وصفه المحار المنكه بالزبده والثوم والليمون
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
ما حسبت السعرات لان الكميه للعايله كلها ☺️
بس بشكل عام لا تحاتون السعرات
لان الاكل البحري حده خفيف ومفيد
وحتى الزبده صفيناها وخذينا بس المحار
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
زبده
ثوم مهروس
قشر ليمون مبشور
بقدونس مفروم
ملح بحري
صلصه ترياكي (زنجبيل)
دبس الرمان
فلفل اسود
بودره الثوم بالفلفل
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
الطريقه حيل حيل سهله ما تاخذ منكم وقت بالاعداد
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
بجدر نحط الزبده ونذوبها بعدها نضيف الثوم المهروس ونقلبهم
ما نخلي الثوم يحترق لان محتاجين نكهته مع المحار
نضيف بشر الليمون ونقلبهم بعده البهارات والصلصات
نضيف بعدها ماي شوي حوالي كوبين ونضيف المحار معاهم
كل شوي نغطيه وبعده نشيل الغطا ونقلبهم ونرجع نغطيه
وبعد دقيقه نقلبهم… نستمر حوالي ٥ دقايق لما تشوفون حبات المحار كلها تفتحت وتشربت التتبيله
ضيفوا البقدونس المفروم وقلبوه بسرعه مع بعض
اخر شي شيلون بمصفاه بدون الماي وقدموه بالصحن مع عصر ليمون عليه
وعليكم بألف عافيه ☺️👌🏼،
ما توقعته بهالسهوله بيكون الكل عجبه حيل