موضوعي منطقي و عقلاني و فيه ادله شرعيه لكن راح يضايق وايد بنات سامحوني بس لمصلحتكم

[||الجـــواهـــــر||]

الله يعطيج العافيه على هالموضوع الحلو
صاجه والله في ليما الحين عوايل مايخلون المعرس يشوف العروس بالبطاقه ومقصوبين بعد الله يعينهم
احنا الحمدلله صج احنا بدو بس الحمدلله ماعندنا جذي
لا بالعكس اقعد معاه قبل الملجه وبعد الملجه اكلمه واطلع معاه بس بحدود نتعرف على بعض عادي الحمدلله لان هالشي لاهو عيب ولا حرام بالعكس هذا بالشرع كفل هالشي والمفروض انهم يفهمون هالشي
الله يهديهم لان في ظلم للبنت والولد
تسلمين على هالموضوع

 

[0(مـــســـ(مطير)ــــــك)0]

حشى صعايده وريفين موبدو .. منزله موضوع توعينهم وقصص خرافيه

انا ملجه ومابي اشوف زوجي ومرتاحه جذي ولا ابي اكلمه ثلاث ارباع اللي تكلموا انفصلوا لان

جملة (( دامنا عالبر خننفصل احسن )) (( اللي بدايته جذي ينعاف تاليه )) وغيره ..

وامي وجدتي وبناتي وحفيداتي مشو وبيمشون على هالطريقه

اما عن حرام فهو حلال لكن موواجب

اما انها تملج وهي ماتدري فهذي خرافات ولاتشوهون صورتنا واطلعون علينا سوالف ياليت كل وحده تتكلم عن نفسها

انتي تتكلمين عن البدو وانتي ماتعرفينهم تسمعين سوالف ووتصدقينها ماجنهم عايشين معاكم بنفس المناطق ولاجنهم ثلاث ارباع الكويتين بدو !!

فكل وحده اهني تتكلم عن نفسها وحد حطها وكيله على احد لانها مهما كانت معلوماتها ماراح تحس بالوضع وتنقله مثل اصحابها

يعني انا لو بتكلم عن عادات الحضر راح تكون نظرتي سلبيه لها لانها تختلف عن اللي انا تربيت عليه وراح انهي الحياديه والموضوعيه بهالموضوع ..

فاعيد واكرر كل وحده تتكلم عن نفسها .. وحتى لو في حالات شاذه هذي ماتذكر .. لانها حالات معدوده وشاااااذه


وجزاج الله خير على هالمجهود ..

تقبلي رايي .. دمتي بود

 

[* اميره بكلمتي]

اوك احمدوا ربكم انا زواجي بعد اربع سنوات وهم الي حددوا بعد

لا ملكه ولا تلفون ولاشي

ومااقدر اقول شي

 

[سہكہـرهـہ وذآبہــہـت]

حشى صعايده وريفين موبدو .. منزله موضوع توعينهم وقصص خرافيه

انا ملجه ومابي اشوف زوجي ومرتاحه جذي ولا ابي اكلمه ثلاث ارباع اللي تكلموا انفصلوا لان

جملة (( دامنا عالبر خننفصل احسن )) (( اللي بدايته جذي ينعاف تاليه )) وغيره ..

وامي وجدتي وبناتي وحفيداتي مشو وبيمشون على هالطريقه

اما عن حرام فهو حلال لكن موواجب

اما انها تملج وهي ماتدري فهذي خرافات ولاتشوهون صورتنا واطلعون علينا سوالف ياليت كل وحده تتكلم عن نفسها

انتي تتكلمين عن البدو وانتي ماتعرفينهم تسمعين سوالف ووتصدقينها ماجنهم عايشين معاكم بنفس المناطق ولاجنهم ثلاث ارباع الكويتين بدو !!

فكل وحده اهني تتكلم عن نفسها وحد حطها وكيله على احد لانها مهما كانت معلوماتها ماراح تحس بالوضع وتنقله مثل اصحابها

يعني انا لو بتكلم عن عادات الحضر راح تكون نظرتي سلبيه لها لانها تختلف عن اللي انا تربيت عليه وراح انهي الحياديه والموضوعيه بهالموضوع ..

فاعيد واكرر كل وحده تتكلم عن نفسها .. وحتى لو في حالات شاذه هذي ماتذكر .. لانها حالات معدوده وشاااااذه


وجزاج الله خير على هالمجهود ..

