مقلوبة ربيان
المكونات : كيلو ونص ربيان مقشر + ثلاث حبات بصل مقطعين صغار + ثلاث حبات طماط مقطعين كبار + حبه من الفلفل الرومي الاخضر + ثوم وزنجبيل مهروسين + ملعقتين طعام معجون طماط + شدتين كزبره وشبنت مفرومين + بهارات كاري وكزبره وبهار السمك وملح + نص كوب ماي + ملعقتين طعام منقوع الزعفران
الطريقه : نخلي الربيان بماي مغلي لمدة خمس دقايق + تالي نحط شوية زيت بالمقلاه ونشوح البصل ونضيف الثوم والزنجبيل ونخليه لين يذبل البصل وتالي نضيف الكزبره والشبنت والبهارات والملح ونحمسه عدل ونضيف المعجون وتالي نضيف الطماط والفلفل ونخليه لين يذبل الطماط ونضيف الربيان ونحمسه شوي ونضيف عليه نص كوب ماي ومنقوع الزعفران ونخليه على نار هاديه تقريبا ٧ دقايق ونسلق الرز ثلاث ارباع سوا ونصفيه ونحط شوي زيت بقاع الجدر ونصف عليه حلقات من البصل وحلقات من الفلفل الرومي الملون الاخضر والاحمر ونحط عليه خلطة الربيان واخر شي نحط الرز المسلوق وحط فوق الرز ٣ ملاعق طعام سمنه ومنقوع الزعفران ونضغط عليه ونخلي حديده تحت الجدر ونخليه على نار عاليه لمدة خمس دقايق وتالي نخليه على نار هاديه مدة ٤٠ دقيقه و وقت التقديم نقلب الجدر ونقدمه وبالعافيه