الي مجربه تلبيس الاسنان الاماميه تدش

[ام هيووونه]

يعطيكم الف عافيه على المشاركات

بس صج حرام ؟؟ مافهمت بشنو الحرام اني اعدل اسناني؟؟

 

[ام هيووونه]

بنات انا رحت لعيادة بس قالو لي لازم يبين بين السن وبين اللثه فيها زراق

ابي مكان ما يبين هالشي انا جربت القعود الي بالحكمه لبسلي اياه بدون ماتبين بس غالي شوي ومافي اقساط

لاني بسويهم مع بعض فوين تنصحوني

 

[زبــــــــدة]

انا رحت الاميري امس قالو لي تعالي الاسبوع الياي لانج يايه متاخر وقالو بنصعد لج الللثة وان ضرسي يبيله شغل وايد صاري 3 اسابيع اروح وما سوو شي الله يعين

وااااااااي عاد انا يبيلي شغل عقبها تلبيس

اول شي جراحة جذوور عندي ضرسين وعقبها تلبيس الليس جدام

وحدي خااااااااااااايفه من الجراحه

 

[@شمس الضحى@]

يمدحون العياادات التخصصيه بالعدان مالت الاسنان انا شفت كذا وحده ملبسين اسنان بورسلان فضيعه

 

[فـرفـر]

بنات انا ودي لما اشيل التقويم احط قشرة الاسنان احس تعطي منظر حلو



شوفوا هالفتوى

السلام عليكم

أختي الغالية تفضلي أجابة أستفسارج من الشيخ الدكتور عادل المطيرات حطيت السؤال في الموقع واليوم رد عليه


********************

حكم قشرة الأسنان التجميلية


السؤال /

السلام عليكم

شيخنا الفاضل ... جزاك الله خير وبارك الله لك بعلمك

سؤالي بخصوص حكم قشرة الأسنان التجميلية .. وهي أن توضع طبقة رقيقة على الأسنان تجعلها تبدو أنصع بياض كبديل عن عميلة تقشير الأسنان ... فما حكم ذلك ؟؟؟

***

الجواب /
تبييض الإسنان جائز ، لأن التبييض ليس فيه محذور شرعي ، ولأنه يهدف إلى تنظيف الأسنان من الأوساخ والأصباغ التي تؤثر على لونها ، وتنظيف الأسنان من الأمور التي توافق مقاصد الشرع الحكيم ، كما ثبت في الحديث الذي رواه النسائي عائشة عن النبي صلى الله عليه و سلم أنه قال : " السواك مطهرة للفم مرضاة للرب "
، كما أن تصبغ الأسنان وتغير لونها مما يشوه المنظر ، وفي ذلك ضرر بالغ على الشخص ، وإزالة الضرر مطلوب شرعا .
أما وضع القشرة التجميلية ، فإن كان يقتضي ذلك تحضير السن ببرده بآلات خاصة فهذا لا يجوز ، لأنه من الوشر المحرم ، ما لم يكن من باب العلاج فيجوز .
أما إن كان لا يقتضي البرد بل وضع طبقة رقيقة بيضاء على السن فقط ، فيظهر لي جواز مثل ذلك ، ويدخل في الأصل العام في حكم التبييض الجائز ، ويقيد ذلك بعدم وجود ضرر على الأسنان أو الفم ، فإن كان هناك ضرر فالحكم التحريم ، لحديث ابن عباس في سنن ابن ماجه، قال رسول الله صلى الله عليه وسلم : " لا ضرر ولا ضرار . والله أعلم .


المصدر / منتدى الفتاوي الشرعية تحت إشراف الدكتور عادل المطيرات ​

 

[ام هيووونه]

جزاج الله الف خير على المعلومات

 

[مزونة]

والله يابنات احترنا وين اروح بس بقولكم تجربتي
اول مابديت كنت بلميدان بلفروانيه عند دكتورة اسمها وفاء بس شغلها كان خوارة والله قصت لثت اختي وماقالتلها وشوهت ابتسامتها!غيرت
رحت لدكتور مروان هم بلميدان شغله زين بس يقرق بشكل مو طبيعي ويحب يسأل اساله شخصيه؟؟يعني ملقوف
ماحبيت اسلوبه
رحت لدكتور عماد ابوخاطر بعيادة الحكمه مادحينه بس الله لايوريكم ايدة ثقيله بشكل مو طبيعي
اطلع من عندة وانا متدمرة
ومواعيدهم اي كلام تجين الساعه 5تلقين العيادة مسكرة والدكتور ماوصل
تخيلي متي دخلت الساعه7وبعد هواش
كنسلته
رديت ع الميدان عند الكتور عبدلله مصري هم الكل يمدحة!؟
ماطولت معاه لانه كان يشتغل بمريضين بنفس الوقت ومايعطي المريض وقته
والله هذي معاناتي
والحين ادور عيادة ودكتور ثقه؟​