تقبلي رايي .. دمتي بود

اي والله كلامج عدل اهوا مو فرض سنه؟؟؟

وبعدين هذي عاداتنا يعني شنسوي؟؟ والحمدالله ماشفنا مشاكل؟؟

وأنا أقول موضوعج كلش موشي؟؟ أعذريني بس هذي الصراحه

ولو ينحذف الموضوع أحسن

 

[dr.elzain]

m3ach 7ag bkel kelma thnx

 

[0(مـــســـ(مطير)ــــــك)0]

صدقتي بكل كلمه قلتيها , الحمدلله احنا ماعندنا هالتخلف ..
والله لايبلينا فيه , صج شي ينرفز وماله معنى , مسوين نفسهم يعني كلشششششششششششششش ..
انزييييييين الاحاديث شكثرها تقول لازم البنت والريال يشوفون بعضضضض والناس نصهم ليلحين لااااااا عيب , الحمدلله والشكر ..
صج اتنرفز لما اسمع سوالف جذي ..

ردج !! شنو تخلف مافي كلمه افضل يااللي اكتشفتي الذره ووصلتي للفضاء !!!!!!

 

[0(مـــســـ(مطير)ــــــك)0]

رايج غريب عجيب !! انا ماشوف الزواج قسمه ونصيب
؟؟؟

بطلو من هالقسمه والنصيب الي ذابحينا فيها ...
ماكو شي قسمه ونصيب

كله اجتهاد من عبد الله وتوفيق وسداد من الله ^_^ سبحانه وتعالى

جنكم تقولون عن واحد تارك الدراسه وماله خلق يكمل ... والله فلان قسمه ونصيب وقف دراسه ^_^

اختي اذا الزواج والدراسه والوظيفه قسمه ونصيب اجل شنو القسمه والنصيب؟؟؟

انصحج تقرين عن القضاء والقدر .. لان واااااضح من ردج انج موعارفه هالاساسيات ..

حبيبتي اذا انا كنت ناويه اقدم على جامعه وطنشت بمقابله شخصيه وماقبلوني .. هذا مايعني ان هالشي قسمه ونصيب وربي كاتبه لي ؟؟

الله سبحانه كاتب من قبل لا اطلع من بطن امي اني راح افكر لقدم لجامعه واني ماراح احضر المقابله وانهم ماراح يقبلوني .. فهذي الاشياء مكتوووووووووووبه من قبل لانطلع من بطون امهاتنا ..

انصحج لمراجعة هالمواضيع حتى تستفيدين اكثر ..

 

[**كتكوته الحلوه**]

حبيبتي يعطيج العافيه موضوعج حييل حلو بصراحة وابد مايزعل واللله يهدي العوائل اللي جذيه وبارك الله فيك حبيبتي

 

[داريني]

كلامج عدل
وبعد الله يعينهم الي مبتلشين بالعادات وتقاليد الي ما لها صله بالاسلام

يمكن انشالله مع جيل الجديد راح يتفتحون ويلغون هالعاده الماصخه

انا والله ما دريت في ناس جذي الا لما وحده قالت لي معاي بالكليه
شهقت لما قلتها ريلي بيمر علي اليوم حزتها كنت مالجه واهيه بعد مالجه
وقالت امبيه وامج وابوج يدروون
قلت لها اي شكوووو ما يدرون
قالت عادي يعني تطلعين معاه
والمهم عرفت انه ما تشوف الا ليله الدخله
بس سؤالي الي جربت هالشي
شلون شعورج واحد ما تعرفينه بيوم وليله شسموونه يصير بينكم مووو صعبه ؟

 

[kekat kakaw]

تذكرت ساااالفه


عندي وحده من زميلاتي بالدوا اخوووها ماااااااالج على بنت جيرانهم 6 سنوااااااات و كل ماا دقوا قالووولهم متى بتحددون العرس يقول السنه اليايه


لما حس انه زااادوااا الجيله و كل ساع داااقين و البنت كل ما يووها ناس قالوا مالجه و لا عطاااهم مهر و لا شي قام الريال و طلقهاااااا لأنهم تانجروا ويااااااه


يعني اشذنب البنت مسكينه راح عمرهاااا مملوكه لشخص ما يعرفها و لا تعرفه عشاااااااانهم معارف املجوا و يوم زهق ماله خلق يتزوج ما كون نفسه طلقهااااااااااا


