تقرير رحلتنا ل ( بـلجـــــيكا ) فضلووووا :))

[غلا فهد]

مشاءالله تبارك الله خووووووش رحلة عليكم بالعافية

 

[طوق البنفسج]

عليج بالعافيه

انا رحت بروكسل و انتويرب و كان هوااااااا عفسنا و بروج و مدينه رابعه نسيتها لول

احلاهم كانت بروح اتهبل راقيه وايد حبيتها

 

[far007a]

يتبع باريس

طبعا قعدنا اغلب الوقت في الباص السياحي
عند برج ايفل في مغربيين يسوون لج فطيرة فيها كاكاو نوتيلا وموز لذيييييييييييييييذة
مرينا على اهم المعالم السياحي

وبعدها وقفنا عند سوق اللافاييت .. هالصور من النت لان نسينا التصوير في السوق

اذا شريتوا اي شي لا تنسون تاخذون التاكس فري لاتنسون التاكس في اي مكان
وبعد هالسوق رجعنا ركبنا الباص السياحي ورجعنا
لعند قوس النصر وكملنا تسوقنا في الشانزلزيه

ودخلنا محل اديداس حق اخوي وبدع فيه
واكيد مرينا على محل سيفورا طبعا فرررق عن الكويت

وبعد هالتسوق والتعب تغدينا عند بيتزا بينو

بصراحة مو ذاك الزود زحمة على الفاضي ما انصح
كنا ميتين يوع عقب المشي

وبعد هالغدا خلص وقتنا في باريس
ورجعنا بالمترو اللي عند قوس النصر الى محطة النورد ونطرنا قطارنا المتجه الى بروكسيل (الميدي)
القطار بالرجعة

و رجعنا حاملين ومحملين مشتريات من باريس عاصمة الموضة
وصلنا بروكسيل ومن الميدي رجعنا بالمترو للويزا وبعدها لفندقنا

وهذا بالفندق عقب التعب هالتوت لعيونكم

يتبع رحلتنا الاخيرة لمنطقة بروج و الكاكاو​

 

[لوللي]

فروووحة تقريرج روعة
كملي بانتظارج على أحر من الجمر​

 

[white**angel]

وااو عليج بالعافيه

 

[Lemon Juice]

ما شاء الله خووش تقرير

متابعينج

 

[أم@الحلوين]

متابــــــــــــــعه

بغيت أسألج شنو التاكس فري ؟؟ ومن وين اخذه؟؟

 

[far007a]

مشكوووورين حبايبي على الردود

بالنسبة لسؤال تذكرة ديزني تذكرة القطار 70 د.ك وكانت وقتنا اخذناها غالية
وتذكرة دخول الدزني 25 حجزناها مرة وحدة من المحطة


نكمل للرحلة الاخيرة لمنطقة بـــــــــــروج

انصحكم في هالرحلة طبعا احنا حجزنالها من ثاني يوم من مكتب سياحة في الجراند بلس
الباص ايي لي للفندق الصبح واخذنا لبروج

المدينة هادية ونظيفة والجو كان روووعة وكانت كلها ممرات مائية
اول ما وصلنا مرينا على محل كاكاو عجيييب وشرينا وايد وشرينا هدايا وخليناهم بالمحل بالرجعة اخذناهم
وكملنا رحلتنا مع القايد
واجرنا مركب تمشينا بالممرات المائية كانت حلوة ورومانسية
وهذي الصور

بعدها تغدينا بمطعم بس تأكدوا من انه حلال لان كل مطاعم بروج مو حلال
وتستخدم الكحول في اطباقهم حرصوهم على هالشي

وبعد الكاكاو حرصوا ان بدون كحول

وخلصت رحلتنا الهادية والحلوة لبروج
ورجعنا الفندق
وهذي حصيلة مشترواتنا من الكاكاو

وبجذي خلص تقريري عن بلجيكا

اشوفكم على خير و اي استفسار انا حاضرة

بالنسبة لباقي الايام قضيناها في السيتي تو و شارعنا اللويزا وبصراحو بلجيكا حلوة وايد وسوقها الاحلى

ياريت استفدتوا من تقريري ​

 

[far007a]

متابــــــــــــــعه

بغيت أسألج شنو التاكس فري ؟؟ ومن وين اخذه؟؟

ياهلا بام الحلوين

بالنسبة للتاكس فري اهي ان اذا شريتي اي شي من محل في اوروبا
تكون البضاعة عليها ضريبة فاذا رجعتي المطار تعطينهم فاتورة البضاعة
اللي شريتها ويرجعون لج مقدار الضريبة اللي دفعتيه

احنا شرينا اغراض من باريس واستردينا الضريبة من مطار بروكسيل
وكان مبلغ حلو بس اهم شي خلي جوازج معاج

 

[white**angel]

الككاو حده حده يشوووووووووووووووق
عليكم بالف عافيه

 

[احلى توتا]

الله يسعدك يا فروحه ويارب ايامك كلها سعاده وسفرات (وتقارير)
مرررره تقريرك متعوب عليه وممتع وان شالله تتم اموري املك قريب واروح مع شهر العسل هناك
وترى صوره الورد مررره تجنن
وسوري على الاطاله

 

[أم@الحلوين]

ياهلا بام الحلوين

بالنسبة للتاكس فري اهي ان اذا شريتي اي شي من محل في اوروبا
تكون البضاعة عليها ضريبة فاذا رجعتي المطار تعطينهم فاتورة البضاعة
اللي شريتها ويرجعون لج مقدار الضريبة اللي دفعتيه

احنا شرينا اغراض من باريس واستردينا الضريبة من مطار بروكسيل
وكان مبلغ حلو بس اهم شي خلي جوازج معاج

يعني اهو فاتوره المحل بس ولا حتى المطاعم؟؟ واحتفظ فيهم ومتى اعطيها اياهم؟

 

[bambena]

ام الحلوين مو اي شي

بس الاشياء الغاليه لهم ليميت معين اذا شريتي فيه يسوونلج دي تاكس

ويسالونج بالمحل تبين ندزلج الفلوس ولا تاخذينهم بالمطار طبعا اخذيهم بالمطار لان ماراح يوصلج شي

وبالمطار حسب الوضع ساعات الا يبون يشوفون الشي اللي شريتيه وساعات يطوفون ما يشوفونه مع اوراق الدي تاكس يسويها لج المحل والفاتوره

 

[bambena]

فروحه حمدلله على السلامه ومشكوره على التقرير الحلو

عورتي قلبي على باريس وبروج

 

[الكادي 1981]

يعطيييج العااافية تقرير أكثــر من رااائـــع

 

[نجمه*]

وااااااااااو روعه الصراحه


متابعينج

 

[ShoSho_4]

مشكوره حبيبتي ما قصرتي الرحله حدها تزوغ وباريس صج عاصمة الموضه اتينن تبارك الرحمن عليكم بالف عافيه

 

[ShoSho_4]

مشكوره حبيبتي ما قصرتي الرحله حدها تزوغ وباريس صج عاصمة الموضه اتينن تبارك الرحمن عليكم بالف عافيه

 

[ام نواره]

مشكوره على التقرير الرائع وان شاالله تستانسين بكل سفراتج ونشوف تقاريرج الحلوه

 

[وداعيه]

يعطيج العافيه حبوبه .. خوووش ديره بصراحه