 

[miss_math]

فوووق

 

[mony 85]

انا وايد امدحولي عيادة أسنان عند الدكتور طارق انا رحتله اتحسين انه انسان فاهم كل شي وينصحج اذا في اشياء تحتاجينها والا ما تحتاجينها ابصراحه ممتاز انه بنت خالتي دكتوره اسنان اهي اللي امدحتلياه وايد

 

[AlZeenah]

اناا انشالله بحط تجربتي مع الصور انشالله

انا وايد كنت اتابع برنامج انتي اجمل على دبي وكانو يستضيفون دكتور مجد ابو ناجي وايد شاطر ويجمل الاسناان بطريقةة حلوة وتبين انه الاسنان طبيعية حييل
واهوة مسوي اسنان لجين عمران ونوال الزغبي وسعود ابوسلطان هذوول اللي شفت صورهم عندة قبل وبعد

المهم انا رحتلة دبي 28-5 وشااف اسنااني وقال شكلهم ممتاااز ومافيهم شي بس اللثة اللي تحت تعبانة
وسالني شنو اللي موعاجبني قلتلة دكتوور اسناني شكلهم عاجبني بس ابيهم بيييييييض وابي هوليوووود سمايل وابيي يصيرون اسنااني نفس الفنانات

وقالي عن الحلول الموجودة عشان اختار اللي يناسبني

المهم اناا اخترت الجلام سمايل نفس طريقة اللومنير عندنا ماايجيسون الضرس نفسة بس يلبسووونة قشرة ضعييييييييفة حيل ضعف الورقة وصلاحيته من 5-10 سنوات وهذا افضل حل واغلالالاهم

وهالتقنية موموجودة بالكويت واي احد يبي يطبق هالتقنية بعيادتة لازم ياخذ الشهادة والتصريح من 3 اماااكن
يا بلجيكا او لندن او دبي (عند د.مجد ناجي)

والفرق بينهم
اللومنير انه اللومنير سماكتة سمك العدسة (نفس اماني بلووشي)تشوفين اسنانها واااااااايد متان وبارزين
الجلام سمايل وااايد الطبقة ضعيييفة سمك الورقة

وانشالله بروحله شهر 7 عشان اركبهم وبكتب تجربتي كااملة
واي سؤال اناا حاظرة

 

[روحي تحب]

اناا انشالله بحط تجربتي مع الصور انشالله

انا وايد كنت اتابع برنامج انتي اجمل على دبي وكانو يستضيفون دكتور مجد ابو ناجي وايد شاطر ويجمل الاسناان بطريقةة حلوة وتبين انه الاسنان طبيعية حييل
واهوة مسوي اسنان لجين عمران ونوال الزغبي وسعود ابوسلطان هذوول اللي شفت صورهم عندة قبل وبعد

المهم انا رحتلة دبي 28-5 وشااف اسنااني وقال شكلهم ممتاااز ومافيهم شي بس اللثة اللي تحت تعبانة
وسالني شنو اللي موعاجبني قلتلة دكتوور اسناني شكلهم عاجبني بس ابيهم بيييييييض وابي هوليوووود سمايل وابيي يصيرون اسنااني نفس الفنانات

وقالي عن الحلول الموجودة عشان اختار اللي يناسبني

المهم اناا اخترت الجلام سمايل نفس طريقة اللومنير عندنا ماايجيسون الضرس نفسة بس يلبسووونة قشرة ضعييييييييفة حيل ضعف الورقة وصلاحيته من 5-10 سنوات وهذا افضل حل واغلالالاهم

وهالتقنية موموجودة بالكويت واي احد يبي يطبق هالتقنية بعيادتة لازم ياخذ الشهادة والتصريح من 3 اماااكن
يا بلجيكا او لندن او دبي (عند د.مجد ناجي)

والفرق بينهم
اللومنير انه اللومنير سماكتة سمك العدسة (نفس اماني بلووشي)تشوفين اسنانها واااااااايد متان وبارزين
الجلام سمايل وااايد الطبقة ضعيييفة سمك الورقة

وانشالله بروحله شهر 7 عشان اركبهم وبكتب تجربتي كااملة
واي سؤال اناا حاظرة

موفقه اختي وناطرين تجربتج وانشاء الله يصيرون مثل ماتبينهم واحلى بعد من( هوليوود سمايل)

 

[أبلة مرايم]

اللومينير و الفينير موجود بالكويت

 

[هبله حلوه]

وااااااااي عاد انا يبيلي شغل عقبها تلبيس

اول شي جراحة جذوور عندي ضرسين وعقبها تلبيس الليس جدام

وحدي خااااااااااااايفه من الجراحه

حبوبه انا قالولي اول شي تنظيف لثه و بعد جم اسبوع عمليه عند دكتور عبدالعزيز منو مجربه عنده بالاميري اخصائي لثه

 

[pop corn]

