اتمنى تنظيم هالقسم

[هيااا]

اول شي ابارك لكم ياكويتيات بافتتاح هالقسم الجديد

واتمنى اضافة رابطة دودات الكتب لهذا القسم الجديد وترتيبه اكثر وتقسيمه الى اقسام مثل

قسم الكتب الدينية ،،،، قسم الرويات ،،،، قسم خاص للكتب الاكثر مبيعا في العالم ,,, قسم معرض الكتاب ويختص بمعرض الكتاب واجنحته والكتب اللي تنباع فيه واقسام منوعه اخرى

ومشكورين

 

[Lady^bird]

صح كلامج حبوبه .. علشان اللي يبي شي بسرعة يلاقيه

 

[Eng.shosha]

عدل كلامج ..

ومبروووووووووك افتتاح القسم

 

[Om eL-3a9aGeeL]

القسم توه يديد ومواضيعه تنعد عالأصابع على اي اساس نفتح اقسام ثانية ؟!

خصوصاً انه القراءة مو اهتمام الكل كلنا ندري انه في عزوف كبير عنها .. فـ نشاط هالقسم راح يكون محدود يعني مو 100 موضوع باليوم عشان نفتح اقسام تنظمه

:

وبالنسبة حق رابطة دودات الكتب
حتى انا اقول الأحسن لو ينقلونها هني اهيا ورابطة القراءة الحرة ..

 

[هيااا]

القسم توه يديد ومواضيعه تنعد عالأصابع على اي اساس نفتح اقسام ثانية ؟!

خصوصاً انه القراءة مو اهتمام الكل كلنا ندري انه في عزوف كبير عنها .. فـ نشاط هالقسم راح يكون محدود يعني مو 100 موضوع باليوم عشان نفتح اقسام تنظمه

:

وبالنسبة حق رابطة دودات الكتب
حتى انا اقول الأحسن لو ينقلونها هني اهيا ورابطة القراءة الحرة ..

اختلف معاج حبيبتي والاختلاف في وجهات النظر لايفسد للود قضية وعسا الله يديم الود بينا جميعا

بالنسبة انه مو اهتمام الكل وانه في عزوف كبير بالعكس لو تلاحظين ترا موضوع واحد فقط عن الكتب والقراءه وهو دودات الكتب للأخت Little_Queen ماشاء الله تبارك الرحمن
وصل ل 124 صفحة
و2،461 رد
و 26،007 مشاهدة للموضوع
وهو بس موضوع واحد تشوف لهفة البنات والردود اللي فيه والكتب والقصص وترا فيه عشرات المواضيع المختلفة من كتب وقصص بمختلف الاتجاهات ( باكثر ماقريت عن كتاب مدحوه وركضه لجرير )

لو تم تقسيم هالموضوع الى اقسام مثل منتدى خاص ويقسم لأركان مثل منتدى الأناقة والجمال اللي مقسم لاركان ركن العناية بالبشرة وركن الشعر ...الخ

ينقسم هالمنتدي الخاص الى ركن الكتب الدينية ـ ركن الكتب الثقافية ، ركن الروايات

او يقسم الى منتديات فرعية مثل الكمبيوتر والبرامج اللي مقسم الى منديات فرعية

الهدف من التقسيم اول شي التنظيم
ثاني شي سهولة الوصول للموضوع اللي تبينه ومتابعتج له
ماراح يطوفج موضوع اذا كنتي متابعة القسم اللي مختصه فيه​

 

[Om eL-3a9aGeeL]

اوكي مافيها شي اذا تقسم

لكن مو ببداية القسم .. توه بذرة ومحتاجة نسقيها
لما تصير المواضيع اكثر نشوف القارئات أكثر وكل شي يسيح على بعضه راح اكون متفقة معاج بانه نحتاج قسم يديد ينظم "نادي الكتاب"

وانا معاج صح دودات الكتب لقى اقبال كبير وانا احب هالموضوع
بس الاقبال اللي عالقراءة والكتب نفسه الاقبال عالمكياج وسوالف الشعر ؟! ماعتقد
وانا لما قلت عزوف مو بس قصدي عن المنتدى المجتمع بكبره عازف عن القراءة خير شر

وتصدقين حتى انا كل ما مدحوا كتاب كتبت اسمه عندي ولما يمعتهم ورحت جرير ما لقيت الا جم واحد حسافة مو كلهم موجودين خخخخ

وشكراً

 

[بمبة المفترسة]

ما أؤيد تقسيم القسم جذيه احسن واللي يبي شي عنده قوقل
او خاصية البحث في المنتدى وخلصنا اما دخلي بقسم وطلعي من قسم دووخة

 

[هيااا]

اوكي مافيها شي اذا تقسم

لكن مو ببداية القسم .. توه بذرة ومحتاجة نسقيها
لما تصير المواضيع اكثر نشوف القارئات أكثر وكل شي يسيح على بعضه راح اكون متفقة معاج بانه نحتاج قسم يديد ينظم "نادي الكتاب"

وانا معاج صح دودات الكتب لقى اقبال كبير وانا احب هالموضوع
بس الاقبال اللي عالقراءة والكتب نفسه الاقبال عالمكياج وسوالف الشعر ؟! ماعتقد
وانا لما قلت عزوف مو بس قصدي عن المنتدى المجتمع بكبره عازف عن القراءة خير شر

وتصدقين حتى انا كل ما مدحوا كتاب كتبت اسمه عندي ولما يمعتهم ورحت جرير ما لقيت الا جم واحد حسافة مو كلهم موجودين خخخخ

وشكراً

مو حلو انطر لما كل شي يسيح على بعضه ،،،، ترا حلو التنظيم والترتيب
اما الاقبال على القراءه مو نفس الاقبال على المكياج وسوالف الشعر ترا هم الأقليات لهم رب مع اني ما اشوفنا اقليات بس متاكده راح يكون لنا تأثير وراح نقلب موازيين المنتدى هههههههههههههههههههه ( متابعة انتخابات ايران - عسا الله يشغلهم بأنفسهم ) هههههههههههههههههههههههههههههه

وعلى طاري جرير رحت لهم باخذ مجموعة من الكتب وقلت آخذ كتاب السر عندي نسخه منه بس مأذيتني اختي تبيها وقال لي الموظف مو موجود وانتي رابع وحده تسأل عنه اليوم قلت بقلبي اكيد هذولا بنات المنتدى مادحين الكتاب امس وطار من جرير هههههههههههههههههههه

أخت بمبة

قوقل حته وحده هههههههههههههههههههههه بعدتييييها حييييييييييييل الله يهداج
وبعدين ترا الدوخه في الحوسه مو بالتنظيم

ويسلموااا عالمرور

 

[عنيّد]

اتفق مع الاخت Om eL-3a9aGeeL ،، القسم توه ببدايته ومايحتاج انه يتقسم ، والاسباب الي ذكرتها كافيه

ملاحظة ثانية ،، بالنسبة لعناوين المواضيع بهالقسم ، بالأخص عناوين المساعدة او طلب كتاب ، ياريت المشرفات يغيرونهم وينوهون على ان العنوان لازم يكون واضح ، لا باجر نشوف نص عناوين القسم مثل : مطلوب كتاب ، ساعدوني بكتاب ، وين احصل هالكتاب ....الخ
لو يكون العنوان كامل مثل مطلوب كتاب كذا كذا عشان الواحد من العنوان يشوف اذا يقدر يساعد او لا من غير مايدخل للموضوع