الله المستعان

 

[أمواج البحر]

تـــنــــبـــيــه لـــجــمــيــع الـــعــضــوات

الرجاء احترام صاحبة الموضوع

واحترام الرأي الاخر وعدم تحويل الموضوع لمسار آخر

 

[Om eL-3a9aGeeL]

برااافوووو علييييج والله قلتي اللي بقلبي

انا بعد استغرب انه في بنات عندهم عيييب تكلمه وقت الملجة !
يعني مو شي اهلها فارضينه عليها .. لأ حتى اهيا مقتنعة فيه .. يعني جنهم محرمين شي حلااااال ومصرين عليه !!!

وأصلا بالخطبة حتى قبل كتب الكتاب
يجوز انه الخاطب يشوف خطيبته بس يكون معاها محرم ..

فـ شلون في ناس مالجين وعيب يشوفون رياييلهم =/

أما على خاتمتج الفكاهية

خخخخخ مت مت من الظحك وانا اقرا

يعطيج العافية ديفا =) !

 

[غريبه وقريبه]

فديتكم بنات
يارب الله يكتب لكم الخير


حياتي الي تقولين الاهل
بالفعل انا ذكرتهم وقلت اهم يمكن ما يقتنعون لو شنو

علشان جذي قلت في وااايد شيوخ دين يقنعون الاهل
منهم الشيخ احمد القطان و غيره وايد


و الي قالت لي حرب شنعاء لووووووووول فديتج حياتي انا عارفه هالشي لكن ما في شي من كلامي غلط
و علشان جذي اقول انا نصحت و بلغت و علمت و ياااارب يفيد
و اذا ما عجب البنات و زعلوا مني باجر ان شالله بتنفتح عيونهم و كله عند ربي


بنات ترا السالفه واااااايد كبيره مو شي بس لازم اسويه
شلون شلون جذي !

بالترفيهيه و يدقون عليها ملجتي !!
انزين و لو مو موافقه
يدش عليها بالحرام ؟؟؟ لان الزواج لا يتم الا بالقبول و الموافقه
و عيالها حرام و حياتها معاه حرام ؟؟

هلا اختي ديفا
لا تقولين حرااااااام العيال والحيااة الزوجيه < لأنه زواج شرعي
وانا مع هالعااده وضدهاا كل شي له سلبيات واجابياات
نفرض اني دريت اني انخطبت ومن عادتناا ان البنت ماتعرف شباب العايله
ف راح ترجع لأهلها واخوانهاا وبيسألوون ألخ
اذا اوكي بيقولون زيين والام ولا الاخت الكبيره تقول للبنت
وتستخير البنت وتتم الموافقه < هذا حال اغلبية القباايل والمتفهميين
ويجي يملج يشوف صورتها واهي تلحق ولا ماتلحق من دريشه
ولا تشوف صورته بعرس اخوانها او خالها او عمهاا < يساعدونها بنات عايلتهاا :eh_s(6):
وتجهز وتشوفه ليلتهاا وربج يألف بين اقلووبهم
وشلون عااشوو اياام جدي وجد جدي < ماكان في تلفوونات ولااا سييايير
بس اللي تغيير : النااس قامت تطالع لفووق وتبي تغير كل شي
واطبوع النااس من ناحية البنت ولا الشااب
عيووب هالزوااج : لما يكون عشان ام ولا أب وفشله ومايقدرون الصبي ولا البنت
وعيبه لماا يكون في فرق بالعمر كبير وما يتكافئون بالفكر
وعيبه لما يكون واحد من الزوجين طريقة تعامله غريبه ولا فيها من قلة الادب
ووممكن يكون العيب مو فيهم بأهلهم وينظلم هالزوااج
والله يوفقني ويوفقكم ويستر على المسلمين والمسلماات ​

 

[~*~الملكة~*~]

