح للحركة.

- ينبه الجهاز الحلزوني ( المسؤل عن الاتزان في الحركة و عن الانتباه في النواحي الذهنية)

- يحسّن الاتزان والتوافق العضلي العصبي.

- تدريب المريض علي استعمال إمكانياته وقدراته القوية للتعوّيض عن قدراته الضّعيفة.

- تدريب المريض على السيطرة علي تشنج العضلات، ونقص التوتر، والحركات اللاإرادية.

- تنبيه وزيادة مهارات المريض المضادة للجاذبية.

- زيادة القوة المضادة للجاذبية عند المريض.

- تحسّين القدرات الخاصة بالإدراك الحسي.

- يحسّن الكلام عن طريق تقوية العضلات الخاصة بالتنفس و ايضا عن طريق زيادة الحركة و
بالتالي زيادة المدارك و ايضا تقوية العضلات الخاصة بالكلام مثل الشفاه و اللسان و سقف الحلق.

- تحسّين المهارات الأكاديمية.

- تحسين المهارات الاجتماعية.











البرنامج يفيد الحالات التالية:



الشلل الدماغي

بعد الجلطات

Motor Development Delay

Ataxia


Athetosis

Hypotonia

Hypertonia

 

[نوسااا]

الله يجزاج خيربغيت اسألج عن الاكسجين شلون طريقتة وجم مدة العلاج يالبدلة والاكسجين

 

[نونا العتيبى]

الاخت ملاك " انا ولدى فيه تأخرحركى شديد والحين عمره 3 سنوات عالجته بالتشيك علاج طبيعى قبل العلاج مايمسك اي شي اعصابه والعضلات شاده؟ وعقب العلاج تحسنت ايدينه بس وللحين مايقعد ولا يمشي مايركز بالقعده يطيح؟؟التشيك ماشفت عندهم البدله بس تمارين وسباحه ومساج؟ تنصحينى اروح امريكا؟؟اذا في بالبحرين على الدوله او حسابي؟؟وشنو تنصحينى ؟التشيك او في ش افضل منه؟؟؟ارجو الرد بسرعه قبل العطله اسافراعالجه؟؟

كرامتي تهمني ,,ودي أنصحج بالبدله لأني مثلج رحت التشيك وكان التطور بسيط ولكن البدله علاجها مكثف ,,صج آنا أعطي حق بنتي ساعتين باليوم لأنها ما تتحمل أكثر ,,,بس الحين راح نخليهم 3ساعات لأنها تقبلت العلاج ,,الفكره اللي بأوضحها
أن العلاج البدله نتايجه أسرع ,,,لكن مو كل شخص ممكن تفيده البدله لأنهم يطلبون أشعه للحوض ,,وبعدين يقررون
وماأدري أذافي علاج بالخارج البحرين لأني يايه علي حسابي ,,وفي فرع في جده ,,والتشيك هم علاجهم زين بس مو أقل من 6شهور,,فكل واحد حسب ظروفه وأستخيري ربج​

 

[MALAAK22]

الاخت نوساا هاذي صورة دورتها لج بالنت تقريبا شبيها له

ويحطون تلفزيون قباله يشوف رسوم متحركه او انا موديا لهم سي دي بارني يحبه ولدي عشان يسكت :O_SHH_: اول مره بجي شوي بعدها قمت انا ادش وياه طبعا لازم ماحط عطر او كريم او مكياج او اي شي ولا اكسسوارات طبعا انا ولدي نفس الشي فانا شسوي قبل ماروح اسبح بدون شامبو او صابون ولما اطلع ماحط ولاا شي بس اهي قالت اذا قبلها بيوم شامبو عادي! يمكن عشان يتنفس الاكسجين عدل؟! واللبس لازم يكون 100 % قطن انا يعطوني اللبس بعيد الشر عنكم لبس العمليات,, وطبعا اول شي احس بضغط علي اذوني لازم ابلع ريجي مثل الطياره عرفتاو وهم قبل مانخلص نفس الشي سهالات وانشالله اذا صار عندي وقت ادور بالنت فوايد الاكسجين اذا تبون
مده العلاج يستحسن شهر واكثر
البدله اقل شي شهر
وطبعا اثنينهم كل ماكان المده اطول كل ماكان احسن

 

[بنت الكويت1]

بنت الكويت1
الصابرة المحتسبة
نونا العتيبى
مشاعل الشمري
**om fahad**
om-3zozy
مشكوورين كلكم على الرد والمشاركه :gathering: واليمعه الحلوه نفيد ونستغفيد من بعض انشالله :icon30:
بنات انا عندي حساس كبير مثل ما الله ساعدني ورحتلهم راح يساعدني باذن الله بفكرتي انهم ايون لكويت انشالله بس ادعولي الله يسهل اموري اقدر اساعدهم بكل شي بسرع وقت:yaaaaaarb: وجان زين اردلكم لكويت وهما وياي شرايكم :q8:

الله يسمع منج حبيبتي ويجون معاكم ويفتحون بالكويت والله من زمان اقول ليش ما يفتحون بالكويت ما اعتقد الحين في بيت كويتي مو محتاج علاج طبيعي بهالبدلة الله يشافي جميع مرضانا ومرضى المسلمين ويحقق هالامنية اللي بتسعد ناس وايد ويكون لج الاجر حبيبتي