ابهااااااااااا موشي كلش كلش كلش ولد خالتي ركب ضرس امامي عندهم طبعا شهرين على ماوصل الضرس مادري من وين يابينه المهم عقب ماركبوه قاعد يحس بعوار يقوله الدكتور ماعليه بس اول يومين بس استمر العوار اسبوع ويوم راح حق الدكتور وفحص الضرس ولا يقولة مركبينه غلط :\ تخيلي شالوه وعطوووه موعد بعد شهرين ايي يركب اليديد واهوة اساسا مسوي حادث يعني ماعنده ضرس تحت حطوله حديده يعني شالوا الحديده والضرس تخيلي العوارر مال الشيل والحط والحين شالوا وبيركبون واحد ثاني صج الله يعينه وعلى ضري واحد خذو منه 560 دينار

وموفقة قلبي

 

[المن والسلوى]

ريلي مسوي بالميدان بس صج خرطي مو شي وقامو يعورونه

 

[ام خدود ورديه]

والله انا مجربه بعيادة الميدان بشرق اب 2300 وايد صح
بس قبل التلبيس يشيلون العصب اذا كان ضروري ويركبون تيجان
التلبيس حلو ماكو مشاكل بس اللثه وايد اتصير زرقه وبعدين يرد لونها الطبيعي وبعدين تصير زرقه مادري منو شنو
واول ماركبتهم كل بين فتره وفتره يطيحون واروحلهم صج تاذيت بس يمكن ضروي كانو ضعاف لانهم لازم يتبردون
فعشان جذي حطولي براغي
واسم الدكتور محمد دياب

 

[koosa]

بنات بسألكم اذا انا بسوي برد حق الظرسين اللي جدام و بعدين اسوي تلبيس يصير ولا لا؟؟

اخاف يقولونلي ما نسوييلج برد ؟؟؟

 

[ام هيووونه]

ناطرينكم تبلغونا بالي يصير معاكم

 

[STOP SHAYOO5A TOP]

up up up

 

[ضايعه بالزحمه]

والله يا عزيزاتي انا مسويتهاا بعد

من شهر 9- 2008

كان اسناني الفوقيه فيهم شويه اعاقه ههههههههه يعني كانوو عندي اسنان الارنب طوال شويه والاسنان اللي يم اسنان الارنب كانو حيل قصاااار بشكل ملحووض وفووق هذا الاانياب كانوو حيل حادييين وطبعااا اسناني الاماميه فووق مااهياا طويله وصايره جنها اسنان ارنب كانو فيهم فرق بالنص بعد والاسنان كلهم مساحتهم صغيره يعني اللثه حيل مبينه عندي ولما اضحك كان الله لا يورييكم حيييل اللثه مبينه وعاااد الله بالخير ماكو شفايف من فووق بعد يعني ماكوو شي يساعد

رحت وقف ابملعووم الدكتوور اهوا يحاول يحط لي تقوويم وانا مصره اني اسوييهم تلبس وارفع اللثه عااد سوالي اللثه اول مره عاد قالي لازم يلتحم الجرح بعدين اقدر اشتغل على الاسنان عطاني موعد بعدها بشهر ___ بس طبعاا مو كل هالمده بس لانه الدكتور كان مساافر فاعشان جذي قالي نطريني عقب شهر وقعدت ونطرته حتى بعدين قالي هااا لي اللحينج ما اقتنعتي بالتقويم ( عاد انا بيني وبين نفسي قلت اذا فيه تعديل سريع ليش احط تقووويم واخب عمري 6 شهوور او سنه وعوار راس
بعدين اللي سوالي يااه انه الاسنان الجانبيه طولهم لي بالتلبيس والانيااب بردهم وخفف من حدتهم والاسنان الاماميه بردهم وقصرهم وخله اسناني صفه وحده وطبعاا انا احتجت رفع لثه للمره الثانيه بالكهربااا وصكر الفرق اللي كان بين الاسنان

على فكره بنات سوالي التلبيس من غير لا يبرد لي اسناني او يحط معدن داخلي ولا اي شي قالي اذا شلتي اللي سويته لج راح تشوفيين اسنانج القديمه ( هذا في حال كنت ابي احط تقويم او اي شي ثاني )
واللون مو طبيعي فعلاا عجيب مع انه الحمدلله انا اسناني ناصعه البياض بس انه اللون صار واحد مافييه اي اختلاف عن اللون الطبيعي ولا ريحه خايسه ولا اي شي والحمدلله كاهم مثل ما اهمااا عجيبييين وانا مستانسه فييهم وصايرين صفه وحده واهم شي عندي اني افتكييت من اسنان الارنب اييه وطبعاا تفخت شفايفي واللحين اللثه كلش محد يصدق انه ابتسامتي القديمه كانت لي حتى اللون ما تغير ولا اي شي مع اني اشرب بيبسي وشاي بشكل ادمااان بس الحمدلله