بنات الله يهديكم اشفيكم قمتو تسون اقتباسات وتهاجمون البنات

كل واحد وله رايه الي خاص فيه

ديفا ماشملت كل البدو تكلمت عن فئة معينة

والي قاعدين يهاجموون ترا مو كل البدو نفسكم

انتو تدروون القبيله الف عايله فيها وكل عايله تقاليدها تختلف عن الثانيه

احنا بدو بس عندنا عادي اذا انتوا عندكم مو عاادي كيفكم والله يهنيكم وثبت عليكم

عاداتكم وتقاليدكم

كل شي له عيوبه ومزاياه

الموضوع وايد عاجبني وخصوصا صاحبة الموضوع متكلمة بكل موضوعية ومنطقيه

تكلمت عن حالات موجوده بواقعنا مو كل الناس تحصلهم هالمواقف بس ماننكر

ان في مواقف حدثت

انتوا مابيدكم شي تغيرونه ندري الشور عند الرياييل

بس باجر انتوا راح تصيرون امهااات وبتربون اجيال راح يكون لكم ايد في تغير اشياء وايد


الموضوع هذا وايد ساعدني بافكار حق زواج اخواني قاعده اقول لو خطبنا حق اخووي من عايله

عندهم من هالعادة شلون راح نتصرف معاهم !! شلون بيتفاهم مع زوجته اكيد بنصر على المكالمة والزيارات

واذا مارضوا شلون راح نتصرف <<<الي تعرف احد بمر بهالموقف ياليت تقول الموقف


كل يوم قاعده امر على الموضوع واقرا القصص الي يحطونها البنات الواحد يتعلم ويوعى حق امور

يجهلها لايصير جذي الهجوووم حرام احنا نبي نستفيد لاتخربون علينا ولاتقلبون الموضوع حزازيااات

 

[softlady]

انا مابي اهاجم احد لان كلنا اهني خوات بدو وحضر

بس بنات احنا نتكلم عن ظاهره مو قصدنا نضايق احد وهالقسم ياما وياما تكلم عن ظواهر مختلفه وفئات من الناس مختلفه


يعني احنا خواتكم ونسولف معاكم مافيها شي


اليوم رفيجتي بالدوام تقولي سالفه اخوها ان عمره 33 وموراضي يتزوج يقول انا بضل عزوبي ولا اتفاجأ فيها بالكوشه


بنات ترى كلمه على البر اهي فعلا افضل لان اعرف هالانسان ولو شوي منه طريقته بالكلام او او افضل من ان اكمل حياتي مع انسان وعندي بيت وعيال ومسؤوليات وساعتها بتحمل واسكت


اما ان ما يطلق عشان عيب فالبنت واي بنت ماترضى ان تعيش مع واحد مو طايق يشوف ويها اكيد كرامتها ماتسمح وهو وده يطلق بس ما يقدر


بنات ترى من اهني تيي الخيانه الزوجيه لان ماكان فيه اختيار واقتناع وحوار من قبل

وبعدين ترى العلاقه او الحب بالاصح بين الزوجين يمر بمراحل اول شي نظره وحوار واعجاب وحب وعشره ومن ثم تدبيسه لاخر العمر:dddds:


فاذا تم الزواج بدون هالمراحل لو انا مثلا بهالموقف بعيش وياه وانا ادري ان يمكن بعد سنه والا سنتين يحبني لان مابيني وبينه حاليا الا العقد والعيب وان اسمه زواج والسلام

بس والله اذا كلمته وشفت ويهه الحلو وطلع من بيتنا وقعدت ادعي ربي يارب تمم علي وبعدين ملجنا وسوالفنا احس وانا بالعرس في ألفه في ود شويه على الاقل خشته عاجبتني وهو بعد خذاني وهو عارفني وشايفني



واذا والله صاربينهم شي بالملجه يكون بأختيارهم مو يهال اهم في بنات ما يرضون وبعدين مو حرام مرته


تقبلوا رايي وارد واكرر كلنا خوات وكلامكم على قلوبنا عسل​

 

[:: Diva ::]

سوفت لووووووول
صح التدبيس لاخر العمر بعد القبول و الألفه بين القلوب
مو هااااا جنيت على عمرك تحمل


و بعد فتره تلاقين الشكاوي
يغازل
تزوج علي
ما يحبني ما يكلمني عدل
طلقني

و الى اخره !

الوقايه خير من العلاج بنات

ارد و اقول ما اعمم
و لا الي تلتزم الرؤيه الشرعيه او حتى تكلم ريلها ما راح تتشكى بعدين

 

[ĎєνiL.ĞιRL]

❤❤

❤❤


بيه شدعوه شدعوه ..

دشوا بسالفه ثانيه البنات ..

سوري برد مره ثانيه بس بما ان زادت المشاحنات وفي بعض المعترضات ..

والي تقول تبي الموضوع ينحذف وحلاتها حاله !

