‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
جريش الشوفان بالدجاج
بطريقتي السهله والسريعه والخفيفه
الاجمالي ٣٦٠ سعره حراريه
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
قبل لا نبدي نجهز الشوفان طول الليل
او قبل الطبخ بساعتين اقل شي
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
ننقع الشوفان بماي مع عصره ليمون ونغطيها ونخليها بالثلاجه
بعد انتهاء الفتره نشطف الشوفان بالماي
ونشيل منه البقايا ويكون جاهز
بهالطريقه ونكون تخلصنا من حمض الفاتيك اسيد
الي يضايق معدتنا مع الحبوب والبقوليات دايماً

١/٢ كوب شوفان ١٩٠ سعره
١١٠ جرام صدر دجاجه ١٢١ سعره
٢ ملعقه طعام معجون طماط ٢٦ سعره
١/٢ ملعقه صغيره زيت زيتون ٢٠ سعره
بصل مجفف او بصله صغيره مفرومه ناعمه
ثوم مجفف او فص ثوم مهروس
فلفل اسود
ملح بحري
شبنت مجفف
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
اول خطوه جهزوا صدر الدجاجه نطبخها بالبهارات والبصل والثوم
لما تستوي نحتاج ماي الدجاج لطبخه جريش الشوفان
لان النكهات كلها فيه
نبتدي بالتدريج……..
بجدر صغير نضيف زيت الزيتون والبصل والثوم
نقلبهم عدل بعدها نضيف الشوفان ونقلبه عالسريع مع اضافه
معجون الطماط والفلفل الاسود والملح والشبنت المجفف واخر شي الدجاج بعد ما نكون قطعناه صغار صغار بايدنا
نضيف اخر خطوه مروق الدجاج ونخليهم يطبخون مع بعض
ومع التحريك علشان ما يحترق من تحت الشوفان لما يقرب يجهز
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
وبعد ما يجهز قدموه مع اي شي تحبونه
انا احبه مع صلصه التمر الهندي (الصبار)