حبيت اقول ان :


بما أن الشريعة الإسلامية أباحت النظرة بين الخاطب والمخطوبة..

يجب أن لا تعارض هذه النظره مهما كانت الأسباب ..

والنظرة الشرعية لايقصد بها البحث عن جمال الشكل من الطرفين فقط..

ولكن البحث عن الإرتياح النفسي واستقرار و القبول في القلوب ..

وللي يقولون هاذي عاداتنا وتقاليدنا اقولهم : ( هذه ليست من عاداتنا وتقاليدنا ) ..

لا أعلم أي تقاليد هذهِ التي تُخالف ..

ما أمرنا بهِ رسول الله صلى الله عليه وسلم ..

وقول الرسول كله ماهو الا وحي يوحى كما قال الله تعالى :{ وما ينطق عن الهوى ؛ إن هو إلا وحيٌ يوحى }

اي ان الله سبحانه وتعالى اهو الي حلل هالشي واباحه للناس ..

((ألا يعلم من خلق و هو اللطيف الخبير )) يعني الله ما حلل شي او حرم شي ..

الا واهو عارف شنو الامور الي راح تترتب عليه وشنو اثرها على حياة الفرد ..

فحرام الواحد يحرم امر محلل له .. الي ما يبي كيفه لكن ان طلب الخاطب او المخطوبه هذا الامر ..

استلزم ذلك لان حق شرعي كفله الدين الاسلامي لكلا الطرفين ..

و خلو العادات الجاهليه عنكم لان هالعادات اكل عليها الدهر وشرب بعد ..

جنكم قوم قريش الله يهداكم متمسكين بعاداتهم الجاهليه ويقولون هاذي عادات وتقاليد ابائنا واجدادنا الاولين !

الي يحكم الانسان اهو الدييين الي اهو من الله سبحانه وتعالى ..

مو العادات والتقاليد الي اهي من اختراع الانسان !

وبعدين الي يقولون مايصير اطلع معاه وانا مالجه عليه او حتى اكلمه او اشوفه ..

انا بعرف هذا ما يعتبر زوجج الا اذا صار فيه عرس =\ ؟!

هذا زوجج اسمج زوجته مالجه عليه خلاص تم عقد الزواج ..

يعني انتي حلاله حتى لو يجيسج بدون عرس عادي انتي زوجته ..

بالله وحده ما تبي تسوي عرس .. شلون بالله شنو علاقتها ويه الريال الي مالج عليها ؟!

مو زوجته ؟!

فتحوا المخوخ يا ناس :eh_s(6): لوول .. !

 

[:: Diva ::]

الحمدالله ان الموضوع افاد الكثيرات
وحده من خواتي تقول الحين قامت تحسب حساب هالشغله لما بيخطبون حق اخوها
الله يرزقه ياربي ببنت الحلال الي تصونه و تحفظه


و ما في اي مبرر ان يطالبون باغلاق الموضوع او ان الموضوع مو شي لوووووووووول
لا شي و شي ونص
كلام ديننا مو خرابيط ما نبي نسمعها خلاص نسكر الموضوع !

فيها فايده لو مو لج انتي ما تبينها غيرج يبيها
و يارب يحفظكم كلكم و يوفقكم مع رياييلكم يااارب

 

[!! الواصليّـــــة !!]

ديفا يالغاليه ..
شرعاً كلامج مانختلف فيه ابد .. وترى دينّا ما شرّع حاجه والا لها حكمه ..
يعني شفتي النظره الشرعيه ..
والله والله انها كفيله في كشف المرأة والرجل لبعض !
اما يرتاحون لبعض والا العكس !
اذا الرسول صلى الله عليه وسلم قال فيما معنى الحديث ان الرجل اذا نظر الى زوجته نظر الله اليهما !!
هذا دليل ع ان النظر له تأثير ع النفس ..
،
نجي الحين للعُرف والتقاليد والعادات اللي اقولها وماعلي فيها !!
بعض العوائل يلقنون بناتهم واعيالهم العيب قبل الحرام !
شوفي كيف العُرف امسيطر عليهم ..!
..
انا اعتز بقبيلتي وأصلي ..نعم ..
.
لكنّي اتمنى ان الشرع يبقى الاول والاخير ..
..
.
*

 

[:: Diva ::]

ماشالله عليج يالواصليه
اسمج لازم يصير